濕疹暗瘡—赤豆扁豆老黃瓜湯

 

   天氣熱,加上濕度有點高,年輕人在這種天氣下最容易出暗瘡,濕疹,不妨多煲一些具有健脾袪濕,清熱下火作用的湯水作調理.

   [赤豆扁豆老黃瓜湯] 有養顏潤膚,清熱下火,袪濕解暑等功效.對暑熱困倦,或皮膚長暗瘡,濕疹都有幫助.

   用料是: 老黃瓜1個,赤小豆2兩,扁豆1兩,無花果4粒,豬展1斤.

   做法: 老黃瓜去核,豬展出水;赤小豆,扁豆浸洗;將全部材料放入煲內,加水煮約2小時,即可連湯料同食.

   ~ 小貼士:此湯對四肢浮腫人士亦有益處.濕疹患者可以在湯料中加生薏米1兩同用.

189 comments »

  1. Carol said,
    七月 15, 2014 @ 8:24 下午

    芳姐,
    本人一向身體比較虛弱,凉唔得,補又唔得,最近本人精神上承受壓力比較大,但又不懂得怎樣
    釋放出來,出現半夜磨牙情況,睡醒又好似未睡過覺一樣,身心都好攰!看緊中醫!想問有什麼湯水適合我飲?

  2. 芳姐 said,
    七月 15, 2014 @ 10:14 下午

    carol:
    磨牙是精神緊張表現,你可用小麥米1兩,炙甘草2錢,紅棗6粒,去核,茯神4錢,百合1兩,5碗水煮成2碗服,連服3劑,看能否改善?如有所改善,停幾天可再服,好好味的.

  3. Carol said,
    七月 15, 2014 @ 11:48 下午

    感謝您芳姐

  4. yan wong said,
    九月 19, 2014 @ 11:42 下午

    芳姐你好,我仔仔14個月大,本身有濕疹底,自佢食固體食物到現在都唔太肯食,每次只係食幾啖。請問有咩湯水可以令佢開胃啲,坊間既開奶茶已煲過,效果不大。請芳姐指教。thanks

  5. 芳姐 said,
    九月 20, 2014 @ 6:51 上午

    YAN:
    你試用淮山4片,隔晚浸,雞內金2錢,紅棗4粒煲瘦肉湯供服,連服3劑,有助健脾開胃.

  6. yan wong said,
    九月 20, 2014 @ 10:35 下午

    感謝芳姐

  7. loklok said,
    十月 3, 2014 @ 11:02 下午

    芳姐,
    我最近乳暈皮膚開始有濕疹睇完西醫感覺都沒有變好,
    請問有冇d 咩食療可以舒緩?
    Thanks

  8. 芳姐 said,
    十月 4, 2014 @ 8:18 上午

    loklok:
    你試買鮮蘆薈,去皮後用來塗患處,有助消疹.或去中藥房買蘆薈精華軟膏作外塗都可舒緩.

  9. 訪客 said,
    十一月 22, 2014 @ 12:02 上午

    芳姐,請問我個細女13個月大天氣一轉塊面又起濕疹,可以煲咩湯俾佢,巳買咗好多种擦面嘅都冇用,加上出牙流口水下巴濕疹甩皮.Thanks

  10. 芳姐 said,
    十一月 22, 2014 @ 2:47 下午

    訪客:
    你試用黑豆1兩,黑芝麻3錢,黑棗4粒,5碗水煮成2碗服.另外可用香蕉連皮洗到很乾淨,切1小段,皮連肉搗爛敷患處,15分鐘後清洗,每日2次,對幼兒濕疹有點幫助.要保持皮膚濕潤,否則皮膚乾燥症狀會惡化.

  11. 訪客 said,
    十一月 23, 2014 @ 12:59 上午

    多謝你,芳姐

  12. Jan said,
    十二月 29, 2014 @ 3:12 下午

    芳姐你好!
    我爸爸71歲,在紐西蘭生活,上星期在腰間長出水泡粒粒,但不痛,今天天發現有紅腫,帶他睇醫生,醫生話是帶狀泡疹,但醫生話因為已經過左3天,無藥物可以治療,只能靠本身的免疫系統恢復。他自己開始飲擴病毒口服液。請問可以有什麼食療幫助?謝謝!

  13. 芳姐 said,
    十二月 29, 2014 @ 3:32 下午

    JAN:
    生蛇過了黃金72小時,就算康復都有段時間疼痛.如果紐西蘭可以找到新鮮仙人掌或蘆薈,可以搗爛敷患處,有助消炎止痛.食療可以用野菊花,板藍根各1兩,3碗水煮15分鐘供服,連服多天.或用綠豆,薏米各1兩,甘草1錢煲糖水服,如有新鮮馬齒莧最佳,可以用2兩一齊煮,能清熱解毒,加快康復.

  14. loki said,
    四月 15, 2015 @ 8:10 下午

    芳姐,我老公有遺傳性濕疹,即是手臂有很多點點,自細就有,他常抓到流血結痂,以前背部都有很多,但前幾年去左幾次海灘游水後,背部濕疹就好了,只留下印印,但手臂依然有很多,請問應該如果治理?另外,他五歲時有胃潰瘍,長大後常胃痛發燒,後來又再看醫生,説因為胃液影響,胆管和12指腸黏住左,現在長期服用醫生處方的胃葯。請問可以煲啲咩俾佢調理呢?

  15. 芳姐 said,
    四月 15, 2015 @ 8:53 下午

    LOKI:
    胃潰瘍可以多吃青木瓜煲的湯,椰菜,西蘭花,薯仔,猴頭菇皆對患者有益,可常食.濕疹你試用淮山,蓮子,芡實,赤小豆,扁豆,薏米各5錢,陳皮1塊煲瘦肉湯服,10碗水煮成4碗,你先生一天分服2碗,一星期3次,另外用橄欖油+米醋作外塗,米醋與油的比例是4:1,試試看.

  16. loki said,
    四月 24, 2015 @ 4:37 下午

    芳姐,請問紅豆和赤小豆是否不同? 是否不能用紅豆代替赤小豆?

  17. 芳姐 said,
    四月 24, 2015 @ 8:24 下午

    loki:
    赤小豆利水去濕功效較紅豆强,但紅豆好味又補血,利水去濕功效稍弱,但都可以用紅豆的.

  18. Carman said,
    五月 14, 2015 @ 10:08 上午

    芳姐,我BB 5個月大,下巴同頸最近有紅點同紅疹,不癢,想試下煲依款湯俾佢飲袪濕,想問唔落肉轉放栗米可以嗎?

  19. 芳姐 said,
    五月 14, 2015 @ 5:28 下午

    CARMAN:
    你可以用香蕉連皮洗乾淨,切一小段,搗爛塗患處,有助消疹.這款湯可以飲,不放肉放粟米都得.

  20. Emily said,
    五月 31, 2015 @ 8:12 下午

    芳姐,哩個湯7個月孕婦可以飲嘛?

  21. 芳姐 said,
    五月 31, 2015 @ 8:33 下午

    EMILY:
    此湯孕婦可服.

  22. Emily said,
    五月 31, 2015 @ 8:52 下午

    唔該芳姐,使唔使加的疆?

  23. 芳姐 said,
    五月 31, 2015 @ 10:45 下午

    EMILY:
    可加陳皮或薑.

  24. Fanny said,
    六月 14, 2015 @ 3:34 下午

    芳姐,請問這個湯在經期來時,可不可以飲

  25. 芳姐 said,
    六月 14, 2015 @ 7:49 下午

    FANNY:
    此湯來經可飲.

  26. adal said,
    六月 15, 2015 @ 1:40 下午

    芳姐你好 :)
    本人半年前開始全身常出滿紅疹,痕到瘋了!!!每天也睡不好,看了多次醫生最後証實是蕁麻疹。 中西醫有很多戒口的東西,我好像什麼乜不能吃,可選擇的湯水只有幾個,差不多每星期重覆同樣的。會有問題嗎? 可以推介湯水給我嗎??謝謝你!

  27. 芳姐 said,
    六月 15, 2015 @ 8:00 下午

    ADAL:
    建議你看經驗好的中醫,荨麻疹多數因吃了或接觸了致敏物引起,你可以在發病當天記錄下吃過的食物,看是哪種食物引起,有時簡單的牛奶,雞蛋都有可能引起致敏.通常較易引起致敏的食物是蝦蟹,筍,菌類,豬頭肉(包括豬頸肉),公雞,無鱗魚,杧果,菠蘿等,所以盡量少食.如要我推介中醫師,可在BAR頂按[聯絡芳姐],即可作私人回覆.平時可以煲些綠豆薏米海帶糖水食,有助清熱解毒,消疹.

  28. Ting said,
    六月 29, 2015 @ 2:48 下午

    Dear芳姐,
    如果是素食者,此湯的豬展可轉什麼材料呢?其他份量可以加幾多?謝謝

  29. 芳姐 said,
    六月 29, 2015 @ 7:37 下午

    TING:
    素食者如不用肉,可以加生熟薏米1兩,紅蘿蔔1個同煮.

Leave a Comment