By 芳姐 ( 14 3 月, 2018 at 1:25 下午)
· Filed under 外感/頭痛/呼吸道病
早前見街巿有流動小販專替顧客將果仁、芝麻等材料磨成粉,我買了一些即磨的核桃仁粉,閒時沖些來飲,實行補腎健腦,因為核桃富含的磷,對腦神經有良好作用。此外,核桃有補腎固精、益肺定喘等功用,對腎虛喘嗽、腰痛膝軟、陽痿、遺精、小便頻數、大便燥結等都很有幫助。
用核桃仁粉配山楂同泡茶,對肺腎虛弱,咳嗽、氣喘、胃納欠佳、面色蒼白、腰膝酸軟很有裨益。
用料是:山楂2湯匙,核桃仁粉1湯匙,蜜糖少許。
做法:山楂放入壼內,用開水先沖洗一次,注入開水,焗5分鐘,加入核桃仁粉,調勻加蜜糖即可飲用。
~ 小貼士:如用整粒核桃仁,泡茶後要連核桃都吃了才有益。此茶對心血管毛病者亦很有益,但肺熱咳喘,舌紅,痰黃者,以及孕婦不適宜飲用。
Permalink
芳姐你好、想問下咳左半個月、依家仲係有痰在喉嚨、感覺黏住喉嚨,咳極都有、有咩可以幫助去痰?謝謝你
Nana:
你可用法夏,茯苓,白朮各3錢,陳皮2錢,甘草1錢,5碗水煮成2碗服,連服3劑,應可清痰.
不好意思芳姐:
更正 是(杰杰的白色的痰)
謝謝!
芳姐早晨:
喉嚨痛後,中西醫生看過後,
仍然喉嚨一痕,就咳過不停,
尤其是躺在床上,
還有吐出少許綠色的痰和有(杰杰的白色的
瘐) 感謝芳姐的幫助!
19號:
你試用羅漢果半個,胖大海3錢,板藍根3錢,陳皮1個,4碗水煮成2碗服,連服3劑,有助消炎,化痰,利咽.
芳姐:
你好,請問兩歲小朋友可以飲用杞子水或黑豆水嗎?還可焗啲咩當水飲呢?謝謝
訪客:
小朋友可以飲杞子,黑豆水,三棗茶亦佳,但一星期2次就夠.
芳姐
你好!兒子剛做完割盲腸微創手術。他進食後一會兒,
仍有不適感。想請教有甚麽食療或湯水可協助復原呢?
有勞芳姐呀。
毛毛上
芳姐,
早晨! 囡囡14個月, 一向都瞓得唔好, 有煲過黑豆安神茶及蓮子百合麥冬茶都無改善。 琴晚再次煲蓮子百合麥冬粥,食完琴晚反而成晚眼光光轉來轉去, 請問仲有無其他方法可以試呢?
訪客:
你試用蓮子連芯1兩,百合1兩,燈芯草6扎煲水供囡囡飲,日間不要讓她睡太多,晚上那頓要餵得夠飽,否則囡囡夜晚肚子餓就不肯睡.
我明天試。 謝謝芳姐!
芳姐,
佢成日夜晚瞓覺時會翹高patpat瞓, 會唔會係有肚風呢?
訪客:
可以幫囡囡在兩餐之間輕輕搓揉肚仔,順時鐘方向搓揉,有助去肚風.
芳姐:
媽媽前排感冒吃太多西藥. 個日好散好累. 同本身有糖尿和近年血壓高踩界. 之後可以食多什麼調理身體?
謝謝!
Sandy:
你可以用粉葛1斤,赤小豆,生薏米各1兩,茯苓5錢,陳皮1個,煲瘦肉湯,對糖尿,高血壓者有益.煲2小時,全家可飲.
芳姐:早晨!我早幾日感冒冇發燒,現時嘅 症狀就係咳,呼吸時明顯覺得有痰,但咳嗽時好辛苦先咳出來,係好少痰(黃色),喉嚨咳到損着好痛,跟住用電筒照喉嚨處淋巴腫曬,我一味覺得的痰好似黐住係右邊扁桃體處。喂緊母乳,感冒之前經常唔夠瞓同夜瞓,虛火好勁。求芳姐賜良方🙏🏻謝謝😘
譚太:
你試用法夏,茯苓,白朮各3錢,陳皮2錢,甘草1錢,5碗水煮成2碗服,連服3劑,有助袪痰.餵完奶才飲.
芳姐:
你好!最近覺口氣嘴唇感覺熱!是否胃火定肝火?大便爛!但不受涼!有什麼食療幫助下?謝謝!
Yan:
你可用雲苓,白朮,扁豆衣,澤瀉各3錢,淮山1兩,蜜棗2粒,5碗水煮成2碗服,有助健脾袪濕,改善口氣.
芳姐:
您好!请问一下你教的鼻炎药疗(辛荑花,苍耳子和灵芝)可以加蜜枣一齐煲吗?苍耳用不用打碎?谢谢你抽空回复
樂樂:
可以加蜜棗2粒同煮,蒼耳子不用打碎.
芳姐:
如果脾胃虛容易胃氣脹是否不能飲黑豆茶?如只飲水不食豆可以嗎?謝!
MAY:
只飲水應該較佳,你可以加一個陳皮同煮,陳皮化胃氣.
芳姐好,我有一個朋友,她患上牛皮癬,雖不嚴重,但也不輕,有看西醫及中醫,但都不好,請問有食療能解決嗎?謝謝 !
儀妹:
牛皮癬是自身免疫功能出問題,要耐心治理.可用韭菜,蒜頭各30克,搗爛,用力擦患處,每日1次,連用4~5天,看效果如何?