By 芳姐 ( 4 3 月, 2010 at 9:03 下午)
· Filed under 皮膚病/暗瘡
潮濕的天氣,青年人最易長粉刺暗瘡,這些暗瘡粉刺尤其好發於頭臉部,纏綿多日難以消退,雖非什麼大病,但却影響儀容,令患者身心難安.
[海帶生地綠豆湯] 功能清熱解毒,消暑利水. 對消除暗瘡粉刺有良效.
用料是: 嫩海帶1撮, 生地5錢, 綠豆2兩, 陳皮2塊, 冰糖適量.
做法: 嫩海帶用沸水浸泡; 生地, 綠豆,陳皮浸洗; 將全部材料放入煲內,加水煮約1小時, 調入冰糖煮溶即成.
~ 小貼士: 此湯亦適合體虛血熱之皮膚瘡癤患者,可加瘦肉,作家常湯水飲用.
Permalink
芳姐：你好
我35，本身脾虛，有胃炎，血氣不足，近一年暗瘡又開始爆出來，尤其係鼻口四周，好返啲又會隔日再爆白頭暗瘡。請問平時可以焗啲咩飲可以消暗瘡？方便係寫字樓焗來飲。
另外，頭髮都容易出油，要日日洗頭先冇咁油，鼻哥都容易出油。請問有咩方法可以令頭髮冇咁易出油？
感恩
妮:
你應該屬濕熱型暗瘡,可以去超巿買薏仁粉,在公司沖熱飲时加2茶匙薏仁粉一齊攪拌飲用,可每日用.另外在家可用綠豆,甜杏仁各15克,海帶10克,玫瑰花6朵,紅糖適量,5碗水煮成2碗,去玫瑰花其它都可飲湯吃湯料.隔日1劑,要服2個月.
芳姐：你好！
個嘴四周圍、鼻隔離都好易爆啲白頭痘痘，而且係生過地方，好左幾日，會又重新爆痘。本人脾虛，消化較差。請問係咁爆痘係咪因為肝有問題先會發生？
請問有咩可以煲來飲？寫字樓有咩可以焗來飲？
Anny:
一般暗瘡長在口四周表示脾胃有熱,試用土茯苓5錢,生熟薏米1兩,陳皮1塊煲瘦肉湯服,全家可飲.如果在工作地方試用蒲公英,金銀花,陳皮各1小撮焗茶飲亦有幫助,但要飲多幾天.平日少吃煎炸辛辣食物.
芳姐：你好
蒲公英,金銀花,陳皮各1小撮焗茶飲，飲咗3日，飲完第二日肚痾，今日第三日，今晚突然胃唔舒服，本身有慢性胃炎，請問呢個茶飲係咪唔啱我？請問有其他唔傷胃嘅茶飲嗎？可以調理腸胃有熱口周生暗瘡。
Anny:
蒲公英茶較寒涼,可能你脾胃不太適合.可以煲些綠豆百合薏米水飲,各用1兩,隨量食用,可放雪櫃隔日才食.同時壓力大都會引發暗瘡毛病,甜食及煎炸香口食物少食為宜.
芳姐你好
請問在國外沒有生地可以用什麼代替？
Mon
Mon:
你處能買到百合嗎?鮮百合或乾品都可以用.
芳姐，
有亁百合，請問需要用多少？謝謝
Mon
Mon:
乾百合可用1兩.
芳姐妳好
嘴唇周圍、下巴、鼻子附近都會經常爆白頭痘痘，而且脾虛，消化唔好，容易食少少嘢就肚脹脹。好易胡思亂想，有時會曖住。啲人話咁唔好，皮膚就會唔好，我呢種情況係咪肝排毒排得唔好，先會不停爆逗？請問有咩可以煲來飲？
煩:
口四周有暗瘡表示脾胃有熱或濕重,主要調理好脾胃症狀會改善.可以多用茯苓,白朮,扁豆衣,澤瀉,薏米,陳皮這類健脾袪濕的材料煲湯,可加栗米,紅蘿蔔煲瘦肉湯,一星期2~3次,全家可飲,服兩星期看能否改善?
吾該晒芳姐! 這個食療一星期飲一次，可以嗎？
如果平日飲用菊花、金銀花茶清熱，可以嗎？
謝謝芳姐
Eric:
一星期最好3劑,症狀改善才一星期1次.
你好!芳姐，
小兒下巴經常食瘡，又大有膿又不會爆開，不知是否所謂石頭瘡？他的鼻也長瘡，鼻下邊、嘴唇邊也長細少有膿的瘡，手腳也有時長瘡，他剛16歲，年半前先開始在鼻上長瘡，請問有什麽食療可改善 (不知道他是什麽體質)。
謝謝芳姐!
Eric:
你仔仔平時要少食辛辣及油炸香脆食物,飲食宜清淡些.可以用這款生地綠豆海藻湯,如有膿,可加1兩生薏米同煮.