嬰兒煩躁哭鬧—黑豆安神茶

DSCN2939

  嬰幼兒容易因媽媽懷孕時未能清胎熱,出生後很易煩躁不安,夜睡不寧,哭鬧不休,令身為父母者很擔憂。

  有味「黑豆安神茶」很好用,性質又平和。黑豆性平,功能滋陰補血、明目安神、補益肝腎、養血疏風。配甘草及有清心火、利小便的燈芯草同煮,對小兒夜啼、煩躁不安、嬰兒胎熱驚悸很適合。

  用料是:黑豆5錢,甘草1錢,燈芯草6扎。

  做法:將材料浸洗,用5碗水煮成2碗作開奶茶即成。

  ~ 小貼士:此茶嬰幼兒夜睡不寧可服,對小兒或成人心、胃火盛,口舌生瘡都有幫助,黑豆用量宜加倍。

174 comments »

  1. Juliana said,
    19 4 月, 2023 @ 4:37 下午

    芳姐妳好,
    若冇燈芯草,可用雪梨乾代替否?
    謝謝🙏🏻

    • 芳姐 said,
      19 4 月, 2023 @ 8:15 下午

      Juliana:
      如無燈芯草,改用百合5錢好些,因為百合有清心安神作用.

  2. 蘇太 said,
    11 4 月, 2022 @ 9:29 上午

    芳姐您好。請您賜教如何舒緩3週多的幼嬰脹氣? 餵奶粉之後脹氣更加嚴重。 勞煩您。

    • 芳姐 said,
      11 4 月, 2022 @ 10:57 上午

      蘇太:
      你可以在兩餐中間替BB輕輕按摩肚仔,順時鐘方向輕按,有助將脹氣排走.

  3. kk said,
    15 10 月, 2021 @ 1:28 下午

    妳好芳姐!
    請問6個月大bb可否飲用此茶?bb每到夜晚用很長時間才入睡,身上出熱痱可否飲用?
    謝謝!

    • 芳姐 said,
      15 10 月, 2021 @ 7:37 下午

      KK:
      6個月BB可以飲此茶.生熱痱可用洗淨的黃瓜切片,幫BB塗患處,一日2~3次,有助消熱痱.

      • kk said,
        16 10 月, 2021 @ 12:19 上午

        請問用黃瓜塗患處後,要不要再用清水抹乾淨?用後可否再塗熱痱水?

        謝謝芳姐!

        • 芳姐 said,
          16 10 月, 2021 @ 11:45 上午

          KK:
          青瓜片塗抺後15分鐘可用濕巾抺乾淨.之後可塗熱痱水.

  4. cherry said,
    24 6 月, 2021 @ 2:26 上午

    芳姐,你好👋
    我有兩個小朋友1歲同2歲
    1歲小朋友好食得乜都食,但係脾氣都差,夜晚趴住瞓同喘氣聲有d大。有時會喊,見到佢鼻窿有少少紅。小便都有d黃。
    2歲小朋友好挑食,好多嘢都唔會去嘗試,2歲4個月先身高89cm體重24磅。都係鼻窿紅,夜晚瞓覺有時會喊幾聲。
    請問有什麼食療方法可以幫到小朋友减少唔舒服?謝謝🙏

    • 芳姐 said,
      24 6 月, 2021 @ 3:20 下午

      cherry:
      你試用有芯蓮子1兩,百合1兩,燈芯草8扎,蘆根5錢,蜜棗2粒,6碗水煮1小時成3碗,兩個小朋友一天分服,有助清心火,健脾胃.如鼻塞可用6朵辛夷花泡茶供服.

      • cherry said,
        25 6 月, 2021 @ 1:21 上午

        十分感謝🙏一個星期可服用幾次?再請教飲食方面可多食食物有哪些?

        • 芳姐 said,
          25 6 月, 2021 @ 9:09 上午

          Cherry:
          你先給小朋友連服3劑,如有改善,停2天再服3劑就成.小朋友最重要是飲食營養均衡,以容易消化的鮮魚,豆腐,新鮮蔬果為主要食物,少給零食及過甜,煎炸香脆之食物,以免影響正餐胃口.

  5. Windy said,
    12 10 月, 2020 @ 8:48 上午

    芳姐,

    你好,我個仔4歲半,近幾日半夜總是痰上頸,令他煩躁難睡好,會哭啼,聞到有口氣,請問有什麼簡單湯水可以給他飲?之前飲虎乳靈芝沙參玉竹湯都無幫助

    • 芳姐 said,
      12 10 月, 2020 @ 8:14 下午

      Windy:
      你試用金羅漢果半個,青欖15粒,南北杏1兩,百合1兩煲瘦肉湯,煲2小時,全家可飲,有清熱袪痰,清心安神.連服3劑.

  6. Yan chan said,
    6 10 月, 2020 @ 8:29 下午

    芳姐,我仔仔46日,一個幾月,佢訓得唔好,好淺睡,常常哭醒,有時很忟憎
    請問可以飲咩既湯水?

    • 芳姐 said,
      7 10 月, 2020 @ 6:19 上午

      Yan chan:
      你可以用有芯蓮子5錢,百合5錢,燈芯草6扎煲水飲,然後餵奶,或作開奶茶供BB服.5碗水煮成1碗即成.連服3劑.

      • Yan chan said,
        7 10 月, 2020 @ 7:40 下午

        這個會否很涼?我害怕自己受不了

        • 芳姐 said,
          7 10 月, 2020 @ 8:33 下午

          Yan chan:
          此湯不太寒涼的.有芯蓮子性平的.百合,燈芯草也只微涼.

  7. YuYu said,
    14 9 月, 2020 @ 7:12 上午

    芳姐,你好,BB一個月大,有蠶豆症,面上,背部,頸都有類似暗蒼小粒粒,夜晚又吾肯瞓覺,請問有何辨法?

  8. Yu said,
    14 9 月, 2020 @ 7:12 上午

    芳姐,你好,BB一個月大,有蠶豆症,面上,背部,頸都有類似暗蒼小粒粒,夜晚又吾肯瞓覺,請問有何辨法?

    • 芳姐 said,
      14 9 月, 2020 @ 8:06 上午

      Yu:
      BB可能胎熱未清,如餵人奶,你可以多飲些清潤湯水,如茅根竹蔗紅蘿蔔馬蹄水,蓮子百合燈芯草湯之類,飲完才餵奶,有助清BB熱氣.另外可以用熟香蕉連皮洗淨,剝皮後用白色那面的皮替BB塗擦患處,15分鐘後用濕手巾抺乾就成,一日2次,有助消除暗瘡粒粒.

  9. Lucina said,
    15 7 月, 2020 @ 10:13 上午

    女兒今年七歲小便 黃有咪請問煲什麼湯水畀佢飲
    隻眼有啲籃嘴唇有啲紅
    Thanks

    • 芳姐 said,
      15 7 月, 2020 @ 12:10 下午

      Lucina:
      你可以用蘆根5錢,生薏米1兩,粟米鬚1兩煲水,5碗水煮成2碗供服,連服3劑,有助清熱利尿.眼藍可能風重,少吃甜食及冰凍飲品.

  10. yuko said,
    29 6 月, 2020 @ 10:49 上午

    明白了芳姐!仲想知道這個黑豆茶有沒有幫助呢?
    因為我開刀關係,暫時沒開始進補,我平常飲木瓜章魚通草湯+杞子南棗圓肉焗水飲+紙包飲品有無糖豆漿和黑芝麻鈣思寶,請問哪一款飲品出現問題呢?🤔

    • 芳姐 said,
      29 6 月, 2020 @ 12:37 下午

      yuko:
      你試將圓肉改南棗,因為圓肉較温燥.黑豆茶有助催奶,但亦較温燥,你加兩,三粒切片無花果同泡茶會潤些,又催奶.

  11. yuko said,
    28 6 月, 2020 @ 10:38 下午

    hi 芳姐,想請教一下,我開刀生的bb 現在3周大,全人奶。
    他經常谷紅面仔好似好辛苦咁,瞓教時尤其嚴重,好似瞓唔冧咁,大便正常有屁放,我家人話佢有肚風,我都聽到佢肚仔咕嚕咕嚕。
    請問我可以食咩飲咩(啱開刀),令到人奶幫到bb祛風同冇咁多肚風?
    謝謝你!

    • 芳姐 said,
      29 6 月, 2020 @ 10:25 上午

      yuko:
      你可能飲了補品湯水,令BB燥熱上火,可以在兩餐中間幫BB輕輕按摩肚仔,順時鐘方向按摩,有助袪風.你可以用紫蘇葉3錢,陳皮2個,紅糖適量,4碗水煮15分鐘,一天飲用,飲完半小時餵奶,有助BB袪風.

      • yuko said,
        29 6 月, 2020 @ 10:50 上午

        明白了芳姐!仲想知道這個黑豆茶有沒有幫助呢?
        因為我開刀關係,暫時沒開始進補,我平常飲木瓜章魚通草湯+杞子南棗圓肉焗水飲+紙包飲品有無糖豆漿和黑芝麻鈣思寶,請問哪一款飲品出現問題呢?🤔

  12. 敏敏 said,
    18 3 月, 2020 @ 10:04 下午

    你好芳姐!小兒剛5個月!近日胃口欠佳脾氣大!
    可以煲些甚麼給仔飲?同埋佢有濕疹有咩方法可以舒緩這皮膚問題?謝謝

    • 芳姐 said,
      19 3 月, 2020 @ 1:08 下午

      敏敏:
      你可用白蘿蔔半個,穀芽、麥芽各5錢,5碗水煮成2碗作開奶茶供仔仔飲,有助理氣健脾消食.濕疹會令BB不舒服,所以才覺得仔仔脾氣大,可用白癬皮,地膚子,側柏葉各5錢煲水作外洗劑,煲20分鐘即成,可一天分3次,用藥棉沾藥液塗患處,不用清洗,没太大藥味的,能止癢消疹,連用3天,看能否改善?

  13. Evasoso said,
    17 9 月, 2019 @ 12:51 上午

    芳姐你好,我想請教你,我小朋友9個月大,最近2個月內試過3次便秘,我自己煲開奶茶,佢唔鍾意陣味,唔肯飲,唯有買即沖開奶茶,點知飲完爆濕疹,佢唔太鍾意飲水,我想問可以煲咩比佢飲,等佢便便好d呀?我奶奶聽人講生熟薏米加燈芯花煲,有無用呢?麻煩芳姐你解答🙏

    • 芳姐 said,
      17 9 月, 2019 @ 4:24 下午

      Evasoso:
      你可以去超巿買西梅乾,每次用4粒,加少許涼開水後搗爛供食,有助通便.生熟薏米燈芯草水有清熱袪濕作用,但不能通便,間中飲可以.

      • 匿名訪客 said,
        17 9 月, 2019 @ 7:51 下午

        感謝芳姐,我試下先🙏🙏

  14. Jasmine said,
    16 9 月, 2019 @ 11:51 下午

    芳姐,你好,想請教下,我女兒十個月大,經常半夜四點左右會醒,吵一兩聲,只需比我隻手佢捉住,佢就唔吵,但係佢就係唔瞓,眼光光,有時見佢眼瞓,捉住後有合眼,但都瞓好差。請問有咩湯水可以比佢飲?因為佢好衰架,湯就肯飲,其他除蘋果煲水之外都唔肯飲,佢仲係埋身,一滴奶粉都唔要嗰隻隻🙏🙏

    • 芳姐 said,
      17 9 月, 2019 @ 4:21 下午

      Jasmine:
      你試用蓮子1兩,百合1兩,燈芯草6扎,蜜棗2粒,5碗水煮成碗半供一天服,連服2劑,看能否改善.

  15. Yvonne said,
    2 7 月, 2019 @ 6:39 上午

    小朋友18個月大,半夜常訓訓下叫,差不多每晩多數4點多叫下,睡不安,飲這個可以嗎?飲幾多劑?涼嗎?飲七星茶當天可同時飲用嗎?

    • 芳姐 said,
      2 7 月, 2019 @ 6:45 上午

      Yvonne:
      這款茶不寒涼,BB可以飲3劑,有助安睡.七星茶可隔1~2小時飲.

      • Yvonne said,
        3 7 月, 2019 @ 7:53 上午

        請問黑豆要吾要浸?係咪普通超市就買到?

        • 芳姐 said,
          3 7 月, 2019 @ 10:31 上午

          Yvonne:
          黑豆最好用清水浸1小時,將水倒走才用最佳.青仁黑豆在雜貨店一定有售,超巿間中有青仁黑豆賣,普通黑豆多數有售.

  16. Maggie said,
    23 3 月, 2019 @ 1:44 上午

    芳姐你好,
    小兒一個半月大,半人奶半奶粉餵哺,面上有bb暗瘡, 日夜容易煩躁不安,一半睡眠時間容易驚醒,要抱著睡,大小便無問題,多放屁,但經常在零晨12-2點大便,請問這個食療可改善嗎,聽說可服蓮子水開奶,煩請指教,謝謝🙏🏻

    • 芳姐 said,
      23 3 月, 2019 @ 1:19 下午

      Maggie:
      你可以用有芯蓮子5錢,百合5錢,燈芯草6扎,5碗水煮成2碗作開奶茶,有助清心火,連用2天.多屁可能腸胃消化力弱,可以在兩餐之間幫仔仔輕輕揉肚仔,順時鐘方向搓揉,會有幫助的.

      • Maggie said,
        23 3 月, 2019 @ 8:09 下午

        芳姐,請問這也能改善零晨大便嗎? 零晨大便是否因為熱氣?
        謝謝你 🙏🏻

        • 芳姐 said,
          23 3 月, 2019 @ 8:39 下午

          Maggie:
          你仔仔每天零晨大便可能有些腸胃濕熱,試用雲苓,白朮,扁豆衣煲水作開奶茶,連服2劑,看能否改善?

          • Maggie said,
            24 3 月, 2019 @ 3:55 上午

            多謝芳姐🙏🏻請問材料份量應該多少?

          • 芳姐 said,
            24 3 月, 2019 @ 7:51 上午

            Maggie:
            每樣材料用3錢就夠.

          • Maggie said,
            25 3 月, 2019 @ 12:19 上午

            請問芳姐, 要用多少碗水煮成多少碗開奶茶? 謝謝你😊

          • 芳姐 said,
            25 3 月, 2019 @ 12:44 下午

            Maggie:
            4碗水煮半小時成1碗半作開奶茶.

  17. Yuki said,
    8 3 月, 2019 @ 10:42 下午

    芳姐你好
    女兒十個月大,半人奶半奶粉餵哺,最近有口氣、尿黃現象,而最近又飲奶粉比較多,不知道是否熱氣上火呢?請問有何食療可改善,謝謝🙏🏻

    • 芳姐 said,
      9 3 月, 2019 @ 4:59 下午

      Yuki:
      奶粉可能有點熱氣,可以用蘆根3錢,生薏米1兩,雪梨1個,去核煲水餵服,大人,BB一齊飲.很平和的,此茶打防疫針前都可以連服2~3劑,可減少不適症狀.

      • Yuki said,
        10 3 月, 2019 @ 8:39 上午

        芳姐,仲想請問幾多碗水煲埋一碗呢?謝謝你

  18. 匿名訪客 said,
    5 11 月, 2018 @ 2:49 下午

    芳姐你好,我跟你煲左燈芯草蓮子蓮心比bb 飲,連續飲了三日,但過了兩天,bb 瞓覺又變番不斷大喊,我睇過你講最好飲五日先可以清心火,咁我應該再一次煲連續五日還是煲多兩次就可以呢?這款水是否可以連續飲五日?謝謝解答。

  19. Elaine said,
    27 10 月, 2018 @ 12:31 上午

    芳姐你好,我仔仔出世20日大,面,身頸都有好多暗瘡仔,食人奶,可以飲這茶嗎?比佢飲得嗎?還是我飲左,係人奶到都有幫助,謝謝

  20. Ryan said,
    13 10 月, 2018 @ 3:32 下午

    你好,芳姐,小女一歲半,有咳及痰,可用此湯嗎?

    • 芳姐 said,
      13 10 月, 2018 @ 5:52 下午

      Ryan:
      你可以用蘇子,萊菔子各3錢入茶包袋煲瘦肉粥供囡囡食,能袪痰止咳,連服2~3劑.

  21. said,
    21 5 月, 2018 @ 10:16 上午

    芳姐你好,我女都差不多兩歲,最近晚上九至十點才訓,五點就起身,日頭合共都只訓兩小時左右,有冇湯水可以等佢訓得好啲,食得唔多但好瘦,仲未有20磅

    • 芳姐 said,
      21 5 月, 2018 @ 11:48 上午

      文:
      你試用有芯蓮子1兩,百合1兩,燈芯草6扎,5碗水煮成2碗供一天服,連服3~4劑,有助清心安神,健脾.

      • said,
        21 6 月, 2018 @ 11:55 上午

        芳姐你好, 謝謝你的回答, 請問一般在樓上買的湘蓮子係咪即係有芯蓮子? 還是要買鮮的?

        • said,
          21 6 月, 2018 @ 11:58 上午

          另外, 如果我用燉盅來燉可以嗎?

          • 芳姐 said,
            21 6 月, 2018 @ 3:23 下午

            文:
            有芯蓮子是整粒的,你要問中藥店,講明是有芯蓮子才成.開邊蓮子多數去了芯.可以燉服.

      • said,
        21 6 月, 2018 @ 3:34 下午

        好的, 謝謝你, 芳姐

        • said,
          21 6 月, 2018 @ 3:46 下午

          唔好意思, 仲想問是否燉2.5小時左右?

          • 芳姐 said,
            21 6 月, 2018 @ 5:14 下午

            文:
            一般燉2小時差不多了.

          • said,
            21 6 月, 2018 @ 5:40 下午

            芳姐, 非常感謝你呀

  22. 曾太 said,
    13 3 月, 2018 @ 7:31 上午

    芳姐,BB 7星期大,餵人奶,胃仔細小,開奶茶的意思是在每次食奶前餵適量嗎? 因兩碗水的分量比一餐飲的奶好像還多。

    又是否可以經母乳過給BB?對我的身體有影響嗎? 我這幾天在飲黨參無花果海參響螺冬蟲草燉雞湯,會否太燥熱影響BB?

    感謝

    • 芳姐 said,
      13 3 月, 2018 @ 9:28 上午

      曾太:
      你餵人奶,開始茶你可以餵奶前1小時飲用,有幫助的.BB都可以餵幾口的,没問題.哺乳媽媽如進食有補益作用的藥材湯,最好餵完奶才飲,就不太會影響BB了.

  23. Joyce said,
    4 3 月, 2018 @ 7:36 上午

    芳姐,不好意思又要麻煩你,我BB2個半月大食人奶,有7天未呵大便(平時是4至5天排一次大便),放的屁好臭。
    我有帮佢按摩肚仔, 有什麼方法和食療可帮BB容易排便?

    • 芳姐 said,
      4 3 月, 2018 @ 8:55 上午

      Joyce:
      有些BB腸蠕動較慢,你都要繼續在兩餐之間幫BB搓揉肚仔,順時鐘方向搓.如7天未大便建議去看醫生.因為BB得2個月,否則可餵些西梅醬汁供服,有助排便.

  24. Joyce said,
    18 2 月, 2018 @ 12:18 下午

    芳姐,你好,我的BB已餵人奶兩個月了,但發覺她經常要抱着才肯入睡,每當放在牀上便很快醒來,且日間睡眠醒來的次數很頻密,請問有何辦法。

    • Joyce said,
      18 2 月, 2018 @ 12:34 下午

      补充:芳姐,BB睡得不好常常梦中惊醒,可否饮此款黑豆茶?

      • 芳姐 said,
        18 2 月, 2018 @ 12:38 下午

        Joyce:
        BB入睡後醒來試不要抱起,只輕拍BB安撫,當然要看是否尿片濕了,或肚子餓?排除這方面就要誘導BB安睡,要硬住心腸不要抱.可試用此茶.

        • Joyce said,
          18 2 月, 2018 @ 2:57 下午

          谢谢芳姐回复!

        • Joyce said,
          21 2 月, 2018 @ 12:43 下午

          非常感謝芳姐,BB饮了黑豆茶睡眠好很多,2個月多的BB一星期可以饮几次?

          • 芳姐 said,
            21 2 月, 2018 @ 1:10 下午

            Joyce:
            BB飲了黑豆水有改善,可一星期飲3劑,症狀好就停.

  25. elaine said,
    10 1 月, 2018 @ 3:08 下午

    7個半月人奶BB,一晚醒六,七次,成日訓唔冧,日頭訓好少,可以飲此茶?

    • 芳姐 said,
      10 1 月, 2018 @ 7:53 下午

      elaine:
      你試用有芯蓮子1兩,燈芯草6扎,百合5錢,5碗水煮成碗半供一天服,連服3劑.

      • Elaine said,
        14 1 月, 2018 @ 6:01 下午

        我小兒飲左睡眠改善,訓冧左,醒少左,請問平時可以一星期可以飲幾次

        • 芳姐 said,
          14 1 月, 2018 @ 7:47 下午

          Elaine:
          一星期2劑可作保健茶飲,症狀完全改善就停服.

          • Joyce said,
            1 2 月, 2018 @ 12:21 下午

            芳姐你好,請問這茶會很涼嗎?也是可以當開奶茶嗎?謝謝

          • Joyce said,
            1 2 月, 2018 @ 1:27 下午

            請問6扎是多重?謝謝!

          • 芳姐 said,
            1 2 月, 2018 @ 5:47 下午

            Joyce:
            此茶不寒涼.6扎我没有秤過,大約4~5克吧?

          • Joyce said,
            1 2 月, 2018 @ 7:20 下午

            謝謝芳姐。請問黑豆要炒過的嗎?

          • 芳姐 said,
            1 2 月, 2018 @ 7:38 下午

            Joyce:
            黑豆煲就不用炒,如泡茶飲就必須炒至夠熟才成.

          • Joyce said,
            1 2 月, 2018 @ 11:22 下午

            我在台灣沒賣一扎扎的燈芯草。買了2克而已,量看起來比您的圖多很多,大概像這樣:http://blog.livedoor.jp/yame_tesigoto/archives/2817707.html .如果4,5克就兩倍多了。而且它看起來跟您的不太一樣,還是我買錯嗎?

          • 芳姐 said,
            2 2 月, 2018 @ 12:35 下午

            Joyce:
            我没有秤過,燈芯草很輕秤的,所以通常我用6扎供網友參考,可能是2克未定,因手頭没有燈芯草故提供不到數據.燈芯草可以不是一扎扎,只要你見到有草,有條燈芯樣的東西應該是這種草了.

  26. 竣媽 said,
    21 12 月, 2017 @ 3:45 下午

    小兒蠶豆症,可以飲嗎?是否不可飲甘草的?

  27. hyyi said,
    14 10 月, 2017 @ 4:08 下午

    芳姐!我小朋友兩歲五個月呢個星期都發夢驚醒大喊!係咪都可以飲此湯?
    同埋呢兩日有幾聲乾咳可以點做?謝謝

    • 芳姐 said,
      14 10 月, 2017 @ 7:55 下午

      hyyi:
      你家小朋友可以飲此湯,或加5錢百合同煮,有助清心安神,潤肺燥.

  28. Hyyi said,
    14 10 月, 2017 @ 4:03 下午

    芳姐!我小朋友兩歲五個月佢成個星期夜晚都發夢醒跟住勁喊!係咪都可飲哩個湯

  29. 陳太 said,
    8 9 月, 2017 @ 11:34 下午

    唔好意思呀芳姐我講漏咗 佢仲有濕疹請問都可以飲呢個茶嗎?

    • 芳姐 said,
      9 9 月, 2017 @ 7:02 上午

      陳太:
      有濕疹都可以飲.加黑豆1兩,甘草2錢同煮有助解毒消疹.

  30. 芳姐 said,
    8 9 月, 2017 @ 8:47 下午

    陳太:
    你試用麥米1兩,茯神5錢,圓肉3錢,百合1兩,燈芯草3錢,冰糖適量,7碗水煮成3~4碗,小朋友一天分服2碗.連服3劑.

    • Bee said,
      4 1 月, 2018 @ 11:16 下午

      芳姐,我仔13個月大,可以用此材料煲俾佢飲嗎?又係成日都喊,好似嚇親咁。

      • 芳姐 said,
        5 1 月, 2018 @ 1:48 下午

        Bee:
        可以煲此湯給嬰幼兒,連服3劑,看能否改善?

        • Bee said,
          5 1 月, 2018 @ 11:35 下午

          多謝芳姐!我可以平時當開奶茶每星期煲一次俾阿仔飲嗎?

          • 芳姐 said,
            6 1 月, 2018 @ 10:14 上午

            Bee:
            你可以用此茶作開奶茶供仔仔飲,一星期2劑,症狀改善就停.

  31. 陳太 said,
    8 9 月, 2017 @ 3:58 下午

    芳姐你好: 我小朋友差唔多兩歲 早前喺公園跌親 可能吓一吓而家日日都喊 夜晚瞓覺都喊醒 出街又要抱住先得 請問有啲咩可以煲畀佢飲畀佢定一定驚 多謝!

Leave a Comment