By 芳姐 ( 1 3 月, 2016 at 8:20 下午)
· Filed under 婦科病／產前，產後／不孕
今個星期六(5號)獲「麒麟金融集團」KIRIN FINANCIAL GROUP之邀請，去灣仔六國中心15樓主持一個「產前產後知多啲」的食療講座，分上、下午兩塲，據聞入塲人數已達一百人，希望今次的講座令所有嘉賓都有得着，對孕婦健康和未來寶寶都大有裨益。
今天就介紹一味催乳食療，因為很多新媽媽剛生產時未必能即時上奶，但就算是量少的初乳，對寶寶來說都是最好最珍貴的，微黃及分泌量少的初乳，含有豐富的營養、抗體，可幫助胎便的排出，更有助增强寶寶的抗病能力。
「木瓜花生魚湯」以前曾介紹過，但一些產後體虛的媽媽，乳汁不下，就需要加點行氣及行血藥助乳汁分泌。用北茋和王不留行來煲湯就有良好的催奶效果。
用料是：北茋5錢，王不留行3錢，無花果4~6粒，豬展1隻。
做法：豬展洗淨，出水；北茋等材料浸洗；將全部材料用6碗水煮個半小時即可供服。
~ 小貼士：北茋即黃蓍，能益氣補虛，扶正袪邪，對剖腹產的媽媽有助加快傷口癒合。
Permalink
芳姐你好，
生產已三個月，全人奶，量剛好，完全無存貨。現在喝還有機會增加奶量嗎？想多少存返一兩日奶的存貨，謝謝
寶媽:
你可用青木瓜1個,王不留行3錢,無花果4枚,花生1兩煲鮮魚湯服,煲1小時,有助增加奶量,連服3劑.
芳姐你好，
請問用王不留行籽可否代替王不留行？
炒米茶可否一直飲？
加些什麼幫忙增加奶量？謝謝
寶媽:
王不留行籽都可以,要入茶包袋中,炒米茶可配切開的無花果同泡,有助增加奶量.
芳姐你好，冬至快樂！
請問長期飲炒米茶可以嗎？
長期飲會否太燥？
現在我的炒米茶是白米紅米陳皮炒黑豆沙參，間中有黨參和圓肉
怕一唔飲就少奶，因本身奶量都只是剛剛好
寶媽:
建議你一星期飲5~6天,餘下1~2天護身體自己工作.炒米茶可以飲用幾個月没問題.
你好，我今日買了一些王不留行売乾品，但 但它的是青色壳不是你這樣啡色的， 藥房的人說因為比較新鮮， 這種也可以用嗎？
訪客:
王不留行有青色殼,是採摘時較生而已.成熟的會呈啡色.功效相若.
請問煲咗一大煲後，老公飲唔飲得？
Amelie:
此湯男女可飲.王不留行除了通乳,尚有通血脈作用.
芳姐你好:
我bb已在1月已出世，一直氣血不足，如保持一直飲王不留行 黨參 南棗 圓肉 炒米茶可以嗎，會幫助到上奶嗎
補充一直得1，2滴奶
Joey:
1月至今已經4個多月,你氣血虛不能上奶,應該很難會催到奶.王不留行黨參南棗圓肉炒米茶能補氣血,亦有催奶作用,你可以一直飲至氣血足為止,但不保証能催奶.
芳姐您好
坐月婦一飲炒米茶，就出汁話熱，就算放室溫度飲後都周身熱。
炒米茶材料，糙米加陳皮？謝謝
訪客:
可以用金蕎麥,或小米代替糙米,金蕎麥,小米都性涼的.如餵奶都可以用.
你好芳姐
想問王不留行嘅果皮可以攞黎煲上奶嘅湯水嘛？
Miki:
王不留行是催奶中藥,可以用.中藥店有售.
芳姐您好：
我剛生完bb滿月，想問可否介紹啲產後補身湯水！因為本人比較怕凍，同容易累及暈，有冇啲湯水可以改善！謝謝
欣:
你可以在左手邊[婦女產前/產後]一欄,找合適的湯水.可以用八珍煲雞湯.八珍材料中藥店可買到,一劑可分2次煲雞半隻,加生薑,紅棗同煮.如怕冷,加2錢桂枝,3錢北茋一齊煮2小時就成.有助補益氣血,改善畏寒肢冷.可去大眾書局買我本[坐月天書]作參考.
Oggy:
BB可能你飲黨參一類温熱茶飲引致熱氣,暫時不要放黨參,北茋,飲紅棗炒米水或杞子炒米水就成,待BB冇熱氣才飲.肚痛不關湯水事,你加多塊陳皮同煮吧.
多謝芳姐百忙中抽空回覆!
呢2日試左隻湯,果然唔苦.但會有搞肚痛,有d肚屙狀,去完又無事,連續2日都咁樣.咁我係咪唔適合繼續飲?因為呢個星期初生唇瘡(已經好得差不多)同之前大便一直都唔係好暢通,以為係食少左水果的關係.但呢幾日代茶係杞子/3-4粒紅棗/1/4支黨參/半支北芪,好似暢順左少少.之前以炒米陳皮為主,有時會全加有時就只加2樣.唔知會唔會有關係?因為發覺bb呢幾日塊面的粒粒多左同紅左.去健康院問左醫生,只話係正常情況純粹係母體荷爾蒙帶過去,遲d會消散.但仍然好擔心.謝解答.
Oggy:
產後可以食木瓜,有助催奶,養顏,潤腸排便.香蕉太寒涼不宜,提子可以食.催奶湯只要奶水足就無需飲.或停幾天再飲.泡茶一般用250毫升水,但看材料,有些可沖泡至淡.
唔記得咗問湯水有冇要連續飲幾多日或者一路飲都可以.泡茶要落幾多水.謝謝
唔該晒芳姐.
另外漏左,想問產後第一個星可唔可以食水果？咩水果岩食.同埋而家有d便秘,可唔可以食香蕉?感謝？
Oggy:
你試用北茋1兩,王不留行3錢,通草2錢,無花果4粒煲豬展湯服,不苦的,有助催奶.生唇瘡有點陰虛,可用羅漢果1/4個,無花果4粒切薄片泡茶服.連服3劑.花生衣最補血,去衣不太好.
芳姐你好,生產完就嚟一個月,已經日日都飲木瓜通草花生㷛豬展或魚尾湯,但上奶情況仍然唔係好理想,無咩脹奶的感覺.想問上面王不留行湯會唔會好苦,本人怕苦.除外,有冇其他上奶湯水可以介紹一下.
呢幾日生唇瘡,請問可以飲d咩湯水.
另外,花生去衣效果係咪會好d.謝謝！
太太產後三個星期奶量正常，但近日發燒，左胸痛，接著左胸奶量減少了，如何可以使奶量回復正常呢？謝謝！
Eric:
你太太最好看醫生,可能患乳腺炎.可以用熱毛巾作熱敷,輕輕按摩,每日2次.另外用北茋3錢,通草3錢,無花果4粒,王不留行3錢煲豬展湯服,有助通乳腺.
Lian:
王一留行籽當然不及王不留行,但都可以用2錢,入茶包袋.頭兩三天最好用熱毛巾敷乳房,輕輕按摩讓乳腺通暢,讓寶寶多吸吮,初乳最有益,就算很少都夠寶寶提高身體免疫功能.寶寶吸吮多乳汁自然分泌多.第三天可以煲些青木瓜鮮魚湯;或用這款食療,加2錢通草催乳效果更佳.
芳姐你好，請問你買不到圖中的王留不行只有王留不行籽是不是一樣的(老细话一样的）？如果不一樣可以用咩來代替？很想哺乳成功所以先準備有幫助的催乳湯水另外剖腹產第幾日可以喝這款湯水？謝謝你.
mon:
失眠試用麥米1兩,茯神5錢,紅棗8粒,去核,百合1兩,冰糖適量,5碗水煮成2碗服,連服3~5劑,有助養心安神.剖腹前可以多吃些高蛋白質食物,不宜用補氣之中藥材.花膠可以適量吃,但一次不宜過多.剖腹第一週以排清水分,惡露為主.如益母草紅棗小米粥,山楂紅糖水,黑木耳紅棗水等都適合.可在左手邊[婦女產前/產後]一欄按一下,可找到合適湯水調理.或去大眾買我本《坐月天書》作參考亦佳.
芳姐：
想請教現壞孕孖寶已經七個月多，開始失眠，吃什麼？剖腹前可令傷口冇咁痛，花膠是否可以吃？剖腹第一星期應吃什麼？多謝
chloe:
可以飲王不留行這款湯,連服3~5劑,至奶汁回復正常為止.來經可服.
你好, 餵母乳9個月了, 最近愈來愈少奶, 是否可以煲王不留行這個湯? 要飲用多久? 經期時是否不易飲用? 謝謝
芳姐早安，你好！太太生產完將踏入第三周，請教吓你，我在你撰寫的「坐月天書」中提到要食「養生飯」，請問需要什麼食材料呢？多謝晒你！
kelvin:
養生飯其實主要是加些蔬菜肉類或瓜菜焗飯供產婦食,以增加體力,尤其是哺乳媽媽必須少食多餐,早上一個養生飯最適宜.例如冬菇雞柳飯;南瓜肉碎飯;瑤柱蛋飯都可以.
芳姐,女兒雖然食了一次,我都好擔心
芳姐,請問食了哮藥殘留對胎兒有何影響?
man ling:
只吃一兩次不影響胎兒的.以後盡量少吃就成.
man ling:
有些豬膶因為豬隻本身有哮喘藥殘留,故易造成心跳等問題,不要再用.没胃口可以用淮山,茯苓,蓮子,蓮子各1兩,陳皮1塊,紅棗6粒煲雞胸肉或豬展湯供食.有助健脾胃,助吸收.此湯全家可飲,你女兒可連服3劑.
芳姐,女兒休息後好好多了.我才放心些.
芳姐,你好!
我女兒懷孕三個多月,上二星期到QE抽血,有點暈,焗了紅棗水飲,多了些.
我見佢呢幾個月沒有胃口食野,浸了豬潤水給她飲,想補充營養,誰知今朝飲了後,心跳有點加速,請問有問題嗎?
我好擔心
Kelvin:
可以用絲瓜絡3錢,全瓜萎4錢,當歸2錢,5碗水煮成2碗服,有助通乳腺.另外用熱毛巾作外敷,多作按摩.如餵奶要餵完奶才服,否則當歸味濃,寶寶會不肯飲奶.
芳姐你好，早晨！請教你剛生產完乳房周圍腫痛，有冇湯水可通嗎？多謝你！
芳姐：Thx a lot~^^
多謝芳姐！
jenny:
木瓜會令子宮收縮,改用節瓜較佳.產後飲黑/紅糙米茶只要量少没問題的,你配杞子,不要配紅棗,圓肉就成.
may:
你可以用熱毛巾敷乳房,輕輕按摩,不要吃高蛋白質,高脂肪的湯水及食物,飲食宜清淡,待寶寶吸吮奶水暢順了才可以飲些高營養的湯水.否則乳汁太濃稠會塞乳腺.你可以飲這款湯的.
請問產後飲用紅黑糙米茶，本身體質偏熱都適合？
請問37周時可否飲木瓜雞爪湯？