白髮脫髮—首烏海玉竹杞子黑豆湯

 

 

     不少中年朋友都遇到白髮及脫髮的煩惱,中醫認為[髮為血之餘],過早白髮及大量脫髮,除了是先天因素,疾病,情緒等問題影響外,其中一個主要原因是肝腎不足,血虛所引致.故食療可多用具補肝腎,益精血功效之品來作調理.

     [首烏海玉竹杞子黑豆湯] 功能補肝腎,益精血,防治白髮,脫髮.對腎氣不足,面色暗淡,虛熱倦怠人士亦很適合.

用料是:首烏4錢,海玉竹5錢,黑豆1兩,杞子4錢,芡實,紅腰豆,花生,腰果各8錢,紅棗6粒.

     做法: 將全部材料浸洗,用8碗水煮約3小時成4~5碗即成.

     ~ 小貼士: 此湯葷素皆宜,素菜湯可加鮮淮山或蓮藕;亦可加豬展或雞肉同煮,全家老少可服.但痰濕及外感未清者忌服.

    

160 comments »

  1. IT said,
    24 1 月, 2024 @ 10:25 上午

    芳姐,

    打擾 您,本人在外國,如果沒有首烏,此湯對減少白頭髮有無效?

    謝謝

    IT

  2. scy said,
    22 9 月, 2020 @ 3:37 下午

    芳姐,下午好,请问可以用什么来代替花生吗?谢谢您^^

  3. Thomas said,
    25 8 月, 2020 @ 12:33 下午

    芳姐, 請問不落首烏可以嗎? 用烏雞煲可以嗎?

  4. Jennifer said,
    7 5 月, 2020 @ 8:25 下午

    芳姐,你好我一向頭髮都比較稀疏手腳都比較冰但係又虛不受補,一向都比較需要滋陰,但係個人體內較濕重。後來生孩子期間雖然生咗好多頭髮不過餵完人奶之後又變返稀疏。而家頭頂開始出現空洞,可以煲一啲咩湯水?以上湯水適唔適合。我老公頭頂亦都開始出現空洞不過佢係比較緊張同情緒壓力大所以近幾年都開始脫髮,而且佢脾胃比較差又比較濕有什麼湯水可以介紹去改善身體。

    • 芳姐 said,
      7 5 月, 2020 @ 9:36 下午

      Jennifer:
      你試用扁柏浸威士忌酒作外塗,對脫髮頗有幫助,女性療效較男性佳.可在網頁右上角[搜尋]的空格內打(扁柏)二字,再按一下[搜尋],即可看到該篇文章.
      食療可以用制首烏1兩,黑豆2兩,桑椹子5錢,南棗6粒煲瘦肉湯,8碗水煮個半鐘成4碗,你和丈夫可一天分服,一星期3劑,有助長髮.此湯不寒不燥,男女可服.

  5. said,
    1 3 月, 2020 @ 9:23 下午

    芳姐您好!
    我最近幾日肩膊痛同埋手臂好容易攰無力咁,舌頭有少少白及有胃氣,有乜嘢食療適合我。另外,我仔10歲,舌尖紅色有一粒粒小紅色點及舌右邊有裂紋痛,有什麼食療可以治療?麻煩芳姐回覆🙏🙏

    • 芳姐 said,
      1 3 月, 2020 @ 9:42 下午

      玲:
      你試用玉竹1兩,桂枝3錢,茯苓4錢,陳皮1個煲雞胸肉1塊,5碗水煮成2碗服,連服2~3劑.你仔仔舌尖紅有陰虛表現,可以煲些雪耳木瓜百合糖水供服,全家可飲.

      • said,
        2 3 月, 2020 @ 9:29 上午

        早晨芳姐!多謝你回覆🙏🙏

        • said,
          2 3 月, 2020 @ 12:57 下午

          芳姐想補充下我早上有起床時有痰白黃色的,是否要加其他材料呢?麻煩曬你

          • 芳姐 said,
            2 3 月, 2020 @ 4:57 下午

            玲:
            有痰都可以飲我推介的湯,可加金羅漢果1/4個,能袪痰.

  6. scy said,
    1 3 月, 2020 @ 5:46 下午

    芳姐,下午好,请问有血压高和胆固醇高的老人家能吃红衣花生吗?这个汤有豆类可以加陈皮吗?谢谢您哦♥️😘

    • 芳姐 said,
      1 3 月, 2020 @ 8:33 下午

      scy:
      膽固醇高不要吃太多花生,腰果最好少放,有豆類加個陳皮同煮.

  7. Bobby said,
    1 1 月, 2020 @ 12:22 上午

    芳姐,

    腰果剛剛用完,可否用栗子代替?還是用眉豆、南豆、大花豆?

  8. Michelle said,
    2 2 月, 2019 @ 4:55 下午

    芳姐你好!
    請問如何處理未切片的何首烏,因買來時是整件的,非常堅硬!可否原件使用!
    謝謝!

    • 芳姐 said,
      2 2 月, 2019 @ 9:17 下午

      Michelle:
      可以將整個何首烏放碟中,隔水蒸25分鐘左右切片使用.

  9. Bobby said,
    28 9 月, 2018 @ 10:45 下午

    哈囉芳姐,

    圖中是否紅棗?但材料寫蜜棗?請問是否一種使可?可否用乾淮山代替鮮淮山?

    • 芳姐 said,
      29 9 月, 2018 @ 10:48 上午

      Bobby:
      謝謝提點,已作更正.可用鮮淮山3兩代替.

    • Bobby said,
      4 10 月, 2018 @ 10:59 下午

      哈囉芳姐,
      鮮淮山一條都起碼超過3両,其餘嘅點樣保存同要幾耐食用為佳? 雖然你所教嘅分量多為一人分量, 但材料非常之困難買到每次一人分量。當然可以留,但成日對主真喺幾悶同怕怕😱。呢嗰問題我永遠都好難解決。😩

      • 芳姐 said,
        5 10 月, 2018 @ 12:41 下午

        Bobby:
        食療不同用藥,用藥份量要很準確,但食療用多些少,或用少了一些不是大問題,主要是細水長流,注意營養均衡,和身體狀況改善.你可以一次煲2天量,隔渣存放没問題的.

        • Bobby said,
          5 10 月, 2018 @ 9:25 下午

          芳姐,
          我自從無意之中發現你嘅網站後好多時都跟足分量同食材。但每次煲起時盡管2/3碗起(就好似呢嗰湯咁有足足4至5碗),我都要連續食兩日兩餐起碼。但我應同你嘅講法,營養均衡。我就喺因為之前無乜研究湯水或茶。所以搞到身體傷哂,而家開始希望可以將勤補拙。多謝你嘅忠告同意見。請問點解要隔渣同水分開放?可否介紹豬蹄筋或沙蟲乾嘅湯水。

          • 芳姐 said,
            5 10 月, 2018 @ 9:36 下午

            Bobby:
            因為有些食材煲了湯如浸在湯內太久可能產生亞硝酸鹽一類有害物質,故將湯渣隔開,飲時一齊煲滾用較理想.可用淮山,蓮子,芡實各5錢,紅棗5粒煲豬蹄筋瘦肉湯;沙蟲乾我一向少用,因為對蠕蟲很抗拒,所以未能提供食譜.

          • Bobby said,
            7 10 月, 2018 @ 10:14 下午

            芳姐,
            1.5ml 水同個半鐘啱唔啱?瘦肉6至8両得唔得?🤔

  10. 匿名訪客 said,
    2 7 月, 2018 @ 1:18 上午

    1. 请问经期间可以饮吗?
    2. 可以加桑葚和女贞子吗?
    3. 一次饮不完,可以放雪柜,隔日饮完吗?
    问题较多,麻烦了。

    • 芳姐 said,
      2 7 月, 2018 @ 2:59 下午

      訪客:
      此湯來經可飲,加桑椹子,女貞子各3錢没問題.飲剰最好隔渣放雪櫃,第二天飲時再湯和料一齊煮滾飲用.

Leave a Comment