By 芳姐 ( 7 12 月, 2010 at 7:38 上午)
· Filed under 肝胆，腎，腸胃病
街巿有檔鮮魚檔,檔主是蛋家人,他們賣的鮮魚和別家不同,多數是一些新鮮海魚仔,像紅鱣魚,梭羅魚,馬友,黃花魚仔,紅衫,馬頭等,都不太大條,有些咀角還掛有魚勾,由於新鮮,用來煲湯非常鮮味,今天便買了幾條馬頭,20元1斤,相當便宜.
[黨參草果鮮魚湯] 有温中健胃之效.對慢性胃炎,胃寒,胃潰瘍胃痛隱隱,嘔吐清水,大便溏薄,神疲乏力症都有幫助.
用料是: 黨參5錢,草果,陳皮各2錢,桂皮3錢,生薑3片,鮮海魚1斤.
做法: 鮮魚劏洗淨,用少許油煎香;其餘材料浸洗;將全部材料放入煲內,用6碗水煮約1小時成3~4碗即成.
~ 小貼士: 此湯很鮮味,如不喜桂皮味道,可以用白胡椒粒2錢代替.
Permalink
客氣話不要 我六十六歳 剛做完通波仔二日 請問飲用什麼湯水 羅漢果有幫助否 多謝
LILY:
可以用鯽魚.胡椒粒主要暖胃袪寒,桂枝温通經脈,功效不同.要用桂枝.
芳姐你好！我呢邊街市無咁多鮮魚，可用鰂魚代替？未飲過用桂皮煲的湯，味道是否很怪？如果用胡椒粒代替功效會不會無咁好？謝謝回復
Ming:
草果在中藥店或雜貨店可買到,那些售賣東南亞食品或印尼食品的店有草果賣的,很易買到.
芳姐，請問草果是否在中藥店買到？謝謝
芳姐!早晨!
小女最近感冒,已看了兩次西醫,第二次醫生話感冒有啲未清,又有啲鼻敏感,且開了抗生素給她食!但食完都好似仲有好多鼻涕咁!請問芳姐我可以煲咩俾佢飲呢?又如果她未好番,可唔可以飲三棗茶呢?請芳姐指教吓我啦!謝謝!
yan:
你試用辛夷花3錢,防風3錢,白朮3錢,北茋3錢,葱白3條,5碗水煮成2碗供服,葱白後下,有助通鼻,三棗茶好番才飲.
您好, 我哥哥琴日食左d野唔乾淨, 痾左1次, 嘔左3次, 食咩嘔咩, d藥都落唔到腸….嘔晒出黎…佢話肚好痛…
琴晚太夜冇法子, 就食左1粒抗生素, 好左d…
請問佢而家適合食d咩?
另, 我出牙令到牙肉發炎腫痛, 食緊醫生開的消炎藥同抗生素, 如果我想焗茶飲, 有冇花茶適合呢?
謝謝
藥煲:
你哥哥可以用生薑4,5片,蒜頭6,7粒拍扁,紅糖少許滾湯服,碗半水滾成1碗,有助殺菌,吃些清淡白粥,不宜吃任何有油的東西.你牙肉發炎,可以用很濃的鹽水,濃度最好達飽和程度,每口含片刻,大約含2分鐘左右,有些刺舌頭的感覺,最後用水潄口一次就成,一日含潄3次.可以焗些金銀花茶來飲.
我的老公經常胃痛，胃脹和有胃氣，有甚麼湯水適合？
梅:
你丈夫脾胃氣虛,可以用黨參4錢,砂仁3錢,陳皮1錢,紅棗6粒,生薑3片煲鯽魚湯服.連服3天,看能否改善症狀?
Angel:
你仔仔幾大個呢?如果已經成年,就要留意是否患[腸易激症]?通常表現像腸胃炎,會腹瀉,腹痛等,這和精神緊張因素有關.如果是小朋友,可以用炒扁豆,薏米各1兩煲粥服,連服3天有助改善症狀.
芳姐:
您好，我仔仔近幾個月成日腸胃炎，都唔知點算好!!請問有咩湯水二高可以調埋??
謝謝!
芳姐: 我昨天煲了這款湯,味道鲜美,從來不知道草果可煲湯,在這網頁學了很多保健知識,多謝.
玲玲:
歡迎常來瀏覽!
芳姐：請問你有無聽過蔗，是否對糖尿病有幫助？
訪客:
甘蔗含糖12%,糖尿病人間中吃些都可以,但坊間賣的蔗汁大多數浸了糖水榨取的,含糖量高,對糖尿病人不適合,少飲為宜.羅漢雖然其甜度較蔗糖高300倍,但能降血壓,故適合糖尿病應用.
生田七話涼，丹參涼嗎﹖
錦仔:
田七是性温的.丹參性微寒.
唔該晒你
芳姐﹕
我媽看了中醫，原來佢心同血管有D塞，開左藥，醫生說要她小心，有咩食療湯水可以幫到，唔該你。
錦仔:
令堂心血管有些塞,平日可以用牛蒡,黑木耳,淮山,紅棗煲瘦肉湯供服,有活血袪瘀等作用.對防治心血管症有幫助.用量隨意,很好味的.[生田七片]及[丹參片這兩種中成藥對血管塞有良效.在裕華有售.但如果正在服西藥薄血丸就不可以服,以免雙重[薄血],造成危險.
芳姐,
你好!甚麼是草果?有甚麼用的?是否寒涼?有時見有些食譜內都有這種材料煮餸.多謝幫忙!
蚊蚊媽媽:
草果又稱草豆蔻,性温,有暖胃燥濕,治胃脘痛,咳嗽,解酒,消口氣等功效.對胃寒人士最適宜,可用來燘餸或煲湯.