小兒氣管敏感—三 棗 茶

 

 

     有些小孩很容易傷風感冒,又易咳嗽,屬敏感咳,久不久便咳一次,咳的時間頗長,又不太肯飲有苦味及有異味的藥茶.今天便推介這味[三棗茶]給大家,供支氣管敏感及氣管敏感,容易咳嗽的小兒作調理.

     棗類都有抗過敏作用,用紅棗,南棗,蜜棗一同煮茶飲,味道清甜可口,補益得來不會太燥火,對體質較弱的小兒較適合.

     用料是: 紅棗6粒,南棗2粒,蜜棗1粒.

     做法: 紅棗切片,去核;南棗切片;蜜棗切開;將全部材料放入煲內,用3碗水煮成約半小時即可飲用.

     ~ 小貼士: 將三棗切片煮較容易出味.此茶有補血養顏功效,常服能令面色紅潤.適合上班一族將材料放入真空壼中沖泡飲用.

1457 comments »

  1. said,
    十月 10, 2015 @ 12:24 上午

    我個女5歲半,己經持續咳了接近四個月,時好時壞,未完全斷過。睇了幾個西醫醫生都無明顯改善。前段時間係半夜咳,每次咳個幾兩個鍾,有痰聲,咳出來白色有泡,最近半夜少咳左,久不久幾聲,變了日夜會咳,又係一咳就持續一兩個鍾,亦有痰聲,佢一路無發燒,精神好好,胃口又好好,西醫醫生講佢氣管敏感,佢有幾個徵狀,吾咳的時候真係大半天都一聲咳都無,一咳就係咳一兩個鍾,另外,訓落床一陣就會咳,有時幾聲,有時咳好耐,訓醒又會咳幾聲。芳姐,請問這情況會敏感嗎?找到致敏感源前,有什麼食療可以幫助呢?見到佢咳到辛苦,就好心痛,都吾知點可以幫到佢。

  2. 芳姐 said,
    十月 10, 2015 @ 8:22 上午

    娥:
    你試用蘇子,萊菔子各3錢入茶包袋,法夏3錢,陳皮2錢,甘草1錢,5碗水煮成2碗供服,連服3劑,有助袪痰止咳.

  3. Yen said,
    十月 13, 2015 @ 2:12 下午

    你好,我個囝4歲,呢幾日一轉天氣就好易咳,一咳有時咳好耐,咳完就無事,請問係咪都可以比佢飲?日日飲會唔會太燥?

  4. 芳姐 said,
    十月 13, 2015 @ 4:26 下午

    YEN:
    乾咳可以用沙參,玉竹,麥冬各3錢,雪梨,蘋果各1個,去核,無花果4粒煲瘦肉湯,全家可飲.8碗水煮成4~5碗,囡囡一天分服2碗,連服2天.

  5. Yen said,
    十月 13, 2015 @ 11:29 下午

    請問連服2天的是指三棗茶定那個湯?

  6. christy cheung said,
    十月 14, 2015 @ 8:45 下午

    您好,本人兒子3歲,九月開始感冒,之前打乞嗤時綠色鼻涕咳有痰,而家好返少少,天氣轉,又開始咳但無痰(間唔中氣管敏感咳),流鼻水同打乞嗤但透明鼻涕,請問有什麼建議湯水或茶可煲給他飲? 謝謝

  7. 芳姐 said,
    十月 14, 2015 @ 9:35 下午

    yen:
    是連服沙參玉竹湯 2劑.

  8. 芳姐 said,
    十月 14, 2015 @ 9:36 下午

    christy:
    你可以用北茋,防風,白朮,辛夷花各3錢,5碗水煮成2碗,連服3劑,看能否改善?

  9. Yen said,
    十月 14, 2015 @ 10:31 下午

    咁小朋友咩情況先可以飲三棗茶?

  10. 芳姐 said,
    十月 15, 2015 @ 6:22 上午

    YEN:
    小朋友面色蒼白,易敏感咳可以用三棗茶,但感冒咳期間不宜.

  11. christy cheung said,
    十月 15, 2015 @ 6:57 下午

    芳姐,
    請問我兒子晚上不斷咳睡不好,早上少咳,你介紹那個茶適合嗎?
    多謝你無私的解答

  12. 芳姐 said,
    十月 15, 2015 @ 8:37 下午

    christy:
    晚上咳多,你試用紫蘇葉3錢,生薑3片,紅糖少許,3碗水煮10分鐘供服,有助散寒止咳.如有鼻水,可加辛夷花同煮.

  13. 莉莉 said,
    十月 16, 2015 @ 9:06 上午

    芳姐:
    妳好!請問皮膚炎可否飲三棗茶,三豆茶,蒸大眼雞魚,蒜茸,炸蒜茸嗎?

  14. Vivian said,
    十月 16, 2015 @ 10:41 上午

    芳姐你好,
    小兒2歲感冒咳嗽已差不多一個月,睇左幾次西醫,感冒無哂, 而家乾咳得好勁, 特別係半夜同早上! 西醫話佢係氣管敏感. , 有什麼湯水可以煲俾佢呢?同埋佢而家有每日食一次西藥(青蛙仔), 謝謝!

  15. Iris said,
    十月 16, 2015 @ 11:51 上午

    芳姐 你好,

    我女兩歲半, 氣管敏感咳了超過兩星期了, 尤其半夜咳到嘔, 有時會沙聲. 有什麼茶或湯水可以有幫助?

  16. Jenny said,
    十月 16, 2015 @ 2:38 下午

    芳姐:
    您好!想請問三棗茶 日日飲會否好燥?如果本身皮膚易紅、易生瘡 ,是否適合飲?
    因想改善氣管敏感。如果想去濕,但想用保溫杯 焗,有冇好介紹?
    萬分感激

  17. 芳姐 said,
    十月 16, 2015 @ 3:58 下午

    莉莉:
    三棗茶有助抗過敏,皮膚病可以服.三豆茶,蒸海魚没問題.蒜茸可以用,但炸蒜茸少用些,因為太熱氣,加上可能用萬年油炸的,不適合你用.

  18. 芳姐 said,
    十月 16, 2015 @ 4:04 下午

    iris:
    你試用紫蘇葉,北杏各3錢,陳皮1塊,3碗水煮10分鐘,可加少許蜜糖,連服2劑,看能否改善?

  19. 芳姐 said,
    十月 16, 2015 @ 4:29 下午

    jenny:
    三棗茶有助抗過敏,皮膚病患者可服,不算太燥,可一星期3次.袪濕茶一般都要煲煮,焗水飲不易釋出藥效.例如雲苓,白朮,扁豆衣,澤瀉,豬苓各3錢,起碼煲1小時才成,可以各用5錢,煲夠2日量.

  20. Yu said,
    十月 18, 2015 @ 6:37 下午

    請問芳姐小兒3歲,因傷風而咳嗽已個多月,但偶然還有流鼻涕,是否傷風還未清?西醫說氣管敏感咳,可以飲用三棗茶嗎?胃口欠佳,有食療可增進食慾嗎?多謝!

  21. 芳姐 said,
    十月 18, 2015 @ 8:03 下午

    yu:
    你試用桔梗3錢,麥冬3錢,辛夷花6朵,甘草1錢,4碗水煮半小時供仔仔服,有助止咳,收鼻水,可連服3劑.三棗茶適合病後服.胃口欠佳,可以用淮山,茯苓,蓮子,芡實各1兩,雞內金2錢,紅棗6粒煲瘦肉湯供服,此湯全家可飲,有助健脾開胃,增强體質.

  22. Angel said,
    十月 23, 2015 @ 5:24 下午

    請問芳姐小兒持續咳有痰(少少綠色)個多星期,有時一咳就持續不停地咳,早上晚上咳嗽最嚴重,他很怕苦藥,有什麼湯水適合並可以減輕病情?謝謝!

  23. 芳姐 said,
    十月 23, 2015 @ 7:42 下午

    ANGEL:
    你試用麥冬3錢,馬蹄6粒切片,紅蘿蔔1個,切片,紅棗6粒去核,5碗水煮成2碗供服,連服3劑,看能否改善?

  24. yan said,
    十月 24, 2015 @ 12:22 上午

    前星期氣管炎,吃了五天抗生素,剛過去星期一才吃完藥,今天又開始咳,無痰咳時感覺條氣好窄,應飲什麼湯?

    另外女兒三歲多昨天開始有少許咳今天流鼻水,現在訓覺鼻水倒流,咳的聲音都係喉嚨收窄咁應飲什麼好呢?她有氣管敏感的

  25. 芳姐 said,
    十月 24, 2015 @ 1:23 下午

    YAN:
    你可以用川貝4錢,陳皮1塊蒸燉杮餅3個,兩母女一齊食.現時生果檔有韓國杮餅賣,這種杮餅好好味,3碗水蒸半小時,你吃兩個,囡囡吃一個.有止咳作用.

  26. yan said,
    十月 24, 2015 @ 1:36 下午

    柿餅是否乾的??
    另我買了鱷魚肉潤肺湯包可以一起食嗎?

  27. 芳姐 said,
    十月 24, 2015 @ 8:48 下午

    YAN:
    杮餅是乾的.鮮的叫杮子.鱷魚肉湯如果外感未好暫時不要服.

  28. Wai lam said,
    十月 26, 2015 @ 10:39 上午

    芳姐你好,小兒這幾天早上都咳和有少許鼻水,但下午和晚上都冇事,此食療適合他這情況飲用嗎?這幾天早上我都燉洋蔥水比佢飲,飲左佢話好d!但亦是早上起來就咳了!
    謝謝解答😊

  29. 芳姐 said,
    十月 26, 2015 @ 7:52 下午

    WAI LAM:
    三棗茶有助抗敏感咳,可以服.但早上咳及有鼻水,可以用紫蘇葉3錢,辛夷花3錢,甘草1錢,3碗水煮10分鐘服,連服2劑.

  30. Eva Lam said,
    十月 27, 2015 @ 2:42 下午

    芳姐,你好,小兒5歲半,有鼻敏 感,每天早上鼻水特別犀利,就算睇完醫生吃了藥,最多一至兩天沒有鼻水,第三天又有返,上一個月因為感冒食左幾天抗生素,之後就開始斷斷續續有咳和鼻水,但這兩天特別犀利,昨晚還不停咳,咳到睡不到,今早起來又不停咳和小小鼻水,昨天和今天已經飲過紅蘿白紅棗水,但都還不停咳,無發燒,又唔想去睇西醫又食抗生素,請問有咩湯水可以令情況好些,謝謝!

  31. 芳姐 said,
    十月 27, 2015 @ 4:03 下午

    EVA:
    你試用紫蘇葉,辛夷花各3錢,生薑3片,紅糖少許,3碗水煮15分鐘服,有助散寒止咳,收鼻水.

  32. Wai lam said,
    十月 27, 2015 @ 8:11 下午

    芳姐,請問這食療容易入口嗎?如果難入口,可加什麼食材令療方容易入口些?謝謝
    紫蘇葉3錢,辛夷花3錢,甘草1錢,3碗水煮10分鐘服,連服2劑.

  33. 芳姐 said,
    十月 27, 2015 @ 10:14 下午

    WAI LAM:
    此茶有點藥味,不算太難飲,辛夷花可用5朵,紫蘇葉用2錢,甘草味甜,可以用1錢.試煲1劑看仔仔肯不肯飲.
    另:[三棗茶]這篇文章由於太多網友問問題,已達飽和,我試了3次才能回覆到.請轉用其它食療篇問問題.

  34. said,
    十月 27, 2015 @ 11:25 下午

    芳姐,
    你好,我個女5歲半,咳左4個月睇左幾個醫生,醫生話佢氣管敏感食左藥未好返,後來我問你,你教我煲蘇子,萊菔各3錢,法夏3錢,陳皮2錢,甘草1錢5碗水煮成2碗水供服,連服3劑。我煲了3劑比佢飲,佢飲左我覺得佢好返好多,2碗水分3次飲。但係早上起床佢咳到有談黃色,中午咳到談係米白色,夜晚咳到談係白色有泡泡,夜晚咳得厲害D。我想問可吾可以在煲這種涼茶比佢在服,還是你有食療請教我?
    多謝

  35. Amy said,
    十一月 5, 2015 @ 4:27 下午

    三棗茶, 孕婦都可以飲嗎? 我一定三日近日都有點咳咳, 有時乾, 之後痕, 之後就咳…. 抽住抽住
    想知三棗茶可飲用嗎?

  36. 芳姐 said,
    十一月 5, 2015 @ 6:40 下午

    AMY:
    孕婦可以飲三棗茶.但你有點乾咳,可以用沙參,玉竹,麥冬各3錢,馬蹄6粒,紅蘿蔔1個煲瘦肉湯服,連服2劑,有助滋陰潤肺燥,止咳.

  37. Eva said,
    十一月 5, 2015 @ 8:40 下午

    芳姐:我個仔,日夜都咳,但没有痰,晚上咳得勁的,晚上手腳,全身發熱,但没有發燒,請問可飲咩?

  38. 芳姐 said,
    十一月 5, 2015 @ 8:48 下午

    EVA:
    你試用麥冬3錢,馬蹄6粒,紅蘿蔔1個,5碗水煮成2碗供服,連服3劑.

  39. Yen said,
    十一月 6, 2015 @ 6:17 下午

    芳姐,想請問紅蘿蔔紅棗水小朋友係咪可以經常飲?有無咩禁忌?

  40. 芳姐 said,
    十一月 6, 2015 @ 9:26 下午

    YEN:
    紅蘿蔔紅棗水小朋友可以常服,除了痰太多不宜,無特別禁忌.

  41. said,
    十一月 6, 2015 @ 11:57 下午

    芳姐,我個女5歲半,睇左幾個醫生,醫生話佢氣官敏感,完全未好返,然後我之前問過你,你教我煲蘇子、萊菔各3錢,法夏3錢,陳皮2錢,甘草1錢,5碗水煲成2碗水供服,連服3劑。我煲3劑比佢飲,佢飲之後好返好多,我上次再問你可吾可以再煲這種涼茶比佢飲,你無時間回複我?!我又煲多3劑比佢飲,我怕佢飲得多對身體好吾好?我想再問你,我個女呢3日咳好好多,但系有鼻涕,今天下午又咳一段時間,我又在請教你有無食療教我,拜託你了。

  42. 芳姐 said,
    十一月 7, 2015 @ 8:33 上午

    娥:
    近日工作非常之忙,故有些廻響未能全部回覆.如囡囡鼻敏感及咳,可以用辛夷花3錢,桔梗3錢,麥冬3錢,甘草1錢,4碗水煮25分鐘供服,連服3劑.

  43. Nicole said,
    十一月 9, 2015 @ 9:13 下午

    Hi,芳姐,你好,小兒4歲半,今年9月尾感冒完就一直有乾咳,西醫說是氣管敏感,食完藥後會好好多,不過都斷唔到尾,總是早晚有D咳,呢2日又咳多左,我不想再比太多西藥佢食,因為佢自小抵抗力比較差,成日要食西藥,胃口又好差,變相更易病,尤其𨍭季,一定會咳,請問有否食療建議,已經間中飲你提及之三棗茶和紅蘿蔔紅棗水,希望得到你的回覆,謝甚!

  44. 芳姐 said,
    十一月 9, 2015 @ 10:02 下午

    nicole:
    你可以用紅蘿蔔紅棗水,對小兒久咳不好有良效,連服3劑.三棗茶好番才飲,一星期2次.

  45. popo said,
    十一月 10, 2015 @ 12:51 上午

    芳姐,我個女3歲可否饮紅棗,纪子,龍眼肉茶嗎,可常服嗎?這個茶有什麼功效?

  46. 芳姐 said,
    十一月 10, 2015 @ 9:20 上午

    popo:
    紅棗杞子圓肉茶3歲女間中飲可以,因為較温燥,小朋友不宜多飲,以免上火.

  47. angel said,
    十一月 10, 2015 @ 1:48 下午

    芳姐, 仔仔四歲, 早排咳, 發燒, 食完抗生素後還是有痰咳, 早上醒後咳得勁, 吃飯也會咳好多, 晚上入睡後少咳, 白天有几聲咳, 脷胎中間白厚, 脷邊紅, 身形瘦高, 咳已持續一個月, 中醫話氣管收縮, 不可以吃川貝, 鰐魚肉, 請問有何湯水可食? 謝謝!

  48. 芳姐 said,
    十一月 10, 2015 @ 5:13 下午

    angel:
    你試用蘇子,萊菔子各3錢入茶包袋,紫蘇葉3錢,肉碎適量煲粥供服,有助化痰止咳,連服2劑,看能否改善?

  49. Kathy said,
    十一月 12, 2015 @ 10:22 下午

    你好,囡囡感冒之後咳,流綠鼻涕多痰,食左幾日抗生素,開始無鼻涕,仍間中有痰聲,晚上訓落床特別咳,有時又會半夜咳,有時幾小時唔咳,一咳就成個鐘不停咳,醫生話氣管敏感,我唔肯定感冒好返哂未,係咪唔飲得三棗茶?

  50. 芳姐 said,
    十一月 13, 2015 @ 9:19 上午

    KATHY:
    外感未好暫時不宜三棗茶,可以用蘇子,萊菔子各3錢,紫蘇葉2錢,陳皮1塊,3碗水煮15分鐘服,連服2劑,有助袪痰止咳.

  51. Man said,
    十一月 13, 2015 @ 2:11 下午

    芳姐,我仔氣管好弱,一轉天氣就會咳,通常起身咳得得特別厲害,請問可以除了三棗茶還可以煲啲咩佢飲?另外紅蘿蔔紅棗水要煲幾耐時間?謝謝

  52. 芳姐 said,
    十一月 13, 2015 @ 3:42 下午

    man:
    紅蘿蔔紅棗水大火煮半小時,中火煮45分鐘.咳時如有痰,可以用川貝末3錢燉蘋果1個食用,連服4~5劑,有助舒緩氣管敏感,減少咳嗽.

  53. Man said,
    十一月 13, 2015 @ 6:57 下午

    芳姐,如果我仔朝早咳係無痰,川貝蘋果係咪都可以?

  54. 芳姐 said,
    十一月 13, 2015 @ 8:17 下午

    MAN:
    川貝有助舒緩氣管痙攣咳嗽,故没痰都可以燉蘋果服食.

  55. Kathy said,
    十一月 15, 2015 @ 9:52 下午

    剛先找回你答覆,阿女已清所有鼻涕,而家變左好多時幾小時無咳,突然咳幾分鐘,飲啖暖水又好點,間中有痰聲間中又無,有時佢話吐痰就白色的,請問煲䲔魚肉湯岩嗎?

  56. 芳姐 said,
    十一月 16, 2015 @ 9:26 上午

    KATHY:
    囡囡可以飲鱷魚肉湯,配沙參,麥冬,杞子各3錢,淮山1兩,無花果4粒煲湯2小時,全家可飲,有助强肺氣,滋陰補肺.

  57. YEN said,
    十一月 27, 2015 @ 10:56 上午

    你好芳姐,我仔每朝都會咳好耐,有時可以咳個幾鐘就停,有時覺得佢D聲好似有痰咳唔出咁,可否介紹幾款湯水幫下他呢?之前睇過中醫話佢氣管敏感,謝謝指教!

  58. Nam said,
    十二月 5, 2015 @ 4:49 下午

    芳姐,我仔每朝一瞓醒就咳個幾鐘,呢排口氣又大,我想問有咩食療可以幫下佢呢,我好擔心佢咳得多有哮喘就麻煩。

  59. 芳姐 said,
    十二月 5, 2015 @ 8:02 下午

    NAM:
    你試用麥冬,花旗參,桔梗,甘草各1小撮泡茶供服,大約泡10分鐘飲,連服3天,看能否改善?

  60. Nam said,
    十二月 5, 2015 @ 11:12 下午

    芳姐,我仔4歲請問可以飲花旗參嗎?

  61. 芳姐 said,
    十二月 6, 2015 @ 8:50 上午

    NAM:
    仔仔4歲,如有口乾唇燥現象可以飲些花旗參茶.

  62. chris said,
    十二月 8, 2015 @ 9:15 下午

    芳姐:
    小兒三歲九個月,經常咳嗽,一咳就好用力,不分早晚,醫生話系氣管敏感,請問飲咩可以幫到他呢?唔该晒。

  63. 芳姐 said,
    十二月 8, 2015 @ 9:55 下午

    chris:
    你可以用川貝末3錢,蘋果1個,去皮,去核切粒,2碗水蒸半小時供服,可加蜜糖.有助減少氣管敏感.一星期2次.

  64. said,
    十二月 9, 2015 @ 10:40 上午

    呢個茶如果小朋友痰未清可以飲嗎?

  65. said,
    十二月 9, 2015 @ 10:47 上午

    同埋一星期可以飲幾多次?小朋友19個月

  66. 芳姐 said,
    十二月 9, 2015 @ 1:47 下午

    慧:
    小朋友得19個月不宜常用食療品,一星期最多一次吧!痰未清亦不宜飲此茶.可以用蘇子,萊菔子各3錢(入茶包袋)煲瘦肉粥供食,有助清痰.

  67. Juliet said,
    十二月 9, 2015 @ 1:51 下午

    您好, 芳姐
    女兒三歲咳已一個多月,感冒後無論午睡后或者早上起床后都會連續有幾聲痰或冇痰咳,平時間中一兩聲咳,睡覺中有時會咳,但早兩日情況突然變差,有少少微熱低燒,夜晚一瞓就咳一段時間, 清晨時份又咳一段時間,鼻好像有鼻塞和鼻水, 但沒有流出來,喉嚨好似好多痰困住,昨晚飲了一次紫蘇葉,辛夷花,北杏,三錢, 薑三片加紅糖, 2碗煲1碗,情況少許改善但訓覺都好咳,今早起床比昨天咳少了點,日間有飲紅蘿蔔紅棗水加北杏,請問應該繼續還是要改其他食材呢?謝謝您!

  68. 芳姐 said,
    十二月 9, 2015 @ 2:01 下午

    JULIET:
    如果痰多,可用蘇子,萊服子各3錢入茶包袋,紫蘇葉3錢煲肉碎稀粥供服,有助化痰止咳.如鼻水多,可以用辛夷花6朵泡茶供服可加蜜糖.

  69. Juliet said,
    十二月 9, 2015 @ 2:43 下午

    芳姐,感謝您的回覆,但小女不喜歡食粥,有沒有其他建議呢?
    如果繼續飲紅蘿蔔紅棗北杏水,可以嗎?另外紫蘇葉,辛夷花,紅糖加薑與只用辛夷花泡茶功效上有什麼不同?
    謝謝您!

  70. 芳姐 said,
    十二月 9, 2015 @ 4:07 下午

    JULIET:
    不食粥就用那些材料滾湯,3碗水煮15分鐘服.紫蘇能散寒止咳,加生薑,紅糖能解表.單用辛夷花只能收鼻水.痰多要先清痰,紅蘿蔔水止咳但不能清痰.

  71. Kelly said,
    十二月 10, 2015 @ 11:26 上午

    芳姐:
    你好,小兒4歲,每逢轉天氣就容易病同咳,近排一到訓覺時,小兒呼吸聲特別大,又好像有鼻水倒流咁,引致佢訓訓下會乾咳,又會聽到有鼻涕聲及痰聲,但日頭時就沒有鼻涕及咳。胃口都不錯,唯近日開始咀唇偏紅及小小口氣。
    我應該可給他吃什麼好呢?謝!

  72. Juliet said,
    十二月 10, 2015 @ 2:33 下午

    您好,芳姐!
    昨晚飲一次蘇子萊服子紫蘇葉15分鐘,臨瞓前辛夷花泡茶,昨晚瞓覺咳嗽有改善,半夜三時左右咳一陣,有痰,感覺有鼻塞有鼻水,似鼻水倒流咳,今早起身咳嗽比前日嚴重,痰鬆了一點,其餘時間一兩咳,昨日午睡都有幾聲咳,請問是否繼續以上食療?
    謝謝您!

  73. 芳姐 said,
    十二月 10, 2015 @ 3:10 下午

    KELLY:
    你試用麥冬3錢,馬蹄6粒切片,紅蘿蔔1個,5碗水煮成2碗供仔仔服,連服3劑,有助改善.

  74. 芳姐 said,
    十二月 10, 2015 @ 3:23 下午

    JULIET:
    你在湯料中加5朵辛夷花同煮,有助化痰及收鼻水.再服2劑,看能否改善?

  75. Iris said,
    十二月 12, 2015 @ 12:46 上午

    請問十個月大bb可以飲三棗茶嗎?

  76. cherry said,
    十二月 12, 2015 @ 8:16 上午

    芳姐,
    兒子現在二歲。感冒咳断断續續成四個月都未好得晒。依幾日又感冒仲咳得好勁(嘔時見到是白色痰)。特别是夜晚,而且冇晒胃口。可以飲咩湯水?

  77. 芳姐 said,
    十二月 12, 2015 @ 8:46 上午

    IRIS:
    三棗茶本來很平和,但幼兒不贊成太早用食療品,間中飲1次則没問題.

  78. 芳姐 said,
    十二月 12, 2015 @ 8:47 上午

    CHERRY:
    你試用生薑3,4片,蒜瓣6粒,紅糖少許,3碗水煮10分鐘供服,有助防治感冒,止嘔.

  79. Juliet said,
    十二月 12, 2015 @ 1:18 下午

    芳姐,您好!
    小女三歳,咳嗽個多月,星期二開始瞓覺鼻水倒流咳,已按您建議連飲紫蘇葉,蘇子,萊服子,辛夷花三劑,夜間咳嗽改善很多,昨晚睡覺和午睡最多一兩聲咳,不過瞓覺依然有鼻塞鼻水聲,似鼻敏感,朝早和午睡起身都會連咳幾分鐘,多痰,其他時間冇鼻水,間中一兩聲咳,請問:
    1. 療程方面有什麼建議?瞓醒咳已經持續個多月
    2. 是否配合燉川貝蘋果,鱷魚肉效果會好一點?
    3. 辛夷花茶可以每晚飲嗎?
    謝謝您!

  80. 芳姐 said,
    十二月 12, 2015 @ 3:01 下午

    JULIET:
    鼻敏感,辛夷花茶可每天沖泡服.咳嗽不好,痰多可以用法夏,茯苓,白朮,麥冬各3錢,陳皮2錢,甘草1錢,5碗水煮成2碗服,連服3劑,看能否清痰止咳?

Leave a Comment