小兒咳嗽—各種証型食療

    

     每逢天氣變化較大,小兒抵禦外邪功能較差,容易受外邪侵入而引起咳嗽.咳嗽主要分為風寒咳嗽和風熱咳嗽.亦有因痰濕,肝火,肺陰虧耗,肺脾腎虛而引致久咳不愈,此謂內傷咳嗽.一般新咳多為外感,久咳多為內傷.介紹一些不同類型的咳嗽食療給大家:

  • 風寒咳嗽—咳嗽頻作,喉癢聲重,痰白而稀

1.蘿蔔汁半碗,生薑汁半茶匙,麥芽糖少許,調勻後燉熱服.

2.紫蘇3錢,生薑3片,北杏2錢,紅糖適量,用4碗水煮成2碗服.

3.橘餅1兩,大蒜5錢,切碎用3碗水煮成碗半服.

  • 風熱咳嗽—咳嗽不爽,痰黃黏稠,不易咯出,口渴咽痛.(有些小兒雖然有寒象,但如果咳嗽痰黃,或伴咽痛,都屬熱咳.)

1.桑葉,菊花,杏仁各3錢,白糖適量.用4碗水煮成2碗服.

2.川貝3錢,雪梨2個,冰糖適量,2碗水燉服,(2歲以上可用蜜糖.)

3.鮮龍脷葉1兩,鮮枇杷葉5錢,杏仁5錢,雪梨2個,瘦肉4兩,6碗水煮成3碗服.(感冒後痰多咳嗽,可加羅漢果半個同煮.)

  • 內傷咳嗽食療:

     痰濕重—咳嗽痰多,色白而稀,精神疲倦

      陳皮3錢,核桃肉1兩,生薑3片煲粥服.

     肺陰耗傷—乾咳,咳聲短促,痰中帶血,口燥咽乾,午後潮熱,手足心熱,失眠盜汗,形體消瘦,精神疲倦

      玄參1錢,麥冬4錢,烏梅2粒,桔梗2錢,甘草1錢,5碗水煮成2碗服.

      肺脾俱虛—咳嗽痰多,氣短懶言,便爛,易感冒

     紅蘿蔔1個切薄片,紅棗10粒去核切片,用5碗水煮成2碗服.

     肺腎虛弱—形瘦氣短,精神疲乏,咳嗽氣喘,怕冷,汗出尿頻

      核桃仁1兩,生薑3片,陳皮2塊,冰糖少許.5碗水煮成2碗服.

     久咳通用:杮餅2個(去蒂),川貝末半湯匙,蒸服.每日分2次吃.

1392 comments »

  1. 匿名訪客 said,
    14 12 月, 2023 @ 10:15 下午

    芳姐你好,我小朋友5歲,啱啱病完,前前後後都病咗成個月,佢呢幾日朝早起身刷牙嗰陣會特別容易咳,不過只係幾聲,但除咗朝早刷牙之外,日頭同夜晚係冇乜點咳過,想問下佢適合飲d咩清一清呀?佢平時係比較容易熱氣嘅體質。唔該芳姐。

    • 芳姐 said,
      15 12 月, 2023 @ 8:54 上午

      訪客:
      你可用鮮龍脷葉1兩,蘋果,雪梨各1個,去核,無花果4粒,南北杏1兩煲瘦肉湯,全家可飲,煲1小時就成,一星期2~3劑.此湯平和,能化痰止咳.

  2. 匿名訪客 said,
    14 12 月, 2023 @ 4:16 下午

    芳姐,您好,我9月底开始咳嗽,咳了一两个月,现在好返,但是整个人讲嘢好没力气,
    讲唔大声,讲野条气好像拉唔上咁,请问有什么食料可调理?

    • 芳姐 said,
      14 12 月, 2023 @ 7:17 下午

      訪客:
      可用五指毛桃1兩,雪耳3錢,南北杏1兩,紅棗5粒煲豬展湯,煲2小時,全家可飲,連服2~3劑,有助益氣潤肺.另外可以用北茋,杞子,紅棗各3錢,5碗水煮成2碗服,一星期2劑,有助增强體質,改善没力氣.

  3. 匿名訪客 said,
    12 12 月, 2023 @ 11:56 下午

    芳姐你好,我女女3歲,上個月尾開始斷斷續續咁唔舒服,眼見就嚟好咁,但突然又唔知邊到惹到d病菌又病過,經睇過一次西醫兩次中醫,但佢d鼻水都仲keep住不停流,同埋都仲有d痰同咳,想睇下煲d咩俾佢飲下幫佢清埋個尾,唔該晒芳姐!

    • 芳姐 said,
      13 12 月, 2023 @ 11:13 上午

      訪客:
      你可用蘇子,萊菔子各3錢,辛夷花8朵,4碗水先將蘇子,萊菔子煮20分鐘,再加入辛夷花煮10分鐘成2碗,一天分服,連服3劑,對小朋友痰咳流鼻水有幫助.飲時可加少許蜜糖,好味些.

      • 匿名訪客 said,
        13 12 月, 2023 @ 11:39 上午

        好的芳姐🙏🏻🙏🏻請問如果小朋友佢仲飲緊中藥,可唔可以同一日飲用?會唔會有衝突?相隔兩個鐘以上可唔可以?唔該芳姐

  4. Suk said,
    26 9 月, 2023 @ 5:47 下午

    芳姐,您好!

    上月小兒(6歲)新冠後出疹,成個月才完全痊癒,消瘦了很多。現在有胃口,但餐與餐之間,容易嘴唇白白。近排一日有兩次幾聲咳,乾咳無痰,似氣管敏感咳,佢話忍唔住要連續咳幾下才舒服d。我分唔清是作感冒風寒咳,還是內傷肺損耗咳嗽?請問應該煲什麼湯水止咳和養身體?秋冬快到,擔心一不留神變氣管哮喘。

    謝謝芳姐。

    • 芳姐 said,
      26 9 月, 2023 @ 8:04 下午

      Suk:
      紅棗含有一種抗過敏物質,可用紅蘿蔔1個切薄片,紅棗8粒去核,煲水半小時供仔仔服,連服3~4劑.平時也可以用白果15粒,去芯,核桃肉1兩,南北杏1兩,紅棗6粒,陳皮1個煲鷓鴣或烏雞湯,全家可飲,有助補益肺脾腎,減少咳喘.

      • Suki said,
        27 9 月, 2023 @ 10:35 上午

        先謝謝芳姐回覆。
        小兒對木本堅果類(核桃/腰果)會過敏,請問可用其他東西代替嗎?

        • 芳姐 said,
          27 9 月, 2023 @ 1:25 下午

          Suki:
          如果小朋友不能吃木本堅果,改用雪耳適量代替,有補肺作用.

  5. Ally Lam said,
    18 8 月, 2023 @ 11:51 下午

    你好,芳姐,想問問,小朋友3歲,呢幾晚好準時夜咳,有咩湯水可以改善?謝謝

    • 芳姐 said,
      19 8 月, 2023 @ 12:19 下午

      Ally:
      夜咳屬風寒咳居多,試用紫蘇葉,杏仁,生薑,紅糖煲水供服,滾15分鐘就成.連服2劑,看能否改善?

  6. yuki tsang said,
    26 6 月, 2023 @ 10:07 上午

    你好芳姐,我想問下我夜晚訓覺好咳,但日頭就完全無點樣咳,可以煲咩湯水飲呀?
    我兩仔仔經常都會有咳帶有痰,日頭咳多,可以煲d咩俾佢地飲?
    謝謝你

    • 芳姐 said,
      26 6 月, 2023 @ 2:22 下午

      yuki:
      你試用鮮龍脷葉2兩,紅蘿蔔1個,雪梨乾7~8片,南北杏1兩,陳皮1個煲瘦肉湯,8碗水煮成4碗,全家可飲.有助化痰止咳.

  7. Daisy said,
    23 5 月, 2023 @ 7:37 下午

    芳姐:BB 18個月,風熱感冒後,而家仍然有白色鼻水,同埋夜晚訓覺咳嗽,請問有咩食療或者湯水適合BB?早前你介紹嘅白蘿蔔水加雪梨,飲完幾次,及食完一次猴棗末。鼻水由綠色變回白色及減少了好多。只是一到夜晚鼻水就多左,同埋訓覺會咳嗽。謝謝

    • 芳姐 said,
      23 5 月, 2023 @ 8:35 下午

      Daisy:
      你試用葱白3~4棵,淡豆豉2茶匙(中藥店有售),生薑3片,瘦肉少許,3碗半水煮成1碗供服,有助改善流清涕及咳嗽症狀,先服1劑,如見效,再服2劑.

  8. 匿名訪客 said,
    2 5 月, 2023 @ 8:46 上午

    芳姐妳好,個女半夜開始咳得比較犀利,已經持續個幾禮拜,同埋都有少少流鼻水,已經帶佢睇醫生食左藥都無效,請問燉鱷魚湯(川貝,海底椰,無花果,南北行,果皮)俾佢飲適合嗎?

    • 芳姐 said,
      2 5 月, 2023 @ 12:48 下午

      訪客:
      可以先用紫蘇葉糖薑茶供服,之後可用你提這款川貝海底椰湯供服.

      • 匿名訪客 said,
        2 5 月, 2023 @ 2:12 下午

        好的,感激萬分🙏🏻🙏🏻

  9. Bonnie said,
    13 4 月, 2023 @ 12:37 下午

    芳姐你好,
    我細女1歲3個月,流清無色鼻水,1日後即咳,痰聲重,咳時我會拍痰,佢有時就會嘔出來是微黃色。夜晚5點會咳,起身都會咳一陣,日間都會咳,已4天。試過煲一次吉餅龍脷葉桑葉好似咳多咗。燉鹽橙都試過未見效。
    大女2歲9個月,流鼻水一星期後比妹妹傳染咗咳,有微痰聲,鼻水鼻涕無色,唔識咳痰,所以唔知道痰咩色。
    請問可煲什麼湯水助好? 蘋果洋蔥水?
    平時可煲什麼湯水幫佢哋增強抵抗力?感冒好返一星期又病過,沒完沒了。。。
    謝謝回覆🙏🏻🙏🏻😊

    • 芳姐 said,
      13 4 月, 2023 @ 4:27 下午

      Bonnie:
      由於早上點左右是肺經運作時間,故5點左右肺有不適會咳嗽,没問題的.咳出來對患者更好.痰多可以用蘇子,萊菔子各5錢,入茶包袋中,用來煲瘦肉粥供兩個囡囡食,連服3劑有助清痰.可加囡囡喜歡的粥料同煮.

      • Bonnie said,
        14 4 月, 2023 @ 5:12 下午

        好👌多謝芳姐回覆
        今日忍唔住帶佢哋睇咗西醫,因為都咳咗五日。
        細女夜晚會咳到好誇張,醫生話氣管敏感,無發燒,唔係傷風感冒病毒。
        琴日煲咗一次,蘇子萊服子,請問係每日一次嗎?
        如果係氣管敏感,陳皮水啱用嗎?🙏🏻🙏🏻

        • 芳姐 said,
          14 4 月, 2023 @ 7:47 下午

          Bonnie:
          陳皮水可加紅棗(自己切薄片)4粒煲水供服,紅棗有抗過敏功效,陳皮理氣化痰.連服3劑.

Reply to 芳姐

 Cancel Comment