By 芳姐 ( 6 3 月, 2010 at 1:58 下午)
· Filed under 小兒常見病
很多小童每當熱天入睡後汗自流出,衣衫盡濕,汗味無鹹味,故有謂淡汗. 小童(或成年人)經常流淡汗,日久精神定必倦怠疲乏,氣短懶言,飲此湯可以大為改善.
用料: 浮小麥3錢 (可以用小麥米1兩代替),黑豆2兩,紅棗15粒(去核),瘦肉6兩.
做法: 將材料浸洗,以6碗水煮成2碗,分2次服. 連服3-5天.
~小貼士: 黑豆滋陰補血,安神明目,益肝腎,止汗. 白鑊炒熟而煮可加強補益功效. 選購時宜揀黑皮青肉者為佳.
Permalink
芳姐，想請教你，囝囝就快3歲，他已咳有1個半月有多，晚上睡覺時沒有咳，但早上有聽見他咳和有痰，他已食了20日西藥左右，都只是好了少少，未能斷尾，還伴有鼻塞和流鼻水，夜晚超大汗，他的嘴唇有d紅，早上手心比較熱，是否熱氣？請問煲咩湯水好？求賜教
芳姐,
想請教, 我尋晚煲左桑寄生蓮子(各一兩)蛋茶, 加左半兩青肉黑豆, 飲完之後有成晚輕微喉嚨痛同覺得口乾,
係咪代表我不宜用黑豆呀 ? 謝謝
LING:
黑豆可能有點燥,你暫時不要飲,泡些羅漢果水或牛蒡乾水飲用,有利咽清熱作用.
Angel:
淮山,茯苓等可以和鱷魚肉一齊煲的.可飯後飲.
芳姐，多謝你。
晚飯後飲用可以嗎？
用淮山,茯苓,蓮子,芡實可以連同鱷魚肉一起煲嗎？
謝謝。
芳姐,
請問紅棗要唔要核的?
一星期三次? 即係一日飲兩碗?
飲呢啲有無分寒底或者熱底之分?
唔好意思, 我唔識先咁多問題,
因為我唔想去睇中醫, 因為女女唔食中藥.
謝謝.
Angel:
這款玉屏風散湯方任何體質可服,要聞氣都可以飲.紅棗可去核,一星期3次,如改善即停.一日飲兩碗,你可以煲濃縮些,一日一碗亦成.平時可用淮山,茯苓,蓮子,芡實煲瘦肉湯供全家飲,有益氣健脾作用.健脾就能袪痰.很多毛病皆因痰作怪,故無論小兒,成年人皆要健脾.
你好, 芳姐,
謝謝你,
食緊藥, 聞緊氣都可以嗎?
那平常湯水應該可以煲咩呢?
因為佢有個一歲細佬, 通常我會煲豬骨湯, 一家大細一齊飲.
謝謝.
芳姐, 你好.
小女從小就嚴重敏感底(包括濕疹, 咀角炎症, 氣管敏感, 鼻敏感), 經常睇醫生食藥及聞氣, 佢日朝活動就算是步行都好容易出汗, 於冷氣下就好些, 晚上一入睡十分鐘就濕晒一條紗巾, 每晚都會換兩三條毛巾, 請問佢可以飲以上湯水嗎? 聞緊氣管藥亦可以飲嗎? 食緊西藥都可以飲嗎?
另外佢有地中海穩性, 經常咀唇蒼白, 好似成日唔夠血咁, 請問平常一星期一次的湯水可以煲什麼比佢飲增強體質嗎?
謝謝, 唔該晒!!
Angel:
你可以用北茋,防風,白朮,各3錢,生薑2片,紅棗6粒,5碗水煮成2碗供囡囡服,這款名為[玉屏風散]的湯方,對你囡囡很有幫助,能增强體質,抗過敏,改善面色.如汗多加5錢浮小麥一齊煲就成.一星期3次,至症狀改善為止.
ella:
黑豆炒過就很温補,你仔仔可能不適應,就不要炒了.建議用五味子,女貞子各3錢,浮小麥5錢,黑棗4粒,5碗水煮成碗半,分2次服,對肺腎虛,易流汗者有良效.飯後服用,試服2劑,看能否改善?如見改善,可一星期2次.
芳姐妳好!
小兒4歲,從歲幾開始出現流汗問題。無論日與夜，只要合埋眼唔洗一分鐘，衣衫枕頭就濕晒。啲頭、頸、胸及背全部都喺綠豆大細嘅汗珠。
前日試煲此湯方，其它材料照足。唯黑豆見小貼士話: 用白鑊炒熟而煮可加強補益功效. 就分出一半（一兩）用白鑊炒至豆衣裂開，先加埋一起煲。煲埋一碗八分，阿仔分兩次飲，仲食埋3分一碗黑豆。
我唔知邊步做錯，阿仔第二日出現青綠色眼屎（如濃鼻涕），清理乾淨好快又有，今日就流鼻血。（他有流鼻血嘅前科，唔知是否屬於燥底，總之掟親熱氣嘢就流）
請教芳姐，我系唔系唔應該炒黑豆，仲有什麼方法可以幫佢。唔該晒！
Thanks a lot.
JACQ:
你仔仔可以飲這款浮小麥黑豆紅棗瘦肉湯,如日間都流汗多,可加3錢北茋同煮.
小兒今年6歲，由小到大都在睡著時流汗。剛入睡後不久便流汗，給他抹幹一、兩次後，便沒再流。每晚如是。在日間當他運動完或玩完後，手臂流的汗是鹽的，但身體流的汗是淡的。想請教那個湯較適合他?浮小麥黑豆+紅棗+瘦肉的份量跟你所post的就得嗎?需加北芪嗎?
芳姐妳好，我兒子快十一個月 現在秋天了睡覺我們都要蓋被子，但他經常一頭汗，整個頭都濕曬，但他不是流虛汗，唔知點解會咁。
apple:
你仔仔應該是陰虛流虛汗,可以用浮小麥3錢,黑豆5錢,紅棗4粒,5碗水煮成2碗供服,連服3劑應見效.
芳姐你好，
小兒二歲，每次想睡時頭好興同出汗，但睡著了又沒有此情況。另外，每晚都睡得不好，常常喊醒，早上精神不好，有怎麼食療可改善此情況。 謝謝
芳姐:
你好, 今星期小兒風寒感冒, 吃了西藥後, 仍有小小鼻水, 而且不時留汗, 但手腳是凍的, 請問這是否盜汗, 有甚麼食療可吃, 但他現在感冒未清的.
黃太:
你仔仔可能出虛汗,日間出虛汗稱[自汗];晚上出虛汗稱[盜汗].仔仔如日間出得多,可用北茋3錢,浮小麥3錢,紅棗6粒,5碗水煮成2碗服;如晚上盜汗可用黑豆1兩,浮小麥3錢,南棗6粒,5碗水煮成2碗供服.連服3劑.感冒都可以服.
多謝
Ths
妳好芳姐~小兒就快4歲了,近日常常咳嗽同流鼻水,特別係夜晚睡覺時咳得特別利害…
西醫只是話普通感冒傷風咳…但經已食左幾日藥都未見太大好轉…特別夜咳最為麻煩…
請問有什麼湯水可以改善呢? 煩請解答~thx~
Lok:
你試用紫蘇葉,北杏各3錢,生薑3片,紅糖適量,2碗半水煮10分鐘成2碗,一天分服,有助散寒止咳.同時可滾些芫荽葱生薑魚片水,趁温熱飲,有助改善傷風流鼻水.
可否提供多點平日增強體質湯水，ths
楊太:
你平時可以隔晚浸4片淮山,第2天用來煲粥供仔仔服,可加其它菜、肉同煮.有健脾益氣功效.如没有便秘,可加1湯匙芡實同煮的,能補腎健脾.小朋友只要飲食均衡,無需特別補益,一般多用些健脾食療就成.因為健脾就能[袪痰],減少上呼吸道疾病.
小兒一歲10個月，差不多睡著和睡覺時總是前額有一點汗，頸後部最多，是體虛現象？甚麼湯水可供改善
楊太:
你可以用黑豆1兩,浮小麥3錢,南棗4粒,5碗水煮成2碗供仔仔服,有助止盜汗.連服3劑,應可改善.
謝謝芳姐！
芳姐，請問小兒正服傷風咳西虊，可服這個湯嗎？
醫生説他氣管不太好，平常可煲什麼幫助呢？
謝謝！
lok:
令兒氣管不太好,平時可以煲些三棗茶供服,用紅棗6粒,去核,南棗2粒,蜜棗1粒,4碗水煮成2碗供服,一星期2次.家常湯水可多用白果,核桃肉,南北杏,雪耳,百合這類食材煲鷓鴣或豬肺湯,有助强壯肺氣,減少發病.這些湯全家可飲,好好味的.
請問紅棗、南棗在應用上有什麼分別?
北芪可否經常服用?
是否任何體質都合用呢?
謝謝芳姐
YK:
紅棗,南棗同屬棗科植物,有補中益氣,養血安神,緩和藥性作用.紅棗較燥,南棗經過加工,燥性減,而更有補腎功效.但用來煲湯,紅棗好味些.北茋藥性偏温,較適合寒底人士服用,健康人士用亦不會太燥火,能提高人體免疫力,但到底是藥,故體質改善即停用.
芳姐，请问我仔仔出芽都会发烧有咩方法预防？
sam:
你試用蘆根5錢,薏米1兩,石膏5錢,雪梨1個,去核,5碗水煮成2碗供仔仔服,對預防出牙發熱有療效.
芳姐, 請問浮小麥黑豆湯要用瓦煲用煲嗎? 可以用來沖奶粉給bb飲嗎?
wwh:
浮小麥黑豆用任何煲煮都得.沖奶不太好,因為顏色灰灰的,雖然不相沖,但很奇怪的.最好兩餐奶之間供飲.
芳姐你好, 我仔依家2歲4個月, 他由細到大都有黑眼圈, 睡的不好, 半夜至少都會醒2.3次! 但早上精神又幾好, 成日都跑來跑去! 請問有什麼湯水可以保健,幫助佢好瞓D? Thanks!!
Becky:
你試用小麥米1兩,茯神3錢,紅棗6粒,圓肉3錢,百合5錢,5碗水煮成2碗服,可連服3天,看能否改善?此湯能養血安神,助安睡,大人,小朋友都可以飲.
芳姐你好,我囝囝6歲,有兒童睡眠窒息症,做手術後已改善鼻鼾聲,但入睡後仍然滿身淡汗,睡不安寧,請問有什麼湯水可治?
Ling:
你可以煲這款浮小麥黑豆南棗湯供服,有止虛汗盜汗功效,要連服3~5劑才見效.
芳姐，早上！請問浮小麥黑豆湯可否加五六粒辛荑花一起煲，因呢排大仔七歲鼻敏感得很犀利，早晚都不停流鼻水。
kathy:
浮小麥湯可以加辛夷花同煮,雖然我很少這樣配搭,但不相沖的.
芳姐，請問黑豆需要白鑊先炒嗎，謝謝！
BB婆婆:
黑豆不用白鑊炒,但要用青仁黑豆才有療效.
謝謝芳姐！
芳姐：你好！
BB兩歲半，反反覆覆的傷風咳嗽痰多，不停的吃西葯，及吃位元堂的猴棗未及保嬰丹，但好了一段時間又再病，現時還煲了虎乳靈芝加川貝給他飲，咳嗽好了很多，但因天氣變，傷風又再起，又再吃西葯，但現在睡覺時出現滿頭大汗，日間有時也會有汗，真頭痛。因兩歲半睇中醫吃中葯又難喂葯，真不知煲乜比他飲。請多多指教，謝謝！
BB婆婆
ＢＢ婆婆：
你可以用浮小麥５錢，黑豆１兩，南棗６粒，冰糖適量，５碗水煮成２碗，連服３劑，有助止虛汗．另外可以滾些芫荽葱生薑魚片水供服，有助減輕傷風不適．
芳姐:
仔仔最近又病, 由星期二晚開始燒, 已看西醫食了退燒葯, 有傷風咳, 星期三的燒下又退下, 昨晚又發燒; 請問有什麼湯水可以幫助退燒?
Apple:
你試用蘆根5錢,石膏1兩,竹葉芯3錢,用魚湯袋包住煲粥供服,能加快退燒.有咳可以加3錢北杏同煮.
芳姐,
但亞仔身體偏虛屬寒底, 請問可以用綠豆嗎?
Apple:
如果是對症用藥,綠豆吃一兩次没問題的,症狀好就停,可以加塊陳皮,能減其寒涼之性.
芳姐,
亞仔咳好了些少, 昨日他又出風癩, 成個背部都係, 比以前出多了, 我應該煲什麼給他喝?
Apple:
你試煲些綠豆薏米糖水供服,有助消疹.可以加兩,三片甘草同煮.
芳姐:
仔仔現在還有咳, 西藥未停, 現在可以煲此湯嗎?
另外, 有什麼湯水可以預防哮喘病?
Apple:
可以用白果5粒,去芯,核桃肉1兩,南北杏1兩,陳皮1塊,紅棗6粒煲粥供服,有助預防哮喘.咳未停都可以服.
芳姐:
我仔仔7歲最近咳到氣喘, 要服氣管藥及礦生素, 服藥後他大量出汗, 每次都要用2條毛巾才能抺乾. 請問如何處理?
他咳出來的啖是黃和”結”的, 很難才能咳出; 就算沒病的時候, 晚上會出很多汗的, 希望你能提供一些食療幫他改善體質啊!
Apple:
出汗多是體虛表現,試用北茋3錢,浮小麥5錢,紅棗8粒,5碗水煮成2碗供服,連服7天.能止虛汗,强體質.
芳姐:我發覺浮小麥每次買都有幾只黑色會走動的東西，是不是穀牛呢？應該沒有什麽害處吧？小兒體虛，應該也可以喝這個湯吧因爲我聽説浮小麥是涼的。要連續喝幾天呢？之前他來時便秘，好像喝這湯也有改善了。謝謝您。
Phoebe:
浮小麥性涼,不過配黑豆,紅棗或南棗煲湯就不寒涼了.是很有益的湯水.但凡穀麥類都容易長穀牛,試換一間藥店買,看是否都一樣?
小兒現在咳好 可以煲此湯嗎
Phoebe Chiu:
你仔仔咳好了可以飲此湯.
唔該晒你!!!
Ocean Yeung:
此湯能止汗,份量可以加一倍,煲夠2小時就可全家飲用.
芳姐你好!
我個女4歲, 個仔1歲, 都係遺傳咗我老公大汗, 同其他小朋友一齊玩嘅時候, 其他小朋友無汗, 但我對仔女已經成個頭濕晒!!!!
正如你所講, 佢地訓著一陣, 個頭就會出汗, 但背脊就無汗, 飲呢個湯可以治療嗎????
請問大約要煲幾耐????
如果4人份量是多少????
有什麽汤可以提高身體免疫力.
HUAN:
[北茋杞子紅棗瘦肉湯]能提高身體免疫力,性質較温和,其實很多補益藥材都有提高免疫力之效,但並非人人都適合提高免疫力,免疫系統如過份被刺激,會有反效果.真的體質差,有這個需要才去補益,症狀改善即止.
芳姐,我想問BB依家10個月,都係瞓覺時流淡汗, 此食療BB可以飲嗎?
阿慧:
浮小麥黑豆湯嬰幼兒都可以飲.
芳姐:請問月事期間可否飲此湯？困這段洕時間經常又凍又熱，怕吹風，睡覺時如是，成頭濕晒，月事經間可否加北芪同煲？如有点咽乾舌燥可否飲此湯？
tungtung:
來經期間都可飲這個湯.你的情況是體虛的表現.可以飲這個湯,加北茋同煮,能强壯體質.有點咽乾北茋用少些,加3錢試試.
請問若加合桃蓮子龍眼肉藍棗, 不用瘦肉紅棗, 加冰糖煑成粥, 女性經期時或末段可食嗎? 我平時有經痛和經量多, 經期間覺得很虛弱, 不知怎調理好, 總怕食錯嘢令經量更多.
安娜:
可以加合桃蓮子圓肉南棗的,那就很補益,但以防燥熱.圓肉可用少些.女性血虛者可以服用,來經末段可食.你經量多及有痛經,不妨用香附3錢,益母草1兩,紅棗6粒,片糖適量,用5碗水煮成2碗服,經前一星期服,連服3,4劑.
amy:
可以用北茋5錢,黑豆1兩,浮小麥5錢,用5碗水煮成2碗供服.能止汗,提高身體免疫力.
芳姐 你好
明白,我會留意下謝謝!
另請問可以用”北奇”+其他煲湯嗎,
你好 芳姐
請問我星期日煲完此湯,亞仔星期說肚痛,(因我都有少少)是否我的黑豆或是麥米放耐 (因買了起碼有半個月,冇放在雪柜內),是否這樣呢 請問正常可以放多久呢.
amy:
飲這款湯服應該不會肚子痛.
黑豆和麥米只要存放得好,不受潮,不生蟲,可以存放數月都没問題.一般來說,生蟲的豆類,麥米尚且可以用,但發霉就絕對不能吃,就算洗淨煮熟,那些霉菌菌絲已深入食物中,有毒素了!如果吃了是會肚痛的及噁心嘔吐的,不可不防.
amy:
小麥米即平時吃開[糯米麥粥]的麥米.雜貨店有售.
芳姐你好
請問小麥米 是否叫麥米呀,
唔好意思,因我唔係好識呀.