By 芳姐 ( 9 11 月, 2010 at 7:23 上午)
· Filed under 小兒常見病
每逢天氣變化較大,小兒抵禦外邪功能較差,容易受外邪侵入而引起咳嗽.咳嗽主要分為風寒咳嗽和風熱咳嗽.亦有因痰濕,肝火,肺陰虧耗,肺脾腎虛而引致久咳不愈,此謂內傷咳嗽.一般新咳多為外感,久咳多為內傷.介紹一些不同類型的咳嗽食療給大家:
1.蘿蔔汁半碗,生薑汁半茶匙,麥芽糖少許,調勻後燉熱服.
2.紫蘇3錢,生薑3片,北杏2錢,紅糖適量,用4碗水煮成2碗服.
3.橘餅1兩,大蒜5錢,切碎用3碗水煮成碗半服.
-
風熱咳嗽—咳嗽不爽,痰黃黏稠,不易咯出,口渴咽痛.(有些小兒雖然有寒象,但如果咳嗽痰黃,或伴咽痛,都屬熱咳.)
1.桑葉,菊花,杏仁各3錢,白糖適量.用4碗水煮成2碗服.
2.川貝3錢,雪梨2個,冰糖適量,2碗水燉服,(2歲以上可用蜜糖.)
3.鮮龍脷葉1兩,鮮枇杷葉5錢,杏仁5錢,雪梨2個,瘦肉4兩,6碗水煮成3碗服.(感冒後痰多咳嗽,可加羅漢果半個同煮.)
痰濕重—咳嗽痰多,色白而稀,精神疲倦
陳皮3錢,核桃肉1兩,生薑3片煲粥服.
肺陰耗傷—乾咳,咳聲短促,痰中帶血,口燥咽乾,午後潮熱,手足心熱,失眠盜汗,形體消瘦,精神疲倦
玄參1錢,麥冬4錢,烏梅2粒,桔梗2錢,甘草1錢,5碗水煮成2碗服.
肺脾俱虛—咳嗽痰多,氣短懶言,便爛,易感冒
紅蘿蔔1個切薄片,紅棗10粒去核切片,用5碗水煮成2碗服.
肺腎虛弱—形瘦氣短,精神疲乏,咳嗽氣喘,怕冷,汗出尿頻
核桃仁1兩,生薑3片,陳皮2塊,冰糖少許.5碗水煮成2碗服.
久咳通用:杮餅2個(去蒂),川貝末半湯匙,蒸服.每日分2次吃.
Permalink
芳姐，我BB 20個月大，最近傷風，鼻水好多，已滴生理鹽水和吸鼻，都仍然好多，訓覺時呼吸好嘈好大聲，鼻腔滿了鼻水，而且仲鼻水倒流搞到咳，搞到一晚醒十幾次喊捽鼻咳咳咳。 有咩辦法醫好鼻水倒流？或減少鼻水？感激萬分！
sue:
你可以用辛夷花5朵,拍碎泡茶供bb服,可加少許蜜糖.連服3天,看能否改善?
芳姐你好, 我小女1歲, 已久咳痰(唔知咩顏色, 她不懂咳痰), 多鼻水, 已成一個多月, 睇過西醫都唔好, 醫生話佢有細支氣管炎及敏感問題, 同本身體質容易惹病, 有什麼湯水可以幫到?? 同本身體質弱小女有咩可以改善?? 麻煩你解答!! 謝謝!!
芳姨，您好！
女兒乾咳了一星期有多，吃了西藥也不好轉，早、晚咳多些，
請問可以吃些什麼呢？ 謝謝！
wytlf:
你可以用紅蘿蔔1個,麥冬3錢,馬蹄6粒切片,5碗水煮1小時成2碗供服,有助滋陰潤肺燥,止咳.可連服3劑,好好味的.
慧:
你可以用辛夷花6朵,拍碎,泡茶後加蜜糖調勻供服,每日1杯.有助防鼻敏感.
小兒流黃色既鼻涕已經成個月，食過好多藥都收唔到，
仲不停流出黎，夜晚仲塞到訓唔到，唔知道係咪鼻敏感，可以煲啲咩湯水？佢比較怕苦，可以加啲咩煲會好味啲？
同埋佢之前感冒。。已清7成左右。。但仲咳同有痰thx。。
芳姐我個女14個月。。但佢面色唔好成日好似面青青。。食極又唔肥訓又訓得唔耐同訓得唔林有咩湯水同野食可以整俾佢??thx
川貝可代替川貝末嗎？
ESTHER:
川貝末没問題.
芳姐，你好
昨晚已跟芳姐建議的紫蘇葉3錢,辛夷花6朵,生薑3片,甘草1錢煲水給小女食今早已收鼻水，謝謝你
另外想問問小女咳仍未見好轉，昨晚半夜及今早仍咳得好勁，有少少聲沙，咳聲多痰但咳不出來，身體熱，口唇好紅，請問是否是熱咳呢？請問可煲什麼可有效止咳？謝謝
esther:
你試用白蘿蔔1個,去皮,切粒,用3湯匙蜜糖醃5小時,用滲出的蘿蔔水半杯,加小半杯温水調服,一天分3次服,有助止咳.
ESTHER:
你試用川貝末3錢,蘋果1個,去皮,去核,陳皮1塊切絲,2碗水蒸半小時供服,有助化痰,舒緩氣管敏感.另外可以用辛夷花6朵,桂枝3錢,白芍3錢,紅棗4粒,5碗水煮成2碗服,一星期2次,對嚴重鼻敏感有幫助.
芳姨，你好想請教一下⋯
小兒3歲半，有嚴重鼻敏感，亦有氣管敏感，平常晚上都有夜咳，
但最近比較嚴重，聽到有痰聲，佢唔識咳痰出黎，
請問有咩湯水可以幫到佢化痰止咳！辛苦你！
芳姐，你好
昨晚已跟芳姐建議的紫蘇葉3錢,辛夷花6朵,生薑3片,甘草1錢煲水給小女食今早已收鼻水，謝謝你
另外想問問小女咳仍未見好轉，昨晚半夜及今早仍咳得好勁，有少少聲沙，咳聲多痰但咳不出來，身體熱，口唇好紅，請問是否是熱咳呢？請問可煲什麼可有效止咳？謝謝
張太:
川貝能減少氣管痙攣,黨參能强壯氣管,你試用黨參3錢,川貝3錢,法夏,茯苓,白朮各3錢,陳皮2錢,甘草1錢,5碗水煮成2碗服,連服3劑,如見效,一星期服2劑.
esther:
你試用紫蘇葉3錢,辛夷花6朵,生薑3片,甘草1錢,3碗水煮10分鐘供服,有助散寒止咳,收鼻水.
芳姐你好!
我老公因為以前食了10幾年煙, 現在已戒煙, 但經常出現痰多情況, 積痰於喉嚨, 他本身亦有哮喘, 氣管差, 該飲甚麼湯水好?
謝謝!
小女2歲半, 已咳了一個多月, 經常流鼻水, 半夜咳得很嚴重, 咳到氣管發炎, 已睇過西醫, 醫生話氣管多痰, 請問飲什麼可改善? 謝謝
YEN:
黑棗並非南棗,南棗製過,賣到190元1斤,黑棗40元左右1斤,相差甚遠.經濟好的就買南棗.用6~8粒就成.
請問黑棗等於南棗嗎？同樣要十粒嗎？
yen:
紅蘿蔔紅棗水你可以將紅棗改為黑棗,加2錢北杏同煮.平時可以多煲些四神湯供服.四神湯材料是淮山,蓮子,茯苓,芡實,可加仔仔喜歡的其他材料同煮.
你好芳姐,我仔斷斷續續都咳左好耐,昨天試過紅蘿蔔紅棗水他飲,很感恩佢飲完後全日無咳過,但瞓到半夜12點幾就開始咳左大約20分鐘,是否太燥?我可以繼續煲給他飲嗎?另外佢病後成日都無神無氣咁,可以煲D咩湯水比佢調理身體好呢?請指教!
daisy:
石斛養胃陰,仔仔可以用,可配淮山1兩,石斛3錢,麥冬3錢,玉竹3錢,無花果4粒煲瘦肉湯服,此湯全家可飲.8碗水煮成4碗.有助健脾養胃,生津潤燥,止咳.
芳姐，
另外家人有石斛想比我囝囝(4 歲，有蠶豆症
)飲，想問題下飲得嗎？
芳姐，
囝囝4 歲，因有鼻敏感長期鼻塞，鼻塞用了口呼吸，現在有痰少少聲沙同咳，咳時有好多痰聲，鼻涕好少不會流出，已食過雪梨水，川貝海馬湯，蘋果瘦肉湯，喝完重咳得好嚴重，咀红舌尖红中間白，胃口劣左，請問有乜湯水止咳同開胃？
囝囝有蠶豆症。
慧:
你可用黑豆1兩,浮小麥5錢,黑棗6粒,辛夷花6朵,5碗水煮成2碗服,連服3劑,如有改善,停2天再服2劑.
仔仔一歲，鼻塞同流鼻水已經好耐，夜晚訓覺仲會出冷汗，但冇訓又唔多覺有汗，請問有乜湯水岩飲？
梁太:
加6朵辛夷花就能收鼻水.
更正：
啲鼻涕係透明既先岩，請問蘇子，萊菔子，法夏，茯苓各3錢，陳皮一塊，生薑2片，仲可以加啲咩收鼻涕？
芳姐，
小兒仲有好多鼻涕，好鼻塞，啲鼻涕係透明帶少少黃，請問蘇子，萊菔子，法夏，茯苓各3錢，陳皮一塊，生薑2片，仲可以加啲咩收鼻涕？
梁太:
每日1劑,連續服用2天.細仔可以用辛夷花5朵煲瘦肉湯供服.哥哥的補益湯水病好後可飲.
芳姐，
又係我，想問連服兩劑即係每日一次？
另外我仲有細仔，今年1歲，係輕磅bb，
佢流鼻涕同鼻塞已經成兩個幾月，
啲鼻涕係透明既，淨係得鼻涕，完全冇咳個啲，係間中會打個乞痴姐，又係睇醫生食極藥都冇止過，完全影響佢食野！請問可以煲啲咩湯水俾佢收下鼻涕呢？
另外，哥哥增強抵抗力既個啲湯水又岩唔岩佢飲呢？
梁太:
你試用蘇子,萊菔子,法夏,茯苓各3錢,陳皮1塊,生薑2片,4碗水煮半小時供服,連服2劑,看能否改善?如有改善,可再服2劑.病好後可以用北茋,太子參各3錢,淮山,雪耳,百合適量煲瘦肉湯服,有助健脾益氣,强壯體質.
芳姐，
小兒兩歲，睇左三個幾月西醫啲咳都係唔好，
啲痰仲愈黎愈多，愈黎愈濃，但佢唔識咳出黎，所以唔知啲痰係咩色。佢係夜晚訓着個陣咳得最勁，試過咳到嘔。而且個身好冷冰冰，但又會勁出汗。
想問可以煲啲咩俾佢舒緩下？
同埋小兒成日病並有濕疹，可以多煲啲咩湯水俾佢增強抵抗力？
衷心感謝！
芳姐，
小兒兩歲，睇左三個幾月西醫啲咳都係唔好，
啲痰仲愈黎愈多，愈黎愈濃，但佢唔識咳出黎，所以唔知啲痰係咩色。佢係夜晚訓着個陣咳得最勁，試過咳到嘔。而且個身好冷冰冰，但又會勁出汗。
想問可以煲啲咩俾佢舒緩下！
同埋小兒成日病，可以多煲啲咩湯水俾佢增強抵抗力？
衷心感謝！
VIVIAN:
川貝有助清熱化痰,配蘋果有益正氣.青蘿蔔羅漢果湯可以飲多2劑.
芳姐，
亞仔已經飲左青蘿蔔㷛羅漢果，不過重有聲沙同咳，可以繼續飲？最多可以飲幾多日？
而家燉萍果可以幫助去沙聲？
佢咳時有少少痰但不多！
謝！
唔該哂芳姐!
而家重有咳都可以飲, 是嗎?
可以燉萍果嗎?
謝謝!
VIVIAN:
可以用川貝燉蘋果,對小兒咳很有幫助.
VIVIAN:
聲沙最好用青蘿蔔1個,青欖10粒(或羅漢果半個),南北杏1兩,無花果4粒煲瘦肉湯服.8碗水煮成4碗,仔仔一天分服2碗.麥冬,玉竹蘋果湯待聲沙改善才飲.
芳姐,
亞仔而家有沙聲, 可以煲麥冬,玉竹各3錢,蘋果1個去皮去核切塊,無花果4粒,陳皮1塊煲湯服嗎?
是否一日2服, 定一日一服, 連服兩日?
可以同時食西藥(青蛙仔)?
謝謝!
VIVIIAN:
可以加瘦肉同煮.
唔該哂芳姐!
麥冬,玉竹各3錢,蘋果1個去皮去核切塊,無花果4粒,陳皮1塊煲湯服,5碗水煮成2碗.連服2劑.
請問洗唔洗加廋肉煲?
vivian:
服西藥多會令小朋友不舒服,發忟憎.可以飲紅蘿蔔紅棗水,可加3錢麥冬同煮.
唔該芳姐!
我想問下可以飲三棗茶或紅蘿蔔紅棗水嗎?會唔會燥因為佢唔知係咪食得西藥多, 成日發忟憎.
謝!
vivian:
你試用麥冬,玉竹各3錢,蘋果1個去皮去核切塊,無花果4粒,陳皮1塊煲湯服,5碗水煮成2碗.連服2劑,看能否改善?
芳姐你好,
小兒2歲感冒咳嗽已差不多一個月,睇左幾次西醫,感冒無哂, 而家乾咳得好勁, 特別係半夜同早上! 西醫話佢係氣管敏感. , 有什麼湯水可以煲俾佢呢？同埋佢而家有每日食一次西藥(青蛙仔), 謝謝!
YUKI:
你試用鮮魚腥草2兩,蜜棗2粒,4碗水煮20分鐘供服,有助清熱解毒.服抗生素2小時後才飲.
芳姐你好,
小囡3歲感冒咳嗽已一個星期,發燒時高時低,最後一次看醫生話有輕微肺炎,已開抗生素,有什麼湯水可以煲俾佢呢？謝謝
JUDY:
你試用白蘿蔔1個,洗淨去皮切粒,用3湯匙蜜糖醃5小時,會滲出很多蘿蔔水,用半杯,加半杯温水調服,一日可飲3次,有助清熱化痰止咳.如鼻寒嚴重,可用6朵辛夷花拍碎泡茶供飲,有助收鼻水.
小女3歲,上星期二開始發燒咳嗽,已看了兩次醫生都係話佢感胃冒引起,這兩天仍有些低燒,但咳嗽越來越嚴重，日夜都咳,痰唔多,仲流鼻水+鼻塞,瞓唔好,因在外國D医生唔會開藥,但見佢咳得好辛苦,我分唔到佢係寒咳定熱咳,已燉過川貝成效不大,有咩湯水適合呢？谢谢
KAREN:
你試用芫荽葱各3棵,茶瓜4條,鯇魚肉1條,3碗水滾10分鐘供服,有助利咽解表.白桃不燥熱,但現時不宜給囡囡吃.鼻水多可加5朵辛夷花同煮.
芳姐, 你好!
小女4歲, 上星期初感冒但未清, 這幾天晚上都睡不穩有咳和打噴乞, 昨天跟我說口腔痛痛, 半夜還連打多個噴乞, 多鼻涕好傑, 狀似咽喉痛, 請問可煲什麼給女兒呢? 請賜教!
PS : 這兩天我都有給白桃她吃, 請問白桃會否燥熱?