By 芳姐 ( 5 3 月, 2010 at 8:16 下午)
· Filed under 肝胆，腎，腸胃病
大多數蔬菜是寒涼的居多,但芥菜屬温性的,功能温中利氣,宣肺豁痰,解表利尿,治寒飲內盛,胸膈滿悶,咳嗽痰多.如因寒痰凝聚心前區疼痛脹悶,可以用大芥菜煲粥來作調理.
[蒜茸豆豉燘大芥菜]是味家常小菜,頗為惹味,趁大芥菜當造,買些來燘煮,對胃寒,風寒咳嗽者都適合.
用料是: 大芥菜1棵,皇帝骨6兩,蒜茸,豆豉,薑茸及調味適量.
做法: 大芥菜洗淨,切塊;皇帝骨切小塊,用醃料略醃;燒熱油,爆香蒜茸,薑茸,豆豉,放入排骨炒香,再放入大芥菜,加入少量清水及調味,燘煮15分鐘左右即可上碟.
小貼士: 風寒咳嗽,可以用芥菜滾生薑肉片湯服,能疏風散寒,宣肺止咳.
Permalink
Ra:
芥菜是温性的,因為芥菜種子白芥子辛温,入中藥,芥菜没理由寒涼吧!
芥菜湯,白菜乾湯,紫菜湯小兒都可以適量服月,没問題.苜菜,小棠菜,波菜,娃娃菜都適合小兒吃,因為最重要是營養均衡,不怕寒涼與温熱的.其中以深綠色葉蔬菜營養價值高些.
芳姐,
其實我成日有個問題, 好多人都話芥菜唔單止係涼, 仲係寒tim, 但你所講芥菜性溫, 究竟邊個先0岩呢?
仲有, 如果我煲芥菜乾豬展湯, 白菜乾豬展湯, 同紫菜肉片湯, 可唔可以俾阿b飲架 (16個月大), 怕唔怕太涼?
有邊0的正氣既蔬菜適合阿b食架? 莧菜, 小棠菜, 波菜, 娃娃菜, 呢0的怕唔怕涼架? thx