By 芳姐 ( 31 5 月, 2011 at 6:51 上午)
· Filed under 小兒常見病
新聞報導有一名七歲女孩因感染猩紅熱死亡,衛生署今年至今已有268宗猩紅熱個案呈報,為安全起見,家長們要加强幼兒個人衛生,避免接觸疑似病患者,做足防禦措施.
猩紅熱主要經由飛沫傳染,是由鏈球菌所引起,潛伏期為一至三天,好發於學齡前幼童.主要症狀有喉痛,草莓舌及皮疹.嚴重者有高燒,噁心嘔吐,甚或引發腎炎,風濕熱,心臟病.幼兒在傳染病高峰期宜少出入人多空氣差的地方,必須勤洗手,家長們亦需注意家居環境清潔及通風.
[金銀花茶]有很好的清熱解毒作用,味道甘甘甜甜,小兒不會抗拒,可作為防治猩紅熱的茶飲.除了金銀花茶,綠豆薏米百合糖水亦能起到一定的防禦作用.
用料是: 金銀花5錢,白糖適量.
做法: 金銀花放入壼內,用沸開水沖洗一遍,再加入開水,焗5分鐘,調入白糖即可飲用,可沖泡至淡,隨量而飲.
小貼士: 此茶能治療咽喉腫痛和預防上呼吸道感染.全家可飲,四人量可用兩半,宜水煎10分鐘飲用.
Permalink
卓賢媽咪:
你試用蘆根,薏米各5錢,生石膏5錢,金銀花3錢,5碗水煮成2碗服,有助清熱退燒.取汁用來煲粥供服更佳.發燒暫時盡量吃清淡一點的東西,如椰菜絲冬菇絲粥,薏米粥等.
芳姐你好！我囝囝(19個月)尋日朝早開始發燒，一開始發覺佢有燒探熱已經38.5度，睇醫生話感冒但其實無咩徵狀醫生都係比左退燒藥，一路食藥都退唔倒燒，到半夜燒到40度同佢去左睇急症，醫生話喉嚨好紅係喉嚨發炎，不過都只係比左退燒藥，今日日頭都係反反覆覆未退倒燒，到夜晚就試過退左燒一陣又燒番，請問芳姐有咩湯水同依加煲咩粥會對囝囝有幫助呢？謝謝！
“芳姐，bb 9個幾月有嘔，又有痾，請問食咩會有幫助？
另外，4個幾月bb已痾咗十幾日，兩個醫生都話要等痾清d菌先，咁耐都係咁，有其他辦法嗎？
唔該。
Sally:
你試用炒扁豆1兩,生薑3片,紅棗4粒煲粥供服,隨量供bb食,有助改善.”
芳姐, 以上炒扁豆係適合9個幾月bb還是4個幾月bb, 還是兩者皆可?
Sally:
炒扁豆健脾止瀉,又是食物,不是藥,故最合小朋友肚瀉食.9個月bb較適合.如4個月bb要待痾清細菌,就待大便不臭,細菌清了才服.可用蒜頭4瓣切片煲粥仔服,蒜頭最能殺菌.
芳姐，bb 9個幾月有嘔，又有痾，請問食咩會有幫助？
另外，4個幾月bb已痾咗十幾日，兩個醫生都話要等痾清d菌先，咁耐都係咁，有其他辦法嗎？
唔該。
Sally:
你試用炒扁豆1兩,生薑3片,紅棗4粒煲粥供服,隨量供bb食,有助改善.
請問小兒心火盛加少許咳和流鼻水可否飲用…??
芳姐, 您好!
此茶可否加埋菊花和糖冬瓜一同煲/焗…??
要煲/焗幾耐…??
謝謝
Connie:
可加糖冬瓜,菊花同煮,煮20分鐘即成.
芳姐~~你好~~請問~~仔仔 (3歲半)~~發燒可飲呢個金銀花茶幫助退熱嗎?
仔仔已睇左中醫~~只有發燒~~沒有咳沒有鼻水~~精神好好~~
今日食左一次退燒藥, 隔左3個小時之後飲左中藥~~~
體溫有時37.6, 有時38.5~~~
有咩水水可以幫助他降溫~~~?
昊朗MA:
燒未退表示身體尚在和病邪作戰.可以用蘆薈5錢,生薏米1兩,竹葉芯3錢,雪梨1個,去核,5碗水煮成2碗供服.有助退燒.
謝謝你解答! 那我可放心飲用了!
明白晒喇! 謝謝芳姐解答!
那如果只是炒大麥茶呢，大人和小朋友可否每天飲用?
bertha:
大麥茶能止汗,厚腸胃,老少咸宜,可每天飲.
明白。多謝芳姐解答!
我係金銀花菊花各兩錢，一小撮炒大麥，加1 lite 水煲，當代茶給我同仔仔飲，不過仔仔得3歲，其實飲唔飲得? 或是不能飲太多呢?
我見他近排訓得唔太好，很早醒來，然後整天都不停打呵欠，不知關唔關我俾金銀花菊花大麥茶佢飲呢?
bertha:
銀花菊花加炒大麥茶小朋友都可以飲,但屬寒涼茶水,一星期飲2次就夠.不宜令過多.小兒睡得不好要看多種原因,是否睡室冷熱問題,吃得過飽或吃得不夠,都會影響睡眠.可以煲些健脾養心湯水,如用淮山,蓮子,百合,圓肉,南棗煲豬展湯,有助安眠.
請問芳姐金銀花加菊花一同煲5,6分鐘後，可否加入凍水再煲兩,三次?
bertha:
可以加水再煲的,但療效當然會差些少.
sa:
脾胃較虛不宜常吃綠豆沙.加2塊陳皮會好些.爆瘡之問不懂回答你,抱歉!
芳姐,聽講清熱既藥材有d會搞到爆晒瘡,有d就唔會爆瘡,點解會咁咖呢?
點樣分邊d會爆,邊d唔會爆?
另,我脾胃比較虛,係咪唔可以食綠豆?因為我好鍾意食綠豆沙,有無話加d咩就食得?
thanks~~^^
小完湯水幾多歲以上先可以飲呢？可唔可以常常飲呢？
Musictv:
什麼是小完湯水? 一般用中藥材的湯水最好經中醫師指引服用.如果用淮山,杞子,紅棗,蓮子,芡實這類保健品煲湯,一歲以上都可以飲.一星期2次都可以.
芳姐, 謝謝你的回覆, 我明天就試試..!
請問紫草同紫草茸是否一樣? 紫草可以怎樣用? 謝謝
Phoebe Chiu:
中藥紫草有多種,有硬紫草,軟紫草,黃花軟紫草,紫珠草,有清熱涼血,止血的,有清熱袪濕的.我很少用來作食療,故認識不深.抱歉!
芳姐, 謝謝你回覆, 想問多一點..! 是否, 我家有4 人, 我用4兩新鮮金銀花, 用4碗水, 加2錢甘草煲, 請問應該煲多久…! 謝謝..!
Doris:
用鮮金銀花,4人量可用5碗水煮15分鐘,大約每人一碗.
芳姐,
你好, 想問下如果用新鮮金銀花, 想焗比一家人飲(一公升), 金銀花份量應該落幾多, 新鮮的會否比較量, 需求另加一些材料嗎? 謝謝..!
Doris:
新鮮金銀花只要没有農藥噴灑就可以用.每人用1兩就可以.鮮品療效佳,當然有點寒涼,可以煮好後加些蜜糖就可以,或加2錢甘草亦可.
芳姐,你好上次介紹小兒食療湯水,用白朮4錢,防風3錢,陳皮1錢,白芍3錢,紅棗6粒.煲水飲用.已有一個月了.小兒差不多每天飲一碗.便便及經常發脾氣方面有些改善,請問此湯會否太涼.可否隔天飲用.因小兒每次飲此湯都十分困難,可能湯太苦.請芳姐可否再幫幫忙，指點指點。謝謝！
Way 佬:
白朮防風陳皮白芍紅棗湯是針對腸易敏感及失調而用,如已服用一月有所改善就停止,讓身體自己工作才是,不能長期依賴藥物.平時可以用番薯煲粥供服,隨量服食.
想煲此湯水給細仔(10歲), 但因他身體較弱, 又有鼻敏感, 煲金銀花茶給他飲會否過涼? 影響脾胃. 謝謝!
Joanna:
金銀花茶是涼茶,你可以加幾片甘草,2粒蜜棗同煮,可減其寒涼之性.
多謝你解答。
芳姐，請問懷孕三個月可以飲龍利葉湯嗎？
June:
懷孕可以飲龍脷葉湯的,没問題.
多謝芳姐。
芳姐，請問鮮腐皮可以在哪兒買到？是否即係扁竹？謝謝！
Kris:
鮮腐皮在豆腐檔,有雪櫃那種豆腐檔才有售,可以用來包[鮮竹卷]那種軟身腐皮,買回來用不完要放冰格存放.腐竹也可以,都屬相同食物.
多謝芳姐，現在去買。
芳姐，早晨，囝囝已無肚痾，謝謝您的良方。現在他仍然痰重，咳就晨早起床較嚴重，伴有鼻涕（有時清有時黃），不過比之前已改善，請問可否再幫幫忙，指點指點。謝謝！
Kris:
痰重你試用白果5粒,去芯,馬蹄5粒,切片,鮮腐皮1/3張,陳皮1小塊煲粥服,能清熱化痰,止咳.
多謝芳姐！
芳姐，唔好意思，鷓鴣可唔可以用其他代替，因澳門較難買到鷓鴣？
Kris:
可以用瘦肉代替.
多謝芳姐解答！
Hi, 芳姐，我囝囝發燒已退得七七八八，喉嚨和扁桃線亦已消炎，多謝您指點。現在，醫生話囝囝上一次流感的痰積左喺下肺，所以他經常咳和痰重，一咳就成個頭紅晒和仲有鼻水（透明），請問應煲d咩比佢飲呢？另外，他痾糊+水的臭臭，可能肚痛，好扭計！可以煲d咩粥仔比佢改善肚痾？謝謝！
Kris:
你仔仔可能吃藥太多,及吃涼茶涼湯過多,令脾胃虛寒,大便穢臭.可用淮山,炒扁豆,芡實各5錢煲粥供服,有助健脾胃.健脾就可以袪痰.亦可用上述材料加杏仁5錢煲鷓鴣湯服,有助袪痰止咳.
Hi, 芳姐,
我喜生痱滋的, 我試多次用菊花金銀花焗來飲, 反而把痱滋發出來. 所以之後我都是滾15分鐘來飲, 才可以清熱降火. 為什么?
ChuChu:
生痱滋並不一定是熱氣,有時是陰虛內熱引起,宜用滋陰降火食療,故你那次焗來飲,可能並非熱氣造成,而是睡眠不足,陰虛火旺引起.宜用皮蛋鹹瘦肉蠔豉粥作調理.金銀花沖水焗來飲,滾片刻來飲都一樣的.
Kris:
羅漢果雖較糖甜300倍,但這種果糖對身體有益,且有化痰作用,可以用的.大約焗7分鐘左右,用量是1杯水,可沖泡兩,三次.
芳姐，多謝指點。另外，羅漢半果會唔會太甜惹痰？每次焗榮的分量約多少？對不起，咁多問題！
芳姐，多謝回覆！
我囝囝上星期六開始高燒39.2，已睇醫生，醫生話氣管、喉嚨發炎，扁桃線紅腫。打左兩曰針，食了三日抗生素，聞蒸氣等。琴日飲左雪梨蘆根意米水，這三日，囝囝一頻密咳嗽，就會高燒，要塞肛或食退燒水，退燒後一段時間，開始咳，又高燒，如是者三天，囝囝2Y3，咳時有痰聲，鼻水咁。請問有冇方可以幫佢減輕病情?蘆根意米食藥後需否格兩小時才飲用。謝謝！
Kris:
小朋友患扁桃體炎會發燒喉嚨痛,你仔仔發燒不退,是身體在[打仗],病邪未退.你可用金銀花,菊花,各3錢,羅漢果半個,甘草3片,沖水焗茶飲,可沖泡2~3次.有助利咽解毒,化痰止咳.服西藥1小時服.雪梨蘆根薏米水第二天再服,一日可服3次.有助清肺胃熱.
芳姐，您好！我囝囝（2歲3個月）已傷風流涕一個月有多,期間已睇醫生，食西藥已成個月，這星期鼻水收了七成，每朝仲有黃色鼻涕，但這星期咳反而多左好多，尤其晚上瞓前和清晨4-5點，必會咳醒。已煲了龍利葉+石黃皮或紅蘿蔔加羅漢果+南北杏飲，但咳仍然沒有太大改善。睡覺時有些少痰聲，請問可否幫下佢。謝謝！
Kris:
你囝囝尚有黃色鼻涕,睡時有痰聲,可能是痰熱咳嗽,試用雪梨,馬蹄,蓮藕各適量,5碗水煮成2碗服用,有清熱潤肺止咳之效.(如將三物榨汁後燉熱服療效更佳.)
多謝芳姐指導. 我會盡快煲比阿仔飲, 希望佢D痰, 快D清走啦!
另外, 想問一問: 半個羅漢果, 駛唔駛連個殼一齊煲呢?
Mrs.Yiu:
羅漢果要連殼一齊煲.
芳姐:
早晨:想請問金銀花茶可否加入菊花一同煲,要煲幾耐,謝謝!!!!
YC:
金銀花加菊花一同煲,5,6分鐘就成.不宜煮太久.
芳姐: 謝謝你的解答!!
謝謝芳姐….
另陰虛內熱飲涼茶有用嗎 ?甚麼是陰虛呢?
皮膚敏感可用生地5錢,綠豆,薏米各1兩煲瘦肉湯服用
要多少碗水? 煲多久呢? 要飲幾耐呢?
好多問題,謝謝回答!!
KIKI:
陰虛飲涼茶作用不大,要用滋潤食療較合適.綠豆,薏米都有助抗敏感,故可以用來治皮膚敏感,加生地是涼血補血.用5碗水煮1小時成2~3碗供服.陰虛的表現有面部潮紅,口燥口渴,手足心熱,急躁易怒,眠差多夢,乾咳少痰,大便乾結等.
另外請問薏仁粉拌蜜糖按摩
紅薏仁粉可以嗎?兩者有何分別? 敏感可唔可以用呢
kiki:
用紅薏仁粉拌蜜糖作外塗都可以,加些少水會容易塗抹按摩.半小時後用清水洗淨.
你好芳姐, 請問
1.經常咀唇紅及脫皮, 常常生痱滋可以飲咩呢?
2.另外我買了你教的湯料[蓮實美容羹]: 蓮子,茨實,薏米,桂圓, 請問水要多少?另外這一類湯需時長(一小時)晚飯後煲可放雪櫃第二天飲嗎??可以放多久
3.面上這年經常在鼻樑附近出現一撻撻紅色敏感,少少突起而且有點粗糙, 不痕不癢的,看了皮膚醫生給了藥搽數天,但不久又會出現,醫生說只能多休息等等,不知道原因… 有甚麼可以做?很煩惱.
KIKI:
你的情況是陰虛內熱,蓮實美容羹可以用6碗水煮成3碗供服.可存放雪櫃2天.圓肉較燥,可改用南棗6粒.皮膚敏感可用生地5錢,綠豆,薏米各1兩煲瘦肉湯服用.有清熱涼血,袪濕功效.多休息就可減少陰虛內熱情況,最好晚上11點之前睡.
大病:
上顎牙肉腫痛,是什麼原因引起的呢?要留意是否生牙瘡?是否牙齒發炎漫延至上顎,最好去牙醫處作檢查.可以用生地1兩,綠豆2兩煲糖水服,有清熱解毒,涼血等作用.或用蓮子芯1錢沖泡茶飲.如果不見效,要盡快看牙醫,以免延誤治療.
芳姐,
呢個星期上顎牙肉腫痛, 可以吃些甚麼好的呢? 身體屬寒底, 麻煩你幫忙! 多謝你!
粉葛蠔豉冬菰瘦肉薑湯可以嗎, 這個都是路人甲說的, 但了解不詳. 有勞了…….
芳姐:
此茶蠶豆症兒童可服嗎?
May:
蠶豆病患兒不能用金銀花,可能會引起溶血副作用.宜煲綠豆百合薏米糖水供服.
芳姐你好.
小兒常常有痰, 早上有小小咳. 有看西醫, 但醫生用過好多方法都不能幫他祛痰. 每次食西藥一陣, 好快D痰又返來.
醫生話可以試下幫佢”脫敏”, 但這測試要$1200. 之後看一看他對什麼敏感再落藥.
但其實我好想小兒試吃中藥先, 但佢好怕苦味, 我都不知點算好. 現想請教芳姐, 有沒有些湯水比小朋友(五歲),作化痰之用?
多謝幫忙!
Mrs.Yiu:
如果令兒痰黏稠,難咳出來,可以用絲瓜1條,去皮後切塊,隔水蒸10~15分鐘,用湯匙將絲瓜汁壓榨出來供仔仔服,能清熱化痰.很清甜的.或用鮮龍脷葉1兩,羅漢果半個,紅蘿蔔1個煲水代茶飲,好好味,有化痰止咳功效.
芳姐：
本人懷孕就快7個月,但上星期感冒,我冇食西藥,只每日食一粒生蒜頭.到現在我有痰,但我吐不出來,有咩方法?請問可否燉川貝雪梨呀?
D痰係黃色.
訪客:
懷孕後期可以燉些川貝雪梨水飲,有助袪痰止咳.亦可以用鮮龍脷葉1兩,羅漢果半個,南北杏1兩,蘋果(或雪梨)1個煲水飲,5碗水煮成2碗供服.有助袪痰.
芳姐：
羅漢果水可否每日飲用呢？一個要煲多少時間和放多少碗水煲呢？
miss mak:
羅漢果水可以日日飲,一個可以放3碗水煮15分鐘即成.
加冰糖得5得
VENUS:
可以加冰糖.
孕婦可飲嗎?
JUNE CHAN:
金銀花茶懷孕都可以飲.
芳組﹕
早呀，如在發病期間此茶可否配合西藥一同服用，有勞芳姐。
思明:
可以服用的,服西藥後2小時服就得.