By 芳姐 ( 12 10 月, 2012 at 7:28 上午)
· Filed under 外感/頭痛/呼吸道病
菜檔或山草藥檔間中會有一新鮮野葛菜賣,老人家如患氣管炎,或成年人捱夜多,少運動,骨火腰背痛,都可用野葛菜煲老火湯作調理.
[野葛菜紅蘿蔔瘦肉湯]功能健胃化痰,袪風散寒,去骨火.對氣管炎及感冒咳嗽很有幫助.
用料是: 野葛菜半斤,紅蘿蔔1個,蜜棗2枚,瘦肉6兩.
做法: 野葛菜去根洗淨,切段;紅蘿蔔去皮,切塊;瘦肉切片出水;將全部材料放入煲內,用8碗水煮約2小時成4碗即可供飲.
~ 小貼士: 此湯味道清甜可口,老幼合飲,最適合寒冷乾燥天氣,就算體質稍差者亦可飲用.
Permalink
您好,芳姐:
請問這個一歲多寶寶可以喝嗎?謝謝
nicoleieong:
1歲BB飲小半碗就成,因屬野菜,故BB腸胃要適應.
KIKO:
常捱夜,可以多用雪耳煲湯,例如用沙參,玉竹,麥冬,雪耳,杏仁,無花果煲瘦肉湯;或用雪耳杏仁煲木瓜糖水亦佳.用量隨意.
想問成日捱夜既男人飲咩湯水好呀?
佢吾飲羅漢果水,吾頂得嗰種味嘅,有冇其他藥方呀?
MANDY:
可用牛蒡乾3錢,加蜜糖泡茶供服,有利咽作用.另外可用青蘿蔔1個,南北杏1兩,無花果5粒煲瘦肉湯服,都有助防喉炎,一星期2次.
芳姐你好,我小朋友3歲半,一直身體都好差,扁頭腺大,自返學到現在一個月最少感冒一次,喉嚨發炎,跟住又氣管敏感或發炎,又咳,今次食咗5日抗生素未見好,應該食的乜好?平時應食的乜來預防?佢應該係燥底。而我都經常喉嚨痕痛,跟住就感冒,燥底,身體差但不受補嗰只,平時應該食咩嚟改善?M量越來越少。謝謝!
MANDY:
扁桃腺炎,可用牛蒡乾1湯匙,羅漢果1/4個泡茶供服,隔日1次,有助防病.
AKI:
西洋菜清肺熱,和野葛菜潤肺,清骨火功效不同.但氣管問題則可以改用西洋菜.
冇野葛菜可否西洋菜代替