By 芳姐 ( 18 1 月, 2011 at 8:12 上午)
· Filed under 外感/頭痛/呼吸道病
急性支氣管炎患者如果没有妥善治理,會轉化為慢性支氣管炎.患者會反覆咳嗽,痰多,每年發病至少持續兩三個月.由於經常咳嗽,至肺腎兩虛,出現咳嗽,氣喘,乏力,腰酸膝軟,喉間時有哮鳴等症狀.
[雙果核桃湯]有益肺補腎,歛肺定喘之效.對肺腎俱虛的支氣管患者十分適合.
用料是: 白果10粒,羅漢果1個,核桃肉1兩.
做法: 白果去殼,去芯;羅漢果打碎;核桃肉洗淨;將全部材料用5碗水煮約1小時成2碗,飲湯吃白果,核桃肉.
~ 小貼士: 白果有歛肺定喘之效,但芯有小毒,必須去除.此湯對小兒經常咳嗽不止亦有裨益,用量減半.
Permalink
你好，芳姐，我女女3歲，佢呢排流鼻涕留得好西利，睇醫生醫生話係鼻竇炎，斷斷續續差不多兩個月都唔好，身體都比較弱，食藥都食都散曬，請問我可以煲d咩俾佢飲呀？謝謝🙏🏼
Hailey:
你試用辛夷花3錢,蒼耳子2錢,白芷2錢,甘草1錢,4碗水煮成2碗供一天服,連服3劑.
Thank you
請問可用青羅漢果嗎？
Kong:
鮮羅漢果可以,但較寒涼.熱性體質適合.
HI 芳姐
呀女流感有發燒但氣管不停咳可以煲什麼湯水止咳?謝謝你
bbwong:
你試用洋葱1個,蒜瓣5,6粒,冰糖少許,3碗水煮成碗半供服,連服3劑,看能否改善?
謝謝
芳姨你好, 請問食緊西藥同時可唔可以煲此湯飲? 小兒20個月, 剛確診支氣管炎, 謝謝~
訪客:
服西藥隔2小時可飲此湯,但BB太細,不宜吃白果,只飲湯,隨量飲半碗就成.
芳姐 你好，我女連續半年病 每次都係咳到喘，醫生話氣管好差！
可以煲什麼湯水 補返個氣管同對醫哮喘好！感謝
Queenie:
你試用白果10粒,去芯,核桃肉1兩,南北杏1兩,陳皮1塊,紅棗6粒煲鷓鴣或鵪鶉湯供服,8碗水煮2小時成4碗,可分2天飲,飲湯吃些少湯料,一星期2劑(飲4天).
女兒兩歲 ，因在澳沒有新鮮活雞賣，妳所講的鷓鴣或鵪鶉沒得購買 可用其他代替？
Queenie:
如無鷓鴣,鵪鶉,用瘦肉代替吧!
我仔兩歲多 返學後已經因咳 鼻水 請假3次 今日又因支氣管炎入院 氣喘 有什麼湯水可以煲呢 謝謝
恩:
你可以煲這款白果羅漢果核桃肉湯供仔仔飲,有助止咳定喘.川貝能減少氣管痙攣,故可以用川貝末3錢,蘋果1個,陳皮1塊,4碗水煮成2碗供仔仔一天服,一星期3劑,有助化痰止咳.可加些少蜜糖,好味些.
謝謝 請問平時可以有什麼湯可以增强抵抗力 呢 謝謝
恩:
日常可以多煲些健脾胃的湯水,以助吸收,減少痰涎發生.可用淮山,茯苓,蓮子,芡實各1兩,陳皮1個,紅棗6粒煲豬展湯服,8碗水煮2小時成4碗,全家可飲,一星期2劑,最好吃點湯渣才見效.
芳姐你好，我女女2歲半， 8月尾時有感冒，之後一路都咳得好西利，症狀係夜晚2-4點同朝早起身咳得最西利，日頭都有咳但輕微嘅，冇鼻水，但夜晚訓硬係覺得佢有啲鼻塞，轉過個醫生都唔得，有個醫生話鼻水倒流所以咳（但食佢啲藥冇好過），而最近睇果個醫生就話女女係支氣管炎同哮喘中間，第一次食佢啲藥就夜晚冇咳醒，好似好啲，但食哂後去睇多次又係再一次半夜咳醒，請問芳姐有咩食療介紹？我已經冇哂辦法，另想問如好番後有咩食療可介紹，佢鐘意食糖水多過飲湯，我好怕女女真係變哮喘就手尾長，麻煩你
VV:
你試用紫蘇葉3錢,辛夷花6朵,生薑2片,甘草2錢,4碗水煮成2碗供囡囡服,連服2劑,看能否改善?平時可以用白果10粒,去芯,核桃肉1兩,南北杏1兩,雪耳3錢,百合1兩,無花果4粒煲鷓鴣或瘦肉湯,8碗水煮2小時,全家可飲,一星期2劑,有助補益肺脾腎,減少咳喘.
芳姐你好
我男朋友爸爸早前一直咳嗽 多痰 後來睇醫生是 支氣管炎 一直持續 最近影響到有少許哮喘 請問這湯可對他有用嗎?或有沒有其他湯水幫助?請幫忙 感激
BoBo:
如果患者痰白清稀,屬寒咳喘,可用白果10粒,去芯,核桃肉1兩,南北杏1兩,陳皮1塊煲鷓鴣或鵪鶉湯供服,8碗水煮2小時成4碗,全家可飲,患者一天分服2碗,一星期2~3劑.有助改善.
芳姐你好
患者痰是怎樣我又不太清楚 因為沒有看見
另外請問鷓鴣或鵪鶉可在邊度買到?其實我都係嘗試煲 除左公仔麵其他唔識整
仲有我除左係呢度留言比你 還有沒有其他方法可聯繫你 因有太多地方需要請教請教
芳姐，你好！我老公昨去去看醫生，醫生話是上氣管發炎，他怕冷，易容頭暈，還有就是昨天晚上見他眼睛紅紅的，又流眼淚，沒有咳嗽，沒有發燒。請問我可以煮什麼湯水給他喝呢？吃西藥可以喝嗎？謝謝
Ca:
你試用桑葉,菊花,桔梗各3錢,生薑3片,甘草1錢,4碗水煮成2碗供服,有助疏風清肝熱,明目.吃西藥隔2小時飲,連服3劑.記得要多飲暖水,多休息.
芳姐，你好！如果上述情況，有發燒，還可以喝你上面所說的的湯水嗎？謝謝
Ca:
桑葉菊花桔梗水有發燒都可以飲.
Cat:
如果你不覺有痰,又冇咳,為何會看醫生呢?一定有些症狀出現醫生才會聴你個肺部情況吧?你試用法夏,茯苓,白朮各3錢,陳皮2錢,甘草1錢,5碗水煮成2碗服,連服3劑,有助袪痰.平時可以用3錢川貝燉蘋果食,對支氣管有益.
芳姐你好：
我每次睇醫生，醫生一用听筒听我肺部，每次都説我支氣管唔好，同埋有好多痰。但我平時係一d 咳都冇，又唔覺有咩痰的。 想問有什麼湯水對支氣管好？
May:
你試用北茋,防風,白朮,法夏各3錢,甘草1錢,生薑3片,紅棗4粒,5碗水煮成2碗服,連服3劑,有助增强體質,化痰止咳嗽.
你好芳姐
我至2016年12中感冒後、多次睇醫生、似終仍然咳、晚上瞓覺時咳未能入睡。
氣管非常不舒服、喉嚨成日有少少啖感。
請問有咩湯可以改善。
U LING:
你試用法夏3錢,茯苓3錢,厚朴2錢,柴胡2錢,郁金3錢,香附3錢,陳皮1塊,5碗水煮成2碗供,連服3劑,看能否改善?此湯主要疏肝理氣,化痰.
你好呀！芳姐！我想問吓呢我先生一個禮拜前條氣管已經好唔順暢！喉嚨好似有啲嘢頂住頂住但係睇左醫生照過肺！醫生都話佢冇事，淨係開咗啲擴氣管藥俾佢食！咁其實要煲乜嘢湯水比佢飲先會好返！可以等佢條氣順長啲！麻煩晒你
pinky:
你可用蘇子,萊菔子各3錢入茶包袋,與白米煲瘦肉粥供囡囡服,對痰咳很有幫助.睡前用棉紙巾剪成條狀,浸淡鹽水,扭緊替囡囡通鼻管才睡.
芳姐：
我bb女現在9個月，已經第二次氣管炎，食住西藥也一段時間，D痰很多咳不出來，有小鼻涕涕都是黃色，晚上飲奶後會咳不停和早上有點咳，其餘時間還好，我已經不想再用西藥，幫助好像不大，有什麼方法嗎？
Ella:
你試用川貝末3錢,蘋果1個,去皮,去核切塊,4碗水煮成2碗供服,可加陳皮1塊,飲時加少許蜜糖.連服3劑,看能否改善?川貝能減少氣管痙攣.蘋果有益正氣.陳皮化痰理氣.
芳姐，你好，小兒3歲，這幾個月來已經幾次氣管炎，最近一訓覺就咳，特別是凌晨，同鼻一吸氣都會咳，跑的快又咳，日頭少咳，有時早上有d黃痰，痰不多，請問可以煲乜湯？多謝
Karen:
此湯補益肺脾腎,健康者都可以飲,煲2小時,飲湯吃些湯料.小朋友則白果一歲一粒,兩歲兩粒….不能多.
好既!甘呢個湯水無咳既人可以飲嗎？仲有要煲幾耐？謝謝!
karen:
你可用白果10粒,去芯,核桃肉6粒,南北杏1兩,紅蘿蔔1個,無花果4粒煲瘦肉湯,有助止咳定喘.連服3劑,看能否改善?
芳姐你好!我個仔就黎26個月，咳左就黎一個星期喇!睇左西醫D藥都就黎食完都仲未好，醫生話支氣管炎，听到有喘，係診所聞左氣，但以家都係有咳同流鼻水，D痰係白色既，想請教下你煲D乜野湯水好？謝謝!
Rosa:
羅漢果較蔗糖甜300倍,但有助降血糖的,糖尿病者可用此湯.
芳姐
請問有糖尿的可以喝双果合桃湯嗎？因為羅漢果是很甜的
從來都沒有發過燒就感冒開始一直咳，現在每天看中醫
applewong:
如果仔仔有氣喘伴有發燒必須看急症.如只是咳不停,試用花旗參,麥冬,桔梗,杞子,甘草各3~5克泡茶供服,可沖淡至淡,對久咳傷肺陰者有良效.
芳姐你好，我仔仔慢性支氣管炎已經持續兩個多月，一直睇西醫，宜家已經轉睇中醫，今日去完街又一直咳唔停，咳得氣管好響，有咩方法？我已經冇曬辦法了，使唔使去睇急症？
sandy:
寒咳,熱咳都可以飲這款湯.
man ling:
支氣管炎如屬寒性,即痰白清稀,晚上咳多,可以用橘紅3錢,陳皮2錢煲水代茶服.或煲鱷魚肉湯亦適合.可以在右上角[搜尋]的空格內打鱷魚肉三個字,再按一下搜尋,即可看到有關鱷魚肉湯文章.
芳姐,你好!
請問熱咳同寒咳是否都可以飲這個湯水?
芳姐,你好!
請問氣管炎或支氣管炎,多屬熱性嗎?有沒有寒性的.因為見你介紹的湯水,多數適合熱性體質服.
儀:
你可以用羅漢果1/4個,桔梗3錢,甘草1錢,4碗水煮成2碗服,連服3劑,有助止咳.
芳姐，上星期感冒睇完醫生食完藥之後，還不停咳，喉嚨很痕，但醫生話氣管唔好，請問有咩湯水可以治喉嚨痕同治咳? 謝謝
高媽:
果皮水都有些少用,可以蒸洋葱水,不是藥.洋葱1個去衣切塊,放碗中,隔水大火蒸半小時,用湯匙壓大約3湯匙洋葱汁供服,睡前服,有助止咳,可早,晚各服1個洋葱汁.
芳姐，你好，女女氣管炎，好多痰，多數半夜咳，食抗生素中，如果唔想中西藥一切食，煲果皮水可以嗎？
真係唔該晒你呀！芳姨
誼:
你可以繼續煲多兩劑給你先生飲,應該可以化到痰.
芳姨,不好意思,是否忙了答我呢？
芳姨,您好,我已經煲了兩劑給我先生飲,瞓觉就無咳,
但曰間都仲有咳，且有些痰,係唔係継續煲這款葯，
定係煲另外一些,謝謝您!!
誼:
有痰可以用桔梗,麥冬,法夏,茯苓,白朮各3錢,甘草1錢,陳皮2錢,5碗水煮成2碗,連服2劑.
芳姨,我先生原來有痰,現在咳出來了那麽是否要轉另一款湯水,不好意思,麻煩您!!
芳姨,我先生原來痰,之前咳唔出,那麼是否要煲另外一些給他喝,麻煩您芳姨!!
謝謝芳姨,我明天試試
誼:
你試用麥冬3錢,馬蹄6粒切片,紅蘿蔔1個,生薑3片,5碗水煮成2碗供服,連服3劑,有助止乾咳.
芳姨,您好,我先生乾咳，無痰,睇医生医生話支氣管炎,
已煲左兩日川貝燉雪梨,好像好些但睡覚仲有咳,日間也有咳,咁应該継續煲川貝或是煲D咩好?
謝謝芳姨!!
carmen:
如服西藥,可以用川貝末2錢,雪梨1個,去核切塊,碗半水蒸半小時服,有助清熱化痰止咳.服西藥後2小時飲就成,連服3劑.白果有小毒,嬰幼兒不合.
芳姐 小兒9個月大,而家患上支氣管炎食緊西藥 請問雙果合桃是否合適?
基:
羅漢果甚甜,加鹽味有點怪,不用加.
芳姐， 雙果合桃湯用細火煲一小時？要落鹽嗎？