By 芳姐 ( 27 9 月, 2010 at 7:45 上午)
· Filed under 小兒常見病
小朋友拿了一個裝飾聖誕樹的松樹果實給我看,問我知不知道果實裡面有什麼?我詐作不知,他可樂透了,忙把果實往地上一擲,就跌出兩片帶有薄翼的乾瘦種子出來,然後扮小老師告訴我種子都埋在松果內,給松鼠取來吃的.為了嘉獎小朋友聰明好學,於是買了些甘香飽滿的松子仁送給他.
松子有滋補强身作用,味甘性温,主治頭眩.又有潤皮膚,温腸胃,潤肺,治燥咳及虛人便秘等功效.用松子配合杞子,菊花,芝麻同泡茶飲,對肝火盛,頭昏眼花者很有幫助.
用料是: 松子,杞子,炒香芝麻(黑芝麻更佳)各1湯匙,菊花1小撮.
做法: 松子,杞子,芝麻搗成細末;菊花先放入壼內,沖入沸開水,焗5,6分鐘左右,去渣,用菊花水沖焗搗碎的材料即可供飲.
小貼士: 此茶甘香可口,能柔和肝氣.對病後體虛,鬚髮早白者很有益;對小童平日性情暴燥,無故嘈吵哭泣,睡不安寧者都很有幫助.
Permalink
芳姐你好，女兒5歲最近兩晚半夜醒了，差不多要兩個多小時後才能再次入睡，整天只睡得7-8小時，該煲燈芯草還是百合圓肉適合呢？謝謝！
Coco:
你可用燈芯草6扎,百合5錢,有芯蓮子1兩,5碗水煮成2碗供服,連服3劑.
芳姐你好！我的女兒7歲，她咀角紅咗一撻，夜晚會比較痕。另外脷暗紅，請問佢係咪有火？應該可以飲咩？謝謝！
Jacq:
咀角紅有可能感染疱疹病毒,可以去藥房買唇瘡膏作外塗,另外舌暗紅可能有些陰虛火旺,煲些鹹瘦肉皮蛋粥供食,連服3劑就成.
佢上年一樣春季開始兩邊咀角紅同夜晚比較痕，再過一排全身都有。今年見佢再起，想快啲處理左，免得好似上年一樣要到秋天先好返。
Jacq:
如左右對稱都有紅疹應該屬濕疹,可以用鮮土茯苓2兩,赤小豆,綠豆,薏米各1兩,蜜棗2粒煲排骨湯,煲夠2小時,全家可飲,小朋友一天分服2碗,連服3劑,有助消疹.
佢上年一樣春季開始兩邊咀角紅同夜晚比較痕，再過一排全身都有。今年見佢再起，想快啲處理左，免得好似上年一樣要到秋天先好返。
芳姐
請教成人肝火 多眼膠 可以煲咩飲下？
Yuki:
可以沖些夏桑菊來飲,一日2包都得,至症狀好為止.
芳姐，你好，吾知點解呢排小兒（2.5歲）晚晚半夜都喊，發脾氣咁吵閙，（但佢又好似有意識，未必係夜驚）我試過煲蓮子百合湯，開奶茶佢飲都冇乜作用，佢脾虛？肝火盛？加上佢脾氣極火爆，常常發脾氣，我真的束手無策，有咩食療可以煲俾佢飲？我只煲菊花茶可以？小朋友飲會唔會太涼？真的好想佢瞓覺好，我又吾洗咁辛苦，萬分感激🙏🏻
Chow angel:
你試用百合5錢,茯神5錢,燈芯草6扎,蜜棗2粒,4碗水煮成碗半供一天分服,連服3劑,有助清心安神.
您好，芳姐
我家囡囡5歲，近排氣管發炎食緊抗生素，開始口腔有損傷，好多痰及聲音沙啞，我已煲蘋果水，吉餅水，請問還可煲什麼茶及湯水可清燥熱，而同時唔會同西葯相沖，謝謝。
Carrie:
吃抗生素會有副作用,你可以煲大豆芽菜豆腐鮮魚湯;或用金羅漢果1/4個,麥冬3錢泡茶供服,有利咽生津,袪痰改善聲沙功效.
芳姐你好，
阿囡近排好容易發大脾氣，大叫大喊，之前無咁誇張，係咪有肝火？請問可以煲咩比她喝？thx
Yoko
yoko:
你囡囡可能肝火,心火盛,試用蓮子連芯1兩,百合1兩,燈芯草6扎,5碗水煮成2碗供服,連服3劑,有助清肝火.心火.
張先生:
你試用川芎2錢,天麻3錢,白芷2錢,防風3錢,白朮3錢,菊花3錢,蜜棗2粒,5碗水煮成2碗服,連服3劑,看能否改善頭痛,頭重及頭暈?
芳姐,
我是男, 38, 我近二個月間中頭暈及頭重, 睇開中醫話我”濕”以且肝火盛, 話我個人好火, 叫我唔好食太涼的食物, 煎炸及肥/油食物.
現在, 仍有頭重, 間中會頭暈, 特別在工作至下午時, 可能我從事會計工作, 成日要好用神及壓力, 加上回家還要做家務, 照顧四歲小朋友.
前問可以煲什麼麼食物/湯, 來舒援頭痛/頭重/頭暈呢
感恩
芳姐你好! 小女快13個月大, 經常冒汗, 睡不安寧, 常有睏意但不願睡覺, 要哭鬧許久方能疲倦入睡. 日間情緒較差, 很容易大吵大鬧發脾氣. 所以想弄這個茶給她喝, 想問這茶是不是要連同搗碎的芝麻同喝? 松子和杞子較菊花後落? 可以經常連續數天喝嗎? 謝謝!
梁小卉:
你試用蓮子(連芯)1兩,百合1兩,燈芯草3錢,5碗水煮成2碗供囡囡服,有助清心經熱,減少哭鬧不安,可連服3劑.
芳姐，請問如何診斷寶寶（我囡囡10個多月）肝火旺呢？懇請給予指導，謝謝！
zslgjr:
中醫認為小兒[肝常有餘,脾常不足],即小兒容易肝火旺,如容易發脾氣,哭鬧不休,睡不安寧等;脾胃虛弱亦是小兒常見問題,這個日後再討論.
芳姐~~thanks~~
ok~~
昊朗:
建議你帶仔仔看醫生.
芳姐~~thanks~~~
仔仔之前有鼻塞, 而家開始有黃鼻涕, 有聲沙, 不過冇咳冇燒~~
昨天已經痾得一粒便便~~
今天好辛苦先可以痾到一粒~~~
佢而家有鼻塞, 可以飲 雞內金3錢,穀芽,麥芽各5錢,生薑3片煲瘦肉湯服 ?
芳姐~~thanks~~
仔仔如果佢o既便便量少, 同佢食入肚o既食物量唔食正比, 而且好臭~~
不過便便唔硬, 唔黑, 唔乾, 咁係咩原因 ?
holong_mama:
你試用雞內金3錢,穀芽,麥芽各5錢,生薑3片煲瘦肉湯服,能健脾消積.平時可以弄些芝麻糊,火龍果,木瓜給他服用,有潤腸通便作用.
芳姐~~thanks~~~
嗯嗯~~我仔仔真係過重~~3歲2個月~~22.2kg~~佢坐一陣叫腳痺~~而家都開始比少左野佢食~~
原本想每日比一餐奶仔仔飲~~不過睇西醫檢查體重及腳痺問題時~~醫生就話唔可以戒奶~~一日要飲2餐奶黎吸收鈣質~~~
腳痺問題~~除左過重~~會唔會係血液循環唔好 ? 有冇咩湯水o岩佢 ?~~不過仔仔每日都不停郁~無時停~照計血液循環應該係ok~~
唉~~公公果度真係搞唔掂~~唯有自己同婆婆煲多d同睇實多d~~~
昊朗ma:
飲食習慣一定由小時候培養好,否則大了很難改,不良的飲食習慣將來大個會衍生出很多疾病.故為仔仔健康着想,必須要和老人家耐心傾談,態度必須温和,千萬別令老人覺得你嫌他思想落後,用商量的形式,看能否改善?無論老人反應是否理想,都要表現尊重他們.不容易哩!
芳姐, 好你呀, 我囝囝3歲, 平時公公比好多零食熱氣垃圾食物佢食, 2歲半前便便不是太好, 經常便秘, 現在情況好好多, 不過仔仔每次便便都要魯好耐, 同埋一日冇便便, 第二日就去得好辛苦.
婆婆每日都比好多水亞仔飲, 不過佢條脷成日都好白, 有口氣, 易出汗, 成日大叫, 好易發忟, 包皮成日發炎(已睇小兒外科, 結構上冇問題), 成日話jj痛, 有咩湯水對佢有幫肋 ?
同埋, 亞仔都有一瞓著就出汗呢個問題, 抹左就冇, 呢個悄況要飲咩湯 ?
亞仔本身有鼻敏感, 我每日都有比麥蘆卡umf15+佢飲, 每日都有2杯鮮橙汁, 請問有d咩湯水可以增強抵抗力, 我見學校好多人咳好多人病, 好擔心, 因為仔一食西藥, d便便就好大獲.
星期ma:
首先你囝囝一定要戒吃熱氣零食,因為易致肥胖及便秘熱氣,體質變差,要和老人家慢慢商量,例如用生果或三文治之類代替零食.不同種類的生果最好,如火龍果,西梅,木瓜等最通便.或經常服番薯粥都能通便,又有益健康.脷苔白是脾胃有濕之象,可以用雲苓,白朮,扁豆衣各3錢,紅棗5粒,生薑3片煲水代茶飲,5碗水成2碗,連服幾天可改善.
虛汗可以用北茋3錢,浮小麥5錢,紅棗8粒,5碗水煮成2碗,能健脾益氣,止汗.此湯同時能增强體質.
最近還有口氣，又有什麼湯水適合呢
Cst:
你指你囝囝有口氣?多數是心胃火引起,除了蓮子燈芯草茶,亦可煲些大豆芽菜老豆腐瘦肉湯服.煲夠2小時就不寒涼,全家可飲.
小兒三歲，由小到大夜晚睡眠都不好，剛睡著易流汗，有時會大哭特別在晚間11-2點多。小兒性格亦較暴燥，有什麼湯水適合飲用，謝謝
Cst:
你囝囝睡時流汗,可用浮小麥5錢,黑豆1兩,南棗5粒,5碗水煮成2碗供服,有助止盜汗.很多小兒因為身體不太舒服,或肝火熾盛而會於晚上哭鬧,宜用蓮子(連芯)2湯匙,燈芯草3扎,3碗水煮成2碗,加少許蜜糖會好味些.連服數天.
芳姐你好！
小兒3歲半，由小到大都是很難入睡，而且早上5時多便起床，整天只睡9﹣10個多小時，所以很多時都是很累的樣子，應給他飲松子杞子芝麻菊花湯，還是應用燈芯草呢？早半年他成日咳，去看中醫，中醫都另加燈芯草給他，那時會睡好一點，但不知燈芯草是否可以長期飲用呢？
另外，小兒反覆病了整個冬天，咳了很久，轉熱後才好好多，但間中還有一點乾咳，應煲甚麼給他呢？醫生說可能是敏感咳。
謝謝！
Barbara:
令兒睡覺有9~10小時,應該足夠,如果睡眠質素欠佳,就會有神疲乏力等表現,可以用百合5錢,圓肉1湯匙煲水供飲,有助安眠.燈芯草是對心經有熱小兒有幫助.但不宜長期飲用.松子杞菊湯可以經常飲.敏感咳可以用北茋3錢,防風3錢,白朮3錢,南北杏5錢,紅棗6粒,5碗水煮成2碗供服,一星期服2次,有助預防傷風咳嗽.
松子,杞子,炒香芝麻(黑芝麻更佳)各1湯匙,菊花1小撮. 這個茶可否給18個月小朋友飲？ 因女兒晚上睡不好, 不能一覺睡天光, 半夜1點多經常會醒。
Isabelle Wong:
松子杞子芝麻菊花湯小朋友都可以飲.但小朋友有一段時間都會晚上扭計睡不好的.一般用燈芯草1錢,蓮子5錢,用4碗水煮成2碗供服適合些.
唔該晒芳姐^^
唔該晒芳姐,, 咁我聽日照買扁豆+綠豆煲畀阿仔食,, 另外呢個粥可唔可以加粒蜜棗一齊煲? 因為平時阿仔唔食粥,, 我唸甜甜地應該會容易入口,, 佢可能會以為係糖水,,
shirley:
可以加蜜棗同煮, 没問題.
芳姐︰唔好意思呀,, 啱啱同同事講開要買扁頭+綠豆煲粥,, 同事話鼻敏感嘅人唔可以食扁豆,, 而阿仔咁啱又有鼻敏感+氣管敏感,, 咁仲可唔可以煲畀佢食? 希望唔會煩到你,, 唔該晒,,
shirley:
我翻查多本食療書都没說過扁豆對鼻敏感人士不利.如果你担心的話,就改用生薏米1兩吧!生薏米都有袪濕功效,但不及扁豆健脾袪濕好了.
芳姐︰唔該晒
唔好意思呀,, 我講漏咗,, 其實小朋友係第一日淋巴發炎,, 第二日就開始發燒及有幾聲咳,, 燒咗幾日後就出疹,, 帶佢睇醫生證實出玫瑰疹,,
shirley:
通常出玫瑰疹都有你小朋友的症狀出現,只要紅疹消失就没事.扁豆綠豆粥可以加塊陳皮同煮,有助化痰.飲多些温開水,可以將痰排走.
小朋友出玫瑰疹外,, 仲有一兩聲咳,, 咳時有痰聲,, 通常訓醒及食完奶後就會咳一兩聲,, 叫佢吐出來,, 佢又唔識吐,, 咁仲可唔可以畀佢食呢個扁豆綠豆粥? 另外d痰可以點幫佢清咗佢?
朋友叫我煲竹蔗茅根畀小朋友飲,, 但唔知2歲小朋友飲唔飲得?
shirley:
竹蔗茅根水很平和,2歲小朋友可以服.有清臟腑熱及利尿之效.
芳姐︰我想請問,, 如果小朋友出玫瑰疹,, 我可以煲d咩畀佢飲吓,, 另外需唔需要煲d金銀花水畀佢沖涼?
訪客:
小朋友出玫瑰疹,如果没其它不適,可以煲些扁豆綠豆粥供服,有助快些康復.無需給金銀花水沖涼,如果有發燒,可用50%酒精成分的酒精沾藥棉揩抹.扁豆,綠豆各用1兩,浸2小時然後加白米煮成粥,隨量服用.要多注意家居清潔,小去人多空氣差的地方.每天飲多些温水.
芳姐:你好:我亞仔現在4歲每當秋天天氣幹燥皮膚就很飬,特別是臉孔請問有什麼方法,多謝.
Anyou:
你試用玉竹1兩,百合1兩,陳皮1塊,蘋果3個,蜜棗5粒煲瘦肉湯服.此湯全家可飲,對皮膚乾燥,口乾咽燥等很有幫助.用8碗水煮成4碗有左右即成.
Issac媽媽:
甘筍即紅蘿蔔.叫法不同而已.
甘筍和紅蘿蔔有什麼不一樣呢
芳姐, 我想問, 我囝囝7個半月大,
他睡覺時有兩聲咳, 我應該煲什麼湯水給他好呢???
謝謝
Issac 媽媽:
你試用紅蘿蔔1個切薄片,加紅棗6粒煲水供飲,可治小兒咳嗽.
芳姐,
我個囡2歲半, 早上起身後, 總是不想食早餐, 要起碼過左個半鍾左右先會想食, 究竟為何? 我記得我個仔細時都是這樣, 想問吓是不是身體有點毛病, 飲些咩湯會有改善呢? 謝謝!
YY:
你囡囡早上食慾欠佳,有可能是脾胃積滯,或脾胃虛弱引致.如屬脾胃積滯,可以用紅蘿蔔半個或1個,切薄片,用2碗水煮半小時,加入少許紅糖煮溶即可供飲,連飲數天可改善症狀.如屬脾胃虛弱,可用紅棗8粒,生薑2片,雞內金1錢,加瘦肉煲湯服.5碗水煮成2碗供服.兩款湯都可試試.
你好芳姐
唔好意思呀,請問你介紹(合桃, 陳皮,生薑,) 及 (紅羅白,紅棗) 都是可以止咳,請問2款分別是什麼呢?
真是唔好意呀,因亞仔都是有痰及咳 (因他日頭及晚上都是有咳) .
謝謝!
amy:
合桃陳皮生薑湯主要針對小兒腎虛咳嗽;紅蘿蔔紅棗是小兒久咳不愈.兩款湯都屬補益的湯水.因為小兒咳嗽多因肺,脾,腎弱引致.
謝謝 芳姐!
amy:
歡迎瀏覽!
你好芳姐
唔好意思 請問小朋友這段時間可以飲羅漢果嗎(因之前你說不應飲虎靈芝)
謝謝!
amy:
小朋友可以飲羅羅果湯的.有痰有咳就可以飲.
amy:
不加陳皮,加個杮餅味道會好些少.
但小朋友唔飲陳皮,可以更為其他嗎.
唔好意思!
謝謝!
請問你介紹這湯”蟬退,雞內金各2錢,蜜棗3粒煲” 有咳可以飲嗎?
或是可以在加些什麼呀. 另請問是否在藥房買到這些呀.
謝謝!
amy:
可以在蟬退,雞內金湯料中加些陳皮(1錢),白果5粒,南北杏1兩.有止咳功效.
David:
你吃的糖水都有利尿功效,應該不會引起小便疼痛的.要留意前列腺問題及腎結石問題.如果情況没改善建議去醫生處作檢查.病向淺中醫,快些找到原因快些治好.
芳姐好~ 有事請教！曾經有两次分別吃過薏仁粉及腐竹白果糖水，小便不暢及小疼，是太寒涼嗎？另餐後更容易作小疼要上厠所、可有食療解困呢？感謝先!!
你好芳姐
請問小朋友剛3歲,這個月內己看3次醫生,搞到個人好”燥” ,晚上成日都起身哭,又咳, 請問可以煲什麼湯給他飲.(我己有煲海底椰,川貝粉,虎靈芝 湯, 羅漢水, 給他飲過都不可以)
謝謝!
amy:
你家小朋友煩燥易哭鬧,暫時不要用靈芝湯,可以試用蟬退,雞內金各2錢,蜜棗3粒煲湯服,或煲粥都可以.能清心熱,平肝火.
芳姐, 您好!
請問寒咳無痰只係晚上咳醒, 是否都係飲龍利葉羅漢果水?
訪客:
晚上屬寒咳可以用橘紅1兩,片糖適量用4碗水煮成2碗供服.能止寒咳.
請問芳姐有什麼食療是對腦有幫助的? 我43歲，發覺已不能溫書，腦不能集中. 但返工的工作是沒有問題的. 不知是不是人老就是這樣.但我還想繼續讀書呀.
Rach:
你指的是記憶力不好是不是?有時候要兼顧的事太多或雜念太多都會影響温書,日常可以多吃些如核桃肉,松子仁,花生等含磷脂豐富的果仁,或用核桃肉1兩,花生1兩,金針菇1扎煲大魚頭湯服,對改善腦力很有益處.或泡些花旗參圓肉茶飲都有幫助.