By 芳姐 ( 14 2 月, 2019 at 10:15 下午)
· Filed under 保護視力/耳、鼻、喉疾病, 家常食療
西洋菜當造，很多主婦會用些西洋菜配羅漢果煲湯，有清熱化痰、潤肺止咳及潤腸通便等作用。其實這種家常湯水不但對肺熱痰咳有益，對經常吸煙、飲酒，或深夜要加班工作，容易上火，排毒能力弱及淋巴結炎症患者都非常有益。
中醫認為患者若有炎症，通常是體內有一點熱才會凝結成痰，例如傷風感冒後鼻黏膜的分泌物多，流向喉嚨就會引起痰多咳嗽；脾虛的人喉嚨都會經常有些痰，這是吃下去的食物消化不來而形成痰液；痰若儲在胃裡，人就會想嘔吐，所以用西洋菜加上羅漢果煲湯化痰的功效頗佳。
今次推介的湯品用了金羅漢果，這種脫水後低温烘焙的羅漢果我喜歡它味道清甜，無煙薰味，配西洋菜，無花果煲豬展湯，清甜潤喉，對咽乾舌燥，咀唇乾裂，痰多咳嗽，喉痛聲沙，大便秘結者都有幫助。
用料是：西洋菜半斤，金羅漢果1個，無花果3粒，陳皮1塊，豬展1隻。
做法：西洋菜洗淨；金羅漢果沖洗後弄碎；陳皮浸洗；豬展切開後出水；先將豬展、金羅漢果、無花果、陳皮用10碗水煮至大滾，加入西洋菜，滾起後用中慢火煮2小時即可連湯料同食。
~ 小貼士：西洋菜必須待湯滾才放，否則湯煲好後會有苦澀味。此湯也是治療肺病的理想食療，但孕婦及來經婦女、脾胃虛寒者不宜。
Permalink
芳姐你好！
多數見湯水都是化痰止咳、如果咳嗽冇痰應煲西洋菜/龍脷葉？或那款功效較強？
（注：屋企人病徵冇鼻水少許喉嚨痛、但腸胃差易肚瀉）
JK:
如無痰,煲龍脷葉1兩,金羅漢果半個,雪梨2個,去核,6碗水煮半小時成4碗,全家可飲,有利咽止咳功效.
想問雪梨可否轉蘋果嗎？ 另可加紅蘿蔔/南北杏/瘦肉嗎？謝謝。
JK:
可以改用蘋果,加紅蘿蔔,南北杏及瘦肉亦佳,没問題.
謝謝芳姐！
請問芳姐這個湯可唔可以加紅蘿蔔？
Cat:
可以加紅蘿蔔同煮.
請問做完膝頭換較手術後應該煲咩湯？
Abby:
可以用黨參,北茋各3錢,杜仲,巴戟各5錢,紅棗6粒煲豬骨湯,有助加快康復及健骨.
芳姐，我小朋友只有7個月，開始有點咳（沒有痰，晚上咳更多）,有發燒……款冬花百合蘋果茶適合嗎？
因大仔兩歲也有咳（少許痰），但沒有發燒，本想煲鱷魚肉湯兩個都飲，但不知細仔受唔受得
是 否款冬花茶兩個都適合？謝謝你！
芳姐，我小朋友只有7個月，開始有點咳（沒有痰，晚上咳更多）,有發燒……款冬花百合蘋果茶適合嗎？
因大仔兩歲也有咳（少許痰），但沒有發燒，本想煲鱷魚肉湯兩個都飲，但不知細仔受唔受得
是否款冬花茶兩個都適合？謝謝你！
Janice:
款冬花百合蘋果茶能潤肺止咳,但有燒宜用清熱化痰之品,例如用雪耳,百合,雪梨,蘋果,南北杏煲湯服.或用鮮枇杷葉,鮮龍脷葉,蘋果,南北杏各適量煲湯亦佳.鱷魚肉湯亦温補,有燒不宜飲.
謝謝你！那龍脷葉和款冬花兩種是否七個月的也可以飲？麻煩哂
Janice:
7個月BB飲小半碗就成,不宜過用藥材.龍脷葉湯平和些.
芳姐，
謝謝你！
Cat
點解脾胃虛寒者不宜？係邊樣材料唔適合？
訪客:
西洋菜及金羅漢果都屬寒性食材.
早晨芳姐
我四五天前開始喉嚨痛 有煲些清熱的來舒緩 ， 有試過吃少少成藥。不過後來演變到 聲音 開唔到聲， 開始有些痰喉嚨痕想咳， 直到今天都是 這樣。 請問我可以 煲些什麼 謝謝
Helen
Helen:
你試用金羅漢果1/4個(普通羅漢果亦可以),麥冬3錢,玄參3錢,甘草3片,4碗水煮成2碗服,連服3劑,有助利咽消炎開聲.
芳姐，
之前喉嚨痛開唔到聲 ，食療後把聲好返啲，不過仍然未能正常發聲，但是有啲痰成日想咳，但不辛苦的，痰是透明白色的。 請問我可以 煲些什麼？十分 謝謝
Helen
Helen:
你試用桔餅1個,切碎,陳皮1個,4碗水煮成2碗服,服2劑,如不見效要看醫生.
你好，我做完声帶息肉切除手術，想煲上述湯，因我常有白痰，偶有咳好像塞在肺，我有脾虛所以常有白痰，若想煲這湯可怎樣加減材料，谢
queenie:
你可以煲這款湯,加多個陳皮,及1兩南北杏就不太寒涼.
芳姐，我家姐生完bb都接近一個月，但下體都keep住痛，懷疑順產時傷口撕裂的位置仍未癒合。
睇左醫生食左西藥好了一點，請問有無食療可以幫助一下？謝謝您！
zinean:
你姐姐可用北茋5錢,紅棗6粒,石崇魚或海鱸魚半斤,陳皮1塊煲湯服,連服3劑,有助加快傷口癒合.
芳姐，你好！
我兒子1.2歲，年30晚發燒，跟住睇醫生又住院，確診是甲型流感，跟住都好翻一星期。
但昨日開始又流鼻水+搭噴嚏，昨日少咳嗽。
今日開始多左咳嗽，繼續流鼻水+打噴嚏，無胃口食固體，牛奶就肯飲。
我唔想睇醫生住，想佢用自己抵抗力打低病菌，就比保嬰丹佢食住先。
（佢半歲後都試過2次，我忍唔住，第三日都帶佢睇醫生……）
唔知有無咩湯水食療可以為佢預備？謝謝您芳姐！
Zinean:
你可以用洋葱1個,蒜頭5,6粒拍碎,冰糖少許,3碗水煮成1碗供服,有助抗病.連服2劑.
芳姐你好，
想請教我的一個朋友，她是做護士的，是一位媽媽。
她日頭有痰,咳唔出,夜晚咳,無痰。 請問可以煲些什麼食療幫助呢？ 謝謝
Helen
Helen:
試用法夏,茯苓,白朮各3錢,陳皮2錢,甘草1錢,5碗水煮成2碗服,連服3劑能清痰.
你好，芳姐，我 先生有以下徵狀可以煲啲咩湯療畀佢飲呢？
喉嚨腫，聲沙，有D頭痛，膊頭硬，乾咳，胸口有D重
kayi:
你可用粉葛1斤,金羅漢果1個,薏米1兩,生薑2片,蜜棗2粒煲瘦肉湯,煲夠2小時,全家可飲,你先生一天分服2碗,連服2劑,有助舒緩.
芳姐，請問我朋友有孕11周多，早兩天因子宮有水瘤及卵巢打結，血壓又低，可以有用什麼食療？
早兩天做完手術，傷口很大。
訪客:
你指你朋友已經做了手術?北茋能加快傷口癒合,可重用北茋,用1兩煲瑤柱陳皮粥食.出院後可以用北茋,黨參各5錢,紅棗6粒煲石崇魚或海鱸魚湯飲,一星期2劑,有助深層傷口癒合.
謝謝芳姐，她今天會出院，暫時胎兒應該沒有問題。北茋和黨參是否懷孕也可以食用，另她對抗生素有敏感。🙏
訪客:
胎兒没事最好,北茋可以用,黨參用3錢就夠.
早兩天做手術，傷口很大。
請問呢個湯可以加紅蘿蔔嗎？
訪客:
可以加紅蘿蔔,更好味.
芳姐請問洋甘菊有什麼功效與菊花有什麼分別
訪客:
洋甘菊能清肝明目,抗炎,助安眠,並能舒緩精神緊張及焦慮等;菊花清肝明目,治頭風目眩,及風、火引起的症狀.
芳姐,子宮內膜增生會否危險,可飲什麼湯水
訪客:
子宮內膜增生會影響月經,如來經太多會造成貧血,故要看醫生治理.中醫效果不錯,可以去幾間大學的中醫門診找經驗好的女中醫師看診.
芳姐其實非洲豬事件可否吃豬肉
訪客:
非洲豬事件可以吃豬肉,因為香港品質檢測較嚴格.豬肉一定要煮到夠熟才食.