By 芳姐 ( 7 9 月, 2018 at 11:51 上午)
· Filed under 內分泌疾病/造血系統疾病, 婦科病／產前，產後／不孕
多囊卵巢綜合症是18~44歲婦女最常見的內分泌疾病，症狀包括月經不規律、閉經、月經量過多、多毛症、粉刺、盆腔疼痛及難以受孕等。中醫認為此症可能與腎的先天不足，脾胃後天運化失調，以及肝氣鬱有關。
多囊卵巢綜合症飲食調理至為重要，辛辣刺激食物，過於寒涼及生冷食物盡量少食，多用一些有助健脾胃、補腎氣的食材作調理。纖維質豐富的穀物、豆類及新鮮蔬果日常可以多食用。
今天推介這款「黨參茯苓瘦肉湯」功能健脾益氣、利水滲濕。當中茯苓對卵巢多囊症患者尤其有益。
用料是：黨參5錢，茯苓5錢，生薑3片，紅棗6粒，瘦肉4兩。
做法：黨參、茯苓浸洗；紅棗去核；瘦肉切片後出水；全部材料用5碗水煮1小時即可供服。一星期2~3劑。
~ 小貼士：此湯對氣虛、水腫患者亦適合，如患者容易上火，黨參可改用淮山1兩，另外5錢百合。但服此補氣湯不宜飲太濃的茶及吃白蘿蔔，以免減低療效。
小啓：蘋果日報「果籽版」近日有秋季湯水刋登，有興趣的朋友可以登入果籽網頁收看。
Permalink
芳姐 你好呀。我都有多囊症問題 無間斷咁睇左2年中醫想生bb 但未見成效。
經期唔識自動黎。 每個月都無排卵。
中醫見我每個月無準時咁黎到經。就幫我催經。但催都唔係定時咁催到黎經 平均一個月或二個女咁黎。
有咩方法改善到我可以每個月都有卵排？
。中醫話我躁火 我見話可以淮山代替黨參
想問。乾定新鮮淮山箱岩？。
加埋海參一齊燉更易助孕嗎？
Chan:
乾或鮮淮山都適合,乾淮山可買定隨時用較方便,可用淮山,百合,茯苓各1兩,南棗5粒燉海參瘦肉湯,一星期2劑,有助孕作用,要服兩、三個月才見效.
有無話要燉幾耐 幾碗水。同埋南棗洗唔洗去核 謝謝
Chan:
我平時燉2小時已足夠,當然淮山,茯苓等最好先浸1小時才用.南棗不用去核.3碗水燉.
燉左出黎。果湯咁粉既 正常嗎 同埋好苦
Chan:
照理湯不會苦的呀,有點粉就正常.因為淮山,茯苓都味甘淡的,黨參味甘甜,江南出產的百合可能會有些少苦,你試減少百合份量,用5錢,茯苓都用5錢試試.
芳姐你好 想問下我平時月經都唔準時 今次仲遲左2個月 個肚仲漲左甘耐 大便成日便秘 手腳冰冷 成日都好攰 唔知係咪因為甘情緒成日都穩定 睇西醫話我可能有多囊性卵巢 請問有咩可以改善到嗎 唔該你
Tracylaw:
如果是卵巢多囊症最好看中醫治理.可以用百合1兩,茯苓1兩,陳皮1個,5碗水煮成2碗服,一星期2~3劑,會有幫助.
好的 感謝你
芳姐，你好！ 我食素的，如果煲這個黨參伏苓湯，不用豬肉，可以用什麼代替？ 謝謝！
Katie:
可以配鮮淮山代替瘦肉,薯仔都得.
芳姐，
請問茯苓和茯神可不可以互相替換？它們有很大不同嗎？多謝芳姐！
申小姐:
茯神其實是茯苓菌中間心部分,有利水及安神作用.茯苓利水滲濕功效較佳而已,可以互相替換.
芳姐，謝謝您的回覆！妳對食材的知識真是很廣博！
芳姐妳好，
請問如果用南棗代替紅棗來煲這個茯苓黨参湯可以嗎？ 謝謝芳姐！
申小姐:
可以改用南棗更有益,紅棗就好味些.
謝謝芳姐！
芳姐，您好，我的朋友開放二胎，希望生多一個BB，因相隔10多年再怀孕，試過怀孕2次，都是胎兒心脏停，在第二次胎停，做了检查，查了孕激素低，其他血液對比都是正常，請問我朋友(她)該怎樣調理身體，吾該晒！芳姐
訪客:
孕激素低,可以多飲黑豆漿,紅菜頭汁,紅石榴汁,各種堅果,豆類食物.花膠,海參可一星期服1~2次,乳鴿湯亦可以煲來飲.建議你買我最新一本《調理好體質 ~ 想要懷孕,就從吃對食物開始》,這本著作特別為不孕不育的男女,設計數十款美味食譜,用的都是天然食物,在三聯,商務印等各大書店有售.不妨買本送給對方.
吾該晒！芳姐，很感謝你😚
芳姐，我想問下我係海味鋪買茯苓，佢俾左芸苓粒，是否一樣?
cathy:
茯苓,粒狀,卷狀都一樣的.
芳姐，
請問懷孕婦人，可否飲用南北杏煲湯？
Roberta:
南北杏湯孕婦可服.
芳姐，你好，請問懷孕22週可以飲咩湯可以去濕呀？ 謝謝!
Wingo:
你可以煲些雲苓,白朮,扁豆衣水飲,各用3錢,加蜜棗1粒同煮好味些.連服3劑.
芳姐，
有無中醫介紹專門睇婦科（經期）？
點解留唔到言？
Bobby:
你可以用fong.healthy.food@gmail.com來作查詢推介婦科中醫,版面就看不到.
明白。我再經嗰邊電郵卑你。唔該哂
芳姐：
你好。我有數粒卵巢水瘤和子宮肌瘤，月尾將會做微創手術割除。請問有什麼湯水適合手術後飲用？另外，這些瘤返發機會很大，可否介紹湯水（中醫話我是血虛加氣虛）。
謝謝。
Cher:
氣血虛弱手術後可以用八珍湯燉雞或豬展食用.八珍主要由4款補氣的[四君子湯]和4款補血的[四物湯]組成,再加些生薑,紅棗燉半隻土雞服,天涼服食最好,燉2小時,一星期2劑.你去中藥店買八珍湯料,買回後1劑分2次用就成.中藥店會執給你的.另外可以去三聯書局買我本《養護好體質—手術前後自療》一書作參考,一定揀到合適你的湯方.
芳姐，
我有呢個卵巢囊症，想要改善身體，唔知月經期間可以飲這一款湯嗎？
或者月經期間可以吃一些什麼補品嗎？
非常感謝您！
Angela
Angela:
月經期間都可以飲這款湯.或用紅豆,花生各1兩,杞子3錢,紅棗6粒煲糖水飲亦佳.
多謝解答=)
芳姐:
本人身體非常差，有頸椎炎，醫生要開刀，但有風險，可能不能行路。
還有全身都是骨刺，脊椎側彎，骨質疏鬆，現在腰至大腿，膝蓋都覺麻痺，行路非常痛。
有一個5cm卵巢水囊，由2012年到現在，不斷增大，本人已六十歲。請問芳姐可否介紹湯水。
訪客:
你試用茯苓5錢,白朮3錢,生薏米1兩,生薑4,5片,骨碎補5錢,紅糖適量,5碗水煮成2碗,連服3劑,如有改善,一星期3劑.
芳坥 我17週懷孕 可能食錯野 有肚痛同去大 呢兩日好左啲 不過一食完野就痛又要去 雖然比之前正常 有咩湯水可煲 我已經胃口一向唔多好 thank you
心急人:
你可用蒜子6~7粒,生薑3~4片,紅糖少許,3碗水煮成1碗服,有助殺菌.之後用炒扁豆1兩,芡實1兩,淮山1兩,陳皮1個,紅棗5粒煲瘦肉湯服,有助健脾益胃.
芳姐！原來我係食物中毒，而家要食抗生素☹️ 食完一個療程，我可以煲啲咩湯補下胎？
心急人:
食物中毒可以用蒜子6~7粒滾莧菜瘦肉湯飲,有助殺菌排毒.之後滾些合掌瓜豆腐鮮魚湯能補充胎兒營養.
芳姐，請問這是一人份量嗎？
靜:
用作治療是一人份量.
芳姐，
如果服食了三年避孕丸，令到月經短很快完，首天量多但第二日已很少，經期準，已停服大半年，想懷孕，本身寒底，適合飲這湯水嗎？
謝謝
Lok:
你可以飲此湯,如果加1~2條海參同燉有助孕功效.海參不含膽固醇,能補腎陰及腎陽,男如可食.
謝謝芳姐，請問你曾介紹的益母草和雞血藤湯水都適合我飲嗎？ 另外聽過八珍湯是否都可以飲用呢？謝謝你
Lok:
你可以飲益母草和雞血藤湯水,一星期1~2次.八珍湯天冷適合飲.
謝謝芳姐，不好意思想多問一個問題，請問紅/藍棗桂圓杞子茶適合我飲用嗎，謝謝你。
Lok:
你可以飲這類養顏補血茶,但圓肉較温燥,放少些.
芳姐，請問此湯是否一人份量?另外，我下巴常長血倉，有什麼食療可幫助?謝謝
儀:
這是1人份量.下巴長暗瘡,試用生地1兩,綠豆1兩,紅棗6粒煲乳鴿湯服,一星期2劑,至症狀好為止.此湯不寒不燥.
芳姐，請問此湯是否一人份量?另外，我下巴常長血倉，有什麼食療可幫助?謝謝
請問芳姐為何茯神對多囊証特別有益
訪客:
由於多囊症多由與脾胃失調,水濕內停,痰飲積聚有關,而茯苓可以利水,又可以行濕以袪痰,為利水道之要藥,故對多囊症會有裨益.
芳姐奇實多囊性是否水泡多過12粒便証實,初期是甚樣,今天飲此湯是否長期飲,因以後不在港怎辦
訪客:
多囊症你作婦科檢查才可知道,無關多少粒事,只要是卵巢異常便可能屬此症.
芳姐，
小女今年17歲，來經已5年多，但每月經期不準，來經帶啡，看中醫說血氣不足，請問能否提供一些食療，湯水或可多吃那些食物可以幫助養血？
謝謝
楊太
楊太:
你可以用益母草5錢,小米2兩,紅棗6粒,紅糖適量煲粥供你囡囡服,益母草可先用水煮20分鐘,取汁煲小米紅棗粥,能補血調經.一星期2劑,來經停服,服兩個月,看能否改善?來經時可以用紅豆,杞子,紅棗,花生各適量煲糖水供女兒食用,有補血作用,一星期2次.
膝蓋做了換軟骨手術後的兩三天，應煲甚麼湯？過了三天，應煲別的湯嗎？
judy:
你可用香茅6支,切薄片,青蘋果2個,去核,切薄片,生薑3~4片,冰糖少許,4碗水煮20分鐘服,連服3劑,有助舒筋通絡.
芳姐，
今早吃了鮮奶麥皮香蕉後，
肚子十分谷脹痛，不知是否
食物相衝，想問可以吃些甚麼好。
麻煩妳，謝謝.
心:
如果你本身有乳糖不耐症,飲鮮奶容易胃氣脹或肚瀉,如加香蕉,可能症狀更嚴重,故不建議用香蕉.
芳姐，
謝謝妳愛心的回覆
今早到今仍然好谷脹痛，可以吃甚麼減去這痛。再3麻煩。感謝妳
心:
如胃氣脹得緊要,試用砂仁3錢,香附3錢,陳皮1個,紅棗4粒,4碗水煮成2碗服,砂仁打碎後下.連服2劑.
芳姐：您好、請問以上湯、如容易上火、黨參可否改太子參、再加百合和懷山呢？謝謝！
Karen:
可以改用太子參,加百合及淮山.
芳姐,
我咀唇生左一大粒血瘡, 而家可以點做? 買唇瘡膏搽可以嗎? 有咩可以飲? 謝謝!
訪客:
可以去西藥房買德國唇瘡膏作外塗.可能是感染單純性疱疹,少吃煎炸辛辣食物,兩三天可痊癒.如果感染這種病毒,免疫力一下降即再發病.所以飲食宜清淡.
芳姐：
孕17週，請問花膠配什麼材料煲湯好呢？
佳佳:
花膠可配淮山,杞子,竹絲雞,生薑,紅棗燉湯,滋補五臟.
芳姐你好，我这2天喉咙痛，現在喉咙比较不痛但很癢很不舒服，又好像有点感冒了，可以喝点什么改善？谢谢！
May:
你試用金羅漢果1/4個,菊花1小撮泡茶服.
好的.谢谢.
老师 患者是易上火的体质能常饮这个汤吗?
訪客:
如患者易上火,黨參改用淮山1兩,另加百合5錢,就很不錯了.或者我在文章中加入給網友多了解.