哮喘調理—淮山川貝鱷魚肉湯

 

 

     哮喘在中醫辨証分型上有虛証和實証之分.實証主要是寒性哮喘和熱性哮喘;而虛証主要是肺虛哮喘和腎虛哮喘.

     今天介紹這味[淮山川貝鱷魚肉湯]很適合虛証哮喘人士飲用,有補益肺,脾,腎三臟功效.對喘促咳嗽,痰色白清稀,氣怯聲低者很有幫助.

     用料是: 淮山1兩,芡實1兩,川貝3錢,陳皮1塊,鱷魚肉乾2兩.

     做法: 將材料用清水浸洗;全部材料放入煲內,用8碗水煮約3小時成3~4碗即可供飲.

     ~ 小貼士: 鱷魚肉乾功能補肺益腎,是治療哮喘的良藥.如果加一隻鷓鴣同煮,療效更佳.此湯對支氣管痙攣亦有幫助.

293 comments »

  1. yoyo said,
    一月 12, 2018 @ 10:14 上午

    芳姐,您好,請問我兒子15歲了,每晚半夜咳嗽,有鳴聲,不似有痰,又不似乾咳?請問他是什麼湯水適合呢?麻煩芳姐!

  2. yo said,
    一月 12, 2018 @ 10:14 上午

    芳姐,您好,請問我兒子15歲了,每晚半夜咳嗽,有鳴聲,不似有痰,又不似乾咳?請問他是什麼湯水適合呢?麻煩芳姐!

    • 芳姐 said,
      一月 12, 2018 @ 2:40 下午

      yo:
      你可用白果10粒,去芯,核桃肉1兩,南北杏1兩,無花果4粒煲瘦肉湯供仔仔飲,8碗水煮2小時,你仔仔可一天分服2碗,飲湯吃些湯料最有益,一星期2劑.

  3. 杜太 said,
    一月 3, 2018 @ 10:34 上午

    阿囡咳左2個月,每朝起床 半個鐘之後就開始咳,有膿痰有時咳唔出,有時咳得出痰,日頭和夜晚都好少咳, 一做運動就會咳 照個肺冇事睇咗幾次醫生都唔得,請問可以煲啲咩湯舒緩。

    • 芳姐 said,
      一月 3, 2018 @ 4:02 下午

      杜太:
      你試用枇杷葉,龍脷葉各5錢,羅漢果1/4個,桔餅1個切碎,5碗水煮成2碗服,連服3劑,有助化痰止咳.

  4. yu said,
    十二月 8, 2017 @ 4:49 下午

    芳姐:

    你好, 小女2.5歲, 自從上次患感冒咳嗽後好像未有断尾. 她氣管一直ok的, 但現在到公園跑一會和晚上半夜會咳嗽厲害, 伴有痰聲. 請問是上次感冒令氣管變差了嗎?有什麼湯水可根治問題? 另外, 老人一星期會煲兩至三次鱷魚肉湯. 請問鱷魚肉湯感冒未清的話是否適宜飲用?另,乾鱷魚肉跟急凍鱷魚肉效用上有分別嗎? 謝謝你.

    yu

    • 芳姐 said,
      十二月 8, 2017 @ 8:37 下午

      yu:
      你試用紫蘇葉3錢,生薑3片,葱白3棵滾肉片湯供囡囡服,滾10分鐘可服,連服3劑.鱷魚肉湯没發燒可以.急凍鱷魚肉可以用,乾品都好,但必須去大間有信譽店鋪買,因假品太多.

      • yu said,
        十二月 11, 2017 @ 10:56 上午

        芳姐:
        謝謝回覆, 請問紫葉是否乾品?係藥材鋪買到? 謝謝
        YU

  5. ching said,
    十一月 28, 2017 @ 4:21 上午

    啊仔佢病左,有鼻塞,咳,少少痰,日頭同半夜都會咳,咁可以飲你講既湯嗎?
    虎乳靈芝川貝湯及“鄧”川貝有用嗎?

    • 芳姐 said,
      十一月 28, 2017 @ 3:19 下午

      ching:
      你可以用川貝末3錢,蘋果1個,陳皮1塊,4碗水煮成2碗,可加少許蜜糖調味,連服2劑.

  6. ching said,
    十一月 24, 2017 @ 3:10 上午

    芳姐
    我仔仔剛病好幾日,冇再咳。但半夜有時會乾咳,比啖水佢飲就冇事!
    老公由細到大都會乾咳,每次都咳兩聲就冇事,但一日都咳好幾次,好似成為習慣咁,唔係唔舒服咁

    • ching said,
      十一月 24, 2017 @ 3:14 上午

      呢款湯岩佢地兩個飲嗎?
      我覺得仔仔喉嚨同肺都比較乾,因為佢跑兩下、大笑得多、半夜都會咳,如果唔馬上比水佢飲,佢咳多幾下就有機會會嘔!係咪要煲反D潤既湯水補下。
      thanks

    • 芳姐 said,
      十一月 24, 2017 @ 10:57 上午

      ching:
      風咳可用烏梅2粒,甘草5片,菊花1小撮,3碗水煮成碗半供服,連服3劑.另外可以用玉竹3錢,蘋果,雪梨,紅蘿蔔各1個煲瘦肉湯服,全家可飲,有滋陰潤肺燥功效.

Leave a Comment