By 芳姐 ( 15 6 月, 2012 at 7:32 上午)
· Filed under 小兒常見病
小朋友一上學堂就容易感染上呼吸道疾病,往往病好了不久又再受感染,又不懂吐痰,造成喉嚨經常有痰聲.中醫認為脾臟機能弱的小兒,消化系統容易發生障礙,消化系統若然虛弱,則易生痰涎.故要袪痰,必須先健脾.
猴頭菇,淮山,芡實都是健脾佳品,百合清心潤肺止咳,常用這些材料煲湯,對小童食傷脾胃,脾虛泄瀉,痰多,虛汗多者很有益處.
用料是: 猴頭菇2~3朵,淮山1兩,芡實1兩,百合1兩,紅棗6粒.
做法: 將材料浸洗,用6碗水煮2小時成3碗左右即成.飲湯吃湯料.
~ 小貼士: 此湯材料可加米煲成粥,或加瘦肉煮湯,全家可服.對病後體虛,脾胃虛弱,癌症患者都適合.但外感發燒未癒不宜服.
小啓: 下周回鄉探親,網友如有任何食療問題,請待我回來才作查詢好嗎?因為累積太多廻響,回來時未必能全部作回覆.
Permalink
不好意思，小兒痰多体质寒脾弱可以煮这个猴頭菇淮山芡實百合湯给他每天或是一个星期2天配饭吃吗？
需要放调味料吗？
红枣是应该要用有种子的还是没有种子的？
pEGGY:
三子粥主要對痰咳有療效,不寒涼的,你可以每樣用2錢,入茶包袋,與白米煮成粥.平時没有痰就不用煲這款藥粥.可淮山,芡實各1兩,雞內金2錢,紅棗6粒煲瘦肉粥服,有助增强胃氣,及改善脾胃功能.猴頭菇淮山芡實百合湯可一星期煲2次給他飲,可放少許鹽,紅棗必須買有核那種.無核者多屬製過紅棗晶之茶渣來的,没多大食療價值.
中醫認為[健脾就能袪痰],故平時多用淮山,芡實這類健脾食療對令兒有益.最好磨成粉一併吃下肚最好.
芳姐:
不好意思,我想問問平時d人話北杏要加埋南杏煲先得,係咪真ga~thx
MICKY:
如果要去痰止咳,宜用北杏,家常湯水,可用南北杏,因為南杏有潤肺功效.
芳姐:
你好,我煲左俾大仔飲左幾日,多左好多黃色鼻涕,但我見佢每朝起身都有好多眼屎,而且又咳,應該繼續飲嗎,謝謝芳姐
MICKY:
鼻涕黃色,眼屎又多,應屬風熱咳,宜用桑葉,菊花,北杏各3錢,冰糖少許,3碗水煮15分鐘供服,有助疏風清熱,止咳.可連服3劑.
芳姐：
這些會不會涼~謝謝
Mickey:
此湯不寒涼的.
芳姐:
你好,我個大仔無唔舒服,但喉嚨好似有痰咁,佢成日都想將d痰整出黎,但又唔成功,佢又無其他唔野,已經持續好耐了,飲此飲水可有幫助嗎?thx~
MICKEY:
你試用法夏,茯苓,白朮各3錢,陳皮2錢,生薑3片,烏梅2粒,5碗水煮成2碗,連服3劑,應可化到痰.
你好芳姐
看了好幾篇湯水 內有去核紅棗 如用南棗代替紅棗可以嗎 ? 謝謝
TW:
其實南棗更有益,但因為很多人喜歡紅棗的味道而不喜歡南棗之味,故才多用紅棗.你可以用南棗的.
謝謝芳姐
芳姐, 謝謝~ 其實響感冒期間飲這些湯水是否影響效用? 或應待痊癒才飲更好?
ANNIE:
感冒期間脾胃功能減弱,故不宜飲補益或肥膩湯水,以免增加脾胃負擔.但如果身體真是虛弱,可以飲這類健脾湯水的,不會影響功效.
芳姐, 請問小女有些鼻水和小小痰, 如果飲紅蘿蔔淮山茨實湯怕唔怕? 謝謝
ANNIE:
如果囡囡没發燒,可以飲這款紅蘿蔔淮山芡實湯的,没問題.
多謝芳姐介绍
芳姐: 感謝您介绍川貝燉雪梨蜜糖，飲了三天，黄昏時咳少咗，可唔以繼續煲呢？小兒睡着多汗是無味的淡汗，請有咩湯水可改善流淡汗。
是否要停燉雪梨改煲其它呢？請幫忙，謝謝你
陳小朋友:
小兒晚上流汗稱盜汗,可用浮小麥3錢,黑豆1兩,紅棗(或南棗)6粒,5碗水煮成2碗服,連服3天應可改善.川貝燉蘋果可能較適合體虛仔仔飲.你改用蘋果1個,去皮,去核,切粒燉,連服2天.
陳小朋友:
川貝能舒緩氣管敏感,你試用川貝末2錢,燉雪梨1個服,可加些少蜜糖,2碗水燉45分鐘飲用.雪梨要去核.連服3劑,有清熱化痰止咳功效.牙肉腫可能有些虛火,可以煲些皮蛋鹹瘦肉粥作早餐,全家可食.
芳姐: 小兒之前氣管炎，現在仍然咳嗽未好，每天放學回家黄昏開始咳，我就冲一杯羅漢果甘草水给他飲，飲了後少咳，红蘿白紅棗水試過煲，但一樣照咳，唔想又睇西醫不停吃药，現在牙肉腫脹，請問有咩湯水可介绍给小兒呢？
芳姐: 感謝你的答覆
芳姐: 昨天煲了你介绍沙參玉竹瘦內湯,飲了咀唇红澗番,訓得幾好,無磨牙和發夢,不過咀唇很乾暴裂,唔知喺米咋天吃過多車厘子,吃了10粒细車厘子又吃果仁,今日煲多一次沙參玉竹湯,我見佢今早起身咳多咗D痰, 吃蘋果會唔會嘢痰呢? 昨晚吃完飯話肚餓,比了半個蘋果佢食.
非常感謝芳姐介绍湯水^o^
陳小朋友:
沙參玉竹湯主要是滋陰潤燥,咀唇乾可以再飲.蘋果不惹痰,但車厘子容易上火,咳嗽痰多不宜食.你可給多些温水小朋友飲,幫手拍背,有助袪痰.
芳姐: 小兒氣管炎,仍然間中有咳嗽未斷尾,囗唇乾,面有粒粒,喺米熱氣,唇較白,唔明點解佢成曰唇較白和乾,唔夠紅潤,我無比煎嘢和薯片糖果佢食,晚上訓教,點下就旭.請問有咩湯適合佢飲? 健脾先定潤肺先呢?
買了肝油丸,佢現在可以吃嗎,吃完蜜糖格幾耐吃肝油丸呢?
現在飲食唔知岩唔岩佢,早上吃蜜糖,早餐淮山陳皮青豆瘦肉粥,4點放學回來吃蘋果,車厘子,吃2粒原味合桃,一粒腰果,太約5:30吃飯,西蘭花松子仁粟米瘦肉飯,
8點上床訓.
陳小朋友:
唇乾可能有點陰虛,有時病久了,及吃得西藥多都會出現這種情況,宜用些沙參,玉竹,麥冬,雪耳,紅棗各適量煲瘦肉湯供服,唇色白可隔天煲些三棗茶飲.即紅棗,南棗,蜜棗煲水代茶飲,我參看我[三棗茶]那篇.對容易敏感咳有幫助.咳未斷尾試用紅蘿蔔1個,紅棗6粒煲水飲,對小兒久咳未癒有效.其它你提供給仔仔的餐飲都不錯.
芳姐:
你好，請問咳嗽有痰可飲淮山蓮子猴頭菇紅棗湯嗎? 海底椰這天氣煲合宜嗎?如果喉嚨痕癢
咳煲什麼湯水好呢? 芳姐，感謝你一直用心解答我們問題
Jessica:
咳嗽有痰可煲淮山蓮子猴頭菇湯,健脾就能袪痰,痰少咳嗽自然少.海底椰合乾燥天氣,喉嚨痕癢,可用防風,蟬衣,菊花各3錢,甘草1錢,烏梅2粒,3碗水煮成2碗飲,有助袪風止咳.
芳姐,
本人有包 猴頭菇存放在雪櫃已有一年能否食用,而 猴頭菇較寒濕嗎?本人體質較虛寒及易困濕可配什麼材料同煲呢?猴頭菇對丈夫有慢性胃炎可有幫助嗎?謝謝!
訪客:
猴頭菇對胃炎很有益,如果存雪櫃没發霉變質可以用,可配淮山,蓮子,紅棗煲豬展湯服,有健脾益氣功效.不寒涼的.
Dear 芳姐，我表姐个仔仔三岁多，之前患有支气管炎，依家晚上半夜会有咳嗽，应该饮D咩汤水好啊？要吾要注意一下小孩葛饮食啊？
hannah:
你可以叫你表姐用白果5粒,去芯,北杏3錢,核桃肉1兩,紅棗6粒煲粥供服,一星期3次,至症狀好為止.此粥有助補益肺脾腎,屬補益食療.平時要多飲水,少吃煎炸及寒涼食物.海底椰,虎乳靈芝,蟲草花,雪耳,百合,杏仁這類食材平時可多用來煲湯供服,對小兒咳喘有益.
芳姐,
小朋友半夜 OR 睡起床就咳+痰聲是否煲川貝燉蘋果水OK嗎?
川貝有冇分寒咳OR 熹咳之分嗎
TKS\
ELAINE
ELAINE:
川貝主要是能舒緩氣管痙攣,熱咳適合些,但如果咳嗽痰多,寒咳都可用,加陳皮就成.
多謝芳姐的指教，我明白了！
心急的Joyce:
紫蘇葉茶可連服3劑.鮮腐皮是包腐皮包那種.虎乳靈芝湯補益,如果囡囡没發燒,有番胃口就可以煲來飲.小朋友病大多數父母都心急,但咳嗽,哮喘這等毛病一時三刻好不了,你和另一位網友elaine都過於心急了,希望密集式煲食療湯能即時見功,要一步步來調理的呀!
多謝芳姐回覆，剛剛我買了紫蘇葉晚上準備煲給囡囡飲用，這湯水是否需要連斷飲用及她有用哮喘藥是否可以一併服用。還有，我想問鮮腐皮是否用來包腐皮卷那種？我囡囡現在可否飲用虎乳靈芝、鱷魚肉、川貝、五指毛桃這些材料的湯水及這款從你網頁看見的湯水有胖大海 3 粒、羅漢果半個、金銀花 3 錢，3碗水煮成2碗，是否適合現在飲用。最後，如平時我可以在這季節煲什麽湯水好呢？萬分感謝你的回覆，因我昨晚的心情真的忐忑不安，不知如可是好。
謝謝！
心急的joyce:
那就不放核桃肉,單用白果,北杏及加鮮腐皮1/3張同煮,好味及有營養些.要吃些白果才成.
多謝芳姐回覆，但囡囡食核桃肉嘴會紅腫，請問可否不放或有其他可代替，謝謝！
芳姐你好，本人女兒8歲有哮喘及鼻敏感，面色比較青。上星期六鼻敏感發作食了兩天西藥好了，但前日開始有點咳，直至今日咳得頗嚴重及有痰聲、吐出的痰沒有黃、沒胃口及有喉嚨痛，睌上睡覺都有咳及有痰聲，請問有什麽湯水及粥可供食用？謝謝！！
心急joyce:
你試用白果10粒,去芯,核桃肉1兩,北杏3錢,紅棗6粒煲粥給你囡囡服食,有助補益肺脾腎,改善哮喘及改善面色.晚上睡前1小時可以用紫蘇葉3錢,生薑3片,北杏3錢,紅糖少許,3碗水煮成1碗供飲,有宣肺散寒,止咳功效.
芳姐，
你好！我大女今年2歲4個月，早几日喉嚨發炎又發燒，但現在已退燒，但還是咳，而且一咳就好容易嘔，請問可以煲D乜野湯水俾她飲？還有細女9個月，這几天都有肚瀉，睇左醫生但未是好止瀉，她好似是飲左意米水后開始瀉的，有關嗎？請問可以煲什么湯俾她飲？
yanfong:
你可以用川貝末2錢,陳皮1小塊燉蘋果1個,去皮,去核,2碗水燉45分鐘供服.連服3劑,看能否改善?細女肚瀉,未必是飲了薏米水有關.你試用炒扁豆1兩,芡車實1兩煲粥供服,可加她喜歡的其它粥料,有健脾止瀉功用,可連服3天應見效.
Thank You 芳姐！ Will give it a try.
多謝芳姐！他現在已退燒，痰還是很多，鼻涕帶綠色，鼻塞，咳嗽。除了醫生開的西藥，我每天都給他一次猴棗散。這芫荽葱生薑魚片可以煮粥嗎？還可以給他甚麼化痰呢？我是新手媽媽，身在外國，又沒經驗，謝謝你幫忙！
da;
你可以用芫荽葱生薑魚片煲粥供服.你那邊難買中藥材,不妨多用薏米1兩,茯苓4錢煲粥,有助健脾袪痰.可替仔仔拍背,拍到有咳時表示該處積痰,要拍多幾下,然後飲水,有助將痰排走.
Dear 芳姐，
想請問一下仔仔（15個月）而家病緊，有發燒，咳，多痰可以食這個粥嘛？落紅棗會唔會太燥？
da:
發燒外感未好不宜用這款補益湯水,會令病邪坐大的.宜滾些芫荽葱生薑魚片水,趁温服,有助發汗解表.
hannah:
你試用北茋,防風,白朮,辛夷花,蒼耳子各3錢,加浮小麥3錢,紅棗6粒,5碗水煮成2碗服,有防治鼻炎,止盜汗功效.
芳姐：小孩鼻炎反复有什么办法吗？要吃多了身体都虚了，睡觉时会盗汗
Dear 芳姐
謝謝你！等我叫表姐煲來比個仔仔試下先，但是今日距個仔仔時不時會出現發熱症狀喔，早上量一下體溫仲會有輕微葛低燒。你推薦的粥，可唔可以吃啊？沒問題吧？十分感激
hannah:
治痰咳的粥你仔仔可以服用,有輕微低燒都可服.
芳姐：
我表姐個仔仔3歲多，從10月粉就開始吾舒服啦，首先系因為感冒引起鼻炎，然後又支氣管炎，試過中醫，同埋西醫，不過都系未好，又吾識吐痰，喉嚨D痰都是吾清，有時都會鼻塞。請問芳姐有沒好建議啊？應該飲D乜比較好啊！吾該嗮。
hannah:
小朋友不懂吐痰,可以替他拍背,整個背部輕拍,拍到咳嗽時,即表示該處積痰,要拍多幾下,然後飲水,有助將痰排走.另外可用蘇子,白芥子,萊菔子各3錢,入茶包袋,與白米煮成粥,隨量食用,對痰咳很有幫助.
多謝芳姐答覆，之前出玫瑰疹好大幅的疹，出咗6日!外婆亦㷛了膨魚1両分3次食，但只食一次㷛粥給仔仔食，佢又出風疹，中醫話佢蛋白敏感。咁西藥用抽血定皮膚上測試好，定等仔大D先，佢得2歲，因老公這邊的小朋友，姑仔及大姑奶的仔仔有暨豆症，但大伯的女有花生敏感另一個小BB時對奶敏感!咁有否遺傳!這個可否加蜜棗或糖東瓜呢!仔見深色
Lucille:
你們有家族遺傳的過敏症病史,故建議你仔仔早些做皮膚測試,知道哪些食物致敏,不去碰,可減少敏感不適,減少受苦.棗類有抗過敏作用,可以用.糖冬瓜由於加入了化學東西炮製,少用好些.
仔仔，又再次傷風咳，因之前病仍未好，可能加上天氣轉變，見鼻涕黃及杰，往往用紙巾及沖洗鼻亦不能清，見仔仔呼吸聲很大及晚上因鼻水倒流咳!及見他沒有胃口!之前見他肚皮身體出紅疹，半夜不停痕!亦喝用竹庶馬蹄粟米㷛水，開奶茶，給他清熱!因之前給他吃保嬰單，開奶茶好似對D中藥有反應，（出好似濕疹咁，見他傷風咳沒有流後，差不多好給他保嬰單，又出紅疹，又一次吃西藥2個鐘後，給他開奶茶，面珠近 頸紅晒，都唔知是否中薬敏感，但至少他都喝開奶茶都不知點解會出現這些問題。所以，我想請問他可用什麼材料㷛湯水給他清熱及去清鼻涕及痰呢
Lucilla:
你仔仔可能藥物敏感,建議要看西醫治理.因為除了可能藥物敏感,亦有可能感染了其它病毒引起紅疹的,宜看醫生作了解.如果只是一般傷風,感冒,可以用辛夷花,桑葉,菊花各3錢,甘草1錢,3碗水煮成2碗服,有助清熱解表通鼻.
請問此湯是否可用來煲粥？
Irene:
這湯煲粥都成,但材料最好先浸半天,否則很難煮腍.
請問此湯係咪可用來煲粥？
知道, 謝謝芳姐!
謝謝芳姐!
烏梅2粒,菊花3錢,甘草1錢–> 是用水沖焗便可? 不用煲, 對嗎?
那”猴頭菇淮山芡實百合湯”適宜飲用嗎? 因為平時家中都會常煲湯水, 但自從媽媽有氣管敏感後, 有些湯水都不敢煲, 想知這個是否合適! 再次謝謝芳姐!
Cheer:
烏梅菊花甘草茶可以加水煮15分鐘更出味,焗茶就方便些.猴頭菇淮山芡實湯能健脾益氣,對脾胃非常好,可平時飲用.
芳姐, 你好! 之前我曾經因為媽媽得了氣管敏感而請教過你, 你教過我煲粥 (核桃, 北杏, 紅棗, 白果). 其實媽媽現時的情況時好時壞, 萬一不小心吸入一些奇怪的味道 (例如油煙味), 就會引發喉嚨不適, 然後就不斷咳, 要花一段時間才有好轉.
有時會聽到半夜她咳時有痰聲, 曾問過能否咳得出痰, 但大多時候都不能. 好像有痰但又無法咳出來, 有點辛苦. 未知此湯是否合適? 或者有其他湯水對此情況有所幫助?
謝謝芳姐!
Cheer:
令堂有可能是過敏性咳嗽,你試用烏梅2粒,菊花3錢,甘草1錢沖泡茶飲,連續服用一段時間有助改善.痰多可用法夏3錢,茯苓4錢,陳皮2錢,白朮4錢,甘草1錢,生薑3片,5碗水煮成2碗服,能有效袪痰.
請問芳姐小朋友之前無端端嘔，之後幾日都冇胃口。煲左合掌瓜粟米紅蘿白南北杏湯，飲左之後有返胃口，不過上痰，是否因食滯導致痰多熱滯？而家上痰可以煲咩湯比佢飲？不過小朋友多數唔識咳痰，可以點做？
芳姐,
阿B 2歲5個月, 上星期二開始感冒發燒, 依家已無發燒, 但仲有好多痰, 咳時痰聲重, 同少少鼻涕, 之前整過陳皮蘋果無花果水, 佢又唔飲;川貝冰糖燉雪梨, 佢又唔鐘意,可能因為川貝苦. 我好驚佢拖得耐會變支氣管炎甚至哮喘呢! 我想問:
1) 買貴0的既川貝係咪無咁苦架?
2) 仲有咩0岩佢飲之餘又無乜藥味架, 因佢一有少少藥味就唔飲.
3) 去西藥房買化痰素或化痰咳水好唔好呢?
THX
Ra:
如果仔仔不肯飲苦藥,就買化痰素化痰吧.平時多用淮山,芡實,蓮子,紅棗煲湯服,中醫認為[健脾就能化痰],所以要多用這類健脾藥.幾好味的.
芳姐:
我仔仔三歲多, 差不多晚晚訓覺的時候都咳, 已有一段時間了, 有時仲會嘔奶, 亦看過醫生, 都只是開一般的止咳化啖藥, 請問我應該煲什麼比佢食好呀?
NICOLE:
你試用紅蘿蔔1個,切薄片,紅棗8粒,生薑3片,5碗水煮成2碗服,連服3劑,對小兒久咳有療效.
芳姐小囡30個月大自從上星期腸胃炎後, 到現在都無胃口食野,請問可以煲D咩比佢食丫? 謝謝!
mandy:
你可以隔晚浸4片淮山,第二天用來煲粥氣供囡囡服,可以加其它囡囡喜歡吃的粥料同煮.最好用個迷你攪拌器,將粥料連淮山一起攪成蓉,囡囡可全部吃下,營養吸收得好,淮山又有健脾益氣作用,連服1周應見效.
芳姐,
頭先唔記得講, 佢呢兩日都嘔左2-3次, 份量都唔少, 我發覺佢平時一感冒發燒就好易嘔, 唔知係咪痰多0既關係呢?
Ra:
小朋友痰多的確容易嘔,但如發燒不退建議要看醫生.因為現時的細菌、病毒很厲害.可以幫仔仔拍痰,整個背門拍,拍到咳嗽即表示那處積痰,要拍多兩下,然後飲水,有助將痰排走.
芳姐,
阿B 2歲4個月, 已返幼兒班3個星期. 前日開始微燒, 尋日38.2度, 日間有幾聲咳, 無鼻涕, 不過有痰聲, 唔肯食野, 不過都幾精神, 呢幾日都係呵爛便. 呢兩晚瞓著就好嚴重, 成個人好熱, 瞓瞓下又成日咳醒, 應該係有鼻水同痰塞住個鼻令佢成日醒, 差唔多一個鐘頭醒1次. 但因為佢0的鼻水都流唔到出黎, 成日塞住入面所以好辛苦. 尋日阿奶奶煲左川貝雪梨水俾佢飲, 臨瞓食左1次保嬰丹. 今日煲淡竹葉龍脷葉糖冬瓜, 其實0岩唔0岩佢飲? Thx
Ra:
仔仔返學後無可避免會感染上呼吸道疾病,現時情況如燒不肯退要看醫生.可以用生薏米2兩用6碗水煮成2~3碗,加入冰糖及3~4片鮮檸檬片,滾片刻即成,一天分服.有助提高抗病能力.淡竹葉糖冬瓜水,川貝雪梨水都適合的.睡前用棉紙巾剪成條狀,浸温水扭緊,伸入鼻管中,試將鼻涕捲走,有助安睡.或去西藥房買噴鼻劑噴鼻都有幫助.
小兒三歲半，發燒後一直咳，有啖但不懂咳出來，都有個多星期，是否可用你上面所述用龍脷葉，羅漢果等煲給他飲，是否要持續飲，一般多久可以清啖？我知道老火湯不能飲，但滾蕃茄湯之類可以嗎？謝謝芳姐！
Rose:
你可以煲這款龍脷葉羅漢果湯給仔仔飲.你可以替他拍背門,整個背門輕輕拍,拍到有咳時多拍幾下,表示那處積痰,將痰拍鬆後飲大杯水,有助將痰排走.番茄薯仔湯,金銀菜杏仁鴨腎湯;霸王花蜜棗杏仁豬肺湯都適合仔仔服用.
小兒2歲之前出玫瑰疹後，婆婆㷛了2次膨腮魚加瘦肉粥給他吃點之小兒出風疹，現又流鼻水變為有D黃黃地的鼻涕，見佢好似有D鼻塞塞食了都個多星期西藥都未好，不知什麼湯水有幫助，及見他亦容易發脾氣，睡覺亦易出汗及晚上睡覺亦會發炆。上次小兒食猴棗散亦出疹，是否對某D中薬或食物有反應?
Lucille:
令兒玫瑰疹已康復了吧?現時有鼻塞,痰黃稠,盜汗情況是不是?如玫瑰疹仍未完全康復,可以用綠豆1兩,海帶5錢,北杏3錢,魚腥草5錢,冰糖適量,5碗水煮成2碗服,有清熱解毒,化痰作用.晚上盜汗,易發脾氣,可能有點心火,可以用浮小麥5錢,蓮子(連芯)1兩,百合1兩,紅棗6粒,5碗水煮成1碗,臨睡前服.有清心安神,止虛汗作用.
芳姐，我女儿十一个月大，现在咳嗽多痰、流鼻涕，有时鼻涕是青黄色。请问可以给她吃清补凉汤煲粥吗? 如果只放茨实、百合、淮山（找不到猴头菇），份量也是各1两吗？如果用慢煲盹，要放多少水？谢谢
儀:
你囡囡鼻酸青黃色,炎症未好,宜用鮮龍脷葉1兩,羅漢果半個,北杏仁3錢,煲雪梨1個,6碗水煮成2~3碗服..清補涼暫時不宜,以免病邪坐大.