支氣管炎調理—雙果核桃湯

 

 

     急性支氣管炎患者如果没有妥善治理,會轉化為慢性支氣管炎.患者會反覆咳嗽,痰多,每年發病至少持續兩三個月.由於經常咳嗽,至肺腎兩虛,出現咳嗽,氣喘,乏力,腰酸膝軟,喉間時有哮鳴等症狀.

     [雙果核桃湯]有益肺補腎,歛肺定喘之效.對肺腎俱虛的支氣管患者十分適合.

     用料是: 白果10粒,羅漢果1個,核桃肉1兩.

     做法: 白果去殼,去芯;羅漢果打碎;核桃肉洗淨;將全部材料用5碗水煮約1小時成2碗,飲湯吃白果,核桃肉.

     ~ 小貼士: 白果有歛肺定喘之效,但芯有小毒,必須去除.此湯對小兒經常咳嗽不止亦有裨益,用量減半.

363 comments »

  1. Candy Chan said,
    20 11 月, 2023 @ 4:53 下午

    芳姐,你好!我有咳嗽,鼻水,而且痰是黃色的,夜晚咳到瞓唔到。總是覺得氣唔順,請問會唔會係支氣管炎呢!請問可以飲”蟲草花淮山無花果鷓鴣湯”嗎?又或者可以煮哪個食療會有幫助呢?謝謝

    • 芳姐 said,
      20 11 月, 2023 @ 8:25 下午

      Candy:
      你試用鮮龍脷葉,枇杷葉各1兩,雪梨1個,去核,北杏3錢,陳皮1個,5碗水煮成2碗服,連服3劑,有助清熱化痰止咳.蟲草花湯待黃痰消除了才飲.

      • Candy said,
        20 11 月, 2023 @ 11:27 下午

        想再請問下:可以飲桔餅陳皮蘋果水嗎?(可以後加川貝未嗎?)謝謝

  2. Nicole said,
    9 7 月, 2023 @ 9:02 下午

    芳姐你好,仔仔5歲睇完醫生話係支氣管炎,要食抗生素,請問有咩湯水可以調理下?仲有咳,鼻涕有小許黃。
    另外一個仔仔11歲屁股兩邊長滿瘡,可以飲啲咩?他身型略為肥胖!

    • 芳姐 said,
      10 7 月, 2023 @ 1:09 下午

      Nicole:
      你可以買鮮魚腥草,用2兩,配南北杏1兩,陳皮1個,蜜棗2粒,4碗水煑20分鐘成2碗供仔仔服.另外用2兩煲水15分鐘成1碗,作外洗劑,有助消瘡腫,一碗可用藥棉沾藥汁塗患處,一日塗3次,不用清洗.

  3. Phoebe said,
    23 12 月, 2021 @ 6:13 上午

    芳姐

    仔仔兩歲十個月大

    最近 幼稚園很多同學仔病,兒子 18號開始發燒, 流鼻水咳嗽很嚴重

    看了醫生都是說傷風感冒, 咳到 氣管炎 還未到支氣管炎。

    一路靠食 退燒藥 控制,現在剛剛開始退燒, 仍然有鼻涕, 睡著了便沒有咳嗽,但一起床就咳得很嚴重及頻密, 仍然在吃西醫的鬆氣管藥及傷風咳藥,抗生素等

    請問我應該煲什麼給他喝或者做什麼呢謝謝

    • 匿名訪客 said,
      23 12 月, 2021 @ 6:16 上午

      補充: 感覺好像有點敏感,咳到停不了似的, 一起床便咳,一說話咳, 咳到撕裂一樣,

      而且他 還會咳到嘔吐及仍然有腹瀉

    • 匿名訪客 said,
      23 12 月, 2021 @ 6:17 上午

      補充: 感覺好像有點敏感,咳到停不了似的, 一起床便咳,一說話咳, 撕裂一樣,

      而且他 還會咳到嘔吐及仍然有腹瀉

    • 芳姐 said,
      23 12 月, 2021 @ 8:33 上午

      Phoebe:
      你試用蘇子,萊菔子各3錢,入茶包袋,北杏3錢煲瘦肉粥供食,連服3劑,有助袪痰止咳.

    • 芳姐 said,
      23 12 月, 2021 @ 8:36 上午

      Phoebe:
      除了用蘇子,萊菔子,北杏煲粥供食,亦可以放一個去了衣,切了頂部的洋葱在仔仔床頭,讓洋葱吸走床邊及房間的細菌病毒.

  4. Shirley Chan said,
    9 3 月, 2021 @ 1:38 下午

    芳姐:
    我仔仔歲半,晚晚睡覺都好不安,整晚都係床碌來碌去,每晚都醒幾次,又難以入睡。
    經常無謂口食野,請問有咩湯水幫助到.謝謝!

    • 芳姐 said,
      9 3 月, 2021 @ 3:01 下午

      Shirley:
      你試用有心蓮子1兩,百合1兩,燈芯草6扎,圓肉10粒,5碗水煮成2碗供服,最好吃些百合,有助清心安神.

  5. Mary said,
    25 1 月, 2021 @ 11:16 下午

    芳姐,你好,本人有慢性支氣管炎,常有咳嗽,而且喉嚨感覺常有東西卡住, 又不是痰,非常不舒服,已有多年, 有什麼湯水可緩解?

  6. Fanny said,
    18 1 月, 2021 @ 10:21 下午

    芳姐,你好,本人69歲,患了慢性支氣管炎多年,之前都是每天有些咳嗽而已,去年每天咳嗽加多,而且行一段小路和上落樓梯,有氣喘還試過咳出血塊,照過肺片,沒事。現在每天都有咳嗽,請教可有什麼湯水可舒緩咳嗽。
    另外晚上睡着了時或早上起牀,口和喉嚨乾得很像一點滴口水都沒有,把得我弄醒。亦請提供湯水改善,如湯水可二合為一就最理想,感謝。

    • 芳姐 said,
      19 1 月, 2021 @ 3:30 上午

      Fanny:
      你試用沙參,麥冬各5錢,石斛3錢,白果15粒,去芯,核桃肉1兩,無花果3粒煲瘦肉湯服,8碗水煮成碗,可分2天飲,要吃些湯料.如口太乾可以用羅漢果1/4個,青欖6粒拍鬆,4碗水煮成2碗飲,每日1劑,至症狀好為止.

      • Fanny said,
        19 1 月, 2021 @ 11:02 下午

        芳姐,請問第一個食療是舒缓咳嗽嗎? 八碗水煮成幾多碗呢? 沒有寫出.

      • Fanny said,
        19 1 月, 2021 @ 11:09 下午

        芳姐,我住這裡買不到青欖,可有什麽代替?

  7. Karen Ho said,
    13 10 月, 2020 @ 3:52 下午

    芳姐,(上兩年曾患過肺炎)我爸爸一個月前食完抗生素就開始咳到而家,佢話係喉嚨痕(頸中間位置),冇痰的,胃口差,食野感反胃,有啲咩食療可以幇到?我巳經常煲黨參雲苓白术比佢了,謝謝!

    • 芳姐 said,
      13 10 月, 2020 @ 7:51 下午

      Karen:
      你試用青木瓜1個,雪耳3錢,南北杏1兩,無花果4粒,陳皮1個煲豬展湯供服,連服3劑.有助健脾益氣,潤肺止咳.

      • Karen Ho said,
        14 10 月, 2020 @ 1:11 上午

        你好芳姐,他有腎病洗腎的,可能木瓜未必吃得多,有冇其他可以代替?冬蟲夏草(屋企有)可以點配其他食?川貝是否岩佢?

        • 芳姐 said,
          14 10 月, 2020 @ 4:22 下午

          Karen:
          冬蟲草可以配白果10粒,去芯,核桃,芡實各5錢,川貝3錢燉豬展或鷓鴣湯供服.

  8. shum said,
    7 4 月, 2020 @ 11:10 上午

    芳姐你好, 我先生一年裏面有大半年都係會有痰卡住喺喉嚨 佢好容易氣管炎感冒, 今年年頭感冒咳 好番到而家 都係成日有痰 在喉嚨, 但係咳極都咳唔到出嚟, 佢話覺得啲痰好杰, 之前佢感冒有綠色痰我煲過魚腥草兩次畀佢飲, 綠色痰就冇咗, 龍脷葉桔餅羅漢果海底椰 青欖 等等 我都不停煲畀佢飲, 但係就係個痰咳唔到出嚟, 我好驚佢變咗慢性氣管炎, 佢而家50幾歲 我好驚佢去到老嘅時候好似啲阿伯咁日日喺度咳, 呢個雙果核桃湯 啱唔啱佢飲? 可以煲咩比佢調理下同埋咳咗啲痰出嚟呢? 可唔可以同佢拍啲痰出嚟呢 ?
    謝謝你。

    • shum said,
      7 4 月, 2020 @ 11:36 上午

      芳姐,同埋佢有時呼吸间中一兩下会有聲。。音,好像條氣不順,喉嚨有声,不知是否就是哮鳴。先谢谢你。

    • 芳姐 said,
      7 4 月, 2020 @ 12:10 下午

      shum:
      你可用法夏,茯苓,白朮各5錢,陳皮2錢,甘草2錢,5碗水煮成2碗供服,連服3劑,如見效,停2~3天再服3劑,至症狀改善為止.

  9. Fong Jessie said,
    20 3 月, 2020 @ 6:41 上午

    芬姐,小兒一歲四個月,自打流感針後一直流鼻涕咳差唔多半個月,好多咳,還有氣喘,看西醫一直都冇咩改善,應該煲啲咩?

    • 芳姐 said,
      20 3 月, 2020 @ 8:55 上午

      Fong Jessie:
      你試用桔餅1個切碎,陳皮1個,辛夷花6朵,4碗水煮成碗半供仔仔一天分服,連服3劑,看能否改善?

  10. Miki said,
    5 2 月, 2020 @ 5:48 上午

    如果 80歲老人 氣促 有 喘鳴聲 晚上難入睡

    • 芳姐 said,
      5 2 月, 2020 @ 2:24 下午

      Miki:
      你可用白果15粒去芯,核桃肉1兩,百合1兩,無花果3粒煲瘦肉湯供服,8碗水煮個半鐘成4碗,老人一天分服2碗,連服3劑.

  11. Mr Ice said,
    4 2 月, 2020 @ 7:42 下午

    芳姐你好,我老婆27歲一直都有支氣管炎,乾咳多但有時會有痰。以前係一年365咳,依間係冬天特別凍果陣最嚴重,之前試過藥物冇太大幫助。唔知係咪生過小孩,身體有冇變化同有影響,因為懷小朋友果陣,試過氣喘唔到上黎🙏🏻可以煲d咩?或者有咩食療可以指教下🙏🏻謝謝你!

    • 芳姐 said,
      4 2 月, 2020 @ 8:22 下午

      Mr Ice:
      你試用虎乳靈芝3錢,白果15粒去芯,核桃肉1兩,南北杏1兩,陳皮1個,紅棗6粒煲鷓鴣湯,7碗水煮個半鐘成4碗,你太太一天分服2碗,最好吃些白果,核桃肉,一星期2~3劑.此湯全家可飲,有助補益肺脾腎,減少咳喘.

  12. Cat said,
    4 2 月, 2020 @ 12:52 下午

    我2個月前感冒帶咳 及後keep 住有少咳及覺得氣管唔順 有少量 白色痰。有時見少黃痰

  13. Cat said,
    2 2 月, 2020 @ 11:21 上午

    芳姐你好
    小朋友3歲氣管炎食左5日抗生素但現在還有痰鼻水同咳,請問可煲什麼湯給他調理?謝謝!

    • 芳姐 said,
      2 2 月, 2020 @ 1:53 下午

      Cat:
      你試用桔餅1個,陳皮2個,茯苓3錢,白朮3錢,辛夷花6朵,4碗水煮成2碗供一天分服,連服3劑.

  14. Wilson Wong said,
    2 11 月, 2019 @ 2:53 下午

    芳姐你好,我媽咪最近一直咳嗽,看了幾次醫生也沒幫助,晚上咳得非常嚴重,請問有咩湯水岩佢飲?

    • 芳姐 said,
      2 11 月, 2019 @ 8:35 下午

      Wilson:
      你試用桔餅1個切碎,陳皮2個剪碎,蘋果1個,去皮,去核,4碗水煮成2碗供服,連服3~4劑,看能否改善?

  15. yu said,
    17 10 月, 2019 @ 12:47 上午

    芳姐,我個仔沉日發燒今日睇e生話氣管炎要食一星期抗生素,仲有2粒痱滋仔生咗出嚟!我可以煲啲咩粥同埋湯會好啲,麻煩哂

    • 芳姐 said,
      17 10 月, 2019 @ 7:00 上午

      yu:
      你可以用桔餅1個切碎,雪梨1個,去核,4碗水煮成2碗供服,有助清肺熱止咳.生痱滋可以煲些鹹瘦肉皮蛋粥供食.連服2劑.

  16. stella said,
    16 8 月, 2019 @ 10:55 下午

    小兒兩歲半,感冒後一直咳,咳了半個月,晚晚咳到瞓唔到,睇醫生話係支氣管炎,好多痰,要食抗生素同聞蒸氣,請問食緊西藥有咩湯啱飲?

    • 芳姐 said,
      17 8 月, 2019 @ 11:03 上午

      stella:
      你試用川貝末3錢,蘋果1個,去皮,去核切塊,4碗水煮半小時成碗半供仔仔一天服,連服3~4天.服西藥後2小時飲,有助止咳.

      • Angel said,
        20 11 月, 2019 @ 12:56 上午

        Stella:
        我BB又係兩歲都係有咁嘅情況,你可以教下我嗎?

        • 芳姐 said,
          20 11 月, 2019 @ 10:42 上午

          Angel:
          川貝能袪痰止咳,減少氣管痙攣,小兒最合用,配蘋果有益正氣及有止咳功效;如痰黃屬熱咳就配雪梨.

  17. 仔仔媽咪 said,
    8 8 月, 2019 @ 10:21 下午

    芳姐,不好意思,最後嗰度打錯字, 我意思係話佢一般早上和晚上係咳得比較嚴重, 中午的時候比較穩定緩和, 我到底怎樣才能幫助他呢?謝謝你賜教。

  18. 仔仔媽咪 said,
    8 8 月, 2019 @ 10:18 下午

    芳姐,您好,我大仔今年7歲8個月,說來話長,他由2歲開始咳咳咳……一年到晚都咳…… 醫院又話佢類似哮喘氣管敏感之類, 咁多年嚟一直都有跟進, 今日才去醫院覆診 回來也是給 小小 鼻水藥佢用, 話唔知會唔會係鼻水倒流, 但係佢隻被係乾嘅冇鼻水。 又開咗啲一直用開嘅 聞氣噴劑, 其實咁多年嚟一直覆診都不大大。睇嚟睇去中醫西醫都係一直咁咳,基本上咁多年冇停過,我都真係身心疲累佢又辛苦我又辛苦。 佢一般係組 嫦娥 晚上咳得比較嚴重 中午時比較穩定緩和, 芳姐請教您我應該如何幫助他呢?謝謝指教。

    • 芳姐 said,
      9 8 月, 2019 @ 4:53 下午

      仔仔媽咪:
      你試用虎乳靈芝3錢,川貝3錢,白果10粒,去芯,核桃肉1兩,南杏5錢,陳皮1個,紅棗6粒煲鷓鴣湯供服,一星期2~3次,全家可飲,仔仔最好吃些湯料,有助補益肺脾腎臟,減少咳喘.

  19. pooo said,
    8 8 月, 2019 @ 6:29 下午

    女兒17個月大,睇咗兩次西醫,話佢支氣管炎,已經食咗藥兩個星期,但仍然未完全康復。今日開始由鼻水倒流,轉為流清鼻涕水,而且仲伴隨着有痰聲嘅咳,請問可以飲咩調理?

    我自己都患咗支氣管炎加氣管敏感,夜晚比較多咳,可以飲以上湯水嗎?

    • 芳姐 said,
      8 8 月, 2019 @ 9:04 下午

      pooo:
      你可以用這款湯,但羅漢果偏涼,你改用桔餅1個代替,女兒鼻水倒流可用5朵辛夷花拍碎泡茶,加些少蜜糖供服,連服3劑.

  20. Candy said,
    25 7 月, 2019 @ 1:26 下午

    芳姐,
    妳好, 家中媽媽常氣管咳. 遇冷氣即咳….請問是否有合適湯水調理及舒緩? 較早前睇中醫亦提醒過媽媽不適宜食及飲用順貝..煩請幫忙提供湯水及材料. 謝謝.

    • Candy said,
      25 7 月, 2019 @ 1:27 下午

      更正資料 ( 川貝不能食/飲用 )

    • 芳姐 said,
      25 7 月, 2019 @ 5:36 下午

      Candy:
      你試用桔餅1~2個(桔餅上的白霜能止咳,是天然結霜,不要洗去)切碎,陳皮2個剪碎,4碗水煮成2碗供服,連服3~4劑.

      • Candy said,
        27 7 月, 2019 @ 11:11 上午

        收到妳回覆, 謝謝, 但請問桔餅可以在甚麼地方購買? 街市? 或海味店?

  21. Mary said,
    30 6 月, 2019 @ 10:06 下午

    你好芳姐。老人家有支氣管擴張 反覆會咳血 大概數星期就會出現咳血4.5天。平日也十分多白色痰。請問可煲什麼湯水讓支氣管擴張情況改善 減少咳血情況 平日也有食止血丸。

    • 芳姐 said,
      1 7 月, 2019 @ 1:16 下午

      Mary:
      你去中藥店買白芨,用白芨3錢,白果10粒,去芯,雪耳2錢,南北杏1兩煲瘦肉湯供老人家服,連服3~4劑會有幫助.

  22. Ting said,
    26 6 月, 2019 @ 1:13 下午

    芳姐你好!我媽媽年紀已經很大八十多歲, 患有慢性支氣管炎和哮喘,肺功能很差、不停反覆病發,體弱、無胃口、睡眠質素差夜咳多痰。
    請問有什麼合適的保健湯水和可以恆常每天飲用的食療?
    謝謝!

    • 芳姐 said,
      26 6 月, 2019 @ 5:07 下午

      Ting:
      你試用虎乳靈芝3錢,雪耳3錢,南北杏1兩,核桃肉6顆煲瘦肉湯供服,一星期2劑,全家可飲.

  23. cbic said,
    4 5 月, 2019 @ 12:34 上午

    芳姐,想問羅漢果會太寒嗎… 媽太寒都會咳厲害 ,佢支氣管唔舒服好多年,一咳幾個月,痰又多

  24. Cynthia said,
    2 5 月, 2019 @ 11:14 上午

    芳姐,小兒16個月大,急性肺炎加支氣管炎,出院後想調理身體,想問此湯水適合嗎?可以日日煲此湯嗎?
    還有什麼適合的湯水可以介紹給我,謝謝

    • 芳姐 said,
      2 5 月, 2019 @ 11:56 上午

      Cynthia:
      由於白果有小毒,小朋友一歲只能吃1粒,2歲吃2粒…故建議你用虎乳靈芝3錢,核桃肉1兩,南北杏1兩,百合1兩,陳皮1個煲鷓鴣或鵪鶉湯,全家可飲,8碗水煮成4碗,仔仔隨量服,一日碗半差不多,可連服3~4劑.

  25. kittylee said,
    10 4 月, 2019 @ 10:53 上午

    芳姐, 你好.
    小兒3歲, 於上星期六睇中醫, 話感冒未清及敏感咳, 但這兩日咳得嚴重了, 日夜都咳, 夜晚訓住咳, 咳到有少少喘聲. 早上有鼻水, 咳多數是乾痰, 但有時都有幾聲痰聲.
    請問有什麼湯水能飲. 感激感激.

  26. fanny said,
    8 4 月, 2019 @ 8:23 下午

    芳姐你好,我很多時午夜给喉嚨乾醒了,上喉嚨乾得一丁兒水份都沒有,要起來喝一两口水才可睡下去,但喉嚨仍然乾得很,一直到天亮起牀都是一樣乾得很,不知何故,請教芳姐煲什麽湯水可以改善?

    • 芳姐 said,
      8 4 月, 2019 @ 8:26 下午

      fanny:
      你可能陰虛內熱引致.可用花旗參,石斛磨粉,每天服用2茶匙,温水送服,連服一周見效.

  27. 匿名訪客 said,
    5 4 月, 2019 @ 10:13 下午

    芳姐,請問慢性支氣管炎有那些湯水可幫助?

    • 芳姐 said,
      6 4 月, 2019 @ 7:56 上午

      訪客:
      慢性支氣管炎可以用蓮子,百合各5錢,白果15粒,陳皮1塊煲瘦肉湯服.或用淮山,百合,沙參,麥冬各適量,煲豬肺湯飲亦佳.

  28. Amy said,
    18 1 月, 2019 @ 7:27 上午

    你好!芳姐。
    本人咳了接近2個月,醫生說氣管炎。中西醫看過也不好轉:(
    主要係氣管唔順,遇到下列情況會咳:
    1. 覺得空氣凍
    2. 空氣濁
    3. 聞到濃味
    一轉天氣,冷一點,我的氣管就出事,不停咳。
    一瞓覺開頭會狂咳,瞓落暖咗就好啲。
    請問可以如何改善?有什麼食療?
    感謝您抽空回應!

    • 芳姐 said,
      18 1 月, 2019 @ 9:46 下午

      Amy:
      你可能是敏感咳,試用桔餅1個,切碎,蘋果1個,去核,甘草2錢,4碗水煮半小時服,連服3~4劑.

  29. Hi said,
    5 1 月, 2019 @ 4:12 上午

    芳姐你好,小朋友4years,睇咁幾次西醫都唔好,依家仲係咳,有時有痰聲,醫生話係氣管炎,食咗5日抗生素,有給了藥氣聞。差不多9日了。

    • 芳姐 said,
      5 1 月, 2019 @ 12:33 下午

      Hi:
      你試用川貝末3錢,蘋果1個,去皮,去核,陳皮1塊,冰糖少許,4碗水煮成2碗供服,連服3劑.冰糖盡量少放,如小朋友不怕微苦,不放更佳.川貝能減少氣管痙攣咳嗽,陳皮去痰,蘋果有益正氣.

      • Anna said,
        1 8 月, 2019 @ 5:31 下午

        Hello,芳姐、請問食緊抗生素可以飲呢個湯嗎?

        • 芳姐 said,
          1 8 月, 2019 @ 8:48 下午

          Anna:
          服抗生素可以飲這款湯.

          • Anna said,
            1 8 月, 2019 @ 10:10 下午

            謝謝您

          • Anna said,
            4 8 月, 2019 @ 9:37 下午

            請問芳姐囡囡食左幾日抗生素仲有痰、可以煲咩?另外埋佢食左好多西藥又食特效藥,有咩湯水可以調理下身體?謝謝

          • 芳姐 said,
            4 8 月, 2019 @ 9:47 下午

            Anna:
            你可以用川貝末2錢,蘋果1個去皮去核,陳皮1個,4碗水煮成碗半供服.可以煲淮山,蓮子,百合,南北杏陳皮各適量煲鷓鴣或鵪鶉湯供服.

  30. Bonnie said,
    23 11 月, 2018 @ 6:37 下午

    芳姐你好

    我已咳了接近一個月,睇咁幾次西醫一次中醫都唔好,依家仲係會咳,醫生話係氣管炎,夜晚唔食藥訓唔到會咳醒仲食咗6日抗生素,我可以煲啲咩飲,好煩呢咳到

    謝謝🙏🏻

    • 芳姐 said,
      23 11 月, 2018 @ 9:11 下午

      Bonnie:
      你試用川貝末3錢,蘋果1個,去核,桔餅1個,切碎,5碗水煮成2碗服,連服3~4劑,有助化痰止咳.川貝能減少氣管痙攣咳嗽的.

  31. 小檸檬 said,
    22 11 月, 2018 @ 2:52 下午

    芳姐 你好
    我先生返夜班 晚7早7 近期感冒已有2星期多了 反覆看了中西E 西E說他支气管炎
    想問吓有咩食療啱他呢?他說在公司咳少左 但回到家又咳不停 很煩惱
    在我監視吓 辣生冷食物沒有吃 。

    • 芳姐 said,
      22 11 月, 2018 @ 8:24 下午

      小檸檬:
      你試用這款白果羅漢果核桃肉茶,連服3劑.

  32. Candy said,
    12 11 月, 2018 @ 11:10 上午

    芳姐小朋友歲半支氣管炎.痰多鼻水黃色.已經睇左醫生.飲咩湯水可以有幫助?

    • 芳姐 said,
      12 11 月, 2018 @ 12:47 下午

      Candy:
      你可用川貝末2錢,雪梨1個,去核,陳皮1塊,4碗水煮成碗半供一天服,連服3劑.川貝能減少氣管痙攣咳嗽.

  33. Alice said,
    23 10 月, 2018 @ 11:22 上午

    芳姐你好, 我喉嚨吞嚥痛左3星期, 睇左西醫打左針食左消炎藥, 依家紅腫消左,無咩痛, 不過變左深呼吸到盡時, 喉嚨感覺到緊緊的, 不過無痰,請問那個食療有幫助呢?謝謝!

    • 芳姐 said,
      23 10 月, 2018 @ 12:45 下午

      Alice:
      你可以用這款白果羅漢果核桃湯服,如果用金羅漢果會好味些,用半個就成.

  34. said,
    15 5 月, 2018 @ 10:31 下午

    芳姐 我一直咳 睇過醫生但醫生冇同我講咩事
    半夜都會咳醒
    請問那個食療有幫助呢?謝謝!

  35. Candy said,
    17 3 月, 2018 @ 2:56 下午

    謝謝芳姐! 想問如果清了感冒,白果核桃羅漢果可作日常強化氣管保健食療嗎?

    • 芳姐 said,
      17 3 月, 2018 @ 4:15 下午

      Candy:
      清了感冒,白果核桃羅漢果一星期可以2劑作保健.

  36. Candy said,
    17 3 月, 2018 @ 9:57 上午

    芳姐 我過年後一直咳,由風熱咳轉成多痰喘咳,吃了10天擴生素,差不多好又開始流鼻水、發燒加乾咳,醫生給了藥氣聞,現在退了燒,鼻有少許塞,咳變成痰多氣管咳。請問那個食療有幫助呢?謝謝!

    • 芳姐 said,
      17 3 月, 2018 @ 1:22 下午

      Candy:
      你試用法夏,茯苓,白朮各4錢,桔梗,辛夷花各3錢,陳皮2錢,甘草1錢,5碗水煮成2碗服,連服3劑,有助化痰止咳,收鼻水.

Reply to

 Cancel Comment