By 芳姐 ( 3 3 月, 2015 at 10:50 上午)
· Filed under 外感/頭痛/呼吸道病, 家常食療
患流感死亡的人數每天都在增加,大家要加强警剔,做好各種預防設施,要勤洗手,人多空氣差的地方少去,或帶備口罩,隨時應用.增强體質亦很重要,現時天氣潮濕,宜多煲些性質平和的袪濕湯水,如[雲苓白朮扁豆衣澤瀉湯],今天推介這味[補益肺氣湯]能强壯肺氣,尤其是體質較弱的小朋友及長者,要多服這類補肺湯水,有助增强對抗流感的能力.
湯料中有非洲海底椰及虎乳靈芝,這兩種食療品無甚藥味,但補肺功效甚佳,其止咳化痰功效亦好.近年坊間有很多假品冒充海底椰出售,故最好去大間有信譽的中藥店購買,現時售價都頗貴,要150~170元一兩;虎乳靈芝最好買原粒未切片的,買好才叫店員代切片,現時售價大約55元一兩,一顆約兩半至2兩重.一家人用,每人各用1錢就成.
用料是: 海底椰4錢,虎乳靈芝4錢,雪耳2錢,百合1兩,甜杏仁(即南杏)5錢,無花果4粒,雪梨或蘋果2個.
做法: 雪梨洗淨,去核,切塊;雪耳浸軟,去蒂;甜杏仁(如有衣)投入開水中,撈起去衣;無花果洗淨,切片;百合浸洗;將全部材料放入煲內,用8碗水煮約1小時成4碗左右即成.
~ 小貼士: 此湯鹹甜皆宜,甜湯加冰糖煮;作為家常保健湯水,可加瘦肉同煮,如加個豬肺煮更佳.此湯老少皆宜,一星期服2次,有助對抗流感.但感冒發燒者不宜.
Permalink
芳姐你好！請問血壓高及氣虛可以飲玉屏風散嗎？謝謝！
Cola:
高血壓及氣虛人士可適量飲玉屏風散.
芳姐，您好！
請問以上湯水可加埋蟲草花和鵪鶉同煲嗎？
Ling:
可加埋蟲草花和鵪鶉,不過湯料似乎很多.
你好 芳姐，
我體質較弱，每逢轉季，感冒。每逢感冒很漫長才康復，要怎樣預防感冒。我是痰濕型體質。
每逢月期前後較容易感謝。謝謝芳姐幫忙提供意見！
黃小姐:
你試去裕華或農本方買[玉屏風散],一星期沖服3~4次,有助防傷風,感冒.來經可沖服.
芳姐，請問6歲小朋友中流感後食完哂療程痊癒後，身體差左好多，可以食咩補返下，個人變得好怕凍
芳姐你好！囡囡感冒後咳咗好耐，佢好返後想用虎乳靈芝煲湯比佢飲，可以加啲咩材料？第一次買虎乳靈芝
Yan:
你可以配白果10粒,去芯,雪耳2錢,南北杏1兩,無花果4粒煲鷓鴣或瘦肉湯,全家可飲,連服2~3劑.
May:
海底椰的確貴,如不加海底椰,可以加南北杏1兩,有潤肺止咳作用.
謝謝芳姐，海底椰太貴有其他可以代替嗎
May:
兩款湯6~8個月以上大BB可飲半碗.
芳姐你好，請問呢個補益肺氣湯同埋雲苓白術扁豆衣澤瀉湯一歲以下bb啱飲嗎？Thx
芳姐：你好！唔好意思，忘記問你，我先生夜晚間中有出汗，仲要係全件衫濕曬，一晚換3件衫，之前肺炎發高燒40．5度時一晚濕十件衫，請問可煲咩比佢食用呀！唔該曬芳姐，無限感激！
Christine:
五味子歛汗,用3錢,女貞子4錢,甘草1錢,4碗水煮半小時服,連服4~5劑,能止盜汗,止咳喘.
Christine:
你可以用黨參3錢,淮山1兩,杞子3錢,雪耳3錢,百合1兩,無花果4粒煲鷓鴣或有機雞半隻供服,有助健脾益氣,補肺强身.8碗水煮成4碗,全家可飲,你先生一天分服2碗,要吃些雪耳等湯料.生果可以吃蘋果,提子,木瓜,杏,桃等都適合.橙易惹痰,暫時少吃些,無咳才食.
芳姐：你好！我先生因2月頭肺炎入院一星期，消瘦15磅，但現巳出院，想問一下佢可以食咩及煲咩湯水比佢飲食，生果可以食D咩，啱啱覆診肺炎巳消，但係體力未能回復，請問可否燉雞汁比佢飮，或燉D咩比佢食用好，唔該曬！
心急如焚:
你女兒的情況皆因飲食習慣不健康引致,必須少吃零食,多飲水.可以試用兩片鮮檸檬加入水中供飲,等她習慣飲水,否則有傷風,感冒,痰積聚在肺部不飲水沖走,很易誘發肺炎.你試用蘇子,萊菔子各3錢,放入茶包袋,煲瘦肉稀粥供服,有助化痰止咳.鼻敏感可用辛夷花6朵,拍碎泡茶供細女飲,可加蜜糖.服西藥後2小時飲.病好可以煲些粉葛赤小豆,扁豆薏米排骨湯,全家可飲,有助健脾利水去濕.
芳姐，您好！
大女9歲經常聽到咳痰咳唔出，本身唔中意飲水，又中意食零食
請問應該俾咩湯水有助他去痰呢？體質應該唔係咁好，手腳係
冰冷的，唔知點算？
細女21個月，因為感冒鼻塞反反覆覆一個月，最近睇左專科話係
鼻竇炎，依家仲食緊抗生素，請問之後好返有咩湯水可以調理一下呢？
謝謝!
心急如焚
22/12/2016
芳姐，小兒1歲2個月，很多鼻涕，醫生說好多痰，沒有咳嗽，晚上睡覺不知是否鼻涕倒流，睡得不好，聽到很多痰聲，試過一次喉炎要住院，可煲這款湯嗎，另還有其他湯水可供服，謝謝
訪客:
你試用蘇子,萊菔子,辛夷花各2錢入茶包袋,與白米煲肉碎粥供仔仔服,連服3劑,有助清痰收鼻水.