By 芳姐 ( 1 9 月, 2015 at 5:01 下午)
· Filed under 小兒常見病
踏入秋冬季節，天氣乾燥，小兒流鼻血的情況會增多，主要原因是小兒上學後易感染上呼吸道疾病，造成鼻塞、流涕，加上不適當的搓揉，致鼻腔出血；有些小兒對新鮮事物非常好奇，喜歡亂放小東西入鼻孔中，亦會因誤傷鼻腔致出血。大部分這類的鼻出血屬良性，只要父母冷靜處理，多數能在5~10分鐘內止到血。
小兒的鼻黏膜大多在6歲前尚未發育完成，如幼兒時期鼻子曾經損傷過，很易又因空氣刺激、用力打噴嚔、挖鼻孔或急性感染，引起發炎反應令黏膜較脆弱部分再次出血。如有經常且持續性的鼻血問題，不妨煲些涼血止血湯水作防治之用。
[茅根雪梨藕節湯]功能涼血止血，清熱潤肺。對經常流鼻血之小兒很有幫助。
用料是：鮮茅根1兩，雪梨1個，鮮蓮藕節3個。
做法：茅根洗淨，切段；雪梨洗淨，切開去核；藕節洗淨；將全部材料用5碗水煮1小時即成。
~ 小貼士：此湯任何年紀流鼻血者均可用，加少許冰糖更為好味。
Permalink
小朋友六歳！一星期留咗三次鼻血！想試吓煲這個！請問蓮藕節要不要去皮的？
Leung:
鮮蓮藕節不用去皮,清洗乾淨即可用.
鮮矛根係邊買?
cat:
街巿有些菜檔有鮮茅根賣,你可以去找一些專賣竹蔗,紅蘿蔔,粉葛等的菜檔,山草藥檔亦有售.
芳姐，囡囡4歲，不足一個月又流鼻血，上星期有微燒，人也比較燥，氣管有點收窄敏感，可以飲什麼幫她？她不愛飲涼茶，也不愛吃梨子
可否飲紅壇魚湯，聽人說可補血
Wendy:
可用鮮蓮藕節3~4個,馬蹄6粒煲瘦肉湯服.5碗水煮成2碗,連服3劑.
好的，謝謝！
芳姐，你好，阿女今年7歲，今早流鼻血，近來每個月都流一次，本身有鼻敏感，今天煲了這款湯水給她飲，請問要飲多少次呢？平常當預防要多久煲一次呢？同埋我今日在藥材鋪買究蓮藕節，也是落3個嗎？非常感謝
Hailey:
如果中藥店有乾蓮藕節,可用5錢.此湯煲3劑,如見效,可一星期1劑,至症狀改善為止.通常囡囡大個些鼻膜長厚些就少流鼻血的了.
謝謝你
芳姐呢個湯可唔可以加埋馬蹄
訪客:
可以加馬蹄的.
芳姐你好：我想問此湯會太涼嗎？謝謝
Stefanie:
如果是血熱出血,必須用涼湯涼水才見效.此湯偏涼,止血後可用蓮藕,赤小豆,薏米煲排骨湯作調理.
請問雪梨轉用雪梨乾可以嗎？
Joey:
可用雪梨乾,但要將核去掉,核有小毒.
芳姐你好！
请问没有鲜茅根可以用干茅根替代？如可以，用一两吗？
谢谢！
Ali:
乾品茅根用5錢就成.
芳姐你好，
我仔仔2歲，至從入托後每月感冒一次，請問有什麼日常湯水可以增強抵抗力？ 仔仔平日都已經均衡飲食，天氣好時都有去室外活動，但始終抵抗唔到學校的病菌。
另外，發燒後咳，不知道是熱咳定寒咳，請問有什麼湯水可以清感冒以為止咳呢？（感冒其間有食西藥）
而且口氣都幾重
Emma:
如仔仔日間咳多,可以試用絲瓜1條,去皮切塊,放蒸碟中,大火蒸20分鐘,用湯匙壓榨絲瓜汁供服,有助清熱化痰止咳.連服3~4劑.此方平和不會有副作用,合幼兒服用.如晚上咳多,可用洋葱1個,去衣,切塊,也是大火蒸20分鐘,用湯匙壓榨洋葱汁無服,對寒咳有利.兩款食療可分日,夜供服.
唔該芳姐，咁有什麼湯水可以發燒後飲幫助清感冒呢？
另外，四神湯是否可以增強抵抗力？
EMMA:
花旗參老黃瓜湯對感冒有幫助,可以在右手邊[搜尋]的空格內打老黃瓜三個字,再按一下搜尋,即可找到該篇文章.四神湯要等外感清了才飲,能增强體質.
芳姐你好，我仔仔夜晚睡前及早晨睡醒後咳得勁，有痰聲及有時有鼻水，應該係寒咳，但試過洋蔥水無效。
另外，花旗參老黃瓜湯我仔仔現在可飲嗎？花旗參2歲小孩可飲嗎？
EMMA:
花旗參老黃瓜湯幼兒感冒後有口乾,咳的情況可以飲用.
芳姐
想問小女又係耐唔時流鼻血，想煲茅根雪莉蓮藕，但又有少少鼻水周幾聲咳，可飲嗎？
Smile:
你可以煲茅根雪梨藕節水供囡囡飲,加6朵拍碎的辛夷花同煮就能收鼻水.
謝謝，芳姐
早！ 芳姐,
小孩近期多次流鼻血,請問豬咀皮+官盲花 是否可止鼻血嗎? (不知是否偏方)
謝！
多多上
8-11-2017
多多:
我未聴過此食療.建議你用鮮茅根1扎,鮮蓮藕節3個,雪梨1個去核,加少許冰糖煮湯供小朋友服,有助涼血止血,又好飲.
那我就放心了，謝謝芳姐！
C奶Pro:
幼兒可服茅根竹蔗馬蹄紅蘿蔔水,可無需加糖.如夜啼可加6扎燈芯草一齊煲,没問題的.
不好意思，說漏了！小兒經常夜啼❨10天有8天都哭鬧一兩小時，嚴重時醒來哭鬧數次❩，有人說可能熱氣，確實飲了開奶茶或你的燈芯草蓮子茶的首兩晚有改善。但怕開奶茶有藥性、燈芯草蓮子茶會便秘，所以不敢多服。因此想問問茅根清熱是否有幫助，或者有沒有什麼可多煲幾次的呢？
請問茅根一歲幼兒可用嗎？除此湯外，平常煲竹蔗茅根馬碲紅蘿蔔水又可以嗎？？？ 謝謝解答！祝再版再版再再版
多多:
訪客所說甚對,小朋友如連續3天流鼻血,最好看醫生作檢查.食療只能作輔助治療之用.
多多，如小嚴重一定要去醫院！
你好！芳姐，
小孩已有3天流鼻血，有冇另一款食療或湯水再介紹多些！
謝！
多多上
11-9-2016
盈盈:
小朋友鼻膜薄,如本身曾經碰撞過有損傷,很易因血熱或其他情況就再流血,要待13~14歲左右鼻膜長厚了可改善.此湯一星期可飲2次,有助減少發病.
我個女10歲
芳姐你好啊，我個女一食熱氣野就會流鼻血系咪食呢個湯，要吃幾多次？之前都試過好多種方法都系流鼻血。
你好芳姐，我仔經常流鼻血，如呢個時間無蓮藕節仲有咩湯水啱佢呢？
YEN:
現在街巿有新鮮蓮藕賣,你用中間個節就成.亦可用生地5錢代替蓮藕節,有些少藥味.
謝謝芳姐
芳姐
茅根雪梨藕節湯一星期可飲多少次？
Sandy:
茅根雪梨藕節水一星期可3次,至症狀好為止.
好的，謝謝芳姨
may jade:
紅衣花生最補血,最好用紅衣花生.
芳姐，
唔好意思，問清楚一點。 花生是否為有紅衣的一種?
謝謝芳姐
may jade:
貧血嚴重可試用黨參3錢,圓肉10粒,花生1兩,紅棗8粒煲瘦肉湯服,一星期3~4次.如怕燥,黨參改用太子參5錢.
芳姐，
您好! 我媽已有七十幾歲，約三年前確診有直腸癌，但由於身體其他機能問題而不能動手術切除，一直看中醫調理至現在。但，吃中藥其間會不斷泄瀉，停中藥那天就會不斷出血，以致貧血嚴重，經常頭暈及腳浮，面色蒼白。請問一下會否有任何食療可助她改善貧血問題，減輕頭暈情況?
謝謝!
susan:
如無鼻水只是痰多,紫蘇葉湯去辛夷花,加3錢蘇子,3錢萊菔子同煮就成.
芳姐您好。
昨日飲用紫蘇葉3錢,辛夷花6朵,生薑3片,甘草1錢,有助散寒止咳收鼻水。飲左後，琴晚訓時已經無咳啦。今早咳後嘔左小小白痰，但好難先嘔出來嘅，就聽到咳同有痰聲(cam cam聲)請問可以再用咩食療？謝謝您
好，知道，唔該晒
芳姐您好，好想問點解狂流鼻水鼻涕，如果另外再俾辛夷花，蒼耳子，同蔥得唔得？打擾晒🙏
susan:
狂流鼻水可能鼻敏感,可以用辛夷花,蒼耳子各3錢,葱白3棵,3碗水煮15分鐘服.或用薄荷葉2錢,生薑4,5片,蜜糖少許泡茶飲亦有幫助.
好的！謝謝您
SUSAN:
痰白咳到嘔,試用紫蘇葉3錢,辛夷花6朵,生薑3片,甘草1錢,3碗水煮成1碗供服,有助散寒止咳收鼻水.煮1劑試試.唇偏紅因為睡不好,有點陰虛,可以用麥冬5錢,北杏3錢,紅蘿蔔1個,陳皮1塊,無花果3粒煲湯供服.5碗水煮成2碗服.紫蘇葉茶睡前2小時飲.
芳姐您好，兒子昨日飲左白蘿蔔1個,雪梨1個,去核,北杏3錢,4碗水煮半小時供服，但咳嗽情況如是咳，而且咳到訓唔到，同埋半夜咳到嘔，嘔左些白色痰，另外個唇偏紅及好多鼻涕，鼻水，請問呢個湯水係咪唔啱佢，可否再介紹其他食療？麻煩晒芳姐！
SUSAN:
可以煲些菜乾紅蘿蔔粟米杏仁瘦肉湯,全家可飲,用量隨意,有助清肺熱,利尿袪濕.
芳姐您好，我已經照您介紹的食療給兒子喝。請問我現在還能再煲其他湯水一齊飲用嗎？可以介紹嗎？
謝謝芳姐回覆
謝謝芳姐，另外我見到佢啲尿好黃，係咪好熱氣？係咪照呢個食療？>白蘿蔔1個,雪梨1個,去核,北杏3錢,4碗水煮半小時供服，麻煩晒您！
SUSAN:
此湯尿黃都適合,可以加幾粒馬蹄一齊煲,馬蹄清熱利尿又能化痰.
補充:兒子除左咳有痰還咳到想反胃。請介紹食療，謝謝您芳姐
susan:
你試用白蘿蔔1個,雪梨1個,去核,北杏3錢,4碗水煮半小時供服,如鼻水太多,可加6朵辛夷花同煮.連服2劑,看能否改善?兩餐之間可以幫仔仔拍背,然後飲水,有助將痰排走.
芳姐您好！
小兒4歲，琴日開始，好多流鼻水，係透明同小黃都有，還有咳得越來越密 ，聽到好多痰同好多鼻涕。請問可以介紹食療嗎？謝謝您
yi:
你可以用芫荽葱各3棵,生薑4,5片,紅糖少許,3碗水煮成2碗,一天分服.如鼻水太多,可加辛夷花5朵同煮.
芳姐你好！阿囡歲半 打噴嚏、鼻塞有鼻水、唔想食西藥、有咩可以幫到佢？謝謝
芳姐 :今日已經開始比細囡試蘇子，萊服子粥，佢中午食大约4個小時後疴返哂出黎……請問正常嗎？可否繼續食！麻煩哂！！
DORIS:
嬰幼兒都可以服用,没問題.
唔該哂芳姐，請問以上湯水是否小囡8個月都飲得！？
DORIS:
你可以用蘇子,萊菔子各2錢,入茶包袋,紫蘇葉2錢,肉碎適量煲粥,茶包袋與白米煮好粥後才放紫蘇葉及肉碎,再煮10分鐘,將茶包袋及紫蘇葉拿走就可以將粥餵囡囡食,連服3劑,可袪痰.另外用紅蘿蔔1個,切薄片,紅棗6粒,去核切片,5碗水煮成2碗供囡囡飲,對小兒久咳不好有良效.
芳姐您好！
我個囡8個月大，已經咳咗兩個幾月啦，有鼻涕好多痰，大多數係家姐傳比佢，又唔肯飲奶……西醫又睇過都清唔到……試過煲咗一個月陳皮粥比佢食，好少少，請問有咩食療可以幫佢化痰？？麻煩哂！