By 芳姐 ( 4 3 月, 2010 at 2:01 下午)
· Filed under 皮膚病/暗瘡
天氣熱,加上濕度有點高,年輕人在這種天氣下最容易出暗瘡,濕疹,不妨多煲一些具有健脾袪濕,清熱下火作用的湯水作調理.
[赤豆扁豆老黃瓜湯] 有養顏潤膚,清熱下火,袪濕解暑等功效.對暑熱困倦,或皮膚長暗瘡,濕疹都有幫助.
用料是: 老黃瓜1個,赤小豆2兩,扁豆1兩,無花果4粒,豬展1斤.
做法: 老黃瓜去核,豬展出水;赤小豆,扁豆浸洗;將全部材料放入煲內,加水煮約2小時,即可連湯料同食.
~ 小貼士:此湯對四肢浮腫人士亦有益處.濕疹患者可以在湯料中加生薏米1兩同用.
Permalink
S
四眼仔:
紅薏仁粉甚佳,可以內服,外用.其實最好是手沾薏仁粉漿塗在面上及鼻上後輕輕按摩,如粉漿乾了,用手指沾些水再作按摩,大約按摩5,6分鐘就成,15分鐘後清洗.
芳姐，你好呀，我最終搵唔到淨薏仁粉，不過搵到另一隻淨紅薏仁粉，唔知得唔得？你話淨薏仁粉好啲，我唯有買紅薏仁粉代替，我用一湯匙紅薏仁粉，少許蜜糖同少許水，拌勻成糊狀，洗完面抹乾，敷係女友面上十五分鐘之後洗去，我咁樣做岩唔岩呀芳姐？希望幫女友快去紅印等佢開心！！謝謝芳姐你解答我呢個問題少年！！
candy:
你試去八珍甜醋店買純米醋,另外該店有99%純蘆薈精華油賣,雖然售價頗貴,但保濕功效强,對濕疹有益,試買細支試試.
謝謝芳姐，米醋有指定邊個牌子嗎？我家人一直都有睇開西醫，除此之外，平時都有搽潤膚露，可惜市面上，沒有一個更能保濕強效的，可以令他舒緩到乾燥。為此，我作為旁觀者，看到他太辛苦，不知可以做什麽減輕他苦楚
四眼仔:
山藥薏仁粉當然不及淨薏仁粉好,但都可以用.蜜糖即蜂蜜,用一段時間看情況能否改善?效果因人而異,反正都是有益之品,內服外用肯定好過不用.
芳姐，感謝你，但係我超市只能搵到山藥薏仁粉，請問用山藥薏仁粉可以嗎？堅持隔日用一次，每次十五分鐘芳姐就會好返架喇？蜜糖同蜂蜜係米一樣？謝謝！！
四眼仔:
薏米粉作外塗可以全塊面用,你叫女友用1湯匙,加水及蜜糖各半湯匙左右調均就可用,如快乾可沾些水再作按摩,15分鐘後清洗,有如用了[磨砂膏]的效果,可去面油,没副作用.
Candy:
老黃瓜這個湯可以服,有清熱袪濕功效.濕疹要保持皮膚滋潤,不能太乾,太癢時可以用藥棉沾米醋作外塗,能止癢.
仲有芳姐，我女朋友好多面油！！
芳姐，請問可以全面用嗎？
請問芳姐，這個湯水可以每天飲嗎？因爲我家人有濕疹，我曾經煲過土茯苓湯給他飲，飲完之後全身痕癢不停，因此我不敢再煲土茯苓湯水給他飲。老黃瓜這個湯水飲完唔會敏感，身體可以接受
近兩個月，天氣總是濕氣重，所以腳踝常常踏地行路痛，似是風濕，我已經食了止痛消炎藥和物理治療，又介口，效果都唔得，請問飲那幾款湯和糖水有幫助去濕!
小儀:
你試用鮮牛大力2兩,土茯苓2兩,赤小豆,薏米各1兩,蜜棗2粒煲糖水.8碗水煮2小時成4碗,分2天服,有助清熱袪濕,利關節.另外可以用生薑6~8片,加水煮10分鐘,兌入涼水浸脚,有助改善.如没改善要看醫生.
四眼仔:
如經常用手擠壓鼻頭粉刺暗瘡,微絲血管受破壞,會較難痊癒.試買些薏仁粉(台灣馬玉山,在超巿有售),用1~2茶匙,加少許蜜糖及清水調勻,沾粉漿塗擦患處,15分鐘後清洗,有美白作用,隔日一次,一段時間後或可完全康復.薏仁粉有美白淡斑作用,可內服,加入任何熱的飲品中服用都得.
芳姐你好，我女朋友仔今年22歲，個鼻成日都泛紅，冇暗瘡，呢個情況差不多持續兩年，而且每次一洗完面仲紅得緊要，原來佢以前好中意經常擠個鼻同用暗瘡針去刮佢，依加後悔喇，請問冇咩辦法可以令佢好返？謝謝芳姐！！
JUNE:
天氣濕熱,適合飲這款老黃瓜湯,有助清熱袪濕.老黃瓜刮出來的瓜囊瓜汁,用藥棉沾汁作外塗,有助止皮膚癢.
芳姐，14個月大, 最近天氣又濕又熱，她又大汗出了熱痱，身體又痒，喝此黄瓜湯可以除痕痒嗎？
唔該芳姐,請問茯苓是否雲苓? thanks!
黃太:
茯苓即雲苓.
黃太:
老人家濕重,只好用淮山,蓮子,芡實,茯苓各5錢,赤小豆,扁豆各1兩,陳皮1塊煲瘦肉湯服,8碗水煮成4碗,可分2天服,連服3劑.
芳姐: 想請教老人家身體虛弱, 濕重, 無力, 有甚麼不寒涼不燥的湯水適合, 謝謝!
Paulina:
你試用法夏,白朮,茯苓,天麻,鈎藤各3錢,陳皮2錢,甘草1錢,烏梅2粒,生薑3片,5碗水煮成2碗服,連服3劑.
芳姐: 我女兒最近耳水不平衡，常有頭暈，吃過西藥、炒黑豆粥水，但未見有效。可有些湯水以減輕症狀? 謝謝!
芳姐：我想問下舌苔白又厚，經常覺得疲倦而鼻頭又出暗瘡，可以煲咩湯水？謝謝
Victoria:
舌苔厚白,是濕重表現,鼻頭出暗瘡是脾濕有熱,你可試用生石膏5錢,淮山,茯苓,扁豆各5錢,白朮3錢,陳皮1錢,5碗水煮成2碗服,連服3~5劑,應可見效.
芳姐你好：我想問下本人有多囊卵巢症，但是月經又唔係好凖，又時三個月，又時半年先黎。但是本人想生小孩，希望你幫到我點調理
Crystal:
你的情況建議要看中醫調理,方能有機會懷孕.日常可以多吃些花膠,海參,配肉蓯蓉,黑豆,杞子等各適量同煮,有助補益腎精.
芳姐,
我剛生完bb52天, 一出院回家坐月就勁生暗蒼, 因為飲母乳, 所以不能食藥, 我可以煲甚麼湯去除暗蒼? Thanks!
Carty:
你可以用粉葛半斤,綠豆,薏米各1兩,蜜棗2粒煲瘦肉湯服.另外用生白果搗爛作外敷,15分鐘後清洗,連續幾天可消暗瘡.
謝謝芳姐
另外我想問有沒有其他可以湯水給他飲用?? 例如可煲水日日飲用來改善.
嵐媽:
你試用黑豆1兩,炒麥芽5錢,防風3錢,玉竹5錢,蟬蛻錢,白朮3錢,紅棗6粒,5碗水煮成2碗供服,一星期3次,連服1個月,有助袪風,消疹.
芳姐你好！
小兒3歲患有濕疹，又腳痕癢抓損，成身皮膚粗糙，最近還感冒發燒，請問那一款湯水適合他？
嵐媽:
你可以煮這款老黃瓜湯供仔仔服,對皮膚癢,感冒發燒有益.要留意仔仔對哪種食物敏感?如果經濟能力許可,可去醫生處做皮膚測試,可能日常一些簡單的食物仔仔吃下就會引起過敏,必須找出來避免食用,才可改善.
你好, 芳姐
我先生咀的四周, 尤其是下巴位置生滿了暗瘡(帶白色的膿), 請問除了老黃瓜/粉葛, 土伏苓鑽地老鼠湯合適嗎? 還可煲什麼茶呢?
謝謝.
謝謝芳姐
芳姐，妳好
本身濕重，容易覺累，有薄白舌苔，舌尖紅，舌邊有齒印，常口干，面上總有三四粒暗瘡(没有白頭的，像痤瘡)，大便每天有一次，睡眠質素不太好，多夢。
我剛完經期，應煲什麼湯水調補一下?
謝謝
Daisy:
你有些脾虛及陰虛內熱,試用花旗參3錢,沙參,玉竹各3錢,茯神4錢,百合1兩,蓮子1兩,紅棗6粒煲瘦肉湯服.有助健脾益氣,養陰清熱,安神.可連服3劑,看能否改善?有改善可一星期服1~2次.
hi,芳姐,我係一個廿多歲女仔,夜晚訓得不好,經量小,間中都有出暗瘡,但近期出得比較多又難凋,我2日先去一次大便,請問有咩湯水可以去暗瘡?謝謝
Mikiki:
你可用生地5錢,綠豆,薏米各1兩,紅棗6粒煲乳鴿湯服,8碗水煮成4碗.可分2天飲,一星期2劑,即可飲4天.這湯能消暗瘡,對月經不調亦有幫助.不寒不燥的.另外可以用玫瑰花,葡萄乾各1湯匙泡茶飲,有助調經補血,助安眠.
芳姐，謝謝妳呀！
芳姐，老黃瓜可唔可以煲水飲當作涼水，煲時唔落肉，只是老黃瓜、赤小豆、扁豆、蜜棗和加果皮，要煲兩小時嗎？可放在雪櫃來慢慢飲。
becky:
老黃瓜湯不放肉没問題,當作涼茶飲都得,存放雪櫃時宜隔渣.煲個半小時或2小時即成.
謝謝您, 無言感激!
您好, 我又來問功課了.
細仔這數天早上都有微燒, 37.7度, 今天說喉嚨有點吉吉痛, 也有噴嚏, 常有啖咳kam kam聲, 請問煲這湯夠力嗎?
“風熱感冒—桑菊竹葉茅根湯” – 桑葉3錢,菊花3錢,竹葉3錢,鮮茅根1扎, 冰糖.
考試將近.. 有點担心..
有勞!
Joanna:
你仔仔可能喉嚨發炎,可以煲桑菊竹葉茅根湯,不加冰糖,加半個羅漢果同煮,因為羅漢果對喉嚨痛有幫助.可連服3劑.
請問剛剛產後100日,餵哺母乳，最近口乾舌黃，可以飲此湯嗎？
新手媽媽:
你口乾舌黃,可能有些陰虛火旺,可以飲這款湯.亦可以泡些花旗參茶飲,能益氣生津,改善口乾症狀.
你好芳姐：
我係加拿大讀書，幾個朋友住在我家，這個星期考試比較多，每晚幾乎4-5點才睡覺，大家都口氣重生痘痘，訓禮頸，甚至失眠也有。已經褒過雞骨草但效果不佳，所以想請教有什麼湯水可以調理？謝謝！
Aimmee C:
夜睡會造成陰虛火旺,內分泌失調,頸梗膊痛,粉葛能舒緩頸背肌肉疼痛,你那邊能否買到?用粉葛1斤,赤小豆,扁豆,薏米各1兩,蜜棗3粒煲豬骨湯服,煲夠3小時,每人一碗,最好吃些粉葛,有助改善頸背肌肉拉緊,及除口氣,消暗瘡,可連服3天.
芳姐：您好，我兒子今天三歲半，他手、腳、頭經常有熱的感覺，
但給他量體溫冇發燒的，夜晚瞓覺又好似好怕熱咁，成曰登被，
好似佢咁我平曰煲啲乜嘢湯水比佢飲調理吓呢？謝謝
Kahung Ｍａｍａ：
你用沙參，天冬，麥冬各３錢，百合１兩，雪耳２錢，冰糖適量，５碗水煮成２碗服，連服３劑試試．
芳姐:
謝謝你!
芳姐:
不好意思,我老公還有這數天,大便不正常(稀爛),麻煩你赐教!
芳姐:
你好!我老公(51歲),瞼上經常生細細粒紅色瘡仔(不像暗瘡)時常抓破流血,他是熱底,請問煲什麼湯水適合?同時塗白果有效嗎?
深媽:
你試用粉葛1斤,赤小豆,扁豆各1兩,蜜棗3粒煲瘦肉湯服,8碗水煮成4碗,你丈夫一天飲2碗.此湯全家可服.對便溏都有幫助.可以用生白果肉搗爛作外塗.
謝謝芳姐！完全明白。
芳姐：
我想多問一個問題：何時用無花果？何時用蜜棗呢？
是否無花果天然健康？
Rita
Rita:
其實我較喜歡用天然甜味的無花果,或紅棗,現時有種天然香棗,又稱[椰棗],產自地中海一帶,不是加糖製作而成,對身體較有益.如果煲湯料中有酸或澀味者,就要加些香棗或無花果調味一下.產自國內的蜜棗因良莠不齊,有些會加添化學劑,故不太放心用.
芳姐：謝謝！
Rita
芳姐：
你好呀。我係新手。屋企無咩料，如果呢個煲呢個老黃瓜湯,無 無花果，改用蜜棗得唔得呀？
仲有我老公一向都有皮膚敏感，呢兩日又嚴重敏感，睇咗西醫。呢個老黃瓜湯又啱唔啱呢？
仲有咩湯水可以煲呀？謝！
Rita
Rita:
可以用蜜棗代替.老黃瓜湯合皮膚敏感人士服用.可加1兩生薏米,有助袪濕.
謝謝芳姐！！
Fiona:
可以用益母草1兩,紅棗8粒煲小米粥服.
芳姐：請問如果不是經常煲湯，有沒有其他調理身體的粥代替？謝謝！Fiona
芳姐：
你好！小女做割除半邊卵巢手術後半年後開始停經，至今已經停經七個月，一直有看中醫，情況未見改善，稍後可能要重看西醫讓她再來經。她的臉部幾乎每個月都會長出不痕不痛的紅點，紅點時大時小，每次一個星期左右便會自行消退，排便時稍一用力，情況會更嚴重！請問可否介紹湯水或粥或外敷藥，舒緩她的情況？謝謝！
Fiona
Fiona:
你試叫女兒買些白鳯丸服用.另外用益母草1兩,黑豆1兩,紅棗6粒煲竹絲雞半隻服用,一星期服2次,有助調整月經.臉上紅點可能是荷爾蒙失調引致.試用玫瑰花,茉莉花各1小撮,每天泡茶飲,有助改善荷爾蒙分泌.
謝謝你！ 等我試吓先