貧血神經衰弱—蓮藕螺頭湯
在海味店買了一些紅螺頭，店主說產自澳洲，紅螺頭較美國響螺乾便宜，也就買了一斤，味道雖然及不上美國響螺乾鮮味，但也是很美味的。
產自澳洲的紅螺頭顆粒較大，產自國內的粒形較小，來自星加坡的則一般顏色較深。
螺頭滋陰補腎，明目養顏。配蓮藕同煮味道很夾，有生肌益血，滋陰養顏及明目等功效，對神經衰弱者亦很有幫助。
用料是：蓮藕1斤，紅螺頭6枚，紅棗6粒，生薑3片，豬展1隻。
做法：蓮藕去皮，洗淨切塊；紅棗去核；紅螺頭浸洗，和切塊的豬展同出水；全部材料用9碗水煑2小時成4~5碗，即可連湯料同食。
~ 小貼士：此湯鮮甜美味，是養顏潤膚佳品，不寒不燥，可以作為四季保健湯品。
芳姐你好.
請問已經過了期的螺片\ 海味\ 中藥材(淮山, 蓮子…等等) 可繼續食用嗎?
謝謝.
訪客:
海味,乾貨最好買回來快些用完,反正香港買東西十分方便,不宜一次購買過多,只要保存得好,没發霉無異味放久了應該仍然可用.
芳姐您好！
請問乾的嚮螺要點浸？浸幾耐？有啲話要浸過夜，有啲又話熱水浸一小時就得。
仲有，到底乾的嚮螺浸完仲要清裡面的腸臟嗎？裡面仲有腸臟？浸完又需要點清洗嚮螺？
謝謝您！
Ivy:
響螺乾一般腸臟已清除,用清水浸1小時,出水就可以煲湯.最好連[掩蓋]一齊煲才有益.
芳姐晚上好，想問下2個月全
人奶BB好多肚風，有什麽辦法
解決呢，例如媽媽飲食或者湯水
上幫到他，已食去肚風藥半個月
都唔得，每次肚仔好谷，嘔奶都
係嘔哋豆腐渣的。🙏🙏
mo:
你可以在兩餐之間幫BB輕輕搓肚仔,順時鐘方向搓,飲奶時最好分兩次幫BB掃風,可減少肚仔太多風.媽媽可以飲兩三劑紫蘇糖薑茶之助袪風.
芳姐:請問用什麼可以代替薏米而又有薏米的功效。謝謝！
Karen:
你可用扁豆,茯苓代替薏米,孕婦可用.
芳姐你好，我媽咪就快做開腦手術，手術後要煲d咩比佢飲？thankyou🙏🏻
Chloe:
手術後可以飲水就煲些白蘿蔔陳皮水以加快排走麻醉藥,之後用瑤柱,北茋煲粥供服,如見頭部不適,可用天麻3錢,黃精5錢,白芷3錢,紅棗6粒,生薑3片煲大魚頭湯供服.