化痰止咳—川貝末蒸杮餅

     小朋友感冒後咳嗽不止,最適合用川貝來作食療,因為川貝能舒緩氣管痙攣.但川貝味苦,小朋友未必肯服用,可以將川貝研成末,納入杮餅內,隔水蒸熟食用,對痰多咳嗽很有幫助.

     鮮杮雖然性寒涼,但加工後的杮餅則寒性消失,對寒底之人食用亦無妨.無論寒咳、熱咳都可應用.有清熱潤肺,止咳之效。

     用料是: 川貝末2錢,杮餅2個。

     做法: 杮餅去蒂,剖開,將1錢川貝末分別塞入杮餅中,隔水蒸10分鐘左右,即可供食,一天分2次服。

     ~ 小貼士: 杮餅治病,最好用雞心形的京杮.我覺得用韓國雞心形的杮餅最為好味.味道清甜可口,蒸熟了都没有澀味,小朋友都會喜歡食用。

398 comments »

  1. Ling said,
    四月 8, 2014 @ 9:55 上午

    芳姐你好,我有問題想請教你,我朋友成日喉嚨痛,就算好返少少都好似有野頂住甘,睇左半年E生都未好返,有E生話是軟骨發炎,貼左藥膏都不能好返,有睇過大陸E生話慢性咽喉炎,又有E生話可能是胃酸倒流。請問芳姐有冇聽過類似病,可以有咩食療可幫到??或者芳姐有冇相關E生可介紹?謝謝芳姐,朋友真是很無助。

  2. Ling said,
    四月 5, 2014 @ 3:15 下午

    謝謝芳姐,請問芳姐有冇聽過香蕉燉冰糖??thx!

  3. 芳姐 said,
    四月 5, 2014 @ 8:56 上午

    Ling:
    風咳可繼續服烏梅甘草菊花茶.如晚上咳多,可用紫蘇葉3錢,北杏3錢,生薑3片,片糖少許,3碗水煮10分鐘供服,囡囡都可以飲.但小便痛應該看醫生,以防有尿道炎.可煲些茅根竹蔗紅蘿蔔馬蹄水供服,如飲用兩劑仍然痛必須馬上看醫生.

  4. Ling said,
    四月 4, 2014 @ 11:05 下午

    芳姐,老公在冷氣地方或者吹風仲會有D咳,還可冲D咩飲???thx!!!仲有一個問題囡上星期風寒咳,她話有時小便時有D痛,不是每次小便都會痛,那是什麼原因?是否尿道炎,但沒有發燒,可以煲D咩飲?

  5. Ling said,
    三月 17, 2014 @ 11:12 上午

    謝謝芳姐,我試下

  6. 芳姐 said,
    三月 17, 2014 @ 6:18 上午

    Ling:
    你試用烏梅2粒,菊花1小撮,甘草4,5片泡茶飲,每天沖泡2杯飲用,對風咳敏感咳有幫助.

  7. Ling said,
    三月 16, 2014 @ 11:51 下午

    芳姐,老公試過吾得,又睇左中醫都未好返,氣管敏感,曰間一吹到風就狂咳,一咳就連續咳不停,乾咳。芳姐還有食療可幫到嗎?thx!!

  8. Ling said,
    三月 4, 2014 @ 11:38 下午

    你好芳姐,我老公之前喉嚨痛,咳,宜家仲有咳,早上起身狂咳,剛訓時狂咳,日間有咳,睇左中醫話氣管敏感,鼻水倒流,請問芳姐還可煲咩飲??thanks!!

    • 芳姐 said,
      三月 5, 2014 @ 7:04 上午

      Ling:
      你試用五味子3錢,搗碎,甘草1錢,生薑3片,辛夷花6朵,4碗水煮半小時供服,連服3劑,看能否改善?

  9. Ling said,
    三月 3, 2014 @ 11:40 下午

    芳姐你好,我老公之前喉嚨痛,咳,宜家仲有咳,早上起身狂咳,剛訓一時狂咳,日間有咳,睇左中醫話氣管敏感,鼻水倒流,請問芳姐還可煲咩飲??thanks!!

  10. Ling said,
    二月 10, 2014 @ 1:30 下午

    哦,明白,thanks!!!

  11. 芳姐 said,
    二月 10, 2014 @ 12:34 下午

    LING:
    我想服用1個月,看是否抗病能力已改善?如已改善可停一段時間,不能長期依賴食療的.

  12. Ling said,
    二月 10, 2014 @ 10:39 上午

    謝謝芳姐回覆,是否可長期服用,每星期二次??

  13. 芳姐 said,
    二月 5, 2014 @ 9:56 下午

    Ling:
    小朋友一上學易感染上呼吸道疾病,要待體內儲夠[抗體],才可減少患病.你可以用北茋,防風,白朮各3錢,生薑2片,紅棗4粒,5碗水煮成2碗供囡囡服,一星期2次,有助增强體質,減少受感染.

  14. Ling said,
    二月 5, 2014 @ 6:07 下午

    芳姐,囡囡返學成曰病,宜家好返,平時應該食D咩可增加抵抗力,或者食D咩可减少D病?曰曰都有食維他命c片,謝謝芳姐。

  15. Ling said,
    二月 3, 2014 @ 12:04 上午

    謝謝芳姐回覆。祝新年快樂!身體健康!!事事順利!

  16. Ling said,
    一月 26, 2014 @ 7:06 下午

    謝謝芳姐回覆,囡囡之前發燒感冒,食左7曰抗生素,宜家仲有少少痰咳,流鼻涕,我想煲萍果川貝比佢飲可以嗎?謝謝

    • 芳姐 said,
      一月 26, 2014 @ 9:28 下午

      Ling:
      你可以用川貝研成末(約2錢)燉蘋果給囡囡服,可加少許蜜糖.如痰多,流鼻涕,可用茯苓,白朮,辛夷花各3錢,陳皮2塊,甘草1錢,5碗水煮成2碗供服.

  17. 芳姐 said,
    一月 24, 2014 @ 12:54 下午

    Ling:
    青蘿蔔青欖湯可8碗水煮2小時成4~5碗,全家可飲.有利咽止咳功效,亦能解煤氣毒,平時用煤氣煮食的家庭,可久不久煮這款湯.

  18. Ling said,
    一月 23, 2014 @ 11:22 下午

    謝謝芳姐,請問青蘿蔔,青欖湯煲幾多水,是否全家可飲???

  19. Ling said,
    一月 23, 2014 @ 9:26 下午

    芳姐,我又病,喉嚨勁痛,咳,想咳時好似有一股氣湧上來,乾咳,可以煲咩飲?

    • 芳姐 said,
      一月 23, 2014 @ 11:09 下午

      Ling:
      你可以用羅漢果半個,胖大海3錢,板藍根3錢,3碗水煮20分鐘供服,有助消炎止痛.另外可用青蘿蔔1個,青欖10粒,蜜棗3粒,南北杏1兩煲瘦肉湯飲,有下氣寛中及潤燥止咳作用.

  20. 芳姐 said,
    十二月 24, 2013 @ 12:53 下午

    ling:
    你有喉嚨痛,屬風熱外感,可用葱白4,5棵,淡豆豉3錢,豆腐1~2塊,3碗水滾15分鐘服,飲湯吃些豆腐,有助舒緩.或用桑葉,菊花,辛夷花各3錢,甘草1錢,3碗水煮成2碗服,對風熱外感及鼻塞有幫助.

  21. ling said,
    十二月 24, 2013 @ 12:18 下午

    芳姐,到我病了,喉嚨痛,鼻塞,發冷可煲咩飲??thx! !

  22. LING said,
    十二月 19, 2013 @ 2:24 下午

    知道~多謝芳姐回復!!!

  23. 芳姐 said,
    十二月 19, 2013 @ 1:36 下午

    ling:
    你的電郵地址可能不正確,用私人回應電郵後告知失敗,故你還是去幾間大學的中醫門診看病吧!可能我的網站出現技術故障,所以幾經轉折才看見你的網址,可惜仍然是失敗了!

  24. ling said,
    十二月 19, 2013 @ 10:10 上午

    thx 芳姐,是不是不能用手機版?我在此留我的電郵比你可以嗎?你再回復我,十分謝謝!!

  25. ling said,
    十二月 18, 2013 @ 11:20 下午

    已send多次了,thx! !!芳姐

    • 芳姐 said,
      十二月 19, 2013 @ 8:24 上午

      ling:
      抱歉我收不到!通常用[聯絡芳姐],我在另一個電郵信箱即可看到,只要寄電郵者的回郵地址正確,我即可作私人回應.如真是收不到,建議去港大,中大或浸大的中醫門診看,都是資深的教授醫師,有專看兒科的.

  26. ling said,
    十二月 18, 2013 @ 9:10 下午

    明白,芳姐我已send 了 thx!

  27. 芳姐 said,
    十二月 18, 2013 @ 8:32 下午

    ling:
    你可用bar頂[聯絡芳姐],介紹醫師我可作私人回應.

  28. ling said,
    十二月 18, 2013 @ 5:35 下午

    多謝芳姐回復,囡囡不停反復病,今天打左乞次,又再流鼻水,身體好差,想問芳姐有冇好的兒科中醫師介紹,謝謝,聽朋友話有D中醫師會就住小朋友開藥,開D無甘苦。

  29. ling said,
    十二月 16, 2013 @ 9:26 下午

    明白,多謝芳姐回復,囡囡日間只系咳幾句,有痰,但一訓時就狂咳,好似條氣吾順,吾知系吾系氣喘,仲之就系咳得好辛苦,請問系吾系氣管敏感?可以煲咩比佢飲??thanks! !!

    • 芳姐 said,
      十二月 16, 2013 @ 9:32 下午

      ling:
      如痰咳可用川貝末燉杮餅服,或燉蘋果1個食都有益.早上可用白果肉6粒,去芯,核桃肉1兩,南北杏1兩煲粥供服,有助補益肺脾腎,止咳定喘.但發燒就不宜服食此粥.

  30. 芳姐 said,
    十二月 16, 2013 @ 8:10 下午

    心田:
    這款湯有助化痰止咳,你可以服.久咳必虛,你試用五味子2錢,生薑3片,甘草1錢,五味子要搗爛,與生薑用,甘草用4碗水煮20分鐘供服,連服2劑,對久咳有良效.五味子搗爛後五味齊出,能調五臟,止咳嗽.

  31. 芳姐 said,
    十二月 16, 2013 @ 8:05 下午

    ling:
    囡囡感冒不適腸胃蠕動慢,會容易出現便硬或便爛情況,病好可回復正常,故感冒期間飲食宜清淡,吃容易消化食物為宜.葱豉湯可與西藥隔2小時服.

  32. 心田 said,
    十二月 16, 2013 @ 1:36 下午

    芳姐,

    你好! 氣管敏感有白痰咳的人可以飲 川貝, 平果, 龍利葉, 石黃皮, 南北杏, 無花果, 蜜棗, 薑, 瘦肉的嗎 ? 老媽見我咳了成個月都唔好, 今早煲了這個. 但怕錯喝加劇咳. 有勞多多賜教, 多謝!

  33. ling said,
    十二月 16, 2013 @ 1:25 下午

    明白,多謝芳姐回復,仲有囡囡這2天大便開頭屙時硬,跟住有D爛屎,吾知點解?葱豉豆腐湯要與西藥相隔幾多時間服。thx! !

  34. ling said,
    十二月 16, 2013 @ 9:53 上午

    多謝芳姐回復,囡囡咳左成晚,今早起身食左藥再訓又不停咳,芳姐如果囡未退燒應該睇中醫或西醫好???

    • 芳姐 said,
      十二月 16, 2013 @ 11:37 上午

      LING:
      如果囡囡燒未退,又不停咳,中醫,西醫都可以看,主要看囡囡肯不肯吃中藥,因為一般中藥材多有苦味,但好處是不會太發散,令囡囡流虛汗,無胃口.

  35. ling said,
    十二月 15, 2013 @ 11:48 下午

    補充,囡囡仲有發燒,低燒37.8-38.3左右,thx! !

  36. ling said,
    十二月 15, 2013 @ 11:44 下午

    多謝芳姐回復,今天煲左葱鼓豆腐湯比囡囡,食左D豆腐,少左乞次,少左鼻水,但好似咳多左,明天繼續飲嗎?囡今日有食懷山粥,吾知有冇關係?謝謝!!

    • 芳姐 said,
      十二月 16, 2013 @ 8:26 上午

      ling:
      囡囡尚有燒表示病邪未走,要繼續給葱豉豆腐湯,但暫時不要給淮山粥食,待燒退後才食用.咳多可用菊花,桔梗,麥冬,甘草各1錢,羅漢果1/6個泡茶飲,有助清肺熱.

  37. ling said,
    十二月 14, 2013 @ 11:02 下午

    芳姐你好,我囡囡26個月,星期三發燒39.5,痰咳。睇左醫生,話喉嚨红,點知今日又不停打乞次,長流清鼻水,請問芳姐可以煲咩比佢飲??thanks! !!

    • 芳姐 said,
      十二月 15, 2013 @ 10:19 上午

      ling:
      你可滾些葱豉豆腐湯供服,葱白4棵,淡豆豉1湯匙(中藥店有售),豆腐1塊,3碗水煮10分鐘供服,有助發汗解表.喉嚨如果仍然紅就用羅漢果1/4個,胖大海3粒,金銀花2錢,3碗水煮10分鐘供服,有助清熱解毒,消炎利咽.

  38. man said,
    十二月 2, 2013 @ 11:11 上午

    芳姐你好:
    小朋友7歲食完感冒西藥後.可以煲些什麼湯給小朋友飲另小朋友臉色好些.而且整天都會覺得疲倦.還有小朋友經常會出一些唇疹(下唇邊位置)是否決否維他命B 雜? 可以多食些什麼防止?謝.

    • 芳姐 said,
      十二月 2, 2013 @ 4:29 下午

      MAN:
      你可以滾些芫荽葱生薑魚片湯;番茄薯仔紅菜頭瘦肉湯;紅蘿蔔馬蹄花果瘦肉湯這類不肥膩的湯水供仔仔服.另外煲些紅棗小米粥作早餐,都有助改善面色及疲倦症狀.唇疹可能是單純性疱疹,主要是體質虛弱受到感染,不單只因缺乏維他命B什,病好後要注意飲食營養均衡,奶類,豆類,肉食,新鮮蔬果都要食用,增强身體抵抗力最重要.病好後可煲些清補涼排骨湯作調理.現時可用温淡鹽水每天潄口2次.

  39. 訪客 said,
    十一月 19, 2013 @ 10:55 上午

    芳姐,

    你好.
    小兒2歲半, 最近天氣一變就咳嗽和流鼻水, 睇西醫就話佢氣管比較敏感, 都有開抗敏感藥.
    昨晚半夜咳到醒並吐左少少痰.
    今日我燉川貝蘋果, 是否可以呢?
    小兒成日病, 有咩可以煲比佢食或粥的湯底, 如同時食西藥是否可以一齊食.
    如何可以加強抵抗力唔好咁易病.
    平時我已煲粥會加淮山粉.

    萬分感謝.

    小B媽

    • 芳姐 said,
      十一月 19, 2013 @ 4:32 下午

      小B媽:
      天氣時涼時暖,小朋友最易生病.你可以用川貝末2錢燉蘋果1個+蜜糖適量供仔仔服食.平時可用白果6粒,去芯,核桃肉1兩,南北杏1兩,紅棗6粒煲粥作早餐,有助補益肺脾腎,增强肺氣.淮山粉都可放一些,有助健脾益氣.服西藥都可以服食,没問題.另外可用北茋,防風,白朮,各2錢,生薑2片,紅棗6粒,5碗水煮成2碗,一星期1~2次服用,有助減少傷風,感冒.

  40. kman said,
    十一月 15, 2013 @ 8:21 下午

    芳姐:

    你教我煲的這個湯:蘇子,桑葉,北杏,黃岑各3錢,5碗水煮成2碗服.要煲多少時間? 每天都可以飲這個湯??

    • 芳姐 said,
      十一月 16, 2013 @ 7:57 上午

      KMAN:
      這個湯煲45分鐘就可以,可以連服3劑,症狀好就停.

  41. ling said,
    十一月 15, 2013 @ 12:49 上午

    謝謝芳姐回復,請問是不是新鮮龍脷葉!?要煲幾耐?thanks! !

  42. ling said,
    十一月 14, 2013 @ 4:14 下午

    芳姐我又有問題,囡囡25個月,之上有問過你,囡囡反覆地感冒咳,已成個幾月,上星期有帶囡囡睇中醫,話系熱咳,食左幾日中藥,好左少少,但仲有間中咳,夜晚入睡後咳,睡時好大鼻寒聲,早上起床咳,咳時好多痰,有時講野都覺得佢有痰,流淺黄色鼻涕,嘔出來痰是白色,請問仲可赁煲咩飲,tthanks? ??

    • 芳姐 said,
      十一月 14, 2013 @ 8:22 下午

      ling:
      你試用龍脷葉1兩,羅漢果半個,蘋果,雪梨各1個,南北杏1兩煲瘦肉湯,全家可飲,有清熱化痰,止咳功效.

  43. kman said,
    十一月 11, 2013 @ 3:36 下午

    芳姐你好:
    阿仔8歲,,每年10月開始,鼻敏感.,氣管敏感就會出晒來.11月-2月就會經常痰多,早晚咳得比較多.好多時分不清是感冒咳痰,還是脾胃痰咳.4日前開始聽到好多痰聲,冇咳,昨日開始痰少左,但開始有一兩聲咳.晚上睡了都有一兩句.應該煲什麼可以幫到仔仔.化痰止咳呢?? 這4天我有煲過: 毛花果,羅漢果.北杏,蘋果煲廋肉湯.好似痰少了,但就開始咳.這個湯不適合的嗎? 煲湯是否一定要加肉類??因為我只係煲比阿仔一個飲.謝謝芳姐幫忙.

    • 芳姐 said,
      十一月 13, 2013 @ 5:52 下午

      kman:
      你試用蘇子,桑葉,北杏,黃岑各3錢,5碗水煮成2碗服,對令兒咳嗽痰多有幫助.你煲的湯可以不加肉都得,有助化痰止咳.

  44. 訪客 said,
    十一月 9, 2013 @ 10:17 上午

    謝謝芳姐的回覆, 如果囡囡還有鼻水, 應該飲什麼好? 是否煲辛夷花?

    christy

  45. christyliu said,
    十一月 8, 2013 @ 12:46 下午

    芳姐:
    囡囡流鼻水, 咳, 因為我唔知道她是熱咳, 還是寒咳, 帶她去看中醫,說她是熱咳, 囡囡不飲苦的中藥, 中醫開了些煲湯的材料, 飲了好像咳少了, 但還有鼻涕,間中咳, 食什麼可改善, 收鼻涕?
    請問囡囡可否食雞, 魚?
    另外有看你的其他留言, 說自己曬陳皮, 請問用什麼來曬陳皮, 曬幾耐, 就可收藏好, 謝謝!

    祝福
    christy

    • 芳姐 said,
      十一月 8, 2013 @ 4:56 下午

      christy:
      熱咳可以用鮮龍脷葉1兩,羅漢果半個,紅蘿蔔1個,南北杏1兩煲瘦肉湯服,全家可飲.陳皮就快過造,可買生果檔曬至半乾那種,買回來再吹曬至乾透,即可儲存在玻璃瓶或膠瓶中,寫上日子,每年陽光好的日子拿出來曬一次,3年可用.

  46. ling said,
    十一月 8, 2013 @ 8:44 上午

    芳姐謝謝你回復,囡囡尋日無飲紅蘿蔔红棗湯之後,上半夜轉來轉去訓得吾好,下半夜就系甘咳,是否可繼飲紅蘿蔔红棗?今日會煲根薏米蜜棗水,試下thanks! !!

  47. t43k59g said,
    十一月 8, 2013 @ 2:57 上午

    芳姐 :真不好意思,又有東西,想請教. 請問 “紅蘿蔔1個切薄片,紅棗6粒去核煲湯服,對小兒久咳不癒有效” 此方可適合老人家久咳嗎 (每次均有白痰,而且氣管也比較敏感).本身有糖尿病..

    • 芳姐 said,
      十一月 8, 2013 @ 8:33 上午

      143k59g:
      紅蘿蔔紅棗水對老人家亦適合.有糖尿病紅棗用4粒,加北杏3錢同煮.

  48. ling said,
    十一月 7, 2013 @ 11:45 下午

    芳姐囡囡飲左红蘿蔔紅棗北杏湯無甘咳,好左D,但尋日佢低燒,又打乞次,流鼻水,咳多 左,唉,口又生左粒蒼,成晚訓覺扭計,小便好黄,芳姐,仲可以煲咩比佢飲??thanks! !

    • 芳姐 said,
      十一月 8, 2013 @ 8:19 上午

      ling:
      你可以煲些蘆根5錢,薏米1兩,蜜棗2粒,5碗水煮成2碗供服,有助清熱利尿.

  49. ling said,
    十一月 7, 2013 @ 8:44 下午

    芳姐囡囡飲左红蘿蔔紅棗北杏湯無甘咳,好左D,但尋日佢低燒,又打乞次,流鼻水,咳多左,唉,口又生左粒蒼,成晚訓覺扭計,小便好黄,芳姐,仲可以煲咩比佢飲??thanks! !

  50. ling said,
    十一月 4, 2013 @ 11:14 下午

    謝謝你回覆,我會明天煲囡囡飲,thanks! !!

Leave a Comment