By 芳姐 ( 24 5 月, 2019 at 3:53 下午)
· Filed under 外感/頭痛/呼吸道病
白芍是白花芍藥的根，由於味道苦酸，故我平時較少用來煲湯，其實白芍的功效非常之好，具有補血柔肝、平肝止痛、歛陰止汗、美容護膚等功效，如皮膚乾燥有黃褐班及色素沉澱都可以用；對女性月經不調、經行腹痛，肝胃不和引致的胸脅脹痛，自汗、盜汗、膽囊炎、膽結石疼痛，以及四肢痙攣等都很有幫助。
對鼻敏感人士，不妨試用這味「白芍桂枝薑棗茶」，服用一段時間可大大減少發病。
用料是：白芍5錢，桂枝3錢，生薑3~4片，紅棗6粒。
做法：白芍、桂枝浸洗；紅棗去核；全部材料用5碗水煮45分鐘成2碗即成，一天分服。一星期2~3劑。
~ 小貼士：此茶對感冒菌入腸胃、泄瀉均有幫助，加2錢炙甘草同煮療效更佳，對睡時腿動不安症都有幫助。但孕婦不宜服。
Permalink
紅棗會否燥，用南棗可以嗎？
BJ:
南棗滋補有益,可以用.我較喜歡紅棗的味道而已.
小朋友3歲，每朝都打乞痴，有小小透明鼻水，飲呢個有冇用？要飲幾多次？thanks
Yvonne:
你可簡單的用辛夷花6朵剪開泡茶供小朋友服,可加蜜糖,連服3~4劑.
泡幾耐？係咪每日一次，連續三、四日？
甘之後要吾要間中飲下？
Yvonne:
辛夷花為玉蘭花的花蕾,能令鼻黏膜收緊,減少鼻水流出,防鼻敏感.可以間中沖服,泡5分鐘可飲.
可一日分服or一次飲哂一杯？
Yvonne:
可以先飲1杯,再熱水沖泡第2杯供服.即6朵辛夷花可番沖,1日飲2杯.
芳姐，你好,已經飲左4日好轉好多，停左一日，第二即刻嚴重返，係咪繼續飲，日日飲會吾會太多。
芳姐，你好,已經飲左4日好轉好多，停左一日，第二即刻嚴重返，係咪繼續飲，日日飲會吾會太多。
Yvonne:
可以連服1星期.如體質弱,可用辛夷花茶加1茶匙[玉屏風散]顆粒沖劑調勻服,玉屏風散在裕華或農本方有售,主要是預防傷風,感冒及增强體質.
芳姐你好，
小朋友飲辛夷花一段時間，雖然未完全好，但已經有改善，不過呢幾晚，訓訓下會突然鼻塞之後喊醒，請問可以食咩改善下
Yvonne:
可以繼續飲多3劑,睡前用棉紙巾剪成條狀,扭緊後,沾淡鹽水替小朋友通鼻管,通了才睡可減少鼻塞不通.
請問可否一次過煲多啲分幾日飲
Jess:
這款茶可以煲3天的量,每次最好温熱服.
謝謝🙏🏻芳姐
芳姐，
無炙甘草，得普通嘅甘草，得唔得？🤔 同埋如果此茶當經後調理子宮可以嗎？☺️
Bobby:
炙甘草補中益氣,甘草補氣,調和藥性,都可以用普通甘草,經後飲用可以,一星期2劑.
芳姐，
小女3歲，因近日天氣熱，睡覺溫度不合，工人姐姐照顧不周，小女一直睡，他卻讓出了2小時汗，只出就抹，不開冷氣。之後幾晚開冷氣睡，卻有少少鼻塞，睡不好，但沒有大礙。但四天後的今晨起床，即有痰黏喉，未是咳，但多痰，仍有鼻塞，但不多鼻水。舌較厚白，滑。吾似真病，但吾知有無焗親，定鼻敏感，因出過太多汗。現可煲咩化痰，通鼻塞？謝謝教導。
芳姐，今天原來見小女鼻塞，出來的是黃鼻涕！
芳姐請問鮮淮山可否㷛湯,因我不知用乾貨好些
Ada:
圖中的是白芍,不是淮山.一般煲湯用乾品淮山,或鮮品都有健脾益胃功效.