By 芳姐 ( 23 3 月, 2014 at 12:01 下午)
· Filed under 外感/頭痛/呼吸道病, 小兒常見病
近日患感冒的人非常多,我自己亦因工作太忙休息不足患上感冒咳,咳嗽是最辛苦的,陣發性嗆咳令橫膈膜都咳到疼痛,早前有位朋友更因劇烈咳嗽而咳斷了肋骨,真是頗嚇人的!
昨晚用五味子3錢搗碎,加生薑3片,甘草1錢加水煮20分鐘服,整晚都没有咳,但清晨就咳嗽頻頻,女兒從網上取得一方,叫我蒸一個洋葱吃,今早試試,發覺如果不加水蒸煮只得很少的洋葱汁,於是加了幾湯匙水再蒸片刻服用,果然神奇,可以鎮得住咳,而且味道清甜可口,對怕苦藥的小兒應該容易接受,家有小兒咳嗽不止的不妨試試.
用料是: 洋葱1個.
做法: 洋葱去衣,切片,放入大碗中,隔水蒸30分鐘即可供服.
~ 小貼士: 圖中我加些4湯匙涼開水,女兒來電提醒：洋葱放入碗後完全不必加水,蒸半小時後只能得出大約1湯匙左右的洋葱汁,這些精華服後才有用,加了水效果大大遜色.看來我要再蒸一個洋葱服用才成!
Permalink
芳姐，您好 請問一歲大的BB可以日日飲用嗎?謝謝你
羅小姐:
如BB咳嗽,可以每日1劑洋葱水至症狀好為止.
謝謝芳姐
芳姐：
你好，2歲半小朋友有G6PD,有氣管咳，可以煲咩湯水，燉洋蔥水，印度椰子，海底椰哩類有冇效
芳姐
補充：仲有鼻水未清
jj:
小朋友可以燉洋葱水供服,有助治氣管咳,連服3劑.印度椰子,南北杏,雪耳,無花果瘦肉湯全家可飲,對小朋友肺燥咳,氣管敏感都有益.
芳姐
想請問兒子兩歲半， 三日前開始發燒， 流清鼻涕及咳嗽 ， 喉嚨痛
醫生說是上呼吸道感染。
兒子已經退燒。 鼻水似乎已經收了但是好像又有少少。 開始咳嗽增加。請問應該煲什麼給他呢？
兒子1歲時曾患支氣管炎， 現在剛剛開始上幼稚園，， 日常可煲什麼湯水給他增強抵抗力呢
非常感謝
Phoebe:
你可用雪梨2個,去核,麥冬3錢,桔餅1個切碎煲水20分鐘供服,有助清肺熱止咳.如有鼻水,加6朵辛夷花同煮.如肺氣較弱,可用虎乳靈芝3錢,雪耳2錢,百合1兩,南北杏1兩,無花果4粒煲鵪鶉或鷓鴣湯供服,此湯全家可飲.
芳姐，
我bb女7個月大，發現佢有痰2~3星期都唔好，已經睇過2次醫生食藥都唔得。有冇咩湯水或食療佢可以試下？
yan:
你可用蘇子,萊菔子各3錢入茶包袋,煲瘦肉稀粥供囡囡食,有助袪痰.連服3劑,
芳姐
小朋友7個月大可以飲用嗎？
yuki:
7 個月大BB可以飲.
芳姐，你好，
我仔仔2歲9個月，自上半個月感冒發燒後仲有d餘咳，佢係朝早同夜晚同埋飲完奶後就會咳，有少少痰，佢又成日摔鼻，請問可以煲咩？另外，我仔仔差唔多每個月都會鼻一次，每次都係喉嚨發炎搞到發燒，每次都會燒幾日，請問平時可以點增強返抵抗力？謝謝！
kit:
你試用洋葱1個,去衣切片,蒜頭5,6粒拍碎,冰糖少許,4碗水煮成2碗供1天服,連服3劑,有助改善.另外喉嚨常發炎,可用金羅漢果1/6個,雪梨1個,4碗水煮成2碗供仔仔服,一星期2劑,服一個月,有助減少發病.如鼻敏感,加6朵辛夷花同煮.
你好，我小朋友15個月大，呢個半月由傷風，咳，高燒，出玫瑰疹，傷風咳，食左個半月藥，現還是有咳有痰，佢早晚咳最多，下午好少，請問芳姐可以煲什麼比佢飲？
Cathy:
你試用桔餅半個切碎,生薑3片,陳皮1塊,紅棗4粒去核切片,3碗水煮成1碗供小朋友飲,連服3劑,看能否改善?
你好芳姐，
我女8個月大，佢有鼻水鼻塞，兩聲咳，小許燒。又唔想佢食咁多西藥。洋蔥水可醫治嗎？
Cm:
洋葱水有助改善,可以一日蒸2個洋葱供服.
咁會係一次蒸2個咁飲，定一日蒸兩次各一咁飲呀？謝謝🙏🏻
Cm:
如果BB細個,一個洋葱可以蒸一次後再返蒸第二次,或用兩個洋葱分開蒸,蒸過的洋葱壓汁後其實可以用來煲番茄薯仔湯的,不會浪費.
芳姐您好！仔仔早幾日有低燒，有鼻水，昨天開始不停咳，一咳就不停甘咳，好多痰，有時狂咳會咳到少少痰出來，白色的，食野咳得特別辛苦，食一口咳幾下，，夜晚又咳，一咳連續甘咳，有什麼方法可止咳的?🙏🙏🙏謝謝您
Ling:
你試用蘇子,萊菔子,紫蘇葉,辛夷花各3錢,甘草1錢,4碗水煮成2碗供服,連服3劑,有助止咳收鼻水.
知道，請問如果有食西藥要相隔幾小時先可服用？🙏🙏🙏
Ling:
最好隔2小時才飲.
芳姐你好:
我老公一轉天氣這幾天又氣管敏感，早晚咳嗽無停過，呼吸困難已經睇了醫生，開了化痰敏感藥和咳藥水，但未見好轉，請問你有什麼湯水介绍？另外可以燉洋葱水给他飲嗎？
謝謝！
珊珊:
通常燉洋葱水對嬰幼兒及小朋友較適合.你試用桔餅1個,切碎,生薑3~4片,甘草1錢,4碗水煮成2碗供服,連服3劑.看能否改善?
芳姐您好
仔仔4歲半，有蠶豆症，昨天下午開始有點咳，昨晚咳了一個晚上，今天一整天都不停咳，有點鼻涕，沒痰，上午喝了一個洋蔥水，晚餐後又喝了一個蒸洋蔥水，也有吃咳藥水，都沒有好轉，可以煲的什麼給仔仔喝了，麻煩您了。
平平:
你試用紫蘇葉3錢,生薑3片,紅糖少許,3碗水煮成1碗供服,有助散寒止寒.鼻水多可加6朵辛夷花同煮.
芳姐，您好，仔仔今天看了醫生說有點傷風，痰咳到氣管𥚃，本來就有氣管敏感，請問可以燉川貝蘋果水喝嗎，
還有請問您，我以前買的您的書都讓朋友帶去外國了，書展那幾天剛好家人在醫院作手求去不了，今天在三聯只買到飲出好體質，孩兒天書等都沒有，想知道哪裡有得買，謝謝！
平平:
川貝有助減少氣管痙攣咳嗽,蘋果有益正氣,可以給仔仔用,連服3~4劑.
謝謝你的支持!《孩子飲食全書》在大眾書店應該有售,可先致電問了才去購買.
好的，謝謝芳姐！
你好 芳姐 小朋友四歲 患GGPD 上星期發燒 服用中藥後佢有咳有痰 鼻塞流鼻水身痕等敏感徵狀 請問可煮什麼調理? 川貝鱷魚肉湯及燉洋蔥水可飲嗎?謝謝
佢係飲中醫開的杏蘇散+辛疌+百合+枇杷葉+殼芽 連飲五日 好像完全沒有改善
4 個月大BB可以飲洋葱水嗎? 她有幾聲咳, 有痰聲, 但未開始食固體食物，謝謝
Hello:
4個月大BB可以飲洋葱水,大約得2~3湯匙,可以餵服.
4 個月大BB可以飲洋葱水嗎? 謝謝
芳姐，小朋友間中有頭暈/頭痛有冇咩食療幫助？麻煩您。
Sally:
小朋友有頭暈,頭痛是何原因造成?建議要看醫生治理.如血虛頭暈,頭痛,平時可以用紅豆1兩,花生1兩,杞子3錢,紅棗6粒,5碗水煮成2碗服,飲湯吃湯料,一星期2劑.
芳姐
阿仔三歲半，咳左一個月， 睇在好幾次醫生，食了藥，食了抗生素，有小小好轉，但係都係一訓低就咳, 夜晚會咳醒，食完奶都咳，訓醒又咳，起初咳冇痰聲，咳多幾次就有小小痰聲日日都係，白天又無咳，冇鼻水
可以點做了
Ivan:
你可以用蘇子,萊菔子各3錢,入茶包袋煲瘦肉粥供仔仔食,連食3劑,有助化痰止咳.
芳姐，你好 小朋友4歲鼻敏感非常嚴重 除常流鼻水 醫生話應該係鼻水倒流引致咳嗽 打噴嚏，仲眼痕皮膚痕。請問有咩湯水岩佢飲 因為佢有 蠶豆症，我唔敢亂煲野比佢飲，日日食西藥都無用，勁無助，希望徵求你實貴意見，謝！
訪客:
你可以去裕華或農本方買[玉屏風散]沖劑,每次沖服時加6朵拍碎的辛夷花同泡,可加蜜糖.有助增强體質,減少鼻敏感.眼睛都敏感可加少許菊花一齊沖服.連服3~4劑,看能否改善?g6pd小朋友可以服用.
謝謝
芳姐
你好，女兒11個月大，最近咳得好厲害，食了藥都係不停咳，夜晚瞓時咳得最勁，有痰聲，應該煲什麼好
Sze Nicole:
你試用蘇子,萊菔子,紫蘇葉各3錢,5碗水煮成3碗後,取汁煲瘦肉粥仔供囡囡食,有助化痰止咳.
你好，芳姐。
小朋友4歲，有鼻敏感。常感冒發燒。
半個月前發完燒後伴有咳嗽，最近一星期越見頻密，特別半夜清晨，常反胃，但嘔不出。。
咳嗽伴有痰聲，請問有什麼湯水可飲?謝謝
Wakaka:
你試用蘇子,萊菔子,紫蘇葉各3錢,生薑3片,辛夷花6朵滾瘦肉湯供小朋友飲,4碗水煮成2碗,一天分服,有助化痰止咳,收鼻水,止嘔.連服3劑,如見效,停2天再服2劑.
芳姐，我仔三歲，咳嗽有個幾月了，睇過幾次醫生都唔好，醫生話喉嚨無發炎，肺清。佢就係早晚咳嗽厲害多痰，晚上一躺下就開始咳，起床後也咳一段時間，吐出來的痰有點黃，我也搞不清楚他是熱咳還是寒咳，這款燉洋蔥水合適他喝嗎？還是要煲咩湯比較合適？？
lxm2311:
你試用枇杷葉,龍脷葉各5錢,北杏3錢,桔餅1個,雪梨1個,去核,5碗水煮成2碗供服,連服3~4劑,有助清肺熱,止咳嗽.
你好，我仔飲左三劑好左好多拉，晚黑無咳，白天仲有少少咳，不過都係勁多痰，痰是白色的，是否要繼續喝至痊愈？？
lxm2311:
可繼續服,但不放桔餅,會惹痰,可放陳皮1個代替桔餅就成.
芳姐，你好，請問洋蔥水一天一次还是早晚一次，我仔佢气管有些敏感喝了洋蔥水晚上发高烧到38.9，今天看医生話佢好多痰，咳嗽，喉嚨无发炎，請問芳姐我怎樣帮佢调理饮食和煲湯，請指教，多謝！
俊俊BB:
飲洋葱水一般不會造成發燒的,通常小朋友痰咳可以用蘇子,萊菔子各3錢,入茶包袋,用來煲瘦肉粥供食,連服3劑,有助袪痰止咳.燒未退可用蘆根5錢,生薏米1兩,雪梨1個,去核,5碗水煮成碗半供服,隨量飲用,有助清熱退燒.服西藥後2小時飲.
芳姐，你好，小兒3岁，體質虚弱，食極唔吸收，经常感冒咳嗽，看医生一段時間咳嗽不好，听人說吃猴棗散好，我买盒珍珠琥珀猴棗散，可吃了还是好多咳嗽和有痰。之前有用川貝蒸瘦肉水，现在还是咳嗽和痰，請問我煲咩湯水俾佢喝，生冷野无俾佢吃了，要戒口吗？
俊俊BB:
你試用川貝末3錢,蘋果1個,4碗水煮成2碗,可加少許蜜糖,一星期3劑,服3個星期,有助化痰止咳.平時要戒吃生冷寒涼食物及凍飲,糖亦盡量少食.宜暖飲暖食.
芳姐，你好。我今天用洋蔥一個炖水俾佢喝，請問可以喝吗？,
俊俊BB:
可以用洋葱水供服.
多謝，芳姐指教
芳姐，你好。我今天用洋蔥一個炖水俾佢喝，請問可以喝吗？
芳姐我女7個半月大，1日可以飲幾多次，佢有氣管炎仲有ee聲🙏🏻🙏🏻
芳姐🙏🏻我BB7個半月大，1⃣️日可以飮幾多次洋蔥水嗎，佢有氣管炎仲有ee聲🙏🏻🙏🏻
芳姐🙏🏻我BB7個半月大洋葱水1日可以幾次，氣管炎可以飮好嗎🙏🏻🙏🏻thx
So Hiu Lai:
洋葱水對小兒咳嗽有幫助.一日可以用1個,蒸2次,每次壓榨港葱汁2~3湯匙左右.
你好芳姐，
小朋友1歲半，喉嚨發炎，沒咳嗽沒痰，燒已退，請問可以煲咩湯水幫助佢喉嚨發炎快些復元?謝謝
hong:
你可用羅漢果1/4個,胖大海3粒切片,3碗水煮成碗半供服,有助利咽消炎.
謝謝芳姐
怡:
咳有痰,燉洋葱汁供仔仔服即可.川貝末燉蘋果適合些.
芳姐，
我仔5歲咳果陣有痰聲，燉洋蔥可以加川貝落去嗎？
Jesse:
你可以用川貝末4錢,蘋果2個,去皮,去核,5碗水煮成3碗,兩個仔女一天分服,連服3劑,有助化痰止咳.
你好，芳姐
囡囡6歲，仔仔3歲半
兩個都有氣管敏感，這幾天咳中有痰，請問有什麼可以舒緩？
謝謝
Jesse
Sally:
喉嚨不適,可試用烏梅3粒,菊花1小撮,甘草4,5片泡茶服,痰多加羅漢果1/4個,麥冬1湯匙同泡,焗10分鐘飲.連服2劑,看能否改善?
謝謝芳姐
而家輪到我咳，應該是被仔仔傳染的。未見有痰但咳的時候Kung Kung 聲咳得好深（有時會聞到少少痰味），喉嚨好痕好熱，日間咳個不停，一吹風更甚，好辛苦。
不知是熱咳還是寒咳？川貝焞蕷果啱嗎？洋蔥水？好混亂….請指教！
Sally
sally:
你可用蘇子,萊菔子各3錢入茶包袋煲粥供仔仔食,對痰咳有幫助.
芳姐，
仔仔今早已退燒，開始咳中有痰，我也一樣。應該是痰引起咳嗽。我不想他吃西藥，有什麼可以煲來飲慢慢好起來呢？謝謝
Sally