By 芳姐 ( 28 2 月, 2012 at 9:13 上午)
· Filed under 家常食療
友人自雲南旅遊回來,帶來一盒野生猴頭菇,但煲湯後發覺有些苦味,我平時用的猴頭菇不大相同,原來是導遊介紹買的,故對這盒猴頭的食療功效打了些折扣,還是用回平時買的這種猴頭菇較妥當.
猴頭菇有扶正固本之效,對任何胃腸毛病,包括胃癌都有療效,配冬菇,黃豆,蠔豉煲湯,鮮美可口,是一味健脾胃,益氣血之家常保健湯品.
用料是: 猴頭菇2~3朵,冬菇6朵,黃豆2兩,蠔豉2兩,生薑2片,紅棗6粒.
做法: 將材料浸洗,冬菇去蒂;將全部材料放入煲內,用8碗水煮約3小時成4碗即成,飲湯吃湯料.
~ 小貼士: 此湯全家合飲,對更年期婦女及老人脾胃虛弱者都甚為適合.
Permalink
芳姐，
煲左好多袪濕湯，如果想煲呢種猴頭菇，係咪無甘夾袪濕？自己呢2日不停係甘流汗又覺好濕再加上濕疹搞到心情麻麻，但已經不停煲冬瓜、節瓜加赤小豆、扁豆、綠豆、薏米之一類，悶悶地🙈🙈🙈🥱🥱🥱有乜可以配搭猴頭菇而袪濕呢？仲有想問下南豆係米好過扁豆？味道好味過扁豆好多
Bobby:
可用淮山1兩,茯苓5錢,南豆或扁豆1兩,猴頭菇3朵,無花果4粒煲排骨湯服,有助健脾袪濕.如汗多可加北茋5錢同煮.
芳姐，
甘要煲幾耐？
Bobby:
煲個半鐘就成.
芳姐，
啱啱完哂淮山，用蘚淮山暫代得唔得？
另外如果跟反你呢編文章嘅配料，由於醫師叮囑唔好食「黃豆」（濕疹關係）有乜可以代替？眉豆?大豆（好大粒有紫色當中唔記得正名）？紅豆？花生？腰果？紅腰豆？綠豆？或者乜豆？☺️☺️☺️
Bobby:
眉豆健脾袪濕,綠豆清熱解毒,都適合用.
芳姐，
甘如果跟呢個配料嘅淮山，啱啱用完，可唔可以用蘚淮山暫代？
芳姐，
我意思指「可用淮山1兩,茯苓5錢,南豆或扁豆1兩,猴頭菇3朵,無花果4粒煲排骨湯服,有助健脾袪濕.如汗多可加北茋5錢同煮.」
啱啱用完淮山，可唔可以用蘚淮山暫代？
Bobby:
可用鮮淮山3兩代替.
訪客:
此湯傷風都可服.
如果有傷風可以服用嗎？
謝謝
好的 謝謝~~
訪客:
陰虛火旺可以飲,有濕加扁豆,眉豆各1兩同煮,加節瓜味道夾些.
陰虛火旺能飲嗎?
如果有濕 可以加什麼能夠去濕?
謝謝你~~
令外可以加個紅蘿蔔和粟米嗎?
謝謝~~
greenly:
建議你看醫生,了解原因,因為所有不尋常的搖頭,走路不稳等都先要考慮腦的問題.
芳姐,
當我專注用右手輕微用力取物件、炒菜,頭會不自覺向左右輕微搖擺,是什麼問題呢?
有什麼方法減輕?
LING:
製芡實是用鹽水浸過後蒸製的,可加强收歛作用.一般煲湯用普通芡實就成.你買了就用製芡實吧!
芳姐：
在葯房賣的制芡實,是否就是用鹽水蒸製過的芡實呢？我不清楚是不是就是你所講的ㄧ種芡實。
ling:
用芡實都得,用鹽水蒸製過的芡實收歛固腎功效强些,可以用.黃豆含植物雌激素,適量用對更年期婦女有益,製芡實則能健脾止瀉,止帶縮尿,各有各好.
芳姐：
如不用黃豆,可否改用制過的遲實煲此湯呢？不用黃豆又對更年期有沒有益處呢？
芳姐，謝謝你的詳細解釋!
Elaine:
青紅蘿蔔鱆魚湯都有益,能健脾補血,但與這款湯的食療功效又有所不同.鱆魚有養血益氣,催乳作用,但屬動風海味,有皮膚病患者少吃;蠔含豐富維生素、礦物質,對更年期婦女,老人,小兒等都有益,並有良好補鈣及補肝功效.
請問唔用冬菇、黃豆、蠔豉，改用青、紅蘿蔔、鱆魚可以嗎?
芳姐,
多謝回覆、因這邊沒有蠔豉賣但鮮蠔就好多而且好肥美、
芳姐,
您好嗎!?請問這款湯、蠔豉可否用鮮蠔代替嗎？
謝謝
RitaＹＵＥＮ：
我未試過用鮮蠔，應該可以的．
芳姐,
以下這個就你介紹的湯水, 請問可否一家四口飲用(成人), 份量又需否加一些? 用豬尾骨代替可以嗎? 再次麻煩你, 謝謝!
腰椎骨痛試用桑寄生1兩,粉葛半斤,絲瓜絡5錢,生薏仁1兩煲豬展湯服,有助改善症狀.
金太:
桑寄生粉葛豬骨湯全家可飲,粉葛可用1斤,其它不用加.用豬尾骨没問題.
芳姐,
這十天八天的天氣濕度都非常高, 今早濕度有 99度, 腰椎骨非常痛, 但又帶有時好時差的感冒,
想到頭煩都不知煲些甚麼可解之. 想麻煩你指教指教. 先謝謝妳幫忙幫忙!
金太:
腰椎骨痛試用桑寄生1兩,粉葛半斤,絲瓜絡5錢,生薏仁1兩煲豬展湯服,有助改善症狀.
謝謝芳姐 .
此湯大約要煲幾耐??全部材料一齊煲??
mama:
大約煲2小時.全部材料一齊煲都得.
芳姐 : 早晨 !
今朝已煲這款湯 , 請問我先生食緊降血壓藥 , 可以飲嗎 ?
芳姐 : 早晨 !
今朝已煲這款湯 , 請問我先生食緊降血壓藥 , 可以飲嗎 ?
謝謝回覆 .
mayｌａｉ：
吃降血壓藥都可以飲此湯，没問題．
doris:
夏枯草,雞骨草皆能去肝火.可經常煲來飲,如怕寒涼可以加紅棗8粒同煮.杞子性平,只要先用水浸半小時,將水倒走,減少硫磺殘留的可能,就不會燥火.用製首烏5錢,黑豆1兩,杞子4錢,南棗6粒煲竹絲雞湯服,有助補肝,黑髮.暗瘡可以用生的白果肉切開作外塗,半小時後清洗,連用幾天可消暗瘡.
hello,我有問題想問芳姐你:)
中醫話我肝虛,但又有肝火
搞到生好多無膿包的暗瘡同生白頭髮
我而家已經日日食杞子,咁樣會唔會上火嫁?
同埋呢
我想知道有咩方法可以去肝火又可以補到肝?
唔該晒
你好呀,,我個仔(24)失眠,有時成4點先訓得著.又難醒.因為佢返消防,成日夜晚訓得唔好..
放假有時又去開夜,,,唔知係咪因為咁.所以搞到成日失眠…睇中醫話佢胃唔好..屬寒底
但手腳都keep住成日暖暖地咁…佢應該飲咩湯好呀?? 十萬個唔該=)
mama:
你可以用五味子3錢,黨參3錢,茯神4錢,百合1兩,圓肉5錢煲瘦肉湯供服,有助養心安神,此湯對神經衰弱都有幫助.
芳姐，可加瘦肉煲嗎？
maymaychan:
可以加瘦肉同煮.
芳姐: 你好.
請問可用什麼材料替代黃豆呢? (因尿酸高) 謝謝.
粉紅木偶:
此湯的菇類,黃豆,蠔豉都含嘌呤素,故不太適合尿酸高人士服用.尿酸高可以用赤小豆,薏米煲粥或煲湯服,能減少尿酸,有健脾,利水,袪濕功效.豆類中唯赤小豆含很少嘌呤,對尿酸高人士很適合.
Yummy^^ 浸材料…煲湯去…