By 芳姐 ( 12 2 月, 2011 at 7:51 上午)
· Filed under 外感/頭痛/呼吸道病, 小兒常見病
春節假期完結,小朋友就快上課了,不少家長會擔心幼稚園或小學是否會爆發流感?不妨在上學前作點預防措施,例如教導幼兒勤洗手,注意清潔,每天吃片維他命C餅等.對一些容易傷風,感冒,體質較虛的小兒,可以煲些預防感冒的湯水作調理.
[北茋葱白豆豉湯]有健脾益氣,散寒解表功效.對風寒感冒初起很有療效.體虛小兒亦可飲此湯作預防.
用料是: 北茋3錢,葱白3條,豆豉1湯匙,瘦肉4兩.
做法: 北茋浸洗;葱白洗淨;瘦肉切絲;先將瘦肉,北茋,豆豉用4碗水煮成2碗,加入葱白滾3分鐘即可供飲.一天分2次服.
~ 小貼士: 如果去中藥店買[淡豆豉]代替一般煮餸用的豆豉,療效更佳.
Permalink
ceci:
這款湯約煮半小時就夠,葱後下.
芳姐：
請問呢個湯要煲幾耐架？
謝謝芳姐！
小敏:
你可用鮮龍脷葉1兩,羅漢果半個,北杏3錢,雪梨1個,去核,6碗水煮1小時成3碗左右,如全家飲雪梨加多1個,並加瘦肉同煮.有化痰止咳功效.
芳姐，請問我女兒感冒後喉沙了，咳喉嚨有啖，可以用那種食療舒緩？
謝謝, 知道.
YL Shek:
小便痛建議看醫生檢查原因.因為小朋友尿道短,一旦有炎症很易變成腎盂腎炎,不可忽視!試用鮮茅根1扎,薏米1兩,糖冬瓜2兩,5碗水煮成2碗服,連服3劑.最好先看醫生.
芳姐,囡囡(2歲9個月)今日不願如廁,說尿尿痛,之前都有發生,如不是尿道炎,是否濕熱?請建議一些食療,謝!!!!
YL Shek:
你試用黑豆1兩,防風3錢,炒麥芽5錢,玉竹3錢,蟬蛻錢,白朮3錢,紅棗4粒,5碗水煮成2碗服,連服3劑,有助袪風止癢.
芳姐,囡囡(2歲9個月)最近晚上睡覺時話個身好癢,沖涼後已有塗潤膚膏, 皮膚表面無特別,是否本身有風?請建議一些食療,謝!!!!
ceci:
黃茋即北茋,是同一樣中藥來的.
芳姐
請問黃茋同北茋有什麼分別嗎？可以用黃茋代替北茋嗎？因為家裏有包黃茋。
ceci:
北茋湯如兩人份量也不用加倍,北茋用5錢,葱白及豆豉加多半份就可以.
芳姐，如果是煲北茋葱白豆豉湯兩人份，是否要份量加倍呢？
CECI:
兩個人量要加倍才成.因為不是湯,是焗茶飲.
芳姐
如要煲兩人份，湯料要加倍嗎？
ceci:
你試用桔梗,麥冬,甘草,羅漢果各1錢,辛夷花5朵,4碗水煮20分鐘供服,看能否改善?
芳姐：
仔仔飲了三日紫蘇葉茶，日間咳少了，但訓緊覺時咳得多，午睡和夜晚都係，聽到有痰聲，另外佢仲有清鼻涕，還可以煲咩俾佢飲呢？
ceci:
紫蘇辛夷花北杏茶很平和,如有需要時可以給你仔仔服,服一段時間没問題.不過服用太久會產生耐藥性,未必有療效.
芳姐：
仔仔3歲，自返幼稚園以來經常感冒同咳。每次飲紫蘇葉辛夷花生薑北杏片糖茶都幾有效，最近大概每星期都飲3日，請問飲得多會不太好嗎？
ceci:
囡囡尚有低燒,即表示病邪仍未走,你可以用蘆根5錢,金銀花3錢,薏米1兩,甘草1錢,5碗水煮成2碗供服,有助退燒.
芳姐：
好奇怪。我昨日同你講話囡囡流鼻涕咳，我同日煲了“核桃白果北杏果皮粥”和“紫蘇葉辛夷花北杏生薑片糖茶”俾佢飲，但飲完佢咳得好厲害，係不停咳，半夜都有咳，我擔心緊自己煲錯野俾佢食令佢病情加劇。但今朝起身後，佢又無乜咳，又無乜鼻水，剩係有低燒。點解會咁奇怪呢？
芳姐：
囡囡吾識吐痰出來，所以我都吾知係咩色。如果係風熱咳，核桃北杏白果陳皮粥也不適合嗎？囡囡每次咳，醫生都話係氣管敏感，食完藥好返好快又再咳過。感覺越食西藥，之後再咳的次數就越密，好苦惱。
芳姐，我今日有俾左核桃杏仁粥和紫蘇葉茶俾囡囡飲，但好似下午開始就不停咳，好像嚴重左，係咪囡囡吾適合這兩款食療呢？
ceci:
囡囡可能是風熱咳,你用北茋葱豉豆腐湯更適合.
芳姐：
囡囡2歲，昨日開始流鼻涕同咳，煲了北茋葱白豆豉湯。今日鼻涕好多，不停咳。請問可以同日食“核桃白果北杏果皮粥”和“紫蘇葉辛夷花北杏生薑片糖茶”嗎？或者應該煲什麼粥或湯呢？
ceci:
如果囡囡咳嗽痰白清稀,晚上咳得多屬寒咳,可用紫蘇葉這款湯;如果痰黃,日間咳,晚上咳少,可用桑葉,菊花,北杏各3錢煲水代茶服.白果杏仁核桃陳皮粥可作早餐食用.
芳姐：
羅漢果係乾身果隻嗎？要連殼一齊煲嗎？每次份量多少呢？另外陳鴨腎邊度買呢？
ceci:
羅漢果用乾品,連殼一齊煲,用半個就夠.陳鴨腎在海味店或大間雜貨店有售.
芳姐：
我囡囡體質偏寒，食川貝適合嗎？
ceci:
痰黃需要清熱化痰,如不想用川貝,煲些白菜乾羅漢果陳鴨腎湯供服都可以,煲夠2小時可減少寒涼之性.
芳姐：
你好。仔仔飲了3日你介紹的（紫蘇葉,北杏,辛夷花各3錢,生薑3片,片糖），咳嗽情況有改善，半夜無乜咳了。但仍然有咳，痰有小小黃，仲有鼻涕，有時清有時有小黃。請問接下來可以煲什麼湯水或粥俾佢食呢？另外，妹妹兩歲，早排都咳，煲你介紹的粥和湯都好得七七八八，久吾久有幾聲咳，我驚哥哥會又傳染俾妹妹，我可以煲什麼湯水俾佢作預防呢？謝謝
ceci:
你試用沙參,麥冬各5錢,南北杏1兩,雪耳2錢,百合1兩煲瘦肉湯供仔女服,有助滋陰潤肺,止咳.另外如果痰黃,可用川貝末2錢燉雪梨1個服食,有化痰清肺熱功效.
芳姐，明白了。感謝您。
芳姐，吾好意思，問題比較多，仲想問下，用煎香的大眼雞魚滾湯，小孩適合飲嗎？如果有感冒咳嗽又適合嗎？
ceci:
大眼雞滾湯,感冒都可以飲,小孩亦適合.
謝謝芳姐。另外，想問下，如果感冒或咳，係咪要戒食雞蛋呀？
ceci:
感冒咳無需戒食雞蛋,太肥膩難消化食物不宜吃.
芳姐：
今次到我仔又病。佢呢兩日好多鼻涕，大部分都係清涕，有時有小小黃色，仲有鼻塞。咳嗽就半夜都有，跟住全日都有咳嗽。同埋佢把聲好盟呀，請問有咩粥或湯水可以幫到佢呢？
Ceci:
你可以試用紫蘇葉,北杏,辛夷花各3錢,生薑3片,片糖少許,3碗水煮15分鐘供服,有助散寒解表,止咳收鼻水.
芳姐：
今次到我仔又病。佢呢兩日好多鼻涕，大部分都係清涕，有時有小小黃色，仲有鼻塞。咳嗽就半夜都有，跟住全日都有咳。同埋佢把聲好盟呀，請問有咩粥或湯水可以幫到佢呢？
芳姐：囡囡飲了兩日紫蘇葉茶，咳嗽有改善，今早起身無乜咳了，但日間仲有幾聲咳，請問這條方可連食幾天呢？謝謝！
ceci:
紫蘇茶可連服3劑.
芳姐：
囡囡飲了兩日紫蘇葉茶，咳嗽有改善，今早起身無乜咳了。請問這條方可連食幾天呢？謝謝！
芳姐：
請問飲說湯水（北杏,紫蘇葉各3錢,甘草1錢,生薑2片,片糖適量）同日可否飲辛夷花泡茶呢？囡囡呢兩日有清鼻水。
ceci:
你將辛夷花加入紫蘇葉茶中煮就成,不用分開飲了.
芳姐，
吾好意思，想問一下，囡囡體質偏寒，你介紹的湯水適合她嗎？（北杏,紫蘇葉各3錢,甘草1錢,生薑2片,片糖適量），另外，囡囡今日開始有打噴嚏，流鼻涕（有時清，有時有小小淡黃色），這款湯亦有幫助嗎？
CECI:
紫蘇葉湯性温的,合你囡囡飲.
芳姐：
感謝你。囡囡連續食了兩天你介紹的粥（白果10粒,去芯,核桃肉1兩,北杏3錢,陳皮1塊煲瘦肉粥），午餐和晚餐。咳嗽有點改善，日間少了咳，但訓醒和訓覺時咳得比較多，咳時聽到有痰。發燒情況都有改善，昨日燒到38.8，今日全日都是37.2左右。我應該繼續再煲多幾天這款粥嗎？
CECI:
你可試用北杏,紫蘇葉各3錢,甘草1錢,生薑2片,片糖適量,3碗水煮15分鐘供服,對小兒寒咳有幫助.
ceci:
如囡囡没發燒,可以煲鱷魚肉湯,配我推介的湯料煲亦可.
謝謝芳姐。今日會試煲你介紹的粥。另外，如想煲鱷魚肉湯，要等囡囡好了先煲嗎？或可以跟你介紹的粥同服呢？
芳姐：囡囡今晚咳多左，都係聽到有痰聲。今早煲左呢個北芪葱白豆豉湯，好似少了鼻涕，佢一向都天氣轉就容易氣管敏感。每次都食兩三個星期西藥先止咳，上兩個星期先食完抗生素止了咳，依家又咳，我好苦惱。佢食飯好慢，食到中段啲飯都凍晒，會吾會都令佢咳呢？成日覺得佢食飯咳得厲害點。我吾想佢又食西藥，有咩湯水可幫助止咳呢？佢體質偏寒。
CECI:
你囡囡可能脾胃較弱,待她咳好了可以經常用淮山,芡實各1兩,雞內金3錢,紅棗6粒煲瘦肉湯供服,有助健脾開胃,減少痰涎發生.因為中醫認為[脾為生痰之源],脾胃虛弱容易多痰.現時可用白果10粒,去芯,核桃肉1兩,北杏3錢,陳皮1塊煲瘦肉粥供服,要吃幾粒白果,一歲一粒,兩歲兩粒,於此類推….可經常食,有助補益肺脾腎,止咳定喘.
芳姐：
女兒2歲，今早起身又開始咳，聽到有啖聲，不知是否又感染風寒，因為佢晚晚總是踢被，不肯蓋被。如飲這預防感冒湯水適合嗎？能同時對咳嗽有效嗎？
ceci:
天氣轉涼,如怕囡囡踢被,可以去大間嬰幼兒用品店購買一種像布袋般的被或毛毡仔,有啪紐可扣住寶寶身軀,只突出頭面和手仔,用了這種被子,再在外蓋一條疏孔羊毛被就不拍囡囡冷親了!你可用紫蘇葉3錢,北杏3錢,生薑3片,片糖少許,3碗水煮成2碗供服.
芳姐：
你好！小女快三歲半，今年上幼稚園，這兩天開始有少少流鼻水和咳，並有些少痰和忟憎，今天煲了蘆根雪梨薏米水給她，暫未有看醫生，因十四號學校要打流感針，請問現煲些什麼會較好？另打針前后煲什麼呢？是否如有咳就不要食魚？
有勞回覆，非常感謝。
Josephine
Josephine:
打針前煲這款蘆根雪梨薏米水最適合,可在打針蒯天開始連服3劑,減少不適.流鼻水有咳,試滾些芫荽葱生薑魚片水供飲,趁温熱飲,有助發汗解表.
芳姐：
兩劑即是兩日嗎？我今日煲左一次上述分量，分兩服飲了。即是明天可再煲多次，分兩次服嗎？
ceci:
是一劑分2次服,第二天再煮1劑.
芳姐：
囡囡今朝起身後間中有小小眼水，我驚佢又作感冒，如煲呢個湯，要連食幾多日呢？
CECI:
可連服2劑,如症狀没改善,發燒就要看醫生.
芳姐:
謝謝您!
芳姐:
您好!
小儿(三岁半)流鼻水差不多三個星期了,有時清的,有時綠的,前几天还流鼻血,喝了你介紹的藕節,茅根,馬蹄水,就没再流了,在此謝謝您,不和現在喝什麼好.麻煩您了.
Vivian:
流鼻涕三個星期,如果是綠色表示有炎症,建議要看醫生.你可以用北茋,防風,白朮,辛夷花各3錢,葱白3條,5碗水煮成2碗供服,葱白後下.有輔助治療之效.但最好去看醫生.
芳姐你好!
請問這個「北茋葱白豆豉湯」bb多大可以喝?
細b份量要減少嗎?
感謝!!
江太:
北茋葱白豆豉湯bb半歲可以飲,可煲好後分2天服,當然要隔渣存放.
芳姐，
想問退燒茶用蘋果代雪梨是否ok嗎
謝elaine
elaine:
都可以的,但雪梨退燒功效好些.
小儀:
吃抗生素都不能消炎,要再看醫生治理.每天用很濃的鹽水潄口,一日2~3次,有助消炎.