小兒肺虛咳喘—虎乳靈芝雪耳湯

 

 

     很多小兒上幼稚園後便經常感染呼吸道疾病,且病情反覆,感冒初愈,又開始咳嗽,到咳嗽稍好,又從學校惹了傷風,感冒,又開始咳,令家長們非常憂心!

     肺氣虛的小朋友易感染傷風咳嗽,平日不妨多用虎乳靈芝,雪耳,杏仁,百合,川貝這類對肺臟有益的食物作調理,有很好的效果.

     虎乳靈芝屬白靈芝,功能補益肺氣,提高免疫力.[虎乳靈芝雪耳杏仁湯] 有補肺益氣,潤肺止咳的功效.對肺弱人士特別適合.

     用料是: 虎乳靈芝3錢,雪耳3錢,南,北杏5錢,百合1兩.

     做法: 雪耳浸洗,去蒂;其餘材料浸洗;將全部材料放入煲內,用8碗水煮約2小時成4碗即成.

     ~ 小貼士: 此湯鹹甜皆宜,補而不燥,全家可飲.虎乳靈芝少藥味,用來煲湯,小兒不會抗拒.作為家常湯水,可加瘦肉同煮.

365 comments »

  1. 芳姐 said,
    7 1 月, 2016 @ 7:55 下午

    SILLY:
    如尚有痰,可以煲淮山,蓮子,芡實,百合,虎乳靈芝瘦肉湯,加紅蘿蔔同煮亦佳,全家可服.

  2. sillylai said,
    7 1 月, 2016 @ 3:53 下午

    芳姐 ~ 女兒連飲兩天還有痰 ~ 有點咽喉唔上唔落咁~ 繼續飲用虎乳靈芝嗎? 此湯我女不太愛(可能沒什麼味道), 我可以煲 淮山蓮子茨實百合瘦肉紅蘿蔔 加進虎乳靈芝嗎?

  3. 芳姐 said,
    5 1 月, 2016 @ 4:21 下午

    SILLY:
    你囡囡可以服此湯,可加4~5顆核桃肉,以補腎氣,止咳定喘.

  4. sillylai said,
    5 1 月, 2016 @ 1:56 下午

    芳姐 ~ 女兒4歲哮喘底咳左3星期~ 有痰聲 ~
    呢幾日有點喘需要聞氣 ~
    食左2日鱷魚肉湯好左小小仍未清~
    可飲此湯嗎?化痰嗎?

  5. 芳姐 said,
    14 12 月, 2015 @ 7:48 下午

    CC:
    你試用鮮橙兩個,外皮要洗擦得很乾淨,然後切開頂部,加些少食鹽入兩個橙內,放入碗中,隔水大火蒸半小時,待温,用湯匙壓榨橙汁供兩個仔仔服,當中的橙皮素能化痰止咳.鮮橙生吃反而惹痰,故必須用蒸熟食,而且要加少許鹽,讓具療效的橙皮素釋放出來才見效.反正好味的,又不是藥,試試看.可一日2次.

  6. CC said,
    14 12 月, 2015 @ 1:37 下午

    芳姐:

    本人一對仔女,一個三歲多, 一個9個月大. 他們兩數星期前感染了流感, 已吃完所有西藥. 表面上鼻水都沒有了. 但晚上熟睡時會無固咳嗽厲害, 略帶痰聲. 大概會咳10-20多分鐘, 有時一晚一次, 有時兩次. 請問是感冒未清嗎? 還是敏感咳? 可有湯水或食療幫忙? 9個月大那個已根據你的指引, 連食三次萊服子及蘇子, 未見有好轉, 謝謝。

  7. 芳姐 said,
    25 11 月, 2015 @ 9:57 下午

    訪客:
    已服中藥就無而需服此湯了.脾胃弱,平時可以用淮山,茯苓,蓮子,芡實各5錢,紅棗6粒,陳皮1塊煲瘦肉湯供服,一星期2~3次.健脾就能減少痰涎發生.

  8. 匿名訪客 said,
    25 11 月, 2015 @ 9:46 下午

    請問食緊中药,可否飲用?

  9. 芳姐 said,
    25 11 月, 2015 @ 9:41 下午

    訪客:
    你可以試用法夏,茯苓,白朮各3錢,陳皮2錢,甘草1錢,5碗水煮成2碗供服,連服2劑,有助清痰.生果蒸熱可以食,如蘋果,木瓜没問題,咳不要吃橙和柑桔,但蒸煮吃就可以.

  10. 匿名訪客 said,
    25 11 月, 2015 @ 9:20 上午

    補充,醫師話她脾胃弱,食野要好小心,鳮,生果,飲料也不能食用,那麼呢段時間,最好煮什麼食

  11. 匿名訪客 said,
    25 11 月, 2015 @ 9:13 上午

    芳姐您好,女兒3歲了,上個月開始咳嗽,之後喘咳,由早咳到晚,睡覺也咳,睇了中醫,她說女兒心火盛,肝熱兼且細時有痰積住,所以而家積積埋埋變得嚴重了,星期五本身已經好得七七八八,但可能在外食野,食了味精或者雞湯,星期六早上又喘咳得嚴重了,所以又再睇中醫,昨晚食完葯,晚上也是發開口夢在喊,今早見小左喘咳,浮到痰上喉嚨,但都不易咳出,請問什麼湯水可以幫助一下,謝謝

  12. miya said,
    25 11 月, 2015 @ 5:08 上午

    你好,我大女三歲半,自返幼稚園開始從八月到現在,只感冒後咳,好幾日又重覆病,睇了N咁多次醫生,都係話佢氣管敏感加上有鼻敏感,經常咳同有鼻水,上月尾仲感染埋肺炎入院,食完抗生素好返唔咳約十天,又咳過,到現在都keeo住咳,多數睡時有咳得較多,已聽醫生講避免開冷氣睡覺,而且咳時啖聲好重,有什麼湯水可有助減輕?要多久飲一次較好?醫生話佢呢啲係一年四季都會keep住咳。好易發病,已介凍飲,真啲很困擾!

    • 芳姐 said,
      25 11 月, 2015 @ 6:07 上午

      MIYA:
      你可以用蘇子,萊菔子,法夏,茯苓各3錢,甘草1錢,辛夷花6朵,5碗水煮1小時成2碗,連服3劑,有助清痰,收鼻水.平時可以用川貝末3錢燉蘋果1個供服,可加些蜜糖.2碗水蒸燉半小時可服,有助强壯氣管,減少痰咳.

  13. 芳姐 said,
    3 11 月, 2015 @ 7:40 下午

    文:
    你試用川貝3錢,蘋果1個,去皮去核,2碗水蒸半小時服,可加蜜糖,連服3劑,看能否改善?川貝能減少氣管痙攣.

  14. said,
    3 11 月, 2015 @ 5:59 下午

    你好芳姐,我太太感冒剛好但氣管敏感依然無好過,食西藥都無效,仲越來越咳,想問問有什麼湯水可以煲比佢飲呢?我太太係手腳冰冷的人。

  15. 芳姐 said,
    23 10 月, 2015 @ 2:11 下午

    yen:
    原粒川貝都成,但因為川貝現時售價貴,故最好磨粉,全部吃下肚.

  16. YEN said,
    23 10 月, 2015 @ 9:20 上午

    另想問如果用原粒川貝可以嗎?還是要磨粉比較好?

  17. YEN said,
    23 10 月, 2015 @ 9:13 上午

    感謝芳姐,我會試下

  18. 芳姐 said,
    22 10 月, 2015 @ 3:40 下午

    YEN:
    小朋友不用吃燕窩的.敏感咳可以用川貝末3錢,蘋果1個,去皮,去核,2碗水蒸燉半小時服,如歲半以上,可加蜜糖調服.或用冰糖燉雪耳食亦佳.現時坊間太多假燕窩,不如買優質雪耳食更佳.

  19. YEN said,
    22 10 月, 2015 @ 12:14 下午

    你好芳姐,小兒因為近來經常一瞓上牀或者清晨5,6點時候咳所以去睇中醫,中醫話佢係敏感咳,我問中醫平時可以食咩佢話可以比D燕窩佢食強肺,請問如果肺虛除左燕窩仲可以食咩?

  20. guo said,
    3 10 月, 2015 @ 7:58 下午

    感謝芳姐~~~

  21. 芳姐 said,
    2 10 月, 2015 @ 10:08 下午

    GUO:
    如仔仔没發燒,可以用虎乳靈芝雪耳湯.

  22. guo said,
    2 10 月, 2015 @ 2:44 下午

    你好,芳姐!請問阿仔感冒咳喘期間能喝虎乳靈芝雪耳湯嗎?多謝芳姐賜教~~~

  23. Rebe said,
    22 9 月, 2015 @ 11:08 上午

    芳姐:

    感謝資料. 我會照妳的指示給我囡服食.

    謝謝!

  24. 芳姐 said,
    21 9 月, 2015 @ 7:44 下午

    REBE:
    你可以用虎乳靈芝3錢,北茋,防風,白朮,辛夷花各3錢,生薑3片,紅棗6粒,5碗水煮成2碗供服,一星期2~3次,有助增强體質,改善鼻敏感.

  25. Rebe said,
    21 9 月, 2015 @ 12:38 下午

    芳姐:

    妳好!
    我囡今年27, 有鼻敏感, 時常感冒, 小時曾患肺結核. 身體應是寒底.
    請問有何湯水可改善她的鼻敏感和感冒呢?
    那虎乳靈芝可以嗎? 應怎樣服食呢?
    請指示. 謝謝!

  26. 芳姐 said,
    17 9 月, 2015 @ 8:56 下午

    HING:
    你試用辛夷花6朵,蒼耳子2錢,4碗水煮半小時供服,可加點蜜糖.連服3劑.

  27. 芳姐 said,
    17 9 月, 2015 @ 8:44 下午

    GUO:
    你先將黑豆浸水2小時才煮,黑豆就可以食,小朋友飲湯就得,但黑豆你可食,很有益的.

  28. hing said,
    17 9 月, 2015 @ 4:14 下午

    芳姐,我仔仔4歲,近日流鼻水同有一、二聲咳,睇醫生食左3日藥未有好轉,鼻水帶有少少黃,請問煲乜飲好?

  29. guo said,
    17 9 月, 2015 @ 9:50 上午

    好,唔該你,我會去做嘅,係未飲湯就得,因為黑黑豆煮水後都係硬嘅,我想會不好吃入口。我問多句,脾虛、肺氣虛小朋友,可以吃咩?

  30. guo said,
    16 9 月, 2015 @ 10:48 下午

    你好,芳姐,我個仔4歲,成日夜晚訓覺出汗多,背部多汗,開左冷氣都係咁樣,睇過醫生話肺氣虛,有的醫生話陰虛內熱,我唔知係哪一種原因,很容易感冒,行路多就話好累,無力,唔知點算好,希望你可以卑建議我,好唔該你!

    • 芳姐 said,
      17 9 月, 2015 @ 6:49 上午

      GUO:
      你可以用黑豆1兩,浮小麥5錢,南棗或黑棗6粒,5碗水煮成2碗供仔仔服,有助止盜汗.連服3劑,如見效,一星期3次.

  31. 芳姐 said,
    14 9 月, 2015 @ 9:24 下午

    Angel:
    你可以用辛夷花6朵,拍碎泡茶供仔仔服,加些蜜糖好味些.咳可能是鼻水倒流引致,故要先收鼻水.痰多要用健脾湯,如淮山,蓮子,茯苓,芡實各5錢,南北杏1兩,紅蘿蔔1個,陳皮1塊煲瘦肉湯供服,一來能增强體質,二來健脾就能袪痰,可一星期2次.

  32. Angel said,
    14 9 月, 2015 @ 1:47 下午

    芳姐,你好,我仔仔兩歳多,有鼻水,咳同有痰(咳時聽到d痰聲)睇左兩次西醫,食左藥都冇乜大改善,我煲過紅棗紅蘿蔔,又煲過龍脷葉北杏蜜棗羅漢果蘋果湯,但佢仍然有好多鼻水,同咳,加上佢又怕吃藥,有什麼食療可幫助他?食得西藥多,始終不太好,又有什麼湯水可在病後調理?因為他最近返幼稚園還未適應,常常喊,我怕他一喊入風,又再病重,希望芳姐能為我解答,感激不盡

  33. Mavis said,
    14 9 月, 2015 @ 9:29 上午

    芳姐:
    我囡囡3歲半之前感冒後咳一直唔斷尾,睇咗幾次中醫有少少改善但依然咳有痰但咳唔出,尤其剛起身或跑跳完後就咳,呢個情況維持咗2個月了,期間有試過流鼻水但幾日就好返,只是咳唔好,夜晚睡覺質素亦麻麻,成日碌來碌去,有咩湯水有幫助?(試過煲三子粥但唔肯食)

    • 芳姐 said,
      14 9 月, 2015 @ 9:35 上午

      MAVIS:
      你試用紅蘿蔔1個,紅棗8粒,5碗水煮成2碗供服,連服3劑,對久咳有幫助,好好味的.

  34. Zoe said,
    14 9 月, 2015 @ 9:14 上午

    芳姐:

    九個月大BB有鼻水有咳有痰,無發炎無發燒,還可以煲甚麼湯水?

    • 芳姐 said,
      14 9 月, 2015 @ 9:34 上午

      ZOE:
      你試用洋葱1個,切塊用大火蒸半小時,得洋葱汁3湯匙餵服,有助化痰止咳.

  35. 芳姐 said,
    9 9 月, 2015 @ 3:12 下午

    ZOE:
    9個月大BB有咳,如没有發燒及流鼻水,可以服此湯.亦可用洋葱1個,去衣切片,放碗內,不要加水入碗,隔水大火蒸半小時,得汁約3湯匙,餵BB服,有助止咳.

  36. Zoe said,
    9 9 月, 2015 @ 9:14 上午

    芳姐:

    九個月大BB有咳,可以服虎乳靈芝雪耳湯嗎?
    或有沒有其他湯水可以建議?
    謝謝!

  37. Zoe said,
    9 9 月, 2015 @ 9:12 上午

    芳姐:

    九個月大BB有咳,可以服以上湯水嗎?

  38. 芳姐 said,
    17 8 月, 2015 @ 10:04 下午

    WING:
    你可以用白果10粒,核桃肉6粒,南北杏1兩,紅棗6粒煲鵪鶉或鷓鴣湯供服,有助補益肺,脾,腎,減少咳喘.

  39. wing said,
    17 8 月, 2015 @ 2:40 下午

    謝謝芳姐丫,係唔係全部放落粥?
    咁有冇湯水可提供? 佢本身一咳就易喘氣的。

  40. 芳姐 said,
    12 8 月, 2015 @ 10:00 下午

    WING:
    你可以用蘇子,白芥子,萊菔子各3錢入茶包袋,紫蘇葉2錢,生薑2片煲稀粥供服,有助化痰,散寒止咳.

  41. Wing said,
    12 8 月, 2015 @ 6:42 下午

    小兒2歲, 本身熱底, 但最緊咳, 日頭有咳, 但晚上咳過不停, 而且訓著都咳醒, 咳聲中好多痰, 唔知應該有什麼湯水或食療呢? 謝謝你!

  42. Jobee said,
    30 6 月, 2015 @ 4:28 下午

    芳姐
    請問食緊西葯可飲這個湯嗎?

    • 芳姐 said,
      30 6 月, 2015 @ 4:29 下午

      jobee:
      服西藥後2小時飲就成.但如果尚有發燒就不宜服.

  43. 芳姐 said,
    23 4 月, 2015 @ 5:00 下午

    廷媽咪:
    你可以用辛夷花6朵,拍碎泡茶,加蜜糖調勻供仔仔服,有助收鼻水.

  44. 廷媽咪 said,
    23 4 月, 2015 @ 12:10 下午

    芳姐你好,小孩5歲,昨日好多鼻娣 但無咳請問边種汤水比較好

  45. 芳姐 said,
    5 4 月, 2015 @ 8:46 上午

    瑤瑤媽咪:
    虎乳靈芝湯可以飲3天,另外不妨在臨睡前1小時,滾些紫蘇糖薑茶供服,或會有改善.紫蘇葉3錢,生薑3~4片,片糖少許,2碗水煮成1碗服,有助宣肺散寒止咳.

  46. 瑤瑤媽咪 said,
    5 4 月, 2015 @ 7:57 上午

    芳姐,
    七歲囡囡已敏感咳左十幾日,中西醫已睇過哂,當佢去玩,跑都無事,一到臨瞓就狂咳,日頭有嘢俾佢搞下就一聲都無咳過。我都已經無計可施…
    剛準備左虎乳靈芝,鱷魚肉,川貝,陳皮,瘦肉,請問飲幾多日見效呢?
    謝謝

  47. 芳姐 said,
    4 3 月, 2015 @ 8:20 上午

    SUKI:
    你可以用川貝末2錢,陳皮1塊,蘋果1個,去皮,去核,2碗水蒸燉半小時供仔仔服,連服3劑,有助清熱化痰止咳.這款湯没發燒可以飲,有微燒表示病邪尚未趕走都不宜飲.

  48. sukichan said,
    4 3 月, 2015 @ 4:27 上午

    芳姐,我仔仔夜晚咳的厲害,日頭幾聲咳,睇中醫話小朋友肺弱
    ,吃左三劑中藥無好轉,跟住又低燒三日,睇西醫話感冒,痰多,依家燒退左,但咳未好返,
    之前吃住止咳水就成晚不咳,但一停藥又咳返,朋友叫我煲d雪梨杏仁給他飲,
    唔知得唔得,同咪我仔仔依家可以飲呢個湯水嗎?

  49. 芳姐 said,
    2 2 月, 2015 @ 2:33 下午

    ANGEL:
    可以和木瓜淮山芡實蓮子同煮.

  50. angel said,
    2 2 月, 2015 @ 9:40 上午

    芳姐,
    此湯可以加木瓜淮山芡實蓮子同煲嗎?

Leave a Comment