By 芳姐 ( 15 3 月, 2010 at 6:54 上午)
· Filed under 小兒常見病
生果檔擺賣的雪梨很便宜,十元一份,大大個,一份有六個之多.雪梨最適合用來煲糖水或煲湯,它甘涼清潤,能清胃化痰,對感冒後痰多咳嗽,或過食煎炸辛辣食物引致肺,胃燥熱人士最為適合.
[雪梨茅根湯] 功能清熱化痰,宣肺止咳.對肺熱咳嗽,胃火熾盛出現口臭唇焦,小便短赤人士很有益處.
用料是: 雪梨2個,白茅根1扎,桑葉3錢,紅糖適量.
做法: 雪梨洗淨,切片去核;白茅根洗淨,切段;桑葉浸洗;將全部材料放入煲內,用5碗水煮約1小時成3碗,調入片糖煮溶即可供飲.
~ 小貼士: 小朋友大多數不喜飲苦茶,但此茶藥味不重,甘甜好味,應該容易接受.對小兒熱病後咳嗽未愈,口氣大,小便金黃者亦非常適合.
Permalink
芳姐:
如果用雪梨乾代替雪梨,請問雪梨乾份量?
Winnie:
雪梨乾用1兩.記得要將核去掉.
芳姐
您好!請問乾咳無痰,晚上咳得比早上多,有咩湯水可止咳?呢款湯水適合乾咳嗎?
謝謝回覆!感恩!!
訪客:
乾咳可以用雪耳2錢,百合1兩,南北杏1兩,冰糖適量煲糖水服,有助潤肺止咳.
小朋友少少鼻塞,有鼻水,鼻液黃色。有咳,訓都有咳,有痰聲。但痰唔算好黃。咁應該煲咩湯好
ching:
你試用蘇子,萊菔子各3錢入茶包袋,辛夷花6朵煮瘦肉粥供小朋友食,有助袪痰止咳收鼻水.
你是否曾江南大叔說我是個很好的人就打撈出一具燒焦屍體
小朋友重有少少感冒,熱咳!飲得呢款湯嗎?
ching:
熱咳可以飲這款湯.
芳姐你好!囡囡1歲,啱啱天光時見佢咳咗幾次,日頭同夜晚都無亦都無感冒,煲呢個雪梨茅根湯好還是紅蘿蔔馬蹄麥冬湯好?Thanks
啱留咗呢個留言想補充一下,日頭間唔中都有咳無痰
芳姐你好!囡囡1歲,啱啱天光時見佢咳咗幾次,日頭同夜晚都無亦都無感冒,煲呢個雪梨茅根湯好還是紅蘿蔔馬蹄麥冬湯好?Thanks
May:
你試用紅蘿蔔馬蹄麥冬湯,好飲又清肺熱止咳.
Hi 芳姐,
你好!
如果男士咳嗽,通常入夜咳過不停,睡覺尤其嚴重,加上氣管有少少敏感,很多痰而且痰是偏向黃色。有占寒占凍。不知是寒咳還是熱咳?另可以煲什麼湯水?
謝謝~
Moonmoon:
晚上咳多偏於寒咳,但痰又黃,又沾寒沾凍,是作感冒,滾些芫荽葱生薑雪梨水供服.用量隨意,滾10分鐘可飲,趁温熱飲,連服2~3劑.如有燒要看醫生.
lingling:
你試用白芍,茯苓,白朮,扁豆衣各3錢,陳皮1塊,蜜棗2粒,5碗水煮成2碗服,連服3劑,看能否改善?
芳姐
我食完飯要到成12点先有胃氣,要噯完氣先有得瞓,早上起來口很臭,是否胃熱關係,有冇湯水啱飲,謝謝
waiwai:
青欖桔餅果皮瘦肉湯利咽,有助化痰.川貝末燉雪梨能清熱化痰.鼻涕,或痰黃色都屬熱症.
芳姐
請問煲青攬桔餅果皮瘦肉湯可以化痰嗎?還是川貝末燉雪梨較好?我不清楚仔仔係熱咳還是寒咳!謝謝!
waiwai:
你可用川貝末2錢蒸燉雪梨1個,可加陳皮1塊同燉半小時,雪梨要去核切塊,連服3劑,看能否改善?
芳姐
請問鼻涕黃色係熱咳嗎?仔仔3歲幾唔識吐痰,只有聲咳,好多痰,煲雪梨茅根好定川貝燉雪梨較快化到痰?
YAN:
仔仔可能不宜飲涼茶,乾咳可以用麥冬3錢,桔梗3錢,甘草1錢,3碗水煮15分鐘供服,有助潤燥止咳.
芳姐,我仔今日飲完之後成日咳,係咪涼得滯?
yan:
這款雪梨茅根湯較適合你仔仔.
芳姐,請問我個仔燥咳,口氣又大,這款湯或花參適合他嗎?
芳姐你好!
想請問感冒中可煲此湯飲嘛?大人小朋友都可以嘛?
SASA:
梨乾已曬乾不算太寒涼,但其中的核必須清理,因有小毒.配淮山,百合煲湯可以,但焗水飲似乎難出味.寒底者加些紅棗或蜜棗同煮.
芳姐你好, 請問梨乾是否寒涼,
以梨乾, 准山, 百合乾加水焗來喝是否適合寒底人士呢 ? 謝謝
WAI lam:
可以用乾茅根5錢.
芳姐你好,請問買不到茅根的話,可以用乾茅根的嗎?謝謝
芳姐你好,
想請教一下,仔仔7个月,最近唔知点解口氣好臭,特别係训醒,好似坑渠甘臭,佢仲未出牙,早上饮一次奶粉,夜晚一歺米糊,其余饮人奶,伤风啱好,有痰声,时不时会呕,请问有咩湯可以改善口臭?以上湯適合7個月bb嗎?
Yanki:
仔仔可能有些內熱,但都要替仔仔清潔口腔的.用棉花包住手指,浸些温水然後伸入仔仔口腔中幫手做清潔,有助減少口臭.雪梨茅根湯,或雲苓白朮扁豆衣水都有助清口臭,可以作開奶茶或淨飲.
你好,芳姐。
我想問有無一啲有效嘅清暗瘡湯水或涼茶?
請推介,謝謝
kky:
綠豆薏米海帶糖水有助清暗瘡.或用粉葛綠豆薏米蜜棗水都有效.
芳姐,
今天燉川貝蘋果,但煲出來有點酸,是否正常,因小女有痰未尚清,另今早有傷風及鼻水是白色,想問煲什好湯水。(舌頭有白色,是否寒嗎)
1)川貝燉蘋果 , 煲1HRS左右 要煲幾天才好, 有冇另一款湯好過此湯啖嗎?
(早前已煲龍利葉水果湯3天)
咳為何要用雪利煲湯,不是寒嗎
TKS
ELAINE
elaine:
雪梨有清熱潤燥,止咳化痰功效,煮熟了就可減其寒涼之性,當然熱咳才服,寒咳就不太適宜,所以我才要你燉蘋果而不是雪梨.蘋果正氣一些,合寒咳用.你買富士果可能味甜些,如果蘋果太生燉熟後會有些少酸味.可加些蜜糖調服.舌白,痰色白都屬寒咳.你試用紫蘇葉3錢,北杏3錢,生薑3片,紅糖適量,2碗半水煮15分鐘成2碗供服,有散寒止咳功效.
PO YU:
3歲小朋友可1日服2碗,連服3劑應可清痰.
請問3歲小朋友一日一次飲一碗是嗎??? 如果還未清除痰,可連飲幾日嗎???
我想問, 白茅根及桑葉, 可以在哪裏買呀? 謝謝.
Ting:
白茅根在菜檔有售,桑葉在中藥店有得買.
小朋友十五個月大, 最近先是鼻塞, 跟住開始咳, 有痰聲, 然後最近兩日開始發燒. 請問可以飲這湯嗎? 還有什麼其他湯水或食療適合她? 謝謝你
Ting:
發燒可以飲此湯,可加5錢南北杏,2錢川貝末(川貝研成末,飲湯時才放入湯中供你寳寳服用)以袪痰止咳.
多謝你咁快回覆.
今晚我會用新鮮雪梨來煲. 謝謝!
Fiona:
可以用雪梨乾.但我買來試過,不太好味.
芳姐:
請問可以用雪梨乾代替新鮮雪梨嗎?
芳姐:
小女3歲, 有黃色鼻涕和黃色痰, 不多咳, 近日每晚發夢, 早上起床時咳比較多, 早上有口臭.已食咗兩星期西藥都未好. 請問有什麼藥方可以幫到小女呢?
謝謝
Fiona:
你女女可以飲這個雪梨茅根湯,對風熱痰黃,涕黃有幫助.如有鼻塞,可加2錢辛夷花同煮.
你好芳姐
請問”清保涼” 小朋友可以飲嗎 (2歲)
另請問是否男仔 是否不可以飲 “意米水” 呀
謝謝
amy:
清補涼小朋友都可以飲,患傷風,感冒時就不要飲.男仔可以飲薏米水的,有清熱利尿,袪濕之效,感冒流行期間,以薏米煲水代茶飲,能收預防之效.
我今晚剛好也煲了雪梨湯,不過是用雪梨、馬蹄、平貝、陳皮、百合,再加點瘦肉。
noratis:
你煲這個湯都不錯啊,應該幾好味的!^^
小吉婆婆:
藍莓用冷開水浸已可食用,你用淡鹽水浸更好.紅莓乾有益腎固精,縮尿之效,可繼續食用的.
芳姐, 請問我氣脷早幾日可能虛火太勁, 有一晚食晚飯時突然起了血泡…之後爆左我估計變左”菲滋” . 但我找不到它在那裡, 因為好入面的.. 我而家講野食野都有影響, 我已經飲了數天黑豆+黃豆水, 都沒有好轉..請問有咩方法會快一點好返..?
Tif:
關於飛滋問題,已在[私人回應]中作回覆.是用天冬,麥冬,玄參各3錢煲粥或煲水代茶飲.
芳姐你好!
謝謝你的分享,
現再請教你,
有朋友患有坐骨神經痛,
請問有什麼食療/湯水可減輕病情,
謝謝 !
小輝子:
坐骨神經痛,可以試用巴戟4錢,杜仲3錢,肉桂1錢,川牛膝3錢,紅棗6粒煲豬尾骨湯,用6碗水煮成2碗左右,分2次服.連服3~5天.
收到唔該..芳姐
想問藍莓是否要鹽水浸洗
因我平時食開紅梅乾.可否繼續食
訪客:
可以用香附3錢,砂仁3錢,紅棗4粒,生薑2片煲鯽魚湯服.能去胃氣.平日可以用玫瑰花,素馨花各1小撮泡茶來飲,有助健胃化氣.
芳姐
請問您去胃氣的湯水 因為感覺到最近很多胃氣!謝謝!