氣管敏感咳—枇杷沙參杏仁茶

  每年三、四月枇杷就上巿,枇杷大約可分為紅沙枇杷和白沙枇杷二種,一般巿面見到的都是紅沙枇杷,多年前曾經吃過一次白沙枇杷,圓圓的,皮色淺黃,却清甜到不得了,至今未吃過如此甜美的枇杷﹗

  枇杷肉質細嫩,營養豐富,含多種維生素、礦物質,具潤肺止咳、幫助消化、保護視力、保護皮膚、促進兒童生長發育的功用,其所含維生素B17,更有防癌抗癌功效。

  「枇杷沙參杏仁茶」有潤肺止咳、清熱養陰功效。對肺熱咳嗽、氣管敏感咽癢咳喇及老年咳喘都有幫助。

  用料是:枇杷6~8粒,沙參5錢,南北杏1兩,冰糖少許。

  做法:枇杷去皮,核拍碎,肉切塊;沙參浸洗;南北杏沖洗;全部材料用4碗半水煮30分鐘成2碗即可供服。

  ~ 小貼士:此茶清潤可口,老少皆宜。枇杷核能袪痰止咳,所以要連核一齊用。但脾虛泄瀉者不宜飲此茶。

106 comments »

  1. Shirley said,
    9 1 月, 2021 @ 5:51 下午

    芳姐你好呀,我c咳咗個半月醫生話我敏感咳,因為我逢親經過啲人食煙,煮飯啲油煙味,天拿水味或者其他好容易令到人咳嘅,我都好想咳,同埋個喉嚨成日都好痕,而且我已經成個甲狀腺切除,請問我可以煲咩飲咩?

    • 芳姐 said,
      9 1 月, 2021 @ 7:36 下午

      Shirley:
      你可用烏梅3粒,菊花1湯匙,甘草5,6片泡茶飲,可沖泡至淡,每日1劑,至症狀好為止.此茶對風咳,敏感咳有效,但要耐心服一段時間.

  2. Angel Leung said,
    16 1 月, 2020 @ 9:20 上午

    芳姐你好,
    我呢個星期不停乾咳,而且晚上更咳到無得訓, 呼吸時喉嚨好似有嘢撩你咁不停咳 ,請問可以飲咩茶同湯水有幫助,因為咳到心口都開始痛了,唔該芳姐🙏

    • 芳姐 said,
      16 1 月, 2020 @ 1:00 下午

      Angel:
      你試用五味子3錢,甘草2錢,桔餅1個,4碗水煮成2碗服,連服3劑,看能否改善?

    • 張靜文 said,
      7 11 月, 2023 @ 7:34 下午

      小兒5歲,早上同訓前咳想問煲咩湯水飲,之前有過氣管炎

      • 芳姐 said,
        7 11 月, 2023 @ 8:14 下午

        張靜文:
        你可用百合1兩,雪梨1個,去核,生薑3片,5碗水煮成2碗供仔仔一天分服,有助潤肺止咳.

        • 張靜文 said,
          8 11 月, 2023 @ 7:06 下午

          我想問下唔煲水,煲湯有咩湯可以?小朋友唔係好飲因為就咁煲水。

          • 芳姐 said,
            8 11 月, 2023 @ 8:28 下午

            張靜文:
            可用百合1兩,雪梨,蘋果各1個,去核,無花果4粒煲瘦肉湯,全家可飲.小朋友一天分服2碗.

          • 張靜文 said,
            8 11 月, 2023 @ 10:34 下午

            想問下每日飲?
            定一星期飲幾多次?
            因為呢2日咳密左,早晚都咳嗽,同埋飲呢個可唔可以食西藥?

          • 芳姐 said,
            9 11 月, 2023 @ 3:30 下午

            張靜文:
            可以一星期3劑,有助潤肺止咳.飲湯和西藥不相沖的.

          • 張靜文 said,
            11 11 月, 2023 @ 8:53 上午

            小朋友有氣管咳有痰,我應該燉咩湯水?

          • 芳姐 said,
            11 11 月, 2023 @ 12:21 下午

            張靜文:
            氣管咳有痰,可以簡單的用川貝末2錢燉雪梨水供服.如無發燒,可用虎乳靈芝4錢,南北杏1兩,淮山1兩,百合1兩,陳皮1個,紅棗5粒燉豬展或雞胸肉湯供服.

          • 張靜文 said,
            11 11 月, 2023 @ 7:08 下午

            想問燉幾多日?早晚咳,中間時間就少啲

          • 芳姐 said,
            11 11 月, 2023 @ 8:13 下午

            張靜文:
            燉3劑,如症狀改善就停.

  3. Sylvia said,
    3 12 月, 2019 @ 8:53 下午

    睇左中醫無乜起色。。想請教芳姐,可以煲/焗咩茶同埋煲咩湯可能改善,謝謝

  4. Sylvia said,
    3 12 月, 2019 @ 8:48 下午

    芳姐,你好,我已咳嗽3個星期,起初是口嚨痛,之後口嚨無痛就咳, 少少痰,有睇過西醫,後來變到氣管敏感咳似的,間唔中就突然口嚨超痕,要大聲咳出來, 咳到眼水都流,想嘔咁, 乾咳咁,但好間唔中有少少痰聲,咳唔出, 又似係困住左裡面。。。想請教

    • 芳姐 said,
      4 12 月, 2019 @ 3:25 下午

      Sylvia:
      你試用烏梅2~3粒,甘草5片,菊花1湯匙,放入壼內,先用開水沖洗1次,再注入開水,焗10分鐘可飲,可沖泡至淡,連服4~5劑.

  5. ying said,
    2 8 月, 2019 @ 2:54 下午

    芳姐你好, 老公咳了一個月, 鼻水倒流咳, 食過抗生素, 類固醇, 打過針, 都依然咳, 照左肺無事
    醫生話氣管敏感居多, 請問飲咩有幫助?
    佢鼻水倒流令到有白痰, 喉嚨痕, 白天/晚上都咳, 訓時好少少, 一起身一定咳
    謝謝

    • 芳姐 said,
      2 8 月, 2019 @ 3:19 下午

      ying:
      你試用桔餅1個切碎,陳皮2錢,辛夷花3錢,4碗水煮成2碗供你先生服,連服3劑.

  6. Jenny said,
    11 11 月, 2018 @ 9:49 下午

    芳姐你好,我老公64岁,去年做过肺微创手术,有糖尿病和高血压,一个礼拜前,不知是感冒戓打完感冒针引起,现在咳嗽,他吃紧10天的消炎药,也吃止咳水。痰没有颜色,且透明水稀稀的,不管怎样咳,痰就是死赖著不岀来,这种卡痰的情形,可以吃什么食物或饮什么化解呢?另外,他可以经常在早上饮羌水吗?谢谢!🙏

    • 芳姐 said,
      12 11 月, 2018 @ 12:33 下午

      Jenny:
      你可用法夏,茯苓,白朮各3錢,陳皮2錢,生薑3片,甘草2錢,5碗水煮成2碗供服,有助袪痰止咳.服西藥後2小時飲.

  7. Sylvia said,
    14 9 月, 2018 @ 8:49 上午

    芳姐你好,我老公感冒之後,宜家氣管敏感咳嗽, 以往經驗,佢要好耐先會好番,想請問宜家可以煲咩湯水/涼茶俾佢飲可舒緩?
    另外,平時飲咩可預防氣管敏感既情況?
    謝謝!!

    • 芳姐 said,
      14 9 月, 2018 @ 8:59 下午

      Sylvia:
      你可用川貝末3錢,蘋果1個,陳皮1個,4碗水煮成2碗服,一星期3~4劑,服兩星期試試.

  8. Wong said,
    7 8 月, 2018 @ 10:51 上午

    芳姐,我感冒左幾日,宜家小左鼻水,不過鼻鳴鳴,坐車,夜晚訓教就會咳到死,心口,背都出好多汗😓 求指教

    • 芳姐 said,
      7 8 月, 2018 @ 8:45 下午

      Wong:
      你試用五味子3錢,甘草2錢,4碗水煮成2碗服,有助歛肺止咳止汗.

  9. Nicole said,
    5 8 月, 2018 @ 4:28 下午

    芳姐,你好!兒子3歲半,每天早上和午覺睡醒,都有咳和鼻萌聲!
    有時訓覺會有一兩聲咳,咳聲聽上去有痰,有叫兒子吐出來,是透明加一小點黃痰!
    跟住全日都無咳無鼻水,都維持了一個多月!試過甘草烏梅菊花水,紅蘿蔔紅棗水
    請問還有什麼方法?謝謝!

    • 芳姐 said,
      5 8 月, 2018 @ 9:22 下午

      Nicole:
      你試用蘇子,萊菔子,辛夷花各3錢入茶包袋,煲瘦肉粥供食,有助收鼻水,化痰止咳.

  10. Mandy Wong said,
    4 8 月, 2018 @ 3:01 下午

    芳姐 我個仔咳 ,口龍癢 ,有鼻水,早晚咳得好勁,食緊 抗生素,氣管敏感,食左6日西醫都難斷咳,停左又咳反,有煲過無花果 陳皮 南北杏水都五得, 枇杷葉之類,鱷魚肉都煲過,都五可以,鼻水多,咳死了。有些談聲!

    • 芳姐 said,
      4 8 月, 2018 @ 3:07 下午

      Mandy:
      你試用烏梅3粒,辛夷花3錢,甘草2錢,菊花1小撮,3碗水煮成1碗供仔仔服,連服3劑,有助袪風止咽癢,收鼻水.

      • Mandy Wong said,
        4 8 月, 2018 @ 3:12 下午

        同西藥隔幾耐,thank you

      • Mandy Wong said,
        6 8 月, 2018 @ 4:08 下午

        多謝芳姐 飲左3日可以改善了,中西合壁,不過,兒子間不時有咳 ,有痰聲,請問可以飲什麼呢?

        • 芳姐 said,
          6 8 月, 2018 @ 7:14 下午

          Mandy:
          可以用川貝末3錢,蘋果1個,去皮去核,陳皮1塊,4碗水煮成2碗供仔仔服,連服幾天應可見效.

  11. Mandy Wong said,
    22 7 月, 2018 @ 8:13 下午

    hi 芳姐 我個仔咳 ,口龍癢 ,無鼻水,不過咳得好勁,早晚咳,氣管敏感,食左6日西醫都難斷咳,停左又咳反,有煲過無花果 陳皮 南北杏水都五得,求救!

    • 芳姐 said,
      22 7 月, 2018 @ 8:48 下午

      Mandy:
      你試用枇杷葉,龍脷葉各5錢,桔餅1個切碎,無花果4粒,陳皮1塊,5碗水煮成2碗供服,連服3劑.

      • Mandy Wong said,
        31 7 月, 2018 @ 11:38 下午

        芳姐試左都五得,一到夜晚就氣管敏感咳,訓左就ok .孩子4歲,可以煲什麼? 川貝?鱷魚肉?,䖬蚧湯?

        • 芳姐 said,
          1 8 月, 2018 @ 12:24 下午

          Mandy:
          試用川貝末2錢,蘋果1個,去核,去皮切塊,冰糖少許,4碗水煮成2碗供一天服,連服3劑,有助止咳.川貝能減少氣管痙攣,研成末易吸收.

          • Mandy Wong said,
            1 8 月, 2018 @ 10:25 下午

            中醫話我兒子寒咳,可以用嗎

          • 芳姐 said,
            2 8 月, 2018 @ 3:14 下午

            Mandy:
            寒咳加一個陳皮同煮.

  12. Miffy said,
    29 6 月, 2018 @ 9:08 下午

    小兒六歲,上星期三因扁桃腺發炎開始發燒,此外影響了淋巴,令淋巴腫脹。服用了七天退燒藥和五天抗生素,於前天(星期三)才退燒。雖然燒已退,但醫生吩咐小兒還需要服用五天抗生素。
    請問
    1.在這時候煲什麼適合他喝?

    • 芳姐 said,
      30 6 月, 2018 @ 2:47 下午

      Miffy:
      服抗生素,可以用生薏米1兩,冰糖少許,5碗水煮成2碗,加入2片鮮檸檬片,焗5分鐘可供服,有助提升抗病能力,又好味.滾些豆腐鮮魚湯;紫菜豆腐肉碎湯都有益.病未好不要吃太補益的湯水.

  13. Shell said,
    9 6 月, 2018 @ 7:37 上午

    芳姐早晨
    小女12歲 一日前有咳有綠黃色啖 飲了羅漢果菊花 現在咳少了 但喉嚨痕 🈶️什麼可以給她喝?謝謝你
    Shell

    • 芳姐 said,
      9 6 月, 2018 @ 2:07 下午

      Shell:
      有黃綠色痰表示有炎症,可用鮮魚腥草2兩,杏仁5錢滾瘦肉湯供服,滾20分鐘成2碗,一天分服.連服3劑,至痰白色為止.

  14. Wenus said,
    24 4 月, 2018 @ 5:47 下午

    你好,芳姐,我由上星期四開始咳到今日,喉嚨痕、有時有痰,日咳同夜咳都有,之前醫生話我支氣管炎,可以煲咩湯飲?

    • 芳姐 said,
      24 4 月, 2018 @ 8:03 下午

      Wenus:
      你試用川貝3錢,蘋果1個,去皮去核切塊,陳皮1個,4碗水煮成2碗服,連服3~4劑,有助化痰止咳.

  15. ocean0970 said,
    16 4 月, 2018 @ 6:18 上午

    芳姐你好:
    這道茶飲枇杷已有甜味,可否不加冰糖呢?謝謝🙏

  16. Apple said,
    15 4 月, 2018 @ 8:38 上午

    芳姐您好,
    我老公之前感冒,宜家連續二星期夜咳,咳醒,有痰,請問可飲什麼湯水,感謝🙏

    • 芳姐 said,
      15 4 月, 2018 @ 8:52 上午

      Apple:
      你試用法夏,茯苓,白朮各3錢,陳皮1個,甘草1錢,生薑3片,5碗水煮成2碗供服,連服3劑,有助袪痰止咳.

  17. lxm2311 said,
    13 4 月, 2018 @ 2:30 下午

    芳姐你好,我仔三歲每天早上訓醒都咳嗽同埋鼻塞,之後成日都冇咳同冇鼻塞,有一個月都是這樣,吃左氣管敏感藥唔得,還有點口臭,應該煲咩湯佢飲較好

    • 芳姐 said,
      13 4 月, 2018 @ 4:49 下午

      lxm2311:
      你試用辛夷花3錢拍碎泡茶供仔仔服,可加蜜糖,有助改善鼻敏感.

  18. Jenny said,
    9 4 月, 2018 @ 9:27 下午

    芳姐,更正以上是20-30ml

  19. Jenny said,
    9 4 月, 2018 @ 9:26 下午

    芳姐求救
    媽咪生完第十日,因乳頭短小,不能埋身,只好泵奶,每次只有二至三ml,今日突然又泵不出,但又谷到痛,有什麼辦法,她每天都會飲魚湯,亦然不夠奶,仲可以煲什麼上奶湯

    • 芳姐 said,
      10 4 月, 2018 @ 9:01 上午

      Jenny:
      每次媽咪泵奶前可用熱毛巾作外敷,然後按摩乳房才泵奶,可減少谷奶又泵不出的情況.可用北茋5錢,通草2錢,王不留行3錢,無花果4粒煲豬展或鮮魚湯供服,有助行氣催奶.可能媽咪氣不夠.

      • Jenny said,
        10 4 月, 2018 @ 4:13 下午

        謝謝芳姐!因為她有咳和鼻水,平常只煲南北杏和百合,北芪煲黑豆水可以嗎?

        • 芳姐 said,
          10 4 月, 2018 @ 5:00 下午

          Jenny:
          南北杏百合,北茋黑豆水可以,加些無花果,有助催奶,又補鈣.

          • Jenny said,
            10 4 月, 2018 @ 6:09 下午

            謝謝芳姐解答!現在媽咪只有一邊有奶,另一邊泵不出,用手就有少許,她已想放棄餵人奶。

  20. Jenny said,
    8 4 月, 2018 @ 7:16 下午

    芳姐你好!
    我媳婦臨生前兩日患傷風感冒,生完日間有咳有鼻水,少許痰,夜晚就好啲,請教一可以飲有什麼湯水?

  21. Jenny said,
    8 4 月, 2018 @ 7:12 下午

    芳姐,你好!
    我媳婦臨生前兩日患感冒,生完日咳少許痰,夜晚就好啲,請教有什麼湯水可以煲?

    • 芳姐 said,
      8 4 月, 2018 @ 8:25 下午

      Jenny:
      你試用川貝末3錢,蘋果1個去皮,去核切塊,陳皮1個,4碗水煮成2碗供服,連服3劑.有助去痰止咳.

      • Jenny said,
        9 4 月, 2018 @ 7:03 下午

        謝謝芳姐。

      • Jenny said,
        10 4 月, 2018 @ 6:13 下午

        今天叫工人買川貝,店員寫回來是平貝,只是50元1両。我都照煲,想問川貝和平貝有什麼分別。

        • 芳姐 said,
          10 4 月, 2018 @ 8:02 下午

          Jenny:
          川貝化痰止咳,有潤肺之功;平貝偏於苦寒,都有化痰止咳功效,長於清火散結.

          • Jenny said,
            11 4 月, 2018 @ 7:04 上午

            芳姐,唔該曬!

          • Jenny said,
            12 4 月, 2018 @ 7:10 上午

            芳姐你好:
            我兒子今年三十五歲,最近咳左一個多月,日間少許咳,夜晚咳得不能睡,他只是乾咳,有試過薑煲黑糖,好似好啲,前兩天看醫生,醫生話可能是哮喘敏感咳,咁可以有什麼湯或茶舒緩,但他在墨爾本住,不能買到要買的東西,希望可以提供意見,謝謝!

  22. Luna said,
    6 4 月, 2018 @ 5:16 下午

    你好芳姐,我女兒兩歲三個月,佢細個每次去睇醫生都係話氣管敏感引起咳睇,加上又有鼻敏感,自從過年時氣管敏感睇醫生,到依家差不多一個月咳好了,但係還未到一個禮拜,又開始咳,開始係的咳無痰無鼻水,過兩日就開始有痰有鼻水,請問有什麼湯水適合佢飲還有什麼湯水可以改善氣管敏感?感謝回覆!

    • 芳姐 said,
      6 4 月, 2018 @ 7:46 下午

      Luna:
      川貝能減少氣管痙攣咳嗽,可用川貝末3錢,蘋果1個,去皮,去核,4碗水煮成2碗供服,冇痰可加少許冰糖.一星期服2~3劑,至症狀改善停止.

  23. Kate said,
    6 4 月, 2018 @ 4:33 下午

    你好,芳姐,我女兒每次咳睇醫生都係因為氣管敏感而引起,有沒有專門針對氣管敏感不是感冒咳的湯水?

    • 芳姐 said,
      6 4 月, 2018 @ 7:44 下午

      Kate:
      你可用川貝末3錢,蘋果1個,去皮,去核,4碗水煮成2碗供1天服,一星期2~3劑,有助改善氣管敏感.川貝能減少氣管痙攣,蘋果有益正氣,如痰不多,可加少許冰糖,好味些.

  24. 匿名訪客 said,
    1 4 月, 2018 @ 7:09 下午

    芳姐你好!女兒1歲,一開始日間流透明鼻水,夜晚有少少咳但冇痰。第二天日間流鼻涕是黃色,夜晚多咳有痰、訓教呼吸不順。請問可以煲什麼湯水給女兒飲?感謝芳姐

    • 芳姐 said,
      1 4 月, 2018 @ 8:19 下午

      訪客:
      你試用辛夷花5朵,蘇子,萊菔子各3錢,入茶包袋煲瘦肉粥供食,有助化痰止咳,收鼻水,連服3劑.隨量食就成.

  25. 匿名訪客 said,
    27 3 月, 2018 @ 11:18 上午

    芳姐妳好!我個仔今年5歲!醫生話他有氣管敏感!喉嚨咳起來話會痕癢!頸位周不時都會出汗!請問可以飲此湯水嗎?唔該晒你

    • 芳姐 said,
      27 3 月, 2018 @ 3:46 下午

      訪客:
      你仔仔氣管敏感,試用橙1個,連皮洗擦乾淨,切開頂部,放少許鹽,用筷子插幾下,放碗中,大火蒸20分鐘,用湯匙壓榨橙汁供服.蒸的鹽橙對敏感咳有幫助.但鮮橙不宜食,會惹痰.

  26. Vinbe said,
    27 3 月, 2018 @ 8:21 上午

    芳姐,
    囡囡1歲9個月,經常好容易喉嚨發炎及傷風,亦好容易受到屋企人傳染。
    最近初起早上咳嗽,後來外遊後變清稀鼻水,有俾羅漢果.枇杷葉.川貝.南北杏佢飲。
    第二日咳嗽開始連晚上也有咳嗽,同埋好多痰音。
    第三日少咗鼻水,但是晚上都有咳嗽,痰音更加多。
    芳姐請問有咩湯水可以適合囡囡飲,感謝。

    • 芳姐 said,
      27 3 月, 2018 @ 3:41 下午

      Vinbe:
      你可用蘇子,萊菔子各3錢入茶包袋煲瘦肉粥供囡囡食,連服3劑,有助袪痰止咳.

  27. said,
    20 3 月, 2018 @ 5:22 下午

    芳姐,

    有子宮腺肌瘤問題, 每月來經到第4, 5日將完就會開始肚谷脹劇痛, 排便好辛苦.

    西醫指子宮腺肌瘤的位置十分貼近腸, 來經內膜異位下壓到腸, 想問可有方法可減痛.

    中西醫(包括港大中大的中醫)都睇了好多, 還不見效. 西醫說只有等收經或打荷爾蒙收經針, 針的副作用也多. 真很煩既又好辛苦!!

    • 芳姐 said,
      20 3 月, 2018 @ 8:48 下午

      心:
      你試暖飲暖食,不要吃生冷寒涼及冰凍冷食,多吃暖宮食物,如用益母草3錢,艾葉3錢,生薑3片,紅糖適量,4碗水煮成2碗服,一星期2劑,來經停服,服一個月,看能否改善?來經腹痛時用暖水袋作外敷,有助舒緩.

      • said,
        22 3 月, 2018 @ 4:01 下午

        芳姐,

        謝謝每次詳細又愛心的回覆!
        戒生冷凍食凍飲已廿幾年, 因為十幾歲就有經痛之苦; 試過暖敷, 越敷越痛,
        真要煩又苦的呢, 醫生有指應該仲有三兩年才收經, 每個月都痛得要命.
        子宮腺肌瘤真好可怕….

        • 芳姐 said,
          22 3 月, 2018 @ 4:53 下午

          心:
          你試每天按壓小腿內側[三陰交]的穴位,左右脚都按,每隻脚按壓5分鐘左右,可以買支按穴位的牛骨或[砭石]小捧按壓,對任何婦科病都有幫助.反正容易處理,試試看.[三陰交]穴位在小腿內側足踝那個圓骨正中對上四隻打橫手指位.你上網查看就知道.

  28. 曦瞳媽媽 said,
    20 3 月, 2018 @ 12:20 下午

    芳姐你好!女兒2歲半已經咳左2個月,睇左幾次醫生都唔好,醫生話佢係氣管敏感咳,仲有好多痰,夜晚瞓覺聽到佢氣管有好多痰聲,所以瞓得唔好會好炆憎,請問可以煲什麼湯水飲呢?感謝!

    • 芳姐 said,
      20 3 月, 2018 @ 8:38 下午

      曦瞳媽媽:
      你可用川貝末3錢,蘋果1個,陳皮1塊,4碗水煮成2碗供一天服,連服3~4劑,對氣管敏感咳有效.

      • 曦瞳媽媽 said,
        22 3 月, 2018 @ 5:26 上午

        川貝末會唔會好苦?青欖桔餅湯又得唔得呢?

        • 芳姐 said,
          22 3 月, 2018 @ 8:20 上午

          曦瞳媽媽:
          川貝末有些少苦.青欖桔餅湯,由於桔餅糖製過,如痰多就放半個至1個.

          • 曦瞳媽媽 said,
            22 3 月, 2018 @ 6:54 下午

            好的..多謝芳姐解答

  29. meimei said,
    20 3 月, 2018 @ 9:45 上午

    芳姐
    你好, 最近經常都口乾口苦, 請問有什麼食療可以幫助改善, 另外女兒經常要加班工作至深夜, 有什麼湯水可以給她服用? 謝謝。

    • 芳姐 said,
      20 3 月, 2018 @ 8:32 下午

      meimei:
      你可以用花旗參,石斛各3錢,雪耳3錢,無花果3粒煲瘦肉或竹絲雞湯服,對改善陰虛火旺,口苦口乾有良效.煲個半鐘,花旗參片後下,焗5分鐘就成.連服3劑.

      • meimei said,
        20 3 月, 2018 @ 9:18 下午

        芳姐
        請問應該用鐵皮石斛還是霍山石斛,兩者有分別嗎?因從未用過這藥材,煩請指教,謝謝。

        • 芳姐 said,
          20 3 月, 2018 @ 9:35 下午

          meimei:
          用一般的藿山石斛就成.如買到新鮮的鐵皮石斛更佳,用6錢.在皇后大道西一帶多間中藥店有售,20元1兩,不太貴.乾品則非常貴.

  30. Alex said,
    19 3 月, 2018 @ 2:46 下午

    小兒一歲五個月,氣管敏感咳咗兩個多月,現在都仲食緊西藥,有啲咩湯水或者茶可以舒緩到!

    • 芳姐 said,
      19 3 月, 2018 @ 4:43 下午

      Alex:
      如果仔仔日間咳多,可以用桔餅1個,枇杷葉5錢,龍脷葉5錢,雪梨1個,去核,4碗水煮成碗半供一天服,連服3劑.如晚上咳多,有痰,可用蘇子,萊菔子,紫蘇葉各3錢,生薑2片滾瘦肉湯供飲.

  31. 匿名訪客 said,
    19 3 月, 2018 @ 2:05 下午

    芳姐:
    你好,小女16歲自小手腳都非常多汗,近日腳板會甩皮同有大陣臭味,請問可㷛咩湯水改善?或有冇藥可浸腳除臭?謝謝解答

  32. said,
    19 3 月, 2018 @ 9:42 上午

    謝謝芳姐解答。

  33. said,
    19 3 月, 2018 @ 8:58 上午

    芳姐,你好,請問冬瓜皮和鮮冬瓜功效是否一樣呢?因我看你食療書都有介紹冬瓜皮,但想問鮮冬瓜能否代替冬瓜皮,謝謝你。

    • 芳姐 said,
      19 3 月, 2018 @ 9:29 上午

      珍:
      冬瓜皮最利尿消腫,對小便不利者最適合.冬瓜籽清熱化痰.如你用新鮮冬瓜,可以連皮,肉及連籽一齊用,用半斤.

  34. Miu said,
    18 3 月, 2018 @ 11:54 上午

    芳姐你好~我係孕婦已家5個月,氣管敏感一直咳左2星期睇左幾次西醫都唔好,夜晚咳得好嚴重,有時咳到有血絲,完全訓唔到,d痰係黃色的,請問可以煲咩湯水?謝謝!

    • 芳姐 said,
      18 3 月, 2018 @ 7:18 下午

      Miu:
      你試用紫蘇葉,麥冬,桔梗各3錢,甘草1錢,3碗水煮成2碗服,睡前2小時服1碗,有助止咳,安胎.紫蘇葉有安胎作用的.服3劑,看能否改善?

  35. May said,
    18 3 月, 2018 @ 11:34 上午

    芳姐你好!女兒4歲,感冒後咳到現在有一個多星期睇了醫生也不見好,鼻涕黃色有痰,喉嚨痛小便也痛,請問可以煲點什麼湯水飲?感謝

    • 芳姐 said,
      18 3 月, 2018 @ 11:41 上午

      May:
      你試用冬瓜皮1兩,蜂蜜少許,先將冬瓜皮用3碗水煮成2碗,飲時加蜜糖調味就成,有助清肺熱,利尿,利咽喉.如小便繼續痛,要看醫生治理.

Leave a Comment