By 芳姐 ( 28 10 月, 2011 at 7:54 上午)
· Filed under 小兒常見病
近日手足口病又肆虐,家中有小朋友的,又多了一重擔憂.此病專襲擊5歲以內的小朋友,患兒通常會有發燒,流涕,食慾不振,手足和口腔出現疱疹,嚴重者會併發心肌炎,腦炎,癱瘓等.
家中如有就讀幼兒班,幼稚園小兒者,這段時間不妨多煲些袪濕湯水,例如用赤小豆,綠豆,薏米煲豬展湯;或用豆腐,合掌瓜煲生魚湯服都有益處.如果小兒平素體虛,易受感染者,可以用金銀花,綿茵陳等煲冬瓜湯以加强防禦.此湯能清熱解毒,涼血清心,健脾袪濕.隔三幾天飲一次,對預防手足口病很有幫助.
用料是: 金銀花,綿茵陳,木棉花各3錢,燈芯花2錢,扁豆1兩,冬瓜半斤.
做法: 將冬瓜洗淨,切塊.其餘材料浸洗.將全部材料用5碗水煮約個半小時成2碗即可供飲.
小貼士: 此湯藥味不重,可以加3粒蜜棗同煮,會好味些.
Permalink
囡兒有濕疹鼻敏感 可飲此湯嗎？ 還有一歲仔仔 可飲此湯嗎？
紫恩媽媽:
囡囡有濕疹可飲此湯.鼻敏感加6朵辛夷花同煮.仔仔一歲太細個盡量少用中藥材.
謝謝🙏🏻
芳姐你好，我個女23個月中左手足口前日問左發高燒可煲咩比佢飲，咁我想如果佢開始唔係咁食到野可煲咩比佢食？唔該晒🙏🏻🙏🏻
Akita:
你可以將綠豆,赤小豆,薏米糖水打成糊狀,加魚膠粉製成果凍供食,因為囡囡口腔痛吃不下東西,果凍涼涼的容易入口.
請問一下芳姐，4歲小朋友有淡黃色鼻水，痰，可以煲什麼湯水?謝謝
另外痰濕體質可以煲什麼湯水?謝謝
你好芳姐，我個女中左手足口但不停地高燒，可煲咩湯水比佢飲？
Akita:
手足口病發高燒可以滾些豆腐合掌瓜瘦肉湯供服;或用薏米1兩,蘆根5錢,生石膏5錢,雪梨1個,去核煲水供服,5碗水煮成2碗,連服3劑.要多休息多飲水.
佢未夠2歲份量都係咁多？係味呀？唔該晒🙏🏻
芳姐你好，我個女吃很多食物，但個人都係很瘦。是否個人吸收唔好，有什麼湯水可幫助她。謝謝
paul:
你試用淮山4片,雞內金2錢,山楂2錢,紅棗6粒煲瘦肉湯供服,煲粥更佳,一星期2劑,有助健脾胃,助吸收,消積滯.
請問芳姐還有甚麼湯水煲
Kitty:
可以用赤小豆,扁豆,薏米各1兩,節瓜1個煲瘦肉湯供服,亦有助舒緩.
你好芳姐，我囡囡現有手足口病早期，有什麼湯可要煲
kitty:
你可用合掌瓜2個,煲湯豆腐2磚,扁豆1兩煲瘦肉湯,全家可飲,對手足口病初期有幫助.
唔放扁豆得唔得
kitty:
可以不放扁豆.
請問囡囡4歲半多, 現有手足口病; 可以煲這款湯嘛?
Prislai:
你可以用綠豆,扁豆,赤小豆各1兩,陳皮1塊,冰糖適量,6碗水煮1小時,待涼供囡囡服,連服3劑,有助舒緩.如果將材料煮至爛,待涼製成果凍供食,囡囡會容易食用.
芳姐:
我小朋友有蠶豆症，不能用金銀花，可以用什麼代替?
Lydia
Lydia:
你可以用菊花代替金銀花.
Kma:
你可以用綠豆,赤小豆,薏米各1兩,加冰糖煮糖粥供囡囡服,又好味,又有預防手足口病作用.預防猩紅熱可用蘆根5錢,雪梨1個,蓮藕1段,馬蹄6粒,麥冬3錢,5碗水煮成2碗服,一星期2次.但最重要是教小朋友勤洗手,少去人多空氣差的地方,有發燒不退即看醫生.
芳姐… 我煲過3次上述涼茶比我2歲半的囡囡飲. 已經食左面包先比佢飲. 但隔半個鐘仍然會嘔返晒出黎. 想問有冇一些可以預防口足手/猩紅熱湯水或糖水? 謝謝您~!
謝謝芳姐!
mickey:
可以加塊陳皮.
芳姐,如果怕寒是否加兩塊陳皮就可以丫,謝謝!
Mickey:
你可以用綠豆,赤小豆,薏米各1兩煲湯,有助小朋友預防手足口病.另外用合掌瓜2個,煲湯豆腐2磚煲鯇魚尾湯都有幫助.全家可飲.
芳姐,我搵到個網頁,但已經停止服務,叫薏米赤綠豆湯,但我睇唔番入面D內容,麻煩芳姐你
芳姐,你好,之前你寫過預防手足口湯水,但我唔係好記得係咪用綠豆,生薏米,紅豆,陳皮煲湯,仲有無其他材料,謝謝
芳姐，如果小朋友有G6PD缺乏，吾用得金银花应该用咩药材代替？
豆豆:
G6PD缺乏症患兒不能用金銀花,如果是手足口病吧?用赤小豆,薏米,糖冬瓜各1兩煲粥服就成.
芳姐:
多謝你！我家小朋友有什麼病或平日不知道煲什麼湯水我都會進來參考參考！多謝你無私的付出！
Rain:
歡迎常來瀏覽!
芳姐:
你好、想問這湯可否加瘦肉同煲？另外想問平時可以煲什麼湯比小孩去腸熱、因為我聽其他人說小孩經常飲奶粉會腸熱、我有2個仔、一個歲半、另一個2歲半！
Rain:
這湯可加瘦肉同煮.平時可煲些節瓜黃豆豆腐瘦肉湯;豆腐鮮魚湯等,有助清熱潤腸.幾好味的,小朋友應該喜歡飲.
芳姐，
你好。小孫女22個月大，大便常時結實，大便時常困難及便後帶血(可能令肛門損了)，經常給她飲用加入蘋果煲的清潤湯水，但沒大改變，另外氣管容易敏感鼻水倒流以致咳嗽，請芳姐指導如何用食療改善。 感謝幫忙
珍婆婆:
你可以經常煲些番薯粥供外孫女服,或去超巿買美國出的西梅乾,每天吃4粒,然後飲水,有助排便暢通.必須給她多飲水,才能助排便及將痰排走.氣管敏感可以用紅棗4粒,南棗2粒,蜜棗1粒,加辛夷花6朵,拍碎,3碗水煮15分鐘供服,有助收鼻水,防敏感咳.
芳姐:
你好，女兒四歲，前天開始發燒，醫生說是手足口病，她每日有兩次39.4度的高燒，用西藥後都維持於38度，口腔手腳紅紅，但未見有疹，喉嚨很痛，沒有胃口。
家中還有長者及15個月的仔仔。
請問有那些食療適合病中的女兒? 那些食療適合給成人、長者及15個月仔仔食用?
唔該晒芳姐
Ｃａｒｏｌ：
你可以用合掌瓜２個，硬豆腐２磚，瘦肉半斤，６～７碗水煮成４～５碗，合全家飲用，有清熱除煩等功效．囡囡可以一天分服２碗．你可以煲金銀花水，取汁加囡囡喜歡的啫喱粉造成凍啫喱供囡囡食，口腔痛吃了會舒服點．金銀花用５錢，４碗水煮１０分鐘，取汁用就成．有助加快康復．
如果我煲竹庶馬蹄甘荀涼茶，可否冶到喉嚨痛嗎?但會不會容易再發燒(翻發)，thx
栩潼:
竹蔗馬蹄甘筍可加生薏米1兩煲水供服都有幫助.
本人女兒3歲，剛確診手足囗病，已退燒，不過轉喉嚨痛，可以㷛甚麼令喉嚨吾痛？麻煩曬！！
栩潼:
你可用赤小豆,薏米,綠豆各1兩,冰糖適量煮成甜粥供服,有助清餘毒.喉嚨痛可用胖大海3粒,金銀花1湯匙泡茶供飲,有助消炎止痛.
謝謝芳姐!
芳姐:
我的女儿8岁,天天早起鼻塞塞(7点多起),約9点就没了,不知是什麼原因,有什麼食療可醫好嗎,另我的女儿(8岁)儿子(3岁)包括我口腔內(舌頭,嘴唇內)都易長痱子,有什么办法根治嗎?麻煩芳姐了.
Vivian:
你女兒可能有些鼻敏感,可用辛夷花6朵泡茶飲.口生痱滋,可用大豆芽菜半斤,老豆腐2磚,蠔鼓2兩,生薑2片煲老火湯服,此湯全家可飲,對心、胃火盛者有幫助.
請問芳姐，這個湯一周喝幾次才能達到好的預防功效？需要放姜嗎？哈哈，我是個心急媽媽。又占用了芳姐時間啦。
zs0760:
此湯一星期2次,可以放2片生薑.不過都要教小朋友拿食物之前必須洗手,注意個人衛生呀!
請問芳姐，這個湯一周喝幾次才能達到好的預防功效？哈哈，我是個心急媽媽。謝謝芳姐。