By 芳姐 ( 27 11 月, 2010 at 7:37 上午)
· Filed under 糖尿病, 高血壓／冠心病/中風
高血壓,糖尿病是都巿常見病,認識的長者中有不少患上其中一種或同時患上兩種這類疾病,要長期服藥,更需要嚴格控制飲食,否則很易引發併發症.
冬菇,木耳,牛蒡,杞子這些食材好味又富營養,同時均有降血壓,降血糖的功效,適合高血壓及糖尿病患者作保健之用.
用料是: 冬菇6朵,黑木耳2朵,牛蒡3條,杞子4錢,無花果4粒,瘦肉6兩.
做法: 冬菇,木耳浸軟後去蒂;牛蒡削皮後切段;杞子浸洗;瘦肉出水;將全部材料放入煲內,用8碗水煮約2小時成4碗即成.飲湯吃湯料.
~ 小貼士: 細條幼身的牛蒡香味較濃,可洗淨連皮一齊煲湯.圖中的是花菇,同樣香味濃些.此湯美味,老幼合飲,常服有助預防糖尿病,高血壓病及防治中風之效.
Permalink
請問芳姐，這個湯如果改用乾牛蒡，份量是多少？ 謝謝~
叉:
牛蒡乾用1兩.
芳姐，請問這個湯可以加白蘿蔔和粟米嗎
訪客:
可以加白蘿蔔和粟米的.
PINKY:
你可以參考糖尿病,高血壓一欄的食療湯水.因為工作太忙,回應很多網友問題已令我非常累,不可能加重負担!
今日已經煲咗鮮牛蒡，白背木耳，無花果，杞子，冬菇，粟米，紅羅白，瘦肉湯，好好飲！
咁除咗呢個牛蒡湯，唔知仲可唔可以提供多幾款湯水！萬分感激！
唔好意思，再想請教一下芳姐你，
如果我爸爸通完波仔，我燉肉汁俾佢飲有冇問題？
因為聽聞手術後飲燉肉汁可以個人精神啲同復原得快啲！對嘛！？
其實燉肉汁會唔膽固醇好高？
定係飲啲咩可以補番下？唔想落太多藥材，想補得平和啲，謝謝！
PINKY:
可以燉瘦肉,或去皮的雞胸肉汁,以增加營養,必須没肥油才成.
芳姐你好，
先要多謝你寫呢個網，令我獲益良多！多謝！
想請教一下你，我爸爸做完通波仔手術，
佢依家都有啲血壓高，踩界有啲血糖高，同腳部血管都有啲塞，
唔知可唔可以有多小小呢方面嘅嘅湯水介紹？謝謝！
PINKY:
你可以用鮮牛蒡1條,黑木耳2朵,粟米1支,紅蘿蔔1個煲瘦肉湯服,飲湯吃些湯料.如有鮮淮山都可以加入,8碗水煮成4碗,可供2日服用,但要將湯料撈起存放,尤其是木耳,不能浸在湯中過夜的.此湯有助通血管,防中風,降血糖.
芳姐丶我是燥熱底丶久時久會出”風爛＂，請問可食什麽簡單的食物可預防。我久時久會焗柸花
芳姐丶我是燥熱底丶久時久會出”風爛＂，請問可食什麽簡單的食物可預防。我久時久會焗柸花
Laucia:
你可用黑豆1兩,黑芝麻3錢,黑棗6粒,5碗水煮1小時成2碗服,一星期1~2次,對慢性出風癩有幫助.但最好找出致敏源,不去接觸或食用就可減少發病.
芳姐
我家屬有糖尿病，老公家族有中風高血壓，我現在懷孕後期，請問飲得牛蒡煲的湯嗎？我覺得很涼，另外，懷孕後期怕䏕脤糖尿，本人適宜煲什麼湯飲，因胃口已大減，食小小就好頂胃了，十分感謝！
Valerie
Valerie:
牛蒡湯較涼,對高血壓,糖尿病人士有益,你懷孕後都可以飲,但胃寒就不宜飲用.怕糖尿病可以用淮山,粟米,紅蘿蔔,杞子煲瘦肉湯服,有助預防糖尿病.
想問d杞子放室溫變左色, 係咪唔可以再用, 唔食得架?? 等到變左黑色, pls help… many thanks
fish:
杞子在室温下放太久會變質,變成深褐色就不要用了.最好存放雪櫃較佳.
芳姐,
還有, 不知糖尿病可否飲羅漢果無花果水呢? 因為我一星期都會煲一次的. 謝謝!
yy:
羅漢果可以,無花果糖分高,不宜用,可改用杞子.
芳姐,
今日醫生同我講, 我的血糖係正常的邊緣, 多0.1我就變左糖尿病, 所以佢叫我控制飲食同做運動, 其實我平時的飲食都很清淡, 又無咩食甜品, 不知為何會步向糖尿病, 我只得三十幾歲, 仲以為咁年輕唔會咁快出現, 除左可以飲此湯, 還有依家我應食多D咩餸可預防糖尿病呢? 謝謝!
yy:
糖尿病初期可以用太子參3錢,芡實1兩煲半隻老鴨湯,空腹服,飲湯吃湯料,連服2周,有助快些康復.平時需控制糖分吸收.
芳姐, 請問這湯有無花果, 若有糖尿病的話會否不合適?
Lin:
無花果屬天然果糖,且用幾粒來煲湯,不會影響糖尿病的血糖的,當口果吃就不太適宜.
牛蒡是否寒的? 寒底人士是否適合?
Selina:
牛蒡屬寒性食材,寒底人士可加無花果或加2片薑同煮.
芳姐,
謝謝!!!!!!!!!!!!!!
芳姐,
我買了10元一袋, 是否很平的.
elaine:
通常黑木耳賣40元左右1斤.10元應該有4兩吧?它很輕秤的.
芳姐,
我想問木耳是否背部是白色而面部是是黑色的呢?
elaine:
有些黑木耳是全朵黑色的,白背黑木耳品質較佳.
芳姐
如果經常便溏.可以飲這湯嗎?
謝謝
訪客:
如果經常便溏,可以在材料中加芡實,蓮子各1兩煲就可以.
只係想講多謝你無私既分享 ^_^
CC:
歡迎常來瀏覽!^^
芳姐,
是否生熟白果都可以? 謝謝!
Jennifer:
一定要生白果肉.
芳姐,
請問如臉頰邊緣及接近髮際的地方長了很多粉刺是否表示有肝火? 可以怎樣處理?
Jennifer:
臉頰及面部邊緣有粉刺暗瘡,表示有肝火,可以煲些夏枯草菊花水飲用.外用則可以用白果數粒,去殼,去芯後剖開對半,塗擦患處,輕輕按摩,半小時後用清水洗淨就可以,連續幾天見效.
芳姐, 請問沒有鮮牛蒡用牛蒡乾替代可以嗎?
Disney:
可以用牛蒡乾煲湯,没問題.
多謝你的回答
芳姐，想問日本人是否好興食牛蒡﹖
錦仔:
日本人是非常喜歡吃牛蒡的,他們稱牛蒡為[鮮淮山],反而將我們叫淮山的食物稱[長芋].
芳姐, 本人現坐月, 但不小心感親, 睇了很多次中醫, 但無論是食完藥後或食藥其中, 都很怕冷, 已經穿了很多衫, 常又再次感親, 請問您可否教我怎做, 又或許可否介紹一個治這証那手的中醫給我, 非常感激!
CL:
你可以試用北茋4錢,防風,白朮各6錢,生薑3片,紅棗6粒,用5碗水煮成2碗供服.一星期服2~3次,能增強體質,減少受風寒感染.
芳姐如堡沙參.海竹.淮山.雪耳.可否加紅羅白
小吉婆婆:
可以加紅蘿蔔同煮的.
謝謝你。
芳姐，你好，中指早上不能屈曲及有些痛，朋友提議用Gin酒浸大提子乾，我有尿酸高可否試食用。謝謝。
JC:
酒對痛風症患者不太適合.你中指不能屈曲,不要用食療了,要看醫生治理.西醫及中醫都可以.港大中醫門診有骨傷科的,教授都是很資深的骨傷科醫師,不妨去看看治理.
芳姐，早晨，請問我有高血壓病加尿酸高可否煲這湯，又中指每天早上不能屈曲，是否根骨有勞損，可以煲些什麼湯，謝謝。
JC:
高血壓,尿酸高可以飲此湯.中指不能屈曲,要及早看醫生,可能是腕管綜合症,如果不治理,情況會越來越嚴重,影響到其它手指活動力.