化痰止咳消腫—鮮龍脷葉枇杷葉桔餅雪梨水
山草藥檔經常有些能清熱化痰止咳的鮮龍脷葉和鮮枇杷葉賣，龍脷葉性質平和，有清肺化痰、潤肺止咳的功效，無論寒咳、熱咳或燥咳都可以應用，只要配搭合適的材料便成。
枇杷葉主要針對風熱咳和燥咳，但其葉背的細毛在應用時必須擦走，否則會刺激咽喉令咳嗽加重。今天推介這款「鮮龍脷葉枇杷葉桔餅雪梨水」對風熱咳嗽及秋燥咳嗽頗有療效。
湯料中桔餅潤肺止咳，雪梨生津潤肺瀉火，北杏止咳定喘，用這些材料來煲湯味道清甜，無論小朋友或老年人都不會抗拒。
用料是：鮮龍脷葉1兩，鮮枇杷葉1兩，北杏3錢，桔餅2個，雪梨1~2個。
做法：鮮脷葉和枇杷葉洗淨，枇杷葉擦去葉北細毛；桔餅及杏仁沖洗，桔餅切開；雪梨連皮洗淨，去核切塊；全部材料用7碗水煮1小時成4碗即成。
~ 小貼士：此茶清潤，無甚藥味，全家老少可飲，亦可作為防秋燥咳嗽的保健食療。對甲狀腺腫大亦有幫助。
芳姐： 你好！ 兒子八歲, 近期感冒後尚有痰咳, 咳不出來, 想問枇杷葉我都有煲,但係未有效果. 想請教上有什麼食療？ 萬分感激！
Yip Chui Yi:
你可用蘇子,萊菔子,白芥子各3錢入茶包袋,用來煲瘦肉粥供仔仔服,連服3劑,能袪痰止咳.
唔該,芳姐
芳姐你好呀，我囡囡3歲，岩岩流感第6日，作好多痰都咳唔出，又咳得好勁，鼻水係綠色，請教下應煲咩湯水？或者飲依款都可以？🙏🏻🙏🏻🙏🏻
Suki:
你可用蘇子,萊菔子各3錢,辛夷花8朵入茶包袋,用來煲瘦肉粥供食,連服3劑,有助袪痰止咳,收鼻水.
唔該晒芳姐。我今日試吓先🙏🏻🙏🏻另外想問你個份量係煲一餐，之後第二餐又再落再煲？定係各3錢既材料係可以煲一大煲，早午晚三餐咁？🙏🏻🙏🏻🙏🏻
Suki:
是一天的份量,小朋友3歲,隨量早午服就成.第二天再煲新鮮的.
芳姐
你好 女兒3歲半 早前感冒 現時還有黃痰和黃綠色鼻涕 有幾聲痰咳 已食過幾次西藥都未斷尾 請問可以煲啲咩飲 謝謝芳姐推介！
Joy:
有黃痰表示炎症末消除,可用川貝末3茶匙,雪梨1個去核切片,金羅漢果1/4個,放碗中,加水大半碗蒸半小時供服,有助清肺熱袪痰止咳.如鼻水多可用6朵辛夷花泡茶供服,可加少許蜜糖.
你好 芳姐 謝謝 請問川貝雪梨茶需要飲幾劑丫 需要連續飲嗎？另外辛夷花泡茶需要幾多水丫？
Joy:
川貝雪梨水最好先服3劑,如見效,停兩天再服2~3劑,至症狀好為止.辛夷花用1杯水沖泡就成.
謝謝芳姐
感謝芳姐推介 囡囡已飲咗三日 已經沒有鼻涕和黃痰 但還有幾聲咳 痰已經係偏白色痰 想問是否繼續飲用川貝雪梨水還是可以煲其他湯水可以清一清個尾 感謝！
Joy:
可以飲多兩劑川貝雪梨水,加些少陳皮有助化痰.
好的 多謝芳姐
芳姐，請教下，我之前因喉嚨痛鼻敏感感冒，食西藥好得差唔多，不過宜家仲有鼻水倒流，引致氣管敏感不停咳，有時係會「扯」住咳，唔算有痰，間中可以吐出分泌，第二天朝早起身，吐出分泌仲有些黃黃哋色，飲「鮮龍脷葉枇杷葉桔餅雪梨水」可以嗎？
isayuen:
你可以煲你提的鮮龍脷葉水飲,煲好後加8朵辛夷花同滾片刻服,有助收鼻水.
謝謝芳姐
芳姐，
小朋友6歲咳左三星期左右，有睇中及西醫都未好，醫生話氣管敏感，小朋友喉嚨好痕，口唇乾，有黃痰，夜晚常常咳，請問可以煲什麼？謝謝
nedia
nedia:
你可以用龍脷葉1兩,金羅漢果1/4個,北杏3錢,蘋果1個,去核,5碗水煮成2~3碗供一天服,有助袪黃痰止咳,連服3劑.人多飲份量加倍就成.
你好芳姐！
我先生剛剛中完Covid，但係仲會氣管痕同咳，無痰的。請問可以煲咩湯水？謝謝你🙏
Kay:
你可用烏梅3~4粒,菊花1湯匙,甘草5,6片泡茶焗10分鐘供服,可沖泡至淡,對風咳氣管痕有益,可連服3~4劑.
芳姐，
有喉嚨痛，乾咳， 感覺喉嚨有異物， 偏頭痛及天旋地轉的耳暈，可以飲用以上湯水嗎 ? 謝謝
火馬駿星:
有喉痛可以用這款湯水,但桔餅不要放了,可以改用金羅漢果半個.
芳姐你好﹗
我上個月發燒喉嚨痛好返後，就一直咳到現在。沒有痰，似氣管敏感 喘同埋講太多野都會想咳。試過焗陳皮水/食蟲草都係吾斷尾。
可否介紹合適湯水/日常簡易沖泡的水或茶可以止咳用。謝謝﹗
JK:
如果敏感咳或風咳,可用烏梅3粒,菊花1湯匙,甘草5片泡茶服,可沖泡至淡,連服4~5劑.
謝謝芳姐！
如果湯水飲龍脷葉合適嗎？陳皮水加甘草是否也可以？
JK:
龍脷葉湯合你飲.陳皮甘草亦可以,但你没有痰,所以烏梅菊花茶較合適.
了解，謝謝阿﹗
芳姐你好，
我感冒好得差不多，但現在仍經常感覺有痰黏住喉嚨，尤其深夜會因痰黏而咳醒，痰是白色的，早上尚有少量鼻水是黃綠色，該飲甚麼湯水？感謝🙏🏼
林太:
你試用法夏,茯苓,白朮各3錢,陳皮2錢,甘草2錢,5碗水煮成2碗服,連服2~3劑,有助袪痰.
如仍在服用抗生素，可以照飲嗎？
林太:
服西藥隔2小時飲没問題.
芳姐你好, 可以使用乾龍脷葉和枇杷葉嗎?份量是多少?謝謝
Ling:
乾龍脷葉及乾枇杷葉可各用5錢.
芳姐您好：
家人暫時有吞嚥困難，
想在家煲粥，
但我又要工作，
想請教芳姐，
這方法可行嗎？
將米浸了，
然後用攪伴機打碎，
將它煲了。（不知煮多久時間？）
謝謝芳姐！
CKI:
患者有吞嚥困難,粥一定要黏稠度適中,太稀太稠都不好.以前有親戚長者在國內老人院出現吞嚥困難,院方會進行丹參藥液輸液,很快長者又恢復吃食動作,但香港不會做這類輸液的.所以較麻煩.建議多放些小米,小米易腍又易消化,小米及白米加材料煲好得用攪拌器打成糊狀,一般要40~45分鐘左右.你不妨試試.
芳姐你好！我想請教一下你，我今年5月中初次確診新冠肺炎，看了一段時間中醫調理，現在好返三個月了，但是後遺症開始出現，頭暈心悸，個人唔夠氣，間歇性瞓到半夜扎醒會心跳加速得很厲害，個人稍為做少少家務都會好似做完運動的感覺，要休息，但已經看了心臟科專科醫生做了心電圖、彩超、24小時心電圖檢查也沒有問題，令我好困擾，想問一下有冇湯水食療可以幫一幫？謝謝你
yumama:
你試用北茋3錢,五指毛桃1兩,蓮子1兩,百合5錢,茯神5錢,紅棗或南棗5粒煲瘦肉或去皮雞湯服,有助補氣血,養心安神,一星期3劑,服兩星期看能否改善?
芳姐，謝謝你回覆！
我想請教你多少少，除了三個月前確診新冠身體弱咗未復原外，我近這一個月因和女兒有啲思想意見不合（女兒已經大個是成年人），導致大家都唔開心我又很擔心又憂心，我曾情緒十分波動，喊了整個星期，之後就心悸心慌，個人好似驚過咗龍不能定落嚟咁，請問這個五指毛桃湯方是否也有幫助？謝謝你🙏🏻
yamama:
子女都是獨立個體,他們有自己的思想和處事方法,我們只能提供實用的意見,聴不聴不能去左右,也是没辦法之事,一定要看得開才是.這款五指毛桃湯有助養心安神,對你有益,可常服.
芳姐你好！
我心悸、突然心跳快、情況未有改善，身體還有其他狀況出現，心驚、口汗、抖大氣、睡眠質素轉差，個幾月前未有這些情況之前我睡眠質素係非常好的，現在很困擾，影響到我日常生活，我再去看醫生，醫生說我是焦慮症加少少恐慌，但是不嚴重很輕微，有開藥給我吃5天，現想問一下芳姐，我還可以有那款食療幫自己？謝謝你！
yamama:
你可用小麥米1兩,茯神5錢,炙甘草2錢,紅棗或南棗6粒,百合1兩,圓肉10粒,6~7碗水煮1小時成3碗,一天早午晚分服,連服3劑,有助安神定志,減少焦慮不安.