By 芳姐 ( 11 3 月, 2010 at 7:16 上午)
· Filed under 保護視力/耳、鼻、喉疾病
鼻竇炎是常見的病,有些人是因為感冒引起的急性鼻炎反反覆覆地發生,又没有徹底治療,炎症漸漸轉化成慢性.
中藥辛夷花,蒼耳子是治鼻病的要藥.今次介紹的[辛夷花蒼耳子茶]有宣肺通鼻的作用.對鼻塞時輕時重,流涕,頭微脹,或伴咳嗽,氣短,痰稀,體倦乏力的鼻竇炎患者很有幫助.
用料是: 辛夷花,蒼耳子,白芷各3錢,薄荷1錢,葱白3~4根.
做法: 將辛夷花用刀背拍鬆;其餘材料洗淨;先將辛夷花,蒼耳子,白芷用4碗水煮成2碗,投入葱白,薄荷,再滾5分鐘即可供飲.
~ 小貼士: 白芷能引藥上頭面,是一味[引藥].這款茶有個更簡單的飲法:就是將材料弄成粗末,用3碗水大滾5分鐘即可供飲.每天1劑,當茶頻服,至症狀改善為止.
Permalink
你好，芳姐。小朋友2歲3個月，之前傷風感冒流鼻水，醫生開左止咳化痰藥比佢，依家收左鼻水，但變左十分濃稠鼻涕，好快就變成一舊好硬嘅鼻屎，深黃色。早上只有好杰好黏的鼻涕流出來，晚上半夜就好像有痰阻擋喉嚨，咳得好犀利，可以煲咩湯幫佢？😢
MM:
你可以用金蘿果1/4個,雪梨乾6~7片,北杏3錢,4碗水煮20分鐘成2碗供小朋友一天飲.如鼻水多加6朵辛夷花同煮.睡前用棉紙巾剪成條狀,沾淡鹽水後將紙條扭緊幫小朋友通鼻,可改善不適.記得不要用棉花捧,會傷到鼻黏膜的,要用棉紙巾剪條用.
感謝芳姐回覆，我試下🙏🏻
芳姐你好.
囡兒13歲，10月初感冒，把聲好（盟），鼻涕又膿，一直有睇西醫，兩個多星期，鼻涕有小小黃，食咗消炎藥，而我跟住冲辛荑花茶給她飲咗5日，好翻好多。三日後，佢把聲又再（盟），即洗鼻又係多膿鼻涕. 今次鼻涕又小小黃，去睇耳鼻喉科，鼻竇炎，食咗一星期擴生素，冇特別好轉，在服食擴生素的第四天，已煲此茶俾囡囡飲用，到現在聲音都係盟，又有膿鼻涕. 已經有一個月。請問有什麼方法可以幫助她？ 謝謝.🙏🏻
Yuna:
你試用辛夷花3錢,葛根5錢,白芷,桔梗各2錢,金羅漢果1/4個,5碗水煮成2碗,連服3劑,有助改善鼻竇炎及有利咽開聲功效.
謝謝芳姐，
昨天剛服用辛荑花/蒼耳子/白芷茶，今天可以㷛這個辛荑花/葛根/白芷/桔梗… 的茶嗎？謝謝