小兒咳嗽—各種証型食療

    

     每逢天氣變化較大,小兒抵禦外邪功能較差,容易受外邪侵入而引起咳嗽.咳嗽主要分為風寒咳嗽和風熱咳嗽.亦有因痰濕,肝火,肺陰虧耗,肺脾腎虛而引致久咳不愈,此謂內傷咳嗽.一般新咳多為外感,久咳多為內傷.介紹一些不同類型的咳嗽食療給大家:

  • 風寒咳嗽—咳嗽頻作,喉癢聲重,痰白而稀

1.蘿蔔汁半碗,生薑汁半茶匙,麥芽糖少許,調勻後燉熱服.

2.紫蘇3錢,生薑3片,北杏2錢,紅糖適量,用4碗水煮成2碗服.

3.橘餅1兩,大蒜5錢,切碎用3碗水煮成碗半服.

  • 風熱咳嗽—咳嗽不爽,痰黃黏稠,不易咯出,口渴咽痛.(有些小兒雖然有寒象,但如果咳嗽痰黃,或伴咽痛,都屬熱咳.)

1.桑葉,菊花,杏仁各3錢,白糖適量.用4碗水煮成2碗服.

2.川貝3錢,雪梨2個,冰糖適量,2碗水燉服,(2歲以上可用蜜糖.)

3.鮮龍脷葉1兩,鮮枇杷葉5錢,杏仁5錢,雪梨2個,瘦肉4兩,6碗水煮成3碗服.(感冒後痰多咳嗽,可加羅漢果半個同煮.)

  • 內傷咳嗽食療:

     痰濕重—咳嗽痰多,色白而稀,精神疲倦

      陳皮3錢,核桃肉1兩,生薑3片煲粥服.

     肺陰耗傷—乾咳,咳聲短促,痰中帶血,口燥咽乾,午後潮熱,手足心熱,失眠盜汗,形體消瘦,精神疲倦

      玄參1錢,麥冬4錢,烏梅2粒,桔梗2錢,甘草1錢,5碗水煮成2碗服.

      肺脾俱虛—咳嗽痰多,氣短懶言,便爛,易感冒

     紅蘿蔔1個切薄片,紅棗10粒去核切片,用5碗水煮成2碗服.

     肺腎虛弱—形瘦氣短,精神疲乏,咳嗽氣喘,怕冷,汗出尿頻

      核桃仁1兩,生薑3片,陳皮2塊,冰糖少許.5碗水煮成2碗服.

     久咳通用:杮餅2個(去蒂),川貝末半湯匙,蒸服.每日分2次吃.

1392 comments »

  1. Cindy said,
    15 3 月, 2017 @ 10:46 上午

    芳姐你好,
    我兒子21周,咳嗽有一星期多,早上和晚上咳特別多,鼻涕黃,在中午鼻涕變得透明和白,請問可以幫到我們嗎?thank you !

  2. 芳姐 said,
    14 3 月, 2017 @ 7:52 下午

    Tung:
    你試用玉竹,麥冬各3錢,雪梨1個,去核,南北杏5錢,無花果2粒煲瘦肉湯供服,有助清熱化痰止咳.

  3. Tung said,
    14 3 月, 2017 @ 6:15 下午

    芳姐您好!
    囡囡5歲,之前病有痰咳,宜家仲有D痰,幾句咳,舌尖有少少紅,請問可以煲咩湯水?謝謝您!

  4. 芳姐 said,
    14 3 月, 2017 @ 4:18 下午

    sara:
    你試用蘇子,萊菔子,紫蘇葉各3錢,甘草1錢,4碗水煮成2碗供服,連服3劑,有助散寒化痰止咳.

  5. 芳姐 said,
    14 3 月, 2017 @ 4:11 下午

    KC:
    你試用北茋,防風,白朮,五味子,浮小麥各3錢,烏梅2粒,甘草1錢,5碗水煮成2碗供仔仔服,有助袪風,止咳,止虛汗.

  6. sara said,
    14 3 月, 2017 @ 10:53 上午

    芳姐, 你好

    小兒流鼻水及咳已1星期多, 鼻水有時透明有時黃, 咳早上及下午有幾聲, 但係咳得有啲深, 起初咳冇痰, 而家有痰聲, 一到夜晚較多咳, 咳得深及有時好像咳到想嘔咁, 昨天嘔啲痰係白色的~瞓到6點幾7點, 又咳得好厲害, 不知是那類咳, 及佢瞓得不好黑眼圈好大好像好易攰,請問可以煲咩比佢飲??謝謝

  7. KC said,
    13 3 月, 2017 @ 10:57 下午

    芳姐你好
    小兒7 歲,他乾咳冇痰已2星期,常感到喉嚨痕,每次咳到咯咯聲,特別臨睡前咳得嚴重及盗汗。肚子賬多風及大便爛。試過飲三棗茶,但不見效。他是属什么類咳?煲什麼湯止咳?
    謝謝!

  8. 芳姐 said,
    7 3 月, 2017 @ 12:49 下午

    Annie:
    你可以用鮮龍脷葉1兩,羅漢果半個,蘋果2 個,去皮,去核,無花果4粒煲瘦肉湯,全家可飲,有利咽止咳功效.睡前替仔仔用棉紙巾剪成條狀沾温鹽水通鼻.

  9. Anniewong said,
    7 3 月, 2017 @ 7:10 上午

    謝謝芳姐

  10. Anniewong said,
    7 3 月, 2017 @ 7:08 上午

    芳姐,你好
    想請問2歲幾仔仔尋晚訓覺開始喉嚨發炎,間中乾咳,係甘扭訓吾好,所以俾左次消炎藥佢食,見佢好似有好小鼻塞,想請問可以煲d咩俾佢飲呢?

  11. 芳姐 said,
    6 3 月, 2017 @ 7:42 下午

    林淑英:
    你試用法夏,茯苓,蘇子,萊菔子各3錢,甘草1錢,5碗水煮成2碗供令堂服,有助化痰止咳.

  12. 林淑英 said,
    6 3 月, 2017 @ 2:44 下午

    芳姐好:老媽81歲這幾天一直咳嗽有痰,看醫生吃藥有點好,但還是一直咳跟有痰,要吃什麼比較有效,可止咳化痰,謝謝!

  13. 芳姐 said,
    6 3 月, 2017 @ 7:17 上午

    Carrie:
    痰綠色表示有炎症,你試用新鮮魚腥草2兩,北杏3錢,生薏米1兩,蜜棗2粒煲湯飲,先用5碗水煮薏米,北杏,蜜棗煮半小時,加入鮮魚腥草,滾15分鐘左右即可飲用,有助消炎解毒,化痰利咽.連服3劑.鮮魚腥草在山草藥檔有售.

  14. Carrie said,
    5 3 月, 2017 @ 11:09 下午

    芳姐你好,
    我剛30歲。經常感冒然後引起氣管炎。現在已經咳了一個星期,很多綠色的痰,口乾,喉嚨非常痕癢。中醫說我是燥熱咳。
    謝謝

  15. Carrie said,
    5 3 月, 2017 @ 11:09 下午

    芳姐你好,
    我剛30歲。經常感冒然後引起氣管炎。現在已經咳了一個星期,很多綠色的痰,口乾,喉嚨非常痕癢。中醫說我是燥熱咳,有什麼食療適用呢?
    謝謝

  16. 芳姐 said,
    3 3 月, 2017 @ 9:14 下午

    cathy:
    你可用蘇子,萊菔子,法夏各3錢,甘草1錢,4碗水煮半小時供囡囡服,如取汁煲粥供服更佳,連服3劑,有助清痰.你試用羅漢果1/4個,胖大海3錢,3碗水煮15分鐘服連服3劑,有助消炎利咽開聲.

  17. 芳姐 said,
    3 3 月, 2017 @ 9:10 下午

    Kristy:
    你囡囡病邪趕不走,故一直發燒不退.試用蘆根5錢,淡竹葉3錢,生薏米1兩,雪梨1個,去核,5碗水煮成2碗服,連服3劑,有助清熱退燒.如鼻水多,加6朵辛夷花同煮,辛夷花拍碎後下,滾5分鐘可飲.

  18. Cathy said,
    3 3 月, 2017 @ 3:58 下午

    您好, 芳姐, 我女女6歲, 2個月前發燒感冒好返後,一直至今痰仍然很多, 咳不出來, 請問有什麼食療可以清痰?? 另外, 我自己都2個月前都感冒至失聲後, 現在都有時會有沙聲情形, 西醫話我聲帶水腫, 近期又想起感冒, 請問有什麼方法改善體質同令聲帶快痊癒呢??謝謝!!

  19. Kristy said,
    3 3 月, 2017 @ 9:21 上午

    芳姐,
    你好,女女4歲,上星期四開始發燒,咳有好重痰聲但咳唔出,聲沙,有鼻水時黃時綠時白,,一直住低燒成個星期,有時好高成39度,食退燒藥就退燒,夜晚又再低燒,吃咗抗生素,止咳同化痰藥幾日都無改善. 見佢成日咳醒特別清晨時候,個人好累. 請問佢算寒咳定熱咳?可以煲D咩俾佢?唔該曬!

  20. Carrie said,
    3 3 月, 2017 @ 8:37 上午

    芳姐你好,我剛30歲。經常感冒然後引起氣管炎。現在已經咳了3日,很多綠色的痰,口乾,喉嚨非常痕癢。中醫說我是燥熱咳,有什麼食療適用呢?
    謝謝

  21. 芳姐 said,
    23 2 月, 2017 @ 9:04 上午

    Ty:
    燒不肯退表示病邪趕不走,兩三天未退燒建議要看醫生,現時鼻涕多,有咳,可以用辛夷花6朵,葱白4棵,雪梨1個,去核切塊,3碗水煮15分鐘,葱白後下,一天分服,連服2劑,看能否改善?

  22. Ty said,
    23 2 月, 2017 @ 2:04 上午

    細女三歲,一週前開始鼻涕,透明偏濃,伴有痰咳嗽,兩天前開始微燒,時退時起,無分日夜,沒有超過38度,精神還可以,咳嗽不繁密,不知如何應對?謝謝芳姐

  23. 芳姐 said,
    22 2 月, 2017 @ 1:44 下午

    Momoko:
    你試用辛夷花3錢,麥冬3錢,桔梗3錢,甘草1錢,4碗水煮成2碗供仔仔服,連服3劑,看能否改善?如没改善,看中醫較理想.

  24. 芳姐 said,
    22 2 月, 2017 @ 1:39 下午

    yen:
    小兒久咳,試用紅蘿蔔1個,切薄片,紅棗8粒,去核,麥冬3錢,陳皮1塊,5碗水煮成2碗供服,連服3劑,有助止咳.

  25. ann said,
    22 2 月, 2017 @ 12:00 下午

    好的我今晚試試!

  26. Momoko said,
    22 2 月, 2017 @ 9:39 上午

    芳姐,你好,我仔4歲,新年到依家啦,流鼻水同埋咳,睇左兩次西醫,都係咁,鼻水有時稀,有時傑,多數係黃嘅。咳就有時有痰有時冇痰,之前夜晚訓覺都有咳,依家就冇啦,日頭咳,。我想問下煲啲咩佢飲?同埋睇中醫好唔好呢?

  27. yen64hk said,
    22 2 月, 2017 @ 9:39 上午

    補充 女兒起初是受涼流黃綠鼻涕看了中醫 鼻涕止了 之後咳嗽 亦看過中醫 服藥後效果一般 之後無再看醫生了。我煲過一次海底椰鱷魚肉湯 效果也一般

  28. yen64hk said,
    22 2 月, 2017 @ 9:22 上午

    小女3歲半 咳嗽反复接近半個月了 呢幾日主要一早一晚 和 睡覺一直咳嗽 睡不好 有痰聲 需要用力咳幾次痰才鬆 但不知痰的顏色 我煲了兩日胖大海新夷花給女兒服用 效果一般。請問應該煲咩好?

  29. 芳姐 said,
    21 2 月, 2017 @ 7:46 下午

    ann:
    你試看看我教網友Lilian蒸鹽橙的方法,可能有幫助.

  30. ann said,
    21 2 月, 2017 @ 10:31 上午

    芳姐你好!
    女女剛三歲,之前問過你有關佢咳嗽食療,試過洋蔥水但係無咩效,煲過麥冬萊覆子蘇子甘草,好左D但已飲了三日,仲有D咳,早晚多D尤其係早上剛起身同埋夜晚訓覺時或訓著左零晨突然咳幾聲,有D痰聲,有時好似係氣管扯住咳, 請教你仲可以煲D咩俾佢?最好可以用來沖奶或有D甜味。。感激!

  31. 芳姐 said,
    20 2 月, 2017 @ 10:27 下午

    訪客:
    你咳不停,試用五味子3錢,桔梗3錢,麥冬3錢,甘草2錢,4碗水煮成2碗,一天分服,有助歛肺氣,止咳嗽,連服3劑,看能否改善?

  32. 成人咳白痰 said,
    20 2 月, 2017 @ 5:24 下午

    芳姐,
    我約四十歲,女性,之前間中有咳白痰,近一個月,勁咳,晚上也會咳醒,剛起床,痰是淡黃,日間就是白痰,可服什麼湯水?謝謝

  33. 芳姐 said,
    20 2 月, 2017 @ 12:47 下午

    Ty:
    小朋友病好後可以用白果10粒,核桃肉1兩,南北杏1兩,無花果4粒,陳皮1塊煲鷓鴣或鵪鶉湯服,能補益肺脾腎臟,減少氣管不適.全家可飲.或用虎乳靈芝3錢,川貝3錢,雪耳2錢,南北杏1兩,紅棗6粒煲排骨湯服亦佳.休是全家可服.

  34. Ty said,
    20 2 月, 2017 @ 2:48 上午

    十分感激芳姐,小朋友飲左一日川貝末蘋果水已經止左好多咳,氣管順左好多,我會繼續!請問如果小朋友咳後平日冇咳冇病時可以飲咩調理同保護氣管喉嚨?謝謝:)

  35. 芳姐 said,
    19 2 月, 2017 @ 8:39 上午

    Annie:
    你可以用蘆根5錢,生薏米1兩,雪梨1個,去核,甘草1錢,5碗水煮成2碗供服,有助清臟腑熱.連服2劑.

  36. 芳姐 said,
    19 2 月, 2017 @ 8:35 上午

    Ty:
    可以滾些糖薑茶供服,或加6粒辛夷花一齊滾5分鐘,有助收鼻水,散寒解表.

  37. Anniewong said,
    19 2 月, 2017 @ 8:20 上午

    十分感激芳姐,我bb飲左2日呢個湯水,完全清曬痰,好多謝你 。

    呢2日仔仔個身有小小興37·1度左右,平時36·5度左右,吾知係咪食完太多西藥燥呢?請問可以煲d咩俾佢飲呢?同埋病左甘耐,要煲d咩俾佢調理下呢?謝你

  38. Anniewong said,
    19 2 月, 2017 @ 8:18 上午

    Annie:
    你可用鮮龍脷葉1兩,羅漢果半個,紅蘿蔔1個,南北杏1兩煲瘦肉湯,全家可飲,仔仔一天分服2碗,能清肺熱袪痰

    十分感激芳姐,我bb飲左2日呢個湯水,完全清曬痰,好多謝你 。

    呢2日仔仔個身有小小興37·1度左右,平時36·5度左右,吾知係咪食完太多西藥燥呢?請問可以煲d咩俾佢飲呢?同埋病左甘耐,要煲d咩俾佢調理下呢?謝你

  39. Ty said,
    19 2 月, 2017 @ 1:02 上午

    謝謝芳姐,感激!今日開始實行。
    另小孩今日開始鼻涕增多,狀透明,稀,感覺感冒徵狀回來!

  40. 芳姐 said,
    18 2 月, 2017 @ 2:19 下午

    Ty:
    川貝能減少氣管痙攣,你試用川貝末3錢,蘋果1個,去皮,去核切塊,3碗水煮成2碗供一天服,連服3劑,有助止咳.如日間咳多,亦可以用白蘿蔔1個,洗淨,去皮切條,用3湯匙蜜糖醃5小時,會滲出很多蘿蔔水,用半杯,加半杯温水調勻供服,一日2~3杯,有助清熱止咳.

  41. Ty said,
    18 2 月, 2017 @ 10:05 上午

    五歲小孩兩週前開始喉癢咳嗽,頭一天半夜發燒起床退燒,及後乾咳不止,她說喉嚨很癢很痛,冇痰,咳時用力而且頻密不止,無分日夜,頻密至半分鐘一次,每次咳嗽連咳兩三聲。沒有其他徵狀,活力精神充足,偶有鼻水鼻涕但不嚴重。我嘗試過一週燉洋蔥兩三次、龍利葉蘋果湯及每天的蜜糖水,頭兩三天效果有舒緩,但兩天很快回復惡化,仍然咳嗽不止。感覺每次外出完都會加重徵狀(居於外地天氣寒冷乾燥),從小生病都是乾咳最少兩週。請芳姨指引方法,無言感激!謝謝

  42. 芳姐 said,
    17 2 月, 2017 @ 9:42 上午

    Annie:
    三子粥中白芥子較刺激,幼兒只需用蘇子,萊菔子就成.

  43. Anniewong said,
    17 2 月, 2017 @ 8:17 上午

    謝謝芳姐,今日買材料煲
    想請問三子粥岩吾岩我bb食呢?

  44. 芳姐 said,
    16 2 月, 2017 @ 7:52 下午

    Annie:
    你可用鮮龍脷葉1兩,羅漢果半個,紅蘿蔔1個,南北杏1兩煲瘦肉湯,全家可飲,仔仔一天分服2碗,能清肺熱袪痰

  45. Anniewong said,
    16 2 月, 2017 @ 3:59 下午

    芳姐,你好
    我仔仔2歲10個,1月頭發燒幾日,喉嚨紅腫,食抗生素,之後都keep住有痰咳,到左2月4日晚又發高燒,連燒4日,喉嚨又係紅腫,食左2次抗生素,西藥前後食左2星期,現在就吾係好咳,但好多痰,夜晚就吾咳,多數日頭,吾識咳出黎睇吾到咩色,而且有小小鼻水,請問可以煲d咩可以清痰呢?謝謝

  46. Anniewong said,
    16 2 月, 2017 @ 3:55 下午

    芳姐,你好
    我仔仔2歲10個,1月頭發燒幾日,喉嚨紅腫,食抗生素,之後都keep住有痰咳,到左2月4日晚又發高燒,連燒4日,喉嚨又係紅腫,食左2次抗生素,西藥前後食左2星期,現在就吾係好咳,但好多痰,吾識咳出黎睇吾到咩色,而且有小小鼻水,請問可以煲d咩可以清痰呢?謝謝!

  47. ann said,
    13 2 月, 2017 @ 2:23 下午

    好的,謝謝芳姐,今晚會試試!

  48. 芳姐 said,
    13 2 月, 2017 @ 1:02 下午

    ann:
    你試用洋葱1個,去衣,切片,放碗中,隔水大火蒸半小時,用湯匙壓榨洋葱,大約得汁3湯匙,餵囡囡服,有助止咳.很清甜的.洋葱可翻蒸多1次,一日服2次.

  49. ann said,
    13 2 月, 2017 @ 10:19 上午

    女兒快三歲,早晚都會咳,有時咳到想嘔0甘,沒有其他症狀所以我估係天氣凍敏感咳,可以煲咩可以幫到佢呢?試過煲滋潤湯水俾佢飲但係佢不大喜歡飲湯,飲左小小好似好左D但都係咳。之前用你介紹的收鼻水止咳的方都係要用來開奶先可以令佢飲到同好番,所以希望你介紹的能用來開奶,謝謝!

  50. Heiyumama said,
    12 2 月, 2017 @ 6:27 下午

    吾該芳姐!

Leave a Comment