清熱潤燥利二便—茅根竹蔗紅蘿蔔水
天時暑熱，如果本身身體較虛弱，津液不足，容易受燥熱或暑熱天氣影響而發生臟燥不適。
竹蔗是補充津液的好材料，配些功能清熱解毒、利尿消腫的茅根，和功能健胃消食、化痰止咳的紅蘿蔔同煮水花茶服，對暑熱天時口乾舌燥，身體發熱人士十分有益。
用料是：鮮茅根1兩，竹蔗3段，紅蘿蔔1個。
做法：茅根洗淨，切段；竹蔗破開；紅蘿蔔去皮，切塊；全部材料用6碗水煮半小時成3碗即成。
~ 小貼士：鮮茅根有消炎殺菌、抗病毒等作用，此茶能通利二便，對腸燥便秘及小便短黃者亦十分有益，老少可飲。
芳姐，唔好意思，再想請教我仔9歲有G6pd, 有長期病要食類固醇，免疫抑制劑，近一星期開始常常有喉嚨痕，捽鼻，夜晚瞓覺瞓了2小時就會開始咳，會越咳越多痰，再咳到好密瞓唔到，要俾化痰素佢食就好啲，到第二朝起身時又會有咳幾聲，有時係乾咳，有時有痰聲，但日頭佢就無乜點咳，佢每2,3個月就會病一次，多數都是捽鼻, 鼻痕，鼻水倒流，再引起有痰有咳或發燒。 請問有咩湯水適合佢？ 謝謝你🙏🏻🙏🏻
殷媽:
你仔仔過敏體質,可以去買[玉屏風散]顆粒沖劑,每次沖服加8朵辛夷花同泡,有助强壯肺氣及收鼻水.玉屏風散是三種藥組成,即北茋,防風,白朮.G6PD患兒都可以用.隔日1劑,至症狀好為止.
你好 芳姐，我姪女2歲, 上星期中了3隻病菌，副流感，人類呼吸道合胞病毒，腺病毒，有細支氣管炎，現已出院，但還有痰咳，鼻水，請問竹蔗茅根紅蘿蔔水適合佢嗎？ 可否加幾朵辛夷花收鼻水？另外請問仲有咩湯水可以幫佢除痰，改善氣管快啲好？ 現在佢地全家開始有咳，工人姐姐也驗出呼吸道合胞病毒，有咩湯水/涼茶適合佢地？ 枇杷葉龍利葉桔餅南北杏海底椰，金羅漢果菊花水，或者魚腥草桔餅竹蔗茅根水，適合佢地飲嗎？謝謝解答
殷媽:
可以用鮮龍脷葉2兩,南北杏1兩,金羅漢果1個打碎,蘋果2~3個,去核連皮切片,9碗水煮40分鐘成5碗,全家可飲.有助化痰止咳,寒熱咳都可以.
芳姐, 你好!
近日天氣熱, 經常流汗, 感覺人很倦及虛弱, 平日可以煲什麼舒緩? 謝謝
susanna:
天氣熱可以煲些冬瓜薏米淡菜瘦肉湯作調理.淡菜即俗稱的[旺菜],營養成分高.
芳姐,在youtube見到提及金狗脊,係有生熟之分,又話要製熟咗才可入藥,但我在藥材舖買到的都是生,煲過多次,對身體有害嗎?請指教.🙏🙏🙏
amy:
金狗脊生用對通利關節功效好些,熟狗脊補肝益腎功效較佳,兩者都可以用.一般中藥店的藥材都經製作過,不會售賣人體有害的.但本身性温,熱性體質人士不宜多用.
謝謝芳姐🙏🙏🙏
芳姐,在youtube見到有講及金狗脊有分生熟之分別?又話生唔食得,一定要製熟咗先可用藥,但我在藥材舖買時冇人問要生定熟,比係生的,都煲過好多次,對身體有冇問題?請指教.🙏🙏🙏