By 芳姐 ( 22 3 月, 2010 at 6:55 上午)
· Filed under 外感/頭痛/呼吸道病
流感高峰期又至,食物及衛生局預料,未來數周本港將面對新型流感,乙型流感及呼吸道合胞病毒夾擊,令疫情再上升.為防患於未然,主婦們在日常餐頭湯餸中不妨多用生薑,蒜頭,葱白,芫荽這類有發汗解表,並有殺菌,抗病毒功效的食材
感冒初起時,可以馬上泡杯生薑黑糖紅茶,趁熱飲,然後上床休息,藉流汗來排泄廢物,或袪走病毒,使血液淨化.這是一味簡單易做的防治流感食療.如果患者平素體虛,可以加幾粒南棗同泡茶飲,能增强身體免疫力.
生薑可以用拇指大小,磨成蓉泡茶最理想,切片來煮亦不錯,與紅茶,黑糖加水滾三,兩分鐘即成.(幼兒就無需用紅茶包,加南棗就可以.)
用料是: 生薑5片(或磨成蓉),紅茶包1包,黑糖2茶匙,南棗3粒.
做法: 將薑蓉,紅茶包,南棗,黑糖放入煲內,用碗半水滾約5分鐘,趁温熱服.
~ 小貼士: 黑糖能補血養氣;南棗較紅棗更能養陰補血,很適合老人家及小朋友服用.趁温熱飲此茶,渾身冒汗,人會感到很舒暢.此茶對女性周期不適,經痛等同樣有療效.
Permalink
芳姐,
小兒四歳,患支氣管炎,日頭咳多,睡覺冇乜咳, 流清涕。現食繄西藥,醫生說要戒湯水。如果是一些溫和藥湯應該不怕的?你有什麼食療介紹讓他快點好起來?謝謝
Sally
Sally:
你試用川貝未2錢,蘋果1個,去皮去核,2碗水蒸燉半小時,飲時加些少蜜糖,連服3劑,有助止咳.
芳姐,
我屬陰虛內熱體質,一到經期前就易傷風感冒,次次想補身都因為作感冒而補唔到。近日天氣冷又近経期,喉嚨有點「吉吉」地,鼻痕痕,應該是作傷風。係咪唔可以飲冇益嘅湯水?例如當歸係咪唔識得。可以飲咩改善呢?我飲這個 黑糖生薑南棗茶、蔥白豆鼓也不見効。
吳太
打錯字:係咪唔可以飲「補益」嘅湯水?
吳太:
你試用粉葛煲湯,煲粥食亦有功效.不宜用補益湯水.
粉葛對傷風有効?
吳太:
粉葛解表,舒緩肌肉疼痛不適,對傷風,感冒都有幫助.怕寒涼可加陳皮同煮.
芳姐
謝謝教導!
Grace:
感冒期間可以飲糖薑茶,紅棗没發燒可用.
請問坐月其間感冒,可以飲大棗薑茶嗎⋯⋯
芳姐,
不好意思,尋晚買完辛夷花準備今日煲,但小兒已收鼻水,反而有咳聲沙,有似有痰.還可繼續飲嗎?
Cheryl_mama:
冇鼻水就不用辛夷花了,聲沙可以用羅漢果1/4個,胖大海3,4粒,3碗水煮10分鐘供仔仔服.
Cheryl_mama:
你試用辛夷花6朵,生薑3片,葱白3棵,紅糖少許,3碗水煮15分鐘供服,有助解表,收鼻水.連服2劑.
今日開始有黃色鼻涕
芳姐,
小兒不夠兩歲,近日打乞嗤和不停流鼻涕引致鼻塞睡不好,沒有咳,我蒸洋蔥水比佢飲仍不停流,可以飲生薑紅糖水嗎或有其他適合?
kathy:
你可以空腹服糖薑南棗紅茶,一星期2~3次.
芳姐,您好!
請問你這款「糖薑南棗紅茶飲」,本人有子宮肌瘤,平常每星期可以飲用幾多次?早上空腹飲可以嗎?
芳姐,我而家在坐月第五天,但我感冒了!本身生第一胎就好燥,好多食物如薑醋都受不了!我應該先睇中e調理還是怎樣?因為我食了好幾日西藥都好似不行。好煩呀而家!而家無餵人奶,想快點回奶可怎樣做?幫幫我,please
wendy:
你可以用麥芽1兩,陳皮2個煲水代茶服,連服3劑就回奶.感冒未好建議看中醫治理.自己則用蒜子6~8瓣,生薑4,5片,紅糖適量,3碗水煮10分鐘服,有助改善.
如果有脾虛脾虛泄瀉既問題,帶胃氣吾消化,稍進油膩食物則大便次數增多及經常有便意,大便稀瀾,面色暗沉口乾,下巴經常出暗瘡,真係吾知平時飲咩湯水,或者有咩藥療,同堆焗D咩野飲可以係OFFICE飲,想請教一下~薑蜜茶可吾可以飲?或者養陰丸個D可吾可以食?因為我有時候訓覺時有流口水情況,薑蜜怕會上火~~
SOPHIA:
含激素較多者為燕窩,蜂皇漿,雪蛤膏,當歸.有子宮或乳房肌瘤者盡量少服.其餘適量吃没問題.當歸與其他中藥材配合用亦没問題的,醫師開方就最穩陣.
Thank you!
但是我在online 找到
圓肉、红枣、纯阿膠、當歸、燕窩、雪蛤膏、鷄精、靈芝、 蜂皇漿、 月見草等熱性、凝血性 都是含激素成分的食品. 是否真的?
謝謝
SOPHIA:
你可以多用紅菜頭煲湯食用,有補血作用.例如配紅腰豆,紅蘿蔔煲瘦肉湯;或用圓肉10粒,杞子1湯匙泡茶飲,飲茶食圓肉,杞子都補血.黑葡萄乾浸米醋,每天吃1湯匙亦對肌瘤及貧血有益,如嫌太酸,可用甜醋浸食,浸半小時可食.
芳姐你好, 本人有3粒肌瘤, 因長期出血另到貧血,
請問有什麼食物可治貧血但不含激素?
本人不吃牛的.
紅棗是否可補血? 但聽含植物激素?
Thank you
謝謝您
clara:
正南棗現時賣到近200元1斤,可以用黑棗,最好色澤油潤光亮,清潔没有黏手感覺就成.大間老店較可靠,40多元一斤都食得過.太便宜就不要買.
芳姐,您好.
我喺普通藥房買南棗(比黒棗淺少少色的),17蚊一兩(超貴),佢話出面賣幾拾蚊一斤喺黒棗嚟架,並且拾起10數粒南棗搖擺,話有聲响就喺正貨..請問邊度買會平d同埋正宗南棗呢?可否介紹.?
謝謝
KELLY:
可以煮南棗水飲,最好放4,5片北茋,煮半小時,能加快傷口癒合.
剛做完子宮肌瘤切 除手術,可焗籃棗水飲嗎?对傷口會否有影響?
NEUF:
你可以煲個粉葛赤小豆薏米蜜棗瘦肉湯供全家飲,對痛風者都有益.赤小豆不含嘌呤,是唯一痛風患者可以用的豆,有抑制尿酸作用.粉葛對感冒患者最適合,有發汗解表作用.
芳姐,您好!上次你介紹我喝了一個改善濕疹的湯水,我煲了四次,紅點已少出了,舊的也大大減退了,我打算多喝兩次,謝謝您!再想請教,我老父有通風,現在和家姐一齊患感冒,明天家庭日,可否介紹一款全家合適的湯水給我,謝謝!
芳姐
黑木耳+片糖+紅棗6粒同煮, 可唔可以加咪圓肉呀 (因為我買左好多)?? 加幾多粒先唔會上火架??
唔該晒!!
Joyce:
圓肉温補,你試每次用5,6粒,如沒虛火及口乾舌燥情況可以經常用.
芳姐
唔好意思呀,” 黑木耳+片糖+紅棗6粒同煮”, 紅棗使唔使去核呀??
唔該晒!!
Joyce:
紅棗可以無需去核,但濕重人士宜去核才用.
芳姐
真的好感激你的詳細回覆!
芳姐
唔該晒!
片糖改黑糖或紅糖,紅棗轉南棗得唔得呀? 行經時飲唔飲得? 會唔會太涼?
黑糖南棗薑水係咪燥D,唔適合我飲?
THX!
Joyce:
片糖改黑糖更有益.紅棗可改南棗,不會太燥.經來期間都可飲,不會太涼.黑糖南棗薑茶你可以飲,只要薑放少些就不會上火.
芳姐
我每次經期時都好肚痛,中醫話因為我有子宮纖維瘤。你介紹這個湯我飲唔飲得?(因我不能热補又吾食得寒涼野,容易上火,好易喉嚨痛)
唔該晒!
joyce:
由於廻響太多,我不能找到先前介紹給你的湯水.你可以用黑木耳,片糖煲水服,每次大約吃1~2朵黑木耳,5碗水煮成2碗,一天分服.可加紅棗6粒同煮.
芳姐:thank you!周日快乐!
annie lee:
歡迎常來瀏覽!
芳姐:
thank you!我试试。
囝囝有点鼻塞,流鼻涕,白色的~咳嗽早晚都有少少,吃野时顶住顶住,吃得辛苦~有麦茶岩他饮,羅漢果枇杷葉可以吗?
重陽節快樂!
annie lee:
羅漢果枇杷葉可再加龍脷葉杏仁煲水供飲,療效更佳.能化痰止咳.
芳姐:
小朋友合適飲這款茶嗎?囝囝16個月,前二日感冒了,都唔知俾咩他飲。一日後轉為流鼻涕,繼而咳嗽,發燒,有煲羅漢果枇杷葉俾他飲,他唔鍾意飲甜野,只飲左半碗左右,等陣要帶他睇醫生。
煲粥放了塊陳皮和瘦肉,仲可以放D咩呢,他胃口好差唔想吃野,只吃奶。
明日重陽節,祝您節日快樂!
annie lee:
你可以在粥料中加幾粒馬蹄及鮮腐皮1/3張同煮,好味又有營養.馬蹄能清熱化痰.另外不妨滾些芫荽葱生薑魚片水供飲,有助舒緩症狀.
芳姐:我想問問為何有些店舖買$24一斤南棗,有些則買$8一兩?究竟怎樣價錢才合理呢?
Cara
Cara:
在上環一些老店,會寫明南棗的價錢,分1等,2等,3等,價錢不同,其實是大粒,細粒的分別,療效大致相同;而另外有些十元八塊1斤的,會寫明是[馬牙棗].療效當然和南棗有較大差異.分辨的方法:南棗味甜,馬牙棗是酸的.
芳姐,
你好!我有少少感冒流鼻水,但有喉嚨痛,可否飲這個呢?多謝幫忙!
蚊蚊媽媽:
你感冒初起,有喉嚨痛,不宜飲生薑紅茶飲,可以用桑葉,菊花各2錢,薄荷葉1錢沖水焗茶飲,能宣肺清熱,利咽喉.或用大青葉3錢,綠豆5錢,甘草1錢煲水代茶飲.
Rubi:
有很多年輕人經來期間飲凍飲,這樣很容易造成寒凝胞宮,每次來經就會痛.可以用益母草1兩,生薑4片,紅棗6粒,片糖適量煲水代茶飲.來經前一星期飲,連服數天見效.
糖薑茶可平日飲用,來經期間都可以飲的.
芳姐,
小女經期間常有經痛,請問經期間可飲這湯嗎? 還是平日飲才有效.
Thanks
芳姐, 空氣咁差, 有什麼湯水啱一家大小呢兩日飲架, 謝謝!
mabel:
哈哈!我也正在想,空氣質素這樣差,煲點什麼湯水好呢?
髮菜最能理腸除垢,又能清熱化痰,配些馬蹄,眉豆,紅棗煲豬展湯,非常好味,有除塵去垢,清腸胃袪濕之效.可以考慮一下煲這個湯.
芳姐,有子宮肌瘤可飲此茶嗎?
Kelly:
患子宮肌瘤最緊要盡量少吃含雌激素多的食物,如燕窩,雪蛤膏,紫河車(胎盤),及飼養時用了太多激素的家禽及塘魚.
飲此茶没有問題.
好,等我今晚及平時都煲來飲先!可補血,養氣,養陰!
係阿芳姐,我平時夜晚飲茶會睡不著,咁現在我唔落『紅茶包』應該可以嗎? 功效是否一樣呢?
B Team Leader:
很多人夜晚飲茶都會睡不着,如晚上飲就不用紅茶包啦.茶葉含的維生素C等物質能增强抗病能力,不加效力稍遜,但可以調入蜜糖的.待稍温才放入蜜糖,如煮熱則蜜糖中的維生素會被破壞.
芳姐介紹的這個藥膳簡單易做,是風寒感冒的良方。
Noratis:
是啊!此湯對感冒屬風寒最有幫助. 風熱感冒就用銀花綠豆湯,鮮粉葛湯等.流感則用崗梅根甘草湯,大青葉綠豆湯,或黃皮葉湯較好.這些我以前都介紹過. 謝謝你的提點!
芳姐:
請問用片糖代替黑糖可以嗎?
白白:
可以用片糖代替.用蜂蜜也可以.