By 芳姐 ( 20 4 月, 2012 at 8:11 上午)
· Filed under 外感/頭痛/呼吸道病
感冒後很多時出現咳嗽,有些朋友肺氣較弱,加上平時少運動,體質差,往往咳了一段時間仍未痊癒,可以用些川貝,麥冬煲雪梨湯供服,有化痰止咳,清熱潤燥等功效.
用料是: 珍珠川貝3錢,雪梨2個,麥冬4錢.
做法: 川貝,麥冬浸洗;雪梨洗淨,去核,切成塊;用5碗水煮約1小時成2碗即可供飲.
~ 小貼士: 珍珠川貝售價稍貴,但味不太苦.此湯可加少許冰糖同煮.對肺陰不足,口乾咽燥,失眠多夢,大便秘結人士都適合.
Permalink
芳姐你好，
小朋友3歲多常常咳，有好多痰，請問可以煲咩可以化痰止咳？
謝謝
Celine:
你可用蘇子,萊菔子各3錢入茶包袋中,與瘦肉,陳皮各適量煲粥供食,連服3劑,如見效,一星期1~2劑,至症狀好為止.蘇子是紫蘇葉的種子,萊菔子是白蘿蔔的種子,很平和,有袪痰止咳作用適合小朋友用.在中藥店有售.
芳姐：
您好！
請問3歲幾小朋友有口氣‘小便偏黃色，請問有咩湯水介紹？
Jennifer:
可以煲些鮮茅根竹蔗紅蘿蔔馬蹄糖水供小朋友服,有助清熱利尿消口氣.連服3劑.
芳姐你好，
小朋友2.5歲，前2日止左鼻水，而家開始有咳，請問可以飲呢個湯水嗎？
謝謝
Celine:
小朋友有咳可以用一隻橙,連皮洗淨,去頂後加少許鹽,置大碗中,隔水蒸半小時,用湯匙壓橙汁供服.或用洋葱1個,去衣,切絲後置碗中,隔水蒸半小時,用湯匙壓洋葱汁供服,亦能止咳.
您好，我先生41歲，患上坐骨神經痛，從腰部至臀部再伸延至脚後側條根有少少酸痛，腳面血管有少少麻痺，請問有咩湯水可以治療改善呢？
Jennifer:
可以試用雞血藤5錢,杜仲5錢,栗子3兩,紅棗5粒煲豬展湯服,有助補腎强腰,活血通絡.另外可買些雲南生田七片(中成藥)服用,有助鎮痛.
雲南生田七片可以用田七粉沖飲嗎？
Jennifer:
可以用田七粉沖服的.
芳姐我想問問您，雲南生田七片有咩牌子介紹嗎？出門太多牌子啦
Jennifer:
我在華潤堂買的,忘記什麼牌子了.
芳姐：您好！我想問下呢份量係煲成幾碗呢？
jennifer:
6碗煮成3碗,你可以一天分服2碗.2人飲.
芳姐：您好！
我先生飲左你介紹呢劑湯水有11日‘但佢話冇改善’依舊腰部至臂部再伸延腳後側條根酸痛，腳面血管少少麻痺。所以想請教您呢份湯水繼續飲定點？
Jennifer:
如果食療没法改善,只有看醫生治理.因個人體質及病況不同,可以去幾間大學設有中醫門診看骨傷科教授,了解病發原因以作治療.
芳姐你好！我想問需要去醫院拍x光睇睇嗎？
Jennifer:
先去看經驗好的中醫骨傷科教授,如果教授認為有需要才拍X光片.
芳姐你好，本人60歲，喉嚨痕癢咳嗽，已有5個月，半夜咳較多，日間亦有，咳嗽後流透明鼻涕，白色痰，難吐出，有睇中醫，耳鼻喉專科，煲鱷魚肉，虎乳靈芝，海底椰，果皮湯，仍然有咳，請問怎辦？麻煩你，謝謝
訪客:
你試用法夏3錢,茯苓3錢,白朮3錢,桔餅1個切碎,陳皮2個剪碎,4碗水煮成2碗服,連服3~4劑,看能否見效?
謝謝
你好，芳姐:
亞仔(10歲)咳了差不多一個月，睇了中醫5次，還未好番！佢好多黃色痰，差不多每天可以吐了二十多次黄痰,還聽到喉嚨有D痰聽，大便要二至三日才有，晚上有磨牙。他試過飲了三天川貝、陳皮燉蘋果，還是很多痰，没有減少。嘴唇都有D紅，舌頭有D白; 中醫話佢有脾虚。還有芳姐，以你經驗，你有冇聽過一週可以吐成百幾次痰，噤誇張呀！我都唔明亞仔可以有噤多痰，真係好頭痛！請問我可以煲什麽湯水給他呢！謝謝
黎太:
你試用枇杷葉,龍脷葉各5錢,金羅漢果半個,法夏3錢,白朮3錢,茯苓5錢,陳皮2個,6~7碗水煮30分鐘成4碗,仔仔可分2天飲,每日2碗,連服3劑(飲6天),有助清熱,健脾,袪痰止咳.材料在中藥店有售.
你好，芳姐:
昨天已飲了此湯，仍然没有減少咳和淩晨咳了幾次！家中長輩問瞓時咳，.需唔需加多D陳皮，和加石黃皮呢！今早大約吐了八、九次黃痰。請問繼續飲，還是再加其他草藥呢？
謝謝幫忙
黎太:
可加2兩石黃皮,能清熱化痰.陳皮温性,黃痰不宜用太多.
芳姐:
昨天飲完加石黃皮湯時，晚上和瞓覺時特別咳得很厲害和吐了白色或黄色痰。是否太寒冷呢？我應該什樣做呀？
謝謝
黎太:
石黃皮性寒涼,但你仔仔痰黃都需要清肺熱的,暫時不要用石黃皮.久咳試用五味子3錢,桔餅1個切碎,甘草2錢,陳皮1個,桔梗3錢,5碗水煮成2碗供服,連服3劑,如不能改善,看中醫治理.
芳姐，你好！我先生喉嚨痒導致咳，都咳左成一個月啦，有黃痰，請問有咩湯水飲？
jennifer:
你試用烏梅3粒,菊花1湯匙,甘草5片泡茶供服,可沖泡2杯,連服4,5天,看能否改善?
請問烏梅係邊度買呢？
jennifer:
烏梅在中藥店有售.
芳姐，您好！
發燒感冒過後有咳冇痰小朋友一個23個月，一個7歲，請問有咩湯水飲？
芳姐，您好！
一個23個月和7歲嘅小朋友，還有媽媽，發燒過後宜家咳，唔覺得有痰，請問有咩湯水介紹卑一家大小飲呢？
Jennifer:
你可以用鮮龍脷葉1兩,金羅漢果1個,蘋果2個去皮,去核,6碗水煮半小時,全家可飲.
芳姐，你好，小兒23個月大，初時只係打噴嚏…現在開始有白鼻涕同有痰，少少聲沙…遇冷風就打噴嚏…睡覺時間中一兩聲咳…想問煲什麼湯水可幫助舒緩？或食什麼生果有幫助？
或是這情況都要看醫生?天氣轉冷小朋友保暖上有什麼特別注意？
另外，小兒有濕診，天氣轉面部以及手腳摺位會發，或者對一些食物敏感也會，會肚及身體起粒粒…想問會唔會有些湯水可幫助？濕診是否也關乎身體抵抗力？
很多問題😅😅謝謝你🙏🏻🙏🏻
Joice:
濕疹必須注意皮膚補濕,要替小朋友經常塗不含化學物質的潤膚油或潤膚膏才可減少症狀加劇.如太痕癢可用白癬皮,地膚子,側柏葉各5錢煲水作外洗劑,有助止癢及消疹,一日分3次用手巾仔沾藥液塗擦.有少少傷風可以用洋葱1個去衣切片,蒜頭3,4粒拍碎,生薑3片,3碗水煮10分鐘供一天服,連服3劑.此湯除了解風寒,同時有保暖作用.
芳姐，早上好，请问川贝是不是无论炖汤或煲汤都需要先捣碎才煲吗？谢谢您^^
scy:
川貝原粒煲或燉完全没問題,只因近年售價貴,以及小朋友未必肯食才建議磨成粉.
芳姐您好！
媽媽咳，有黃痰，鼻涕，喉嚨超痛聲音嘶啞。7歲小朋友有幾聲咳。21個月小朋友有幾聲咳，鼻涕黃色比較結。請問有咩湯水岩全家供服？
Jennifer:
你可用鮮枇杷葉,龍脷葉各1兩,雪梨2個去核,金羅漢果半個,7碗水煮40分鐘成4碗,一家分服,連服3劑,有消炎清熱利咽止咳功效.
你好芳姐
小朋友2歲8個月，上星期感冒咳好多痰，鼻涕好結，日頭咳靠多，晚上就無咳，請問呢款湯水可以飲嘛？謝謝你
Karen:
小朋友痰多可用這款湯,鼻水多加6朵辛夷花同煮.
謝謝你芳姐，呢個湯有無分寒熱咳之分？仲有屋企有川貝末平時可以點用？。thanks
Karen:
這款湯較適合痰黃稠屬熱咳者.川貝末可以燉蘋果,有益正氣又止咳化痰.
芳姐 您好！請問20個月嘅小男孩，有流鼻水，流鼻涕就係黃色，有眼屎黃色，有幾聲咳，有咩辦法可以清清呢？
Jennifer:
你可用辛夷花6朵,菊花2錢,甘草1錢,3碗水煮15分鐘成1碗供服,有助收鼻水清肝熱止咳.
請問需要放金銀花嗎？
我兒子就快三歲，有G6PD,但近日感冒，不停流鼻涕，鼻涕濃得黎青，
間中有咳，已經看了兩次醫生，但都未好，請問可以比咩湯水仔仔飲
謝謝
Mandy:
你可用辛夷花6朵,葱白4棵,生薑3片,甘草1錢,3碗水煮15分鐘供服,連服3劑,有助收鼻水止咳.
我想問一歲BB咳咗好多日又有痰咳唔出，可以飲咩湯水，之前咳到口喉發炎添
訪客:
你可用蘇子,萊菔子各3錢入茶包袋煲瘦肉粥供BB食,連服3劑,對小兒痰咳有幫助.
芳姐您好！請問喉嚨痛有痰綠色嘅，有咩湯水飲？
Jennifer:
痰綠色有炎症,最好看醫生.食療可用羅漢果1/4個,金銀花3錢,胖大海3錢,4碗水煮成2碗服,有助消炎利咽.
芳姐，你好！
家中小朋友15個月，有幾聲咳，好多痰，有痰聲，但唔知咩色嘅痰，見手指甲邊有起皮，唔知係咪濕氣重呢？請介紹幾款湯水幫助化痰止咳。
Jennifer:
你試用洋葱1個,去衣,切片,放蒸碟中,大火蒸20分鐘,用湯匙壓洋葱汁供服,一日可蒸2個,連服3天,看能否改善?
芳姐，您好！一歲寶寶這兩天夜咳，都是訓覺前咳，咳到嘔，請問有咩湯水可以止咳？
jennifer:
你試用洋葱1個,去衣切片,放碟中,大火蒸20分鐘,用湯匙壓洋葱汁供服,大約得2~3湯匙,有助止咳.一日可以蒸2個給BB服.
請問咩色嘅洋蔥？
Jennifer:
白色洋葱就成.
芳姐～我個女兩歲半～咳左兩個星期睇西醫都冇效～好多痰同鼻水～有咩湯水介紹？
Carina:
你試用川貝末2~3錢,蘋果1個,去核,陳皮1塊,辛夷花6朵,冰糖少許,4碗水煮成2碗供囡囡服,連服3劑.
芳姐，衣兩日條頸好痕癢，不停的抓，發生什麼事情。
訪客:
可能皮膚敏感,或衣物不太清潔引致.可塗些强力無比膏止癢.
芳姐，請問你.14個月的寶寶感冒過後有幾聲咳。還有一個7歲嘅小朋友都係幾聲咳。媽媽就比較嚴重嘅咳.有痰咳不出.喉嚨發炎.有咩湯水可以大家一起飲？定需要分開？
Jennifer:
你可以用鮮枇杷葉,鮮龍脷葉各1兩,雪梨2個,去核,南北杏1兩,無花果3粒煲瘦肉湯,煲1小時,全家可飲.
請問鮮枇杷葉.鮮龍脷葉係邊度買呢？我之前係買過乾嘅。
Jennifer:
鮮品在山草藥檔有售;乾品可以各用5錢.
芳姐.請問你發燒感冒過後周身骨痛飲咩湯水好？
Jennifer:
周身骨痛最好用粉葛,赤小豆,扁豆,陳皮煲瘦肉湯服,用量隨意,要連服2~3劑.
0
芳姐你好，
先生已咳太慨兩個月，是喉嚨痕有痰但咳不出來！請問應該煲什麼湯水有目助舒緩？謝謝🙏
（試過用佛手柑焗水喝，好幾日又咳過）（本身先生有吸煙習慣）
雯雯:
長期吸煙日後年紀大了必然患肺部疾病,例如長期咳嗽或肺氣腫.唯有戒煙加調理才能好轉.港大中醫門診的針灸醫師針灸幾次就可助戒煙.可試用烏梅2~3粒,菊花1湯匙,甘草4,5片泡茶供服,連服4~5天,看能否改善?
Hi 請問先生感冒後期 還有些清鼻水，少鼻塞，白結痰有幾聲咳，可飲什麼？或焗茶？謝謝
HK:
你可以用辛夷花6朵,桔梗3錢,甘草1錢,4碗水煮成2碗供服,有助止咳收鼻水.
請問我先生感冒後，還有少咳同結痰，早上較黃色結痰，下午的清白結痰，請問服此湯？
還是服用川貝末3錢,蘋果1個,去皮,去核,陳皮1個,4碗水煮成2碗供服,連服3~4劑,能清痰止咳,？
但我只有川貝粒沒有未，可以？
請指教 謝謝
請問我先生感冒後，還有少咳同結痰，早上較黃色結痰，下午的清白結痰，請問服此湯？
還是服用川貝末3錢,蘋果1個,去皮,去核,陳皮1個,4碗水煮成2碗供服,連服3~4劑,能清痰止咳,？
但我只有川貝粒沒有未，可以？
請指教 謝謝
Ky:
川貝粒都可以,搗碎成粉末藥效更顯而已.
那用川貝蘋果果皮可以？需要加百合嗎？ 謝謝
另外孕婦和三歲小孩可服？沒事都可服？
KK:
孕婦和小朋友可以飲,没事無端用川貝做什麼?又不便宜.
如果孕婦喉嚨少少確確地可以飲嗎？ 36周，有時我有飲少少菊花羅漢果可以的？
KK:
如無感冒發燒可以加百合.
明白 謝謝
KK:
喉嚨乾可以泡些花旗參麥冬水更佳,每樣1湯匙泡飲,可沖泡至淡.
謝謝 即花旗參 孕婦都可以 （36周）
KK:
花旗參孕婦可以用,人參及黨參温補,懷孕後期不宜.
芳姐，你好！我女本身有嚴重鼻敏感！經常鼻塞！早半個月前放晚開始有咳！食咗西藥都止唔到咳！仲試過咳到嘔！另外跑得太快都會有咳！請問可以煲咩適合佢飲？
女兒2歲半
Naco:
你可以用川貝末3錢,蘋果1個,去核,辛夷花5朵,4碗水煮成2碗供囡囡一天分服,連服3劑,有助止咳,收鼻水.
你好!芳姐，我女10歲3個月，平時有鼻敏感早上有鼻塞，冬天手腳冰涼，想問有哪些燙水可以幫女女改善呢?多謝!
美麗:
你可用北茋3錢,桂枝3錢,生薑3片,紅棗5粒,辛夷花3錢,4碗水煮成2碗供囡囡飲,一星期3劑,有助增强體質,改善手脚凍及防鼻敏感.
芳姐
你好，我個仔19個月最訓鼻塞好勁，夜晚訓得唔好，又有痰聲，今日仲要有咳，想問可以煲咩比佢飲下？
Thank you
Esther:
你試用蘇子,萊菔子各2錢,辛夷花6朵入茶包袋煲瘦肉粥供仔仔服,連服3劑,能袪痰改善鼻塞.
請問孕婦以有4個月BB，可以飲嗎？
Olivia:
此茶孕婦可飲.
芳姐，
您好！我兒11歲，咳了快一個月了，看了西醫吃了西藥一星期，後又吃了些中藥，中間好一兩天后又開始咳，之前瞓前咳同凌晨五、六點咳得厲害，多痰，聽到痰鳴音，煲了川貝蘋果水飲，還是咳，反反覆覆，最近幾天晚上不咳，白天斷斷續續聽到幾聲咳，昨天下午突然又咳得厲害，昨晚又開始咳，下半夜五、六點咳，聽呼吸有痰鸣音，平時有些鼻敏感，現不知煲些什麼湯來調理？急請芳姐指教，萬分感謝！
另外我今天煲了桔栟蘋果陳皮水，可以喝嗎？謝謝！
請問小朋友一歲，有痰，鼻水同少許咳，
睇過醫生但都未好
可以煲咩俾佢飲下？
thankyou
koie:
你試用蘇子,萊菔子各3錢,辛夷花5朵滾瘦肉湯供服,滾20分鐘即成.連服3劑,有助袪痰收鼻水止咳.
請問蘇子,萊菔子，辛夷花係邊度買呢？