By 芳姐 ( 22 1 月, 2016 at 8:30 下午)
· Filed under 婦科病／產前，產後／不孕, 養顏潤膚／消脂瘦身
椰子有補脾益腎功效，但一個椰子較大個，用一個煲湯可能太多，在菜檔見有產自印度的椰子球，細細個，內裡不含椰子汁，不過味道十分清甜，椰子味較重，雖然售價要廿多元一個，但用來煲湯大細剛剛好，據說這種椰子球能調整血糖，故糖尿病患者都可以服用。
菜檔除了這種椰子，尚有鮮百合、真空包裝去衣栗子，全都買下，加些紅棗，瘦肉同煮湯，湯味清甜可口，老少合飲。對尿道炎、皮膚乾燥、乾咳無痰，及產婦乳汁缺少，腰膝痠軟等均有幫助。
用料是：椰子球一個，栗子8粒，鮮百合2個，紅蘿蔔1個，紅棗6粒，瘦肉半斤。
做法：全部材料洗淨，椰子球切塊；紅蘿蔔去皮切塊；紅棗去核；瘦肉出水；將椰子肉、栗子、紅蘿蔔、紅棗、瘦肉全部材料放入煲內，用8碗水煮個半小時，最後加入鮮百合，再煮10分鐘即成。
~ 小貼士：此湯滋潤養顏，對燥火咳、皮膚敏感及胃酸多者亦適合。
Permalink
請問可唔可以唔加瘦肉？又或者有冇其他非肉類可以取代呢？謝謝。
May:
一般的豆類,堅果仁都可以代替肉類的.
芳姐，中午好，请问这个汤可不可以加虫草花，党参，南枣，淮山，南北杏和响螺一起煲吗？
请问材料中是不是有红萝卜，只是没有写到？谢谢您^^
scy:
是漏了寫紅蘿蔔,待會修改.你可以加蟲草花等材料,如果用料很多的,一星期2次就夠.有時不是料多就好,都要身體吸收到才是,反而用料不太多,持之以恆一星期3~4次可能更有益.
可5可以加竹絲雞煲湯
可5可以加 竹絲雞煲湯
你好，請問點揀印度椰子最好？買過幾次裡面都係啡色嘅
訪客:
印度椰子由於有些存放太久,故易發霉變質,我去菜巿超買講明要檔主替我切開,即包開!如切開內裡有發霉現象即可退貨.單看表面很難知道是好是壞.
經常返通宵班喝什麼湯好？芳姐
訪客:
可以多用雪耳,杏仁,冰糖煲糖水服,有滋陰潤燥功效.配木瓜或雪梨亦佳.
芳姨你好，
這款湯懷孕初期可以飲嗎？懷孕可飲印度椰子嗎？
karen:
懷孕初期可以飲印度椰子湯.昆布紫菜湯亦有益,可以飲,没問題.
芳姐，你好！請問六個月大嬰兒咳有痰流透明鼻涕，可以煲什麼呢？謝謝！
san:
你試用蒜子3,4粒,洋葱1個,3碗水煮成1碗供服,有助化痰止咳解表.
Maggie:
小朋友一上學,必定會感染上呼吸道疾病,到身體[儲夠]一定抗體,就可減少受感染.當然大前題是日常注意營養均衡,多做戶外活動,並要引導多飲水.可以用薏米1兩,5碗水煮成2碗,加兩片檸檬及少許糖供服,一星期3次,有助增强抗病能力.檸檬含維生素C,薏米能對抗些少病毒.如鼻水多,可用辛夷花6朵,拍碎泡茶供飲,可加蜜糖,能有效收鼻水.
芳姐：
Sorry、未自我介紹！我叫maggie🙋🏻
芳姐：
你好、我女兒2歲5個月大！自從返咗學之後，由上年10月開始傷風感冒都未試過完全好噃！一到夜晚睡覺時可能係鼻水倒流，所以剛剛睡著嘅頭半小時至1小時就係咁咳！已經睇咗5個醫生都唔得、一係好噃少少又來過！餵藥餵到我怕曬！請問有無藥膳治療可以教導吓？
Thanks 🙏🙏🙇♀️🙇♀️
蔣太:
西洋菜一般配紅蘿蔔,羅漢果,杏仁,無花果,陳鴨腎一類食材煲豬肉湯,我自己較少配百合,粟子的.感冒配紅蘿蔔,杏仁,無花果較理想.有喉痛加羅漢果1/4個.
是感冒
早晨方姐,
請問西洋菜,百合,栗子煲湯,感覺適合嗎?
芳姐
我早前感冒，發燒流鼻水症狀已經無晒，而家差咳同痰，我半夜咳多，又有黃痰。我想問呢款湯啱唔啱飲啊？
Ashley:
你試用川貝3錢,蘋果1個,去皮,去核,2碗水蒸燉半小時服,可加少許蜜糖,連服3~5劑,有助化痰止咳.