By 芳姐 ( 12 1 月, 2011 at 8:24 上午)
· Filed under 家常湯餸／雜病
有時經過一些車仔麵檔,很回味那些韭菜豬紅蘿蔔,魚蛋,豬皮等小時候喜歡吃的街邊小食,但有次早上經過,無意中見到檔主拿起一小桶豬油傾倒入湯中,頓時警剔起來,都是少食為妙,以免吃多了膽固醇超標!
自己炮製雖然花點時間,但好味又有益,久不久煮一餐也無所謂.其中湯底最為重要,必須用豬骨及香料熬湯,煮出來的小食才美味.
用料是: 豬骨半斤,草果,八角,桂皮,香葉等香料適量,生薑3片,乾葱3粒,豬紅兩大塊,魚蛋1包,白蘿蔔半個,韭菜2兩,鹹酸菜2湯匙,紅辣椒1隻,調味及料酒適量.
做法: 先將豬骨出水,與香料,生薑,乾葱同熬成濃湯,去渣留汁;蘿蔔去皮,切塊後出水;鹹酸菜浸半小時,切絲;豬紅切片或切小塊;韭菜洗淨,切段;辣椒去核,切塊;先將蘿蔔煮15分鐘,加入魚蛋,豬紅,辣椒,用慢火煮滾,再放入鹹酸菜,試味後加料酒及調味,埋一薄芡,投入韭菜,略煮片刻即可上碟.
~ 小貼士: 由於鹹酸菜的鹹味各有不同,投入鹹酸菜煮片刻後才放調味較為妥當.煮豬紅時要校細火煮,豬紅才不會老.
Permalink
芳姐,
請問怎樣發魚翅?它對身體有益效嗎?
秀:
魚翅滋陰補腎,有養顏功效.買回來用清水浸一晚,第二天洗至没有幼沙,煮滾水,放入生薑及葱2條,將魚翅投入,煮約15分鐘,熄火焗2小時就成.魚翅本身没有什麼味,必須用上湯煨煮.我習慣用上湯清燉3小時至夠腍滑.上桌前配上湯,雞絲,花膠絲等材料煮片刻才供食,一來不用與湯渣混合,二來可隨意加減配料,埋芡煮碗仔翅又得.不妨試試.
哇.我好中意食這些了.每次去食潮州菜一定要猪紅九菜.因為果D汁好好味.想自己煮又不會調成那些汁…
angel:
湯料中加了香辛料來煲,就有菜館煮豬紅韭菜的的味道.
芳姐:
我呢處既豬紅,有分生同熟賣既,但無論點煮都係又實,又”鞋”,d熟豬紅祇浸在熱粥內都係又實,又”鞋”,一入到你處,見到你碗韭菜豬紅,口水流呀^^
好好:
生的豬紅如果用慢火浸熟,應該不會又實又[鞋],可能外國製豬紅的方法不同吧!
芳姐,
聽說花椒八角可以防感冒, 真的嗎? 一屋人有2個病了, 非常頭痕不知煮咩食好, 天氣又凍, 煮粥又驚唔多夠飽, 有人話吃粥會咳多些. 咁, 不如整個花椒八角老水中翼. 不知得無, 會否加深感冒. 真好煩的呢! 有咩好提議呀? 唔該哂!!!!!!!!!!!!!!!!!!!!!!
粉C:
花椒八角有暖胃袪濕及有防流感作用,可以用來滷食物吃,或像我介紹的湯餸般放些少,很好味的.患傷風,感冒暫時不宜滷雞翼,太肥膩.
不妨用薑汁燉水蛋,豆豉青紅椒炒肉片或魚片都很適合感冒時候食用.