冠心病調理—沙參玉竹蓮子粟米湯
有些患高脂血症、高血壓、冠心病的人很易出現心慌、失眠多夢、飲食減少、痰多、水腫等情況，不妨多用些平補健胃養心的食材煲湯作調理。
沙參、玉竹能清熱養陰生津，海玉竹更有調和人體氣血運行、降壓、降血糖的功效；配合蓮子、粟米，能調中健胃、利水消腫。對冠心病者很有裨益。
用料是：沙參4錢，海玉竹4錢，蓮子1兩，粟米2支，紅棗6粒，瘦肉半斤。
做法：瘦肉切厚片，出水；粟米去衣切塊；紅棗去核；沙參、海玉竹、蓮子浸洗；全部材料用8碗水煮2小時即可供服。
~ 小貼士：海玉竹可以用玉竹代替。此湯健脾開胃，平補養心，老少可服。但感冒未清者不宜。
芳姐你好，想請問海玉竹是否在菜檔可買？
李:
海玉竹在中藥店有售.
謝謝芳姐, 請問是否貴很多的?
李:
海玉竹較玉竹稍貴,但一般家庭均可負擔的.
芳姐 我爸爸今年76歲 有3高同嚴重冠心病 食緊薄血藥 最近仲食緊抗生素 佢呢幾日係咁咳 咳到面色好差 感覺佢心臟好似承受唔到係咁咳 請問有咩湯水可以幫到佢呀?
芳姐你好!我爸爸今年76歲,有嚴重冠心病糖尿同高血壓高血脂 食緊薄血藥 最近佢係咁咳 咳到面色好差 請問有咩湯水適合佢飲呀?希望可以止到咳。(食緊抗生素)
kayla:
令尊的情況宜看中醫治理,因為咳只是症狀不是疾病,而很多種疾病都會引起咳嗽的,故建議看中醫調理.用川貝3錢,陳皮1塊燉蘋果會有助止咳,連服3~4劑.
唔該芳姐!!!同埋我想問下用鱷魚肉煲湯比佢飲得唔得呀?
kayla:
服完抗生素後,可用白果10粒,去芯,核桃肉1兩,南北杏1兩,鱷魚肉乾2兩煲豬展湯,合家可飲,有助補益肺脾腎,止咳定喘.服抗生素不宜飲補益湯水.
感謝芳姐!!!!等佢食完抗生素就煲俾佢飲!!
芳姐你好
唔好意思成日都要請教你!
仔仔仲有流鼻水同痰咳可以煲咩？ 我記得之前你教我用兩樣材料放入茶袋煲粥，但我唔記得邊兩樣!
同埋你教我煲雲苓白朮扁豆衣各5錢,生薏米1兩,陳皮1塊,雪梨，係咪要冇晒鼻水同咳先飲得架?
謝謝!
多多:
你試用辛夷花3錢入茶包袋泡茶供服,有助收鼻水,連服3劑.雲茯白朮扁豆衣薏米雪梨水有痰有咳,都可以用.
芳姐你好：
你舊帖有講蕁麻疹的食療,我係慢性蕁麻疹已經兩個月, 可否介紹中醫調理? 謝謝!
Cathy:
請用bar頂[聯絡芳姐],我會作私人回應,推介中醫師給你.食療試用黑豆1兩,黑芝麻5錢,黑棗或南棗8粒,6碗水煮成2碗服,飲湯吃些湯料.連服5劑.
謝謝回覆, 我會試下食療… 不過我唔知點解我唔可以在[聯絡芳姐]留言, click 入去得“ permalink” 同“comment off”, 電腦睇同手機睇都一樣…
Cathy:
那你試用fong.healthy.food@gmail.com這個電郵發給我.
芳姐
今早太陽猛烈 9:00-10-00時我在戶外跑步了一小時 現在下午好象有點頭痛 請問我是種暑嗎？有什麼可以煲來飮呢？ 謝謝你！
Shell
Shell:
曬親有點頭痛,泡杯菊花綠茶飲有幫助.菊花1湯匙,綠茶少許,開水焗5分鐘可飲,可沖泡至淡.
芳姐 真感謝你！
之前你教我用白蘿蔔,雪梨,葱白煲比BB飲，飲左2日效果好了少少，之後我仲可以煲啲咩？定係繼續煲呢？我好想幫佢清好個底，然後慢慢調好! Thx!
芳姐，
妳好。經後1星期感到下身刺痛，大便困難，去了少少軟的又想再去，但又去唔到，
不停谷脹痛，數月前做了切除一邊的卵巢手術，現來經的數天卻在切除手術的這邊劇刺痛，睇中醫說濕重，盤腔發炎，飲藥後刺減半，但仍然刺陣痛，西醫說腸風，真是煩，可以飲些甚麼讓便順。十分麻煩，感謝妳。
心:
有些做完手術的人內裡傷口未埋口或裂開,或可能出現腸黏連,一排便就扯住痛,你未必是這類,但要繼續看中醫治理.可試用木香3克,青皮10克,枳殼10克,4碗水煮成1碗服,能預防腸黏連或脹痛,連服3劑,看能否改善?材料在中藥店有售.
芳姐,
有妳真好! 好多謝妳常有問必答, 且十分詳細又細心的提示.
想問就妳回覆提示的 { 試用木香3克,青皮10克,枳殼10克,4碗水煮成1碗服,能預防腸黏連或脹痛,連服3劑 }
寒底可以飲的嗎 ? 身子十分虛弱, 非常怕冷, 4季不離厚薄頸巾的. 再次感謝 !!
心:
木香青皮枳殼寒底人士適合飲.畏寒肢冷,可以用北茋,桂枝各3錢,生薑3片,紅棗6粒,去核,5碗水煮成2碗服,連服4~5劑,看能否改善?平時可以用肉桂粉,灑些少入麥皮,熱湯,熱粥中服,能温暖陽氣.
芳姐您好，
小孩八歳懷疑手足口,現在發燒,家中還有6歳11歳小朋友，相信都好難避免，請問有什麼湯水可以給另外兩小孩呢和家人飲呢？謝謝
芳姐，
患上口腔炎已10日，服了西醫6日但仍未見好轉， 嘴唇和口腔常感到痛，請問每什麼食療可幫助回復？
B:
你試用玄參,麥冬各3錢,羅漢果1/4個,4碗水煮成2碗服,連服3劑會有幫助.另外不妨煲些皮蛋鹹瘦肉粥食亦能清熱降火.
芳姐；
請問胃氣多，食物難消化，是什麽原因，有何方法解決呢？
謝謝！
JJ:
胃氣多可能是脾胃虛弱,也可能是肝氣不舒,肝氣犯胃,可以用[香砂養胃片/丸],食用一瓶可改善.裕華或華潤堂有售.
芳姐，你好!
小朋友11個半月大，尋晚突然發燒39度
今天退了燒，但有鼻涕同痰咳，每次打噴嚏都多鼻涕長流同有點杰， 之前感冒已經食了一星期西藥，所以唔想再比西藥佢食! 所以請教一下可以煲咩來治理?
多多:
你試用白蘿蔔半個,雪梨1個,去核,葱白3,4棵,4碗水煮成碗半,葱白後下,供小朋友一天服,連服2劑,看能否改善?
謝謝回覆!
可以用它沖奶和煲粥嗎？
芳姐，你教我用白蘿蔔,雪梨,葱白煲比BB飲，飲左2日效果好了少少，之後我仲可以煲啲咩？定係繼續煲呢？我好想幫佢清好啲感冒，謝謝!
多多:
蘿蔔葱白水很平和又有益,煲多一兩次没問題.可以用雲苓白朮扁豆衣各5錢,生薏米1兩,陳皮1塊,雪梨2個,去核煲水供全家飲,感冒差不多好飲有助清熱去濕,清臟腑熱.
芳姐，
用幾碗水去煲同煲幾耐呀？
可唔可以放瘦肉一齊煲呢？
芳姐
您好! 我BB 21個月大，昨天開始不停咳嗽，今天除了不停咳嗽，聽到有痰聲，還有發燒，請問有什麼有效食療醫治呢？謝謝
心急人:
你試用洋葱1個,蒜子3,4粒,3碗水煮成碗半供BB一天服,看能否改善?如燒不退要看醫生.
芳姐您好:
本人患有甲亢，西醫叫我不要吃中藥材，是真的嗎？
請指教有什麼食療可幫助呢？謝謝
fai:
甲亢其實中醫可以治好,但治療需時,藥費一點不便宜!西醫叫你不要吃中藥材,可能拍影響驗血的甲亢指數,因為指數不準確醫生用藥就未必準.待服藥後甲亢指數穩定了才用中藥食療較理想.
芳姐, 你好! 最近成日感覺好眼訓同皮膚和口都好乾有眼膠, 昨晚睡到半夜幾隻手指拿位好痕到醒左, 塗藥膏止痕癢. 是否濕熱??如不受得寒涼, 可飲些什麼?謝!
小明:
你試用雲苓,白朮,扁豆衣各3錢,菊花3錢,銀花3錢,5碗水煮成2碗服,連服3劑,有助健脾去濕,止癢,清熱明目.
芳姐你好：
请问花旗参麦冬各放多少呢？是泡茶还是煮呢？
訪客:
花旗參,麥冬各放1湯匙.用開水沖泡就成.
您好！我先生做紮鐵，每日狂飲冰凍飲品，有冇消暑飲品或消暑去寒去濕湯水介紹。
Sze:
你先生飲太多凍飲脾胃功能必定差,建議你用洛神花3~4朵,甘草3,4片入茶包袋供你先生帶回地盤泡茶服,如你在家可以加兩片檸檬煮5分鐘,待涼入壼中供他帶回工作地方飲,很清熱消暑的.但最好是玻璃壼,金屬壼酸性物質不宜.上環皇后大道西149~162號一帶有炒過的荷葉茶賣,10元1兩,用來沖泡非常清香好味,能消暑解熱,可以入1湯匙入茶包袋,供你先生帶去工地泡來飲,或在家中煮5分鐘待涼給你帶工地飲.
芳姐，你好！不知是否經期前問題！不過本身脾胃血氣比較虛！今晚晚餐只吃冬瓜蕃薯葉同魚!應該無關糸嗎！肚脹好多胃氣好像頂口！口乾有放氣！可以怎麼舒緩?同有時工作太急也有出現胃氣！之前看中醫話我脾差心血少！但成日循環吃中藥好一回有時這樣！可怎樣調理?謝謝！
Fan:
冬瓜番薯葉皆寒涼之品,你可能體質偏寒,故不太適合.可以用佛手,陳皮各2錢泡茶飲,有助舒緩.另外不妨用百香果1個,蜜糖少許,綠茶包一個泡茶服,對胃氣脹有幫助,每日1劑,可沖泡2杯.
芳姐，你好!
我兩個小朋友(3歲同11個月)啱啱感冒完，但仲有痰咳同鼻水
可以煲乜野可以治到呢？
多多:
你可以滾些絲瓜肉片湯供小朋友服,加3~4片薑.絲瓜能袪痰,生薑解表.
芳姐，你好！媽媽今天嘴周邊敏感去睇西醫！不知是否天氣太熱！下午說有點暈量血壓96扁底！本身有糖年當年！今年開始先吃血壓藥！但7月先覆診！可怎麼辦？飲些什麼？謝謝！
kelly:
口周圍敏感可能受了疱疹病毒感染都未定,可以煲些鮮茅根紅蘿蔔馬蹄水清清熱,不用加糖.血壓低可以用黨參,北茋各3錢剪碎,杞子1湯匙泡茶服,能降血糖,補氣升血壓.
芳姐你好！經常經痛，有冇食療湯水可以幫助。謝謝芳姐
芳姐，
你好！請問黃岐和北岐有什麽分別，可以焗水飲嗎？
謝謝！
jj:
黃蓍即北蓍,可剪碎泡茶飲.
芳姐你好：
最近口腔顶部很黄，喉咙不痛但感觉干，舌头觉得“嚡十十”。我是否热气呢？请问有什么汤水适合我呢？（我因为失眠正在服用酸枣仁汤已一个多月：酸枣仁，柏子仁，㐲神，百合，红枣，圆肉）
谢谢芳姐
訪客:
你可能有點濕熱,暫時不要放圓肉,紅棗,會較燥,改用南棗6粒就成.可以泡些花旗參麥冬水來飲.
谢谢芳姐回复！
请问花旗参麦冬各放多少呢？
我在国外，好像无南枣卖。如果找不到，可以用什么代替呢？还有，枣仁汤可以喝多久呢？
訪客:
花旗參麥冬各放1湯匙.無南棗放杞子半湯匙就成.棗仁湯可一星期2~3次,症狀好就停.
請問g6pd可以食
赤小扁豆嗎？謝謝
訪客:
蠶豆症人士可以吃赤小豆,但我建議扁豆,大花豆類的豆最好少吃,因為和蠶豆有點相似.