By 芳姐 ( 22 8 月, 2012 at 7:05 上午)
· Filed under 皮膚病/暗瘡
敏感體質的人往往會對一些食物或毛塵、油漆等物料影響而出現過敏反應.而每個人的致敏源都不盡相同,故如果出現蕁麻疹(即俗稱的風疹塊,風癩等)過敏性皮膚病,就需留意發病前一、兩天吃過或接觸過的致敏東西,以後避免接觸才可減少發病.
急性蕁麻疹治療以袪風,清熱,袪濕為主,可用生薑4,5片,紅糖2兩,米醋1碗,加水煮5分鐘,早、午、晚服,每次1湯匙,温水送服.蒜醋對風疹塊亦有療效,可內服兼外用.內服每天服3次,每次1茶匙,温水送服;外用以藥棉沾醋汁塗患處,很快可消疹.
蒜醋製法簡單,用料是蒜、米醋和冰糖.蒜去衣切片,不用清洗,直接放入玻璃瓶,倒入純米醋及冰糖碎即成.浸4個月即可飲用.蒜與醋的比例是1:2; 冰糖可按個人喜好用量,放入後隔天搖晃幾下玻璃瓶,很快可溶解.
~ 小貼士: 經常患蕁麻疹人士平時飲食宜少肉多菜,因為多吃肉類,體質會偏酸,發病機會就會增加.
Permalink
請問芳姐，我出風癩已有兩個月，初起時風癩大大舊，但現時出嘅風癩細細粒同埋入夜就會出，瞓覺時仲會出得多，但瞓醒起身之後會慢慢退，請問我咁嘅情況煲黑豆黑芝麻黑棗水飲同樟木碎沖涼得嗎？謝謝
芳姐請問黑豆，黑芝麻，黑棗湯有糖尿病可以飲嗎？
jojo:
有糖尿病,黑棗放少一半,另一半可用幾粒椰棗代替.椰棗不會升血糖.
多謝芳姐
小朋友3歳，突然出風癩，訓覺就出，可以食咩？已經兩天了
Yvonne:
如果在中藥店可買到樟木碎,用1兩煲水作外洗劑,半小時可消風癩,但未必很多中藥店有售這種樟木的,可用黑豆1兩,黑芝麻5錢,黑棗或南棗6粒煲水1小時供小朋友服,有助消疹.但最好是記錄發病當天吃過那些致敏食物,以後少食就不易發病.有時接觸致敏物也會發病,所以要找出致敏源少成.
現在好多時夜晚都會出小小，請問要食幾多天？
黑豆、黑芝麻係咪雜貨鋪買？
Yvonne:
6碗水煮1小時成2~3碗,小朋友可一天分服2碗.服4劑,看能否改善?黑豆,黑芝麻雜貨店,中藥店有售.
請問用幾多水煲？
風癩多數早晚出，以前出的風癩是一大塊，有一段時間無出，最近又出了，但不是一大塊咁出，現在出的大小好像白豆一樣大小，有胃酸不能試蒜醋，有沒有其他方法舒緩
Ivy:
你試用青仁黑豆1兩,黑芝麻5錢,黑棗或南棗6粒,5碗水煮成2碗服,要吃些湯料才見效,連服3~4劑.
芳姐，黑芝麻是用生芝麻還是炒過的芝麻，謝謝
Ivy:
黑芝麻用生的就可以.
芳姐，阿囡9歲兩日前突然全身出一粒粒紅疹，非常痕，無發燒，睇西醫話可能係水痘，但已經第3日d疹都無含水，而且無發燒，夜晚特別痕，我覺得似尋麻疹多d，阿囡本身有鼻敏感，最近2星期朝朝都流鼻涕，我今朝已經煲咗綠豆薏米水俾佢，想問使唔使煲呢個米醋水飲？定係繼續煲綠豆薏米水？我另外都買咗竹蔗馬蹄紅蘿蔔，諗住煲水，但係一日飲咁多款湯水得唔得？應該點安排，希望你抽時間回答，非常感謝！
Tak Ni:
醫生如果說是水痘,就要留意囡囡不要抓破紅疹,否則會留有疤[豆皮],無論是荨麻疹或水痘,綠豆薏米水都適合.明天可以用竹蔗馬蹄紅蘿蔔+薏米1兩煲水供囡囡飲,因為薏米能殺少量病毒,可以連服3劑.另外可以去中藥店買[蠟梅花油],很細支的,但點塗在水痘上可以減少痕癢及消疹.不貴的,買備好些.女孩子都要靚,如果面上有豆皮就麻煩!
芳姐，你好
我囝突然出發癩，已醫一個月！每次痕都一嚿嚿，尚試好多嘢，都不可以退。
中醫話他熱。我應該報什麼野比佢飲！thx
Anita:
你試用生薏米1兩,綠豆1兩,鮮粟米鬚1兩,紅糖適量,5碗水煮成2碗供服,連服3劑,對熱性風疹有幫助.
芳姐，
請問是要等4個月才能飲嗎？
現在皮的很痕呢？
謝謝
Janet:
你可用生薑,紅糖,米醋先煲來飲,有助消風疹.蒜醋其實浸幾天都可以飲,當然味道有點辛辣,療效亦遠不及浸了幾個月的蒜醋,因為蒜辣素未完全溶解在醋中.如風疹皮膚癢,建議看中醫調理,很快見效.食療可用黑豆1兩,黑芝麻5錢,黑棗6粒,5碗水煮成2碗服,最好吃些湯料,連服3~4劑,都有幫助.
芳姐你好，小兒5歲多，4月尾才開始有皮膚過敏，醫生話可能系蕁麻疹，佢之前系一個星期出一次，宜家2至3日出一次，中西醫都睇緊，佢皮膚過敏多數在晚上睡前出，之前見到您說的止痕水，我想問問可否先煮備用的？請問知唔知澳門在那可以買到樟木碎呢?
謝謝 ！
simon:
樟木碎不易買到,可以煲些白癬皮,地膚子,側柏葉水,煲1次用2天都得.另外可用黑豆1兩,黑芝麻5錢,黑棗5粒,5碗水煮成2碗供仔仔服,一星期2~3劑,最好吃些湯料,對慢性蕁麻疹有幫助.