By 芳姐 ( 6 3 月, 2010 at 1:26 下午)
· Filed under 外感/頭痛/呼吸道病
當病患初癒時,由於體力仍未完全康復,偶一不慎,又會舊病復發,故病後調理很重要.
[洋參老黃瓜湯] 適合感冒初癒,氣陰不足,喉嚨乾涸不適,聲音嘶啞,心煩失眠人士飲用.
此湯功能清燥熱,益氣生津.可預防肺部為熱病所傷而發生咳嗽. 此湯可作為家庭保健湯水.
湯料中加入西洋參,主要是西洋參有潤肺,清熱,生津,益氣,止渴的功效. 對感冒初癒,或平日體弱多病,氣血兩虧,津液不足,容易傷風,每病必咳這類人士很有幫助. 而無花果有健胃清腸,利咽喉的作用. 加入幾粒無花果,能防治喉痛失聲.而乾瑤柱則能令湯更為鮮美.
用料是: 老黃瓜1隻, 無花果6粒, 西洋參3錢, 瘦肉半斤,乾瑤柱3粒,生薑3片. 加水煮約1小時即成.
~ 小貼士: 西洋參含揮發油,不宜久煮. 最佳烹調法是待湯煮好後,才加入切成薄片的西洋參,煮5分鐘左右即可供食.
Permalink
芳姐好
女兒2歲半食了三日西藥感冒剛好但面色好差,
可以飲呢款湯嗎?而且女兒經常感冒還可以用咩調理？謝謝。
Rachel:
你囡囡可以飲這款湯,對感冒剛癒適合.平時可以去裕華或農本方買[玉屏風散]顆粒沖劑,一星期沖服2~3天,有助增强抗病能力,減少傷風感冒.
訪客:
此湯適合感冒初好,口乾舌燥者服用.體質偏寒者不宜多飲.
芳姐，此湯是否寒涼，適合任何人飲用嗎？謝謝
KELLY:
鮮洋參你指白色那種水參?乾品應該療效好些.鮮品可用1兩.
芳姐你好,
鮮洋參有沒有乾品的功效?用量應該是怎樣計算?
謝謝! Kelly
Thank you, 唔該晒！
芳姐，唔好意思, 忘了問, 如用太子參代替需用多少份量?
祖兒:
太子參用5錢.
芳姐，唔該晒！
芳姐，妳好：
想問聲，這款湯適合小朋友飲嗎？
可以用太子參替代嗎？如可以，是否同樣待湯煲好後才可入太子參？
謝謝。
祖兒：
可以用太子參代替，有益氣作用，與其它材料一齊煲．小兒都合飲．
唔該晒芳姐.家裏正好有牛蒡子呢.多謝你的回覆.
Mo:
歡迎瀏覽!祝身體健康!
芳姐早晨,昨晚搓左一晚用來做(艾)粉棵的(艾).即係(每年呢個季節食的.蒸好左像雞屎滕一樣有些黑色的那種).可能吸左那些塵沬.成晚個喉嚨好似痒又好似係氣咳.一咳就唔停口的.食左兩次咳水和煮左哋黑豆+薑水飲左都止唔到.我應點先可以止到咳呢.麻煩晒芳姐.
mo:
你可以試用牛蒡子1兩,白鑊炒至香,研成細未,沖包茶飲,能疏風利咽喉.你可能是吸入粉塵敏感咳嗽.
敏大人:
西洋參即花旗參.你去任何一間中藥店都有花旗參片賣的.(不過最好自已揀原枝的叫店員切片,那就不會買到假的白參片了.)
花旗參不宜久煮,你可以煲好湯後先放一半花旗參片飲用;第二天將湯煮滾時又放另一半花旗參,滾3幾分鐘就得.份量落多些少没問題的.
芳姐:
1} 想問聲 ” 西洋參 ” 可在那處買到 , 因我沒有相屬葯房 .
2} 如份量落多了又有沒有問題架 .
3｝依妳所講 ” 西洋參 ” 是含揮發油 , 不宜久煮 , 這樣咪唔可以隔晚飲回 ,
因我兩人份量煲湯 , 好多時都會餘下一碗留待第晚飲回 .
麻煩晒 …..