降低膽固醇—杜仲葉茶

 

 

     香港是美食天堂,不少人因為好嚐美食,或工作應酬多,過食肥膩煎炸食物而致膽固醇過高,或引致脂肪肝而不自知.以前曾介紹過[山楂茶]有良好的降血壓,降膽固醇作用,但胃酸過多人士不宜飲用.今天介紹這款[杜仲葉茶],同樣具有降血壓,降膽固醇功效,對減肥亦有幫助.

     杜仲是一味常用中藥,具有補益肝腎,强壯筋骨,袪脂降壓,安胎等作用;而杜仲葉則宜泡茶,常服能減少膽固醇吸收,且有良好的抗衰老功效.

     用料是: 杜仲葉1小撮.

     做法: 將杜仲葉放入壼內,用開水沖洗一遍,再沖入沸開水,焗7分鐘左右即可供服.

     ~ 小貼士: 現代研究,杜仲及杜仲葉能幫助肝細胞增加,令末梢血管擴張使血壓下降,杜仲葉更能使膠原代謝能力提高,使肌膚富彈性,故常服此茶有延緩衰老之效.

85 comments »

  1. S said,
    一月 14, 2018 @ 12:38 上午

    芳姐你好!

    我男朋友今年25歲,最近突然間左耳聽唔到野 醫生話應該係突發性耳聾。身體檢查仲話有膽固醇過高 應該係工作忙,日夜顛倒又食唔定時。
    想問有D咩湯水可以幫助佢?

    • 芳姐 said,
      一月 14, 2018 @ 12:30 下午

      S:
      你試去超巿買首烏核桃黑芝麻霜,每天沖一包供你男友服,有助補腎,改善耳聾.另外可以用人參2錢,川芎2錢,圓肉4錢,杞子3錢,桑椹子3錢煲羊肉或雞肉湯供服,一星期2劑.

      • S said,
        一月 14, 2018 @ 1:40 下午

        唔該晒! 想問下呢兩樣係咪咩體質都可以 因為之前試過飲烏雞湯 佢發高燒 喉嚨痛 唔知係咪虛不受補。

        • 芳姐 said,
          一月 14, 2018 @ 5:03 下午

          S:
          首烏核桃黑芝麻霜一般人士都可以飲.人參川芎湯則稍温燥,鄦可以試煲1劑,没不良反應才繼續.份量少應該没問題.圓肉改用南棗6粒會好些.

  2. 訪客 said,
    九月 23, 2017 @ 10:34 下午

    明白!謝謝芳姐的指導!

  3. 訪客 said,
    九月 23, 2017 @ 5:12 下午

    芳姐您好!
    這款杜仲葉茶在經期來時可以飲嗎?有冇話那段時期不可以飲用呢?

  4. 訪客 said,
    二月 25, 2017 @ 3:14 下午

    ok,thanks !

  5. 芳姐 said,
    二月 23, 2017 @ 8:03 下午

    cat:
    山楂菊花杜仲茶可以常服.血壓高可以加1湯匙炒香決明子同泡.可以買兩粒[安宮牛黃丸]看門口,有中風徵兆即服一粒,很有用的.

  6. cat said,
    二月 23, 2017 @ 4:50 下午

    加埋仲有膽固醇過高,已經飲左牛旁一段時間,而家飲凈山渣,thanks!

  7. cat said,
    二月 23, 2017 @ 4:45 下午

    hello芳姐,請問山渣菊花杜仲所有茶飲邊款最有效 最快? 我老16x血壓,醫生話在高要入院…真的很驚他突然中風

  8. 芳姐 said,
    一月 14, 2017 @ 8:08 下午

    Angel:
    通常惡露清了才進補不但吸收得好,同時亦可避免惡露排不清問題.如不餵人奶可以多用陳皮,能化胃氣.冬蟲草如買了可以現在開始燉淮山,杞子瘦肉湯,没問題的.如先飲一兩劑雲苓,白朮,扁豆衣水健脾袪濕,會吸收得較佳.

Leave a Comment