By 芳姐 ( 6 3 月, 2010 at 1:58 下午)
· Filed under 小兒常見病
很多小童每當熱天入睡後汗自流出,衣衫盡濕,汗味無鹹味,故有謂淡汗. 小童(或成年人)經常流淡汗,日久精神定必倦怠疲乏,氣短懶言,飲此湯可以大為改善.
用料: 浮小麥3錢 (可以用小麥米1兩代替),黑豆2兩,紅棗15粒(去核),瘦肉6兩.
做法: 將材料浸洗,以6碗水煮成2碗,分2次服. 連服3-5天.
~小貼士: 黑豆滋陰補血,安神明目,益肝腎,止汗. 白鑊炒熟而煮可加強補益功效. 選購時宜揀黑皮青肉者為佳.
Permalink
謝謝芳姐，已買好材料，今日試下
芳姐你好，
小兒1歲，近日晚上睡覺時都會出汗，但背部涼浸浸及睡覺時體溫較低只有35.6度，請問有咩湯水可改善？謝謝！
Phoebe:
你可用黑豆1兩,浮小麥5錢,黑棗6粒,5碗水煮成2碗供服,連服3劑,有助止盜汗.
LING:
夜晚盜汗,可以用黑豆1兩,浮小麥5錢,黑棗或南棗6粒,5碗水煮成2碗服,連服3~5劑,有助止汗,强壯體質.
芳姐
女兒夜晚瞓覺好多汗(已開冷氣)，但係頸後又好涼真係好擔心，請問依款湯水適合嗎？
candy:
你可以用北茋5錢,浮小麥1兩,黑豆1兩,紅棗6粒,6碗水煮成3碗,一天分早,午,晚各服1碗,連服一星期.有助改善.
芳姐，您好，我生完BB已經三個月了，因為坐月期間無進補過，現在人好容易流汗，而且汗流得好厲害，頭髮都濕透，請問芳姐可以煲些什麼改善啊？
smile:
濕重者紅棗必須去核.
芳姐，紅棗要去核嗎？
再次多謝
唔該，芳姐
smile:
試飲3劑,如未好,停兩天再服3劑.
飲幾多日?次數?
smile:
你可以用浮小麥5錢,紅棗4粒,4碗水煮半小時作開奶茶,有助止汗.
芳姐
囡囡7個月，食奶或剛瞓著（開咗冷氣），都會成頭汗，可以煲咩？
Ok, 多謝芳姐
jenny:
是一日分兩次,每次服1碗,共服2碗.
多謝芳姐, 我想問心止淡汗的湯藥5碗煲成2碗, 連服3日, 請問是否1日飲2碗? 還是1日1碗? Thx
jenny:
平時煲些健脾湯水最平和,是用淮山,茯苓,蓮子,芡實4樣,又稱四神湯,可加紅蘿蔔,粟米,雪耳,百合等材料,煲排骨,鵪鶉,鷓鴣,鮮魚都得,可以很多變化.中醫認為[脾為生痰]之源,小朋友痰多脾胃多數虛,故要健脾.一星期2~3次,服一個月試試.北茋黨參較温補,小兒飲半碗可以.
多謝芳姐, 咁我想問平時我可以煲咩保健湯水俾我個囡飲呀. 增強抵抗力呀? 另, 北芪, 黨參,淮山, 呢d 3半嵗小朋友飲唔飲得架? Thx
jenny:
痰綠色要看醫生治理,由為有炎正.汗多是虛的表現,夜間盜汗可以用黑豆1兩,浮小麥5錢,黑棗6粒,5碗水煮成2碗服,連服3劑,如見效,停3天再服3劑.有感冒發燒就不要服.
芳姐您好,我囡3歳半, 一直有淡汗問題, 睡覺頭1個多鐘會睡到整個頭好似洗完頭濕晒, 上半身出晒汗,出汗時, 上半身身體不是暖的, 下半身才暖.請問可以煲咩俾佢飲呀? 她現在感冒未清, 早晚有幾聲咳, 有綠色痰.
另, 因為經常出汗原因, 囡囡經常傷風,感冒. 發燒, 流鼻水, 咳, 痰 (綠色濃痰), 有什麼保健湯水可以煲? 希望你能幫我解答. 萬分感謝.
多謝芳姐！
琪:
你試用浮小麥5錢,蘇子3錢,萊菔子3錢,茯苓3錢,甘草1錢,5碗水煮成2碗供服,連服3劑,有助止虛汗,化痰止咳.服西藥後2小时飲.
芳姐您好，我B囡23個月，BB發燒後出現痰多咳得好利害，不論日頭和晚上不停流出淡汗，宜家仲食緊西醫開嘅藥水，請問芳姐有咩辦法可以幫到我，謝謝！
莎莉:
可以加冰糖的.只要患者不是痰多就成.
北芪5錢、浮小麥5錢、紅棗6粒，可否再加d d 冰糖調味？會不會影響功效
芳姐，仔仔而家5歲，平時己經好大汗，最近病緊食完藥勁流淡汗，而家仲未清晒，請問有咩可以煲比佢飲？另佢好返又可以煲咩佢飲？因佢都容易感冒，謝謝！
SHERON:
你可以用北茋3錢,浮小麥5錢,紅棗6粒煲瘦肉湯供服,有助改善流淡汗,可連服3劑.感冒未清可以飲.
訪客:
做了人流,可以用益母草5錢,紅棗6粒,小米2兩煲粥服,有助加快子宮康復.一星期後可以用川芎2錢當歸3錢,白芍3錢,熟地5錢,生薑3片,紅棗6粒煲走地雞半隻服,能有效補血.可參考我網頁內[產前/產後]一欄,揀合適湯水服用.
芳姐你好
做了人流都四天啦！吃什麼調理好呢？
HEHE:
青仁黑豆,浮小麥在中藥店有售.藥味不重.
芳姐,
謝謝您,請問青仁黑豆同浮小麥係咪係藥材鋪就買到嫁喇？？？
另外,此湯係咪冇咩味嫁？？？因為怕有味BB唔肯飲
HEHE:
你試用青仁黑豆1兩,浮小麥5錢,南棗6粒,5碗水煮成2碗服,連服3劑,看能否改善?此湯能補腎,健脾補血,止盜汗.
芳姐
您好,我仔仔20個月,前排感冒完食完西藥好返之後就一直流淡汗,午睡或夜晚訓教都流得好緊要,情況快近兩星期了,我有帶仔仔睇中醫嫁,(細個1歲左右都有咁情況,睇2次中醫就好),但今次已睇4次，情況都冇好轉,我想試試有咩湯水可以幫仔仔改善,因為見佢精神明顯差左,仲有黑眼圈,麻煩幫幫忙,謝謝❣❣❣
BILLY:
你試用小麥米1兩,茯神4錢,百合1兩,圓肉3錢,紅棗或南棗6粒,8碗水煮2小時成4碗,可分2天飲用,最好吃些湯料,連服3劑,(即6天),看能否改善?小朋友和成人一樣會有壓力問題,要多和囡囡談話,多作安慰和鼓勵.
芳姐,
你好,想請問你有關小女睡覺問題,她今年已8歲,身體仍然細小,
像5-6歲。她時常話睡得不好,經常在半夜醒,請問有什麼食療湯水能夠幫助她?希望能解答本人疑難。
謝謝你!
Billy
你好，我BB而家七個半月大，訓覺流好多汗，流到要換枕頭，持續了差不多半個月，好擔心，可以幫幫我嗎？
may chuk:
你囡囡可能脾胃有熱,可以用蘆根5錢,薏米1兩,茯苓3錢,白朮3錢,蜜棗2粒,5碗水煮成2碗供服,連服3劑,看能否改善?此湯煲夠1小時,不太寒涼.
芳姐 : 小囡食什麼食物都說無味,而且經常感覺熱氣,飲涼茶又頭暈
不知如何是好,請指教
待覆,謝謝,
MAY CHUK.
芳姐，
你好，請問發咗霉的北芪，洗乾淨再入焗爐焗乾，可否再食用？
好的,我先試試她飲唔飲,謝謝
芳姐,如bb唔肯飲,請問可用來開奶嗎?
kitbird:
可以作開奶茶,但bb都未必肯飲的.
MANDY:
蓮子連芯那種多數是啡色有衣那種.
芳姐:
吾好意思，蓮子是否用白蓮子？還是啡色這一種呢？
芳姐你好！
此湯可否作開奶用呢？謝謝芳姐！
芳姐，你好！
囡囡现在15個月，無論曰頭或夜晚動一動就出汗(汗係鹹），仲成頭濕透！每晚瞓覺都喊醒2-3次，一抱起一陣就瞓返，一個鐘後又喊過，明明眼仔都合埋，都是喊！請問有什麼湯水可以犎到出汗同瞓得吾好問題？ 如果可以作開奶用就更好！謝謝芳姐
MANDY:
你試用浮小麥5錢,黑豆5錢,蓮子連芯1兩,燈芯草6扎,5碗水煮成2碗供服,有助清心火,止夜啼,止虛汗.可連服3劑.
KITBIRD:
黑豆不用炒,如炒過較温燥.
芳姐,想問問黑豆需要用白獲炒嗎？另外要煲大約多少時間,謝謝
濕疹可否飲此湯水
bi:
此湯濕疹患者都可以飲.
阿仔就黎6歲，夜晚會醒，有濕疹可否飲浮小麥，紅棗改用黑棗，甘草湯
bi:
你仔仔可以飲此湯,紅棗改黑棗或南棗,加炙甘草2錢更佳.炙過的甘草補中益氣.6歲可分2天飲.
芳姐，想問浮小麥2兩，黑棗10粒，已經買了甘草，下次先買炙甘草，甘草3塊，煲半小時，可以嗎?浮小麥可否食用
bi:
煲半小時可以,浮小麥是未成熟乾癟的麥粒,所以不能像小麥米般食用.
多謝芳姐咁快回覆,我試試
KITBIRD:
你可以用黑豆1兩,浮小麥5錢,黑棗4粒,5碗水煮成2碗供服,連服3劑,看能否改善?
芳姐,你好
想問問女兒而家9個幾月大,7個月時感冒,睇了好幾次西醫又不停食藥反覆都個幾月了,但食西藥後就發現佢不論晚間或中午睡覺都會頭同背出汗,想問問有咩湯或食療可對bb有幫助呢?
cherry:
你仔仔有點陰虛,才會唇紅手心熱.可以用木瓜1個,雪耳1朵,百合1兩,北杏3錢煲瘦肉湯供服,此湯全家可飲,有滋陰潤肺,止咳功效.鼻塞,盜汗,可以用浮小麥5錢,黑豆1兩,紅棗6粒,辛夷花朵,5碗水煮成2碗服.連服3劑.