By 芳姐 ( 17 9 月, 2010 at 7:30 上午)
· Filed under 小兒常見病
近日開學後很多小朋友患上感冒,皆因天氣還十分熱,但乘搭校巴或交通工具的空調却開得太冷,幼稚園課室的亦是有空調的,一個不小心就容易着涼,患上風寒感冒了.
風寒感冒的特點是惡寒重,發熱輕,無汗,頭痛,時流清涕.今次介紹這款湯簡單易者,味道又佳,對風寒感冒,伴有咳嗽的患兒很有幫助.
用料是: 生薑5,6片,葱白4條,梨2個(水晶梨,豐水梨1個就夠),雞蛋1個.
做法: 生薑,葱白洗淨;梨去皮,去核,切厚片;先將生薑,梨片用碗半水煮20分鐘,加入葱白及蛋漿,大滾片刻即可供飲.趁熱服,服後蓋被休息,汗出後不適症狀即減.
~ 小貼士: 此湯大人,小孩都可服,尤其是體質較差的小兒,有解表理肺的功效.
Permalink
Hello芳姐,我仔仔就快7個月, 咦幾日流鼻水.. 成5日都未好返..
有無咩可以煲比佢?唔該哂
Kelly:
你可以用洋葱1個,蒜瓣4,5粒,3碗水煮15分鐘供仔仔飲,有助殺菌,防治傷風,感冒.如鼻水很多,用辛夷花5朵,碗半水滾5分鐘供服,有助收鼻水.
芳姐，我仔成日都會冷親流鼻水有咩湯水可以預防及收鼻水
Shirley:
你可以去裕華或農本方買[玉屏風散沖劑],每次用1包,加6朵拍碎辛夷花一齊沖泡,一星期2~3劑,有助增强體質,減少傷風,感冒,並能收鼻水.
芳姐請問我個仔2歲都可以飲呢個沖濟
Shirley:
玉屏風散主要材料是北茋,防風,白朮3味藥,幼兒可服.
Anly:
你可用辛夷花6朵,拍碎麥冬3錢,甘草4,5片泡茶供服,連服3劑.
芳姐，你好！
请问小朋友鼻涕稠黄鼻塞带有少少干咳煲咩饮好啊？多谢！
KBOY:
你試用蘇子,萊菔子各3錢,紫蘇葉2錢,辛夷花6朵,4碗水煮成2碗供服,有助化痰止咳,收鼻水.
芳姐，你好!
小朋友兩歲半咳流鼻水斷斷續續一個啦，食西藥好少少，隔幾日又有返，試過洋蔥水好少少，但清唔到。晚上咳比較嚴重，有痰，白鼻水，謝謝你幫忙
Mandy:
這款湯兩歲小朋友可以飲.服西藥後2小時飲較理想.
芳姐，你好！
請問這款薑蔥梨蛋湯，發微燒，傷風，咳，有少少喉腫是否都可以飲？我bb兩歲，我氹唔到佢食藥，迫佢食又嘔。我只能將退燒藥落偷偷在果汁內，小朋友食了西藥使唔使隔幾小時先可飲此湯？
明白，謝謝妳
cubi:
如仔仔尚有鼻水,可以服多3劑.雲苓,白朮,扁豆衣水不用放瘦肉都得,4碗水煮半小時成2碗供服就成,連服3劑.
謝謝芳姐，請問煲些雲苓,白朮,扁豆衣水供服,各用3錢. 需要煲幾耐架？需要落瘦肉嗎？謝
芳姐，唔好意思，仔仔鼻水已經明顯少左好多，但仍然仲有少少…請問3劑之後係咪繼續滾俾佢飲？謝謝
Cubi:
大便黏膩表示濕重,可以煲些雲苓,白朮,扁豆衣水供服,各用3錢.
芳姐，你好,兒子今日服第二劑，佢服後情況有改善，大便有點黏黏杰杰咁，跟住鼻水就明顯少左喇，謝謝你幫忙
好呀，我試試，謝謝
芳姐 你好，我兒子1歲大，最近返學後曾經發燒燒左幾日，之後好返兩日，又有鼻水，好多鼻水，最初好清，尋日有啲帶黃色，結既鼻水，但冇其他唔舒服，有半夜有時咳一兩聲，我聽到佢啲鼻水聲好似塞住響鼻度咁…請問可以飲咩湯水呀？
十分感謝：）
CUBI:
你試用辛夷花5朵滾瘦肉湯供服,連服3劑,看能否改善?
你好芳姐 仔仔17個月 上月因感冒引致扁桃腺發炎 感冒後一星期又因鼻水倒流引致中耳炎 故食左兩次抗生素 但發現體質差了 近日又傷風加幾聲咳 但擔心鼻水問題容易引致中耳炎（醫生說感冒容易翻發）請問此湯水可預防嗎？而且食抗生素後/病後可飲咩湯水調理一下改善體質呢？謝謝
TA:
你可以用辛夷花6朵,拍碎泡茶供仔仔服,可加少許蜜糖,一星期3次,有助收鼻水.體弱可以用淮山,茯苓,蓮子,芡實各5錢,陳皮1塊,紅棗4粒煲瘦肉湯供服,一星期2次,有助健脾益氣,袪濕,强體質.無發燒可以服,有咳加南北杏1兩,麥冬3錢同煮.
LING:
三子粥對痰咳好,如喉嚨同鼻都不適,可以用蘇子,萊菔子各3錢,辛夷花6朵,麥冬3錢,甘草1錢,4碗水煮20分鐘供服.病好可以服四神湯,配肉或鮮魚都得.
你好芳姐，
囡囡食你介紹嘅三子粥可以嗎?佢好多痰係喉嚨同鼻，夜晚瞓覺都咳到瞓唔到!今日仲加埋鼻水! 好返後煲介紹嘅淮山芡實鮮魚湯適合嗎?係唔係咩魚都可以?
謝謝芳姐
ling:
在中藥店有售,不寒涼的,輕微肚瀉可用.病好了多用淮山,芡實,茯苓,蓮子煲瘦肉湯供服,一來健脾胃,助吸收,二來袪濕.脾胃功能好了就自然少痰涎.
芳姐
請問係唔係藥房同佢講要幾多就得呢？我唔係太識依方面嘅嘢! 另外佢依家有輕微肚瀉可以飲用嗎?定等佢好返先飲？ 好返後請問可以飲咩湯水補健?不好意思比較多問題! 謝謝解答!
LING:
你囡囡有虛汗不宜用薑葱發汗之品.試用蘇子,萊菔子,紫蘇葉各2錢,3碗水煮成1碗供服,對痰咳有幫助,亦能散寒止咳.流虛汗可以加浮小麥3錢同煮.連服2劑,看能否改善?
你好芳姐
請問女兒已咳3個多星期，只是一瞓着就有咳連帶痰聲，有睇過西醫食過西藥無效，連食3日猴棗末可以瞓天光，但係午睡都有咳實在太擔心。亦試過龍利葉石黃皮煲瘦肉都係飲完第2日都咳飲咗2日始終得1歲亦唔敢比佢飲太多。請問此湯1歲可以飲嗎?同埋女兒應該係寒咳因為每次模背脊都好涼，但又好易出汗，就算出汗背脊都係涼的!
其他食玩都好好! 依兩日着涼仲傷風加輕微肚瀉亦已睇醫生! 先謝謝有依個平台查詢!
MAN:
BB有微燒可飲此湯,如燒不退要看醫生,因為春天細菌,病毒厲害,嬰兒抵抗力弱,病變會很快,故燒不退必須看醫生.
謝謝芳姨！另如BB有微燒，適合喝此湯嗎？
芳姨你好，小兒才6個月大，流多清鼻水同打噴嚏，
此湯如不落蛋，可有用，BB可喝嗎？
man:
可以不放蛋,加少許紅糖吧!趁温飲用,6個月大,隨量飲就成.
shetlock mama:
你可以用玉竹3錢,蘋果,雪梨各1個,去皮,去核,無花果4粒煲瘦肉湯供服,此湯全家可飲,能潤肺止咳.
多謝芳姐，洋蔥水真的有效，當晚已無咳，鼻水也清了，只是昨晚睡覺干咳了一陣，是否天氣轉冷比較乾，可以煲咩湯水好？謝謝！
SHERLICKMAMA:
你可以用洋葱1個,去衣切塊,放入碗中,隔水大火蒸半小時,後洋葱汁約3湯匙,分兩次供仔仔飲,有助止咳.服西藥都可以飲.
多謝芳姐指導，但可以小兒太細，唔飲辛味既湯水，昨晚只喝了兩啖薑葱梨蛋湯。佢而家食緊西藥，晚上睡覺有咳，睡得不好，請問還可以飲甚麼湯水舒緩咳嗽？謝謝！
囡囡2yrs,最近傷凤,食西藥好D了,現早上及晚上仍有点鼻水清涕(有時帶点黃),少許咳(有時有点痰声或沙声),不知是否吃了西藥,頭會标许多汗
现想停西藥
请教一下有什麼湯水或食療可给囡囡?谢谢
訪客:
可以用辛夷花6朵,羅漢果1/4個,甘草1錢,3碗水煮15分鐘供服,連服2劑,看能否改善?汗多可以去中藥店買浮小麥1兩,白鑊炒香,每次用2湯匙泡茶供服,服完1兩應有助止汗.
SL MAMA:
這款薑葱梨蛋湯仔仔可以飲,連服2劑.如鼻涕黃可以用辛夷花5朵拍碎泡茶供服,可加冰糖.
你好芳姐！小兒15個月大，晚上睡覺還是會碌來碌去，搞到攝親，昨日起身大了個大乞嗤就病了，鼻水好杰帶黃，晚上開始咳，有痰，睡覺時就沒有咳的，請問這款薑葱梨蛋湯可飲嗎？謝謝！
芳姐，忘了跟你說小兒仲有d鼻水帶小小清黃，舌頭中間白色,想問飲浮小麥北芪黑豆對他會燥熱嗎？另外可以和薑蔥梨蛋湯同一日飲嗎?無意思，芳姐，因為小兒病左好耐令本人好擔心又煩躁，所以問多左問題，希望你唔好介意，十分感激你的幫助和解答!!
apple:
薑葱梨蛋湯可連服兩天,看能否改善?北茋浮小麥黑豆湯不燥火的,主要是增强體質,改善虛汗症狀,待鼻水和咳好番才飲較佳.
APPLE:
仔仔日夜都流汗多數因體虛,可以用北茋3錢,浮小麥5錢,黑豆1兩,南棗或黑棗6粒,6碗水煮成2碗供服,可連服5天,有助增强體質,改善流虛汗情況.龍脷葉湯偏涼,仔仔未必是熱咳,可以試用這款薑葱梨蛋湯.
多谢芳姐，仔仔己好左好多，係半夜咳左四五聲之后就停了，早上起身又會間中咳幾聲，同米小兒日間夜晚都出好多汗，成个枕頭頭髮濕晒，細細個己經係甘，請問係虛汗定盗汗？因为小兒仲有d咳，係米可以繼續煲龍利葉石黃皮湯？
多谢芳姐，琴日早上飲左蘿白蜜水，夜晚煲龍利葉石黄皮湯己好左好多，係半夜咳左四五聲之后就停了，早上起身又會間中咳幾聲，同米小兒日間夜晚都出好多汗，成个枕頭頭髮濕晒，細細個己經係甘，請問係虛汗定盗汗？因为小兒仲有d咳，係米可以繼續煲龍利葉石黃皮湯？
APPLE:
白蘿蔔水不是太寒涼的,加了蜜糖減少寒涼之性,可以飲多兩劑.
芳姐，想多句仔仔而家鼻涕仲有d黃色,痰就睇唔到，因仔仔未懂咳出来
多谢你芳姐，仔仔夜晚训覺真係少左咳，係日間仲有d咳，老人家话白蘿蔔寒涼，唔可以日日飲，想請問芳姐仔仔还可以繼續飲到咳停為止嗎，会否太寒，太涼？
APPLE:
如仔仔飲了蘿蔔水咳少了,可以繼續飲至咳停為止.不加水都得,味濃些而已.
多谢你解答芳姐!琴晚仔仔睡前飲左白蘿蔔蜜水，半夜咳少左，請問可以飲幾日，同米浸宪蘿蔔蜜水没有再加水冲，我怕会淡左，所以直接俾仔仔飲，這樣可以嗎
如果痰黃色,可以用龍脷葉1兩,石黃皮1兩,南北杏1兩,蘋果2個(要去核),紅蘿蔔1個煲瘦肉湯供服,全家可飲,可連服2劑,看能否改善?
你好，芳姐，請问用幾碗水煲成幾碗同米小兒昨晚到而家早上，差不多十秒咳一次，請问白蘿蔔蜜’水仔仔可以飲嗎？係米即时止咳，
APPLE:
龍脷葉湯8碗水煮成4碗左右,仔仔一天分服2碗.白蘿蔔水有助化痰止咳,但各人體質及病情輕重不同,不可能即飲即止咳.
李太:
益母草粥來經期間無需服.益母草是苦的,是調經佳品.紅棗小米粥任何時期都可以服.
芳姐，有紅棗煲嘅粥，來經時可否吃，小米紅棗粥，謝謝
芳姐，試煲左益母草好苦好難吃，有冇好味d,仲有來經時可否吃呢？謝謝你的回覆
APPLE:如果痰黃色,可以用龍脷葉1兩,石黃皮1兩,南北杏1兩,蘋果2個(要去核),紅蘿蔔1個煲瘦肉湯供服,全家可飲,可連服2劑,看能否改善?
你好，芳姐，請问用幾碗水煲成幾碗
同米小兒昨晚到而家早上，差不多十秒咳一次，請问白蘿蔔蜜水仔仔可以飲嗎？係米即时止咳，
個仔因上班三更成日換班一早一晚搞到成日感冒,加上年青人成日飲凍飲一咳就起碼一兩個月先好,西醫都睇過話氣管敏感,因為成日咁咳唔知煲咩湯水比佢飲好,請指教一下.
李太:
小米在大間超巿或雜貨店有售,黃色細細粒的.玉屏風散現在囡囡可以飲.