鼻敏感調理—北茋花果辛夷花瘦肉湯
如果每天起床時或天氣變化時會有鼻子癢、打噴嚏、鼻涕多、鼻塞的情況，就要留意是否患上鼻敏感，過敏性鼻炎了。
不少自外國回港的親友都談及回港不久就出現打噴嚔、流鼻涕及眼睛痕癢等過敏症狀，尤其是花開花落季節更為明顯，問我可以用什麼食療作改善?
中藥辛夷花是一味治療鼻炎的好材料，如果加些能益氣固表、健脾補虛及有抗菌功效的北茋，以及有健脾潤腸、抗炎等作用的無花果同煮湯，對體虛容易鼻敏感人士十分有益。
用料是：北茋5錢，無花果4枚，辛夷花3錢，瘦肉半斤。
做法：北茋、辛夷花分別沖洗；無花果剖開對半；瘦肉切厚片後出水；先將北茋、無花果、瘦肉用6~7碗水煮40分鐘，加入辛夷花，再煮10分鐘成3碗即可供服。
~ 小貼士：辛夷花是玉蘭花的花蕾，有發散風寒及通鼻竅的功效，本質性温，主要治療感受風寒引起的鼻炎鼻敏感，如果是風熱感冒引起起的鼻炎症狀，配金銀花、菊花泡茶飲更為合適，但孕婦不宜服。
芳姐
你好 女兒5歲半 10月開始幾乎每日早上起身都會打噴嚏 流清鼻水 係出街外就好好多 食收鼻水藥唔見有效 晚上有時會鼻塞 間中又會話眼痕 揉眼睛 請問是否鼻敏感症狀 可否飲此湯 或者有無其他食療 方法可以幫助舒緩 謝謝！
Joyce:
你囡囡體質較弱才會過敏,可以買[玉屏風散]顆粒沖劑,加8朵辛夷花同沖泡,可加蜜糖,每日1劑,至症狀好為止.玉屏風散主要是三味中藥,即北茋,防風,白朮,製成顆粒沖服較吸收.圖中這款湯亦適合.
你好 玉屏風靚係邊度買㗎？
訪客:
玉屏風散在裕華,農本方均有售,較貴,如去西營盤皇后大道西一帶中藥店買平很多,你自己考慮才買.
芳姐好呀!
我女兒今年35岁了
有鼻敏感，夜晚佢睡覺時用口唞氣
很辛苦，夜晚要飲水先會好些，请問芳姐煲咩湯調理吓呢😘🙏
Yan:
你女兒可用辛夷花,蒼耳子各3錢,3碗水煮成1碗服,每日1劑,有助改善鼻敏感,先試服一星期,如見效,停3天再服1療程..
谢谢芳姐回覆了
辛苦了芳姐👍😘
芳姐呀!亞女咁樣是什麽原因，是不是慢性鼻炎呢😘
yan:
你女兒應該是鼻敏感,如鼻涕黃綠色才是發炎.
谢谢芳姐
有了芳姐真是好
辛苦了😘👎
芳姐，你好，太太鼻水倒流導致晚上無法睡覺，看過耳鼻喉科，服過西藥，停藥再出現鼻水倒流情況，現在主要每天喝中藥控制，感覺情況較好，但仍有反覆，她喉嚨內常會弄出一些白色，質地較硬的痰，想看看有沒有甚麼家常湯水可煲，作為食療輔助，謝謝。
JACKY:
你可用青蘿蔔1個,茯苓5錢,南北杏1兩,無花果3枚煲瘦肉湯供服,全家可飲,有清熱解毒,利咽化痰之效.平時可以用辛夷花8朵泡茶服,可加蜜糖,能改善鼻水倒流.
芳姐你好，小朋友三歲鼻塞，今朝開始咳，感覺似鼻涕倒流造成的咳，請問可以飲這個湯嗎？還是煲什麼會比較好？謝謝
Koey:
你先煲這款湯連服3劑,有助改善小朋友鼻水倒流.
芳姐你好，我買左農本方的玉屏風散，但係顆粒的，小朋友9歲，應該咩份量？一星期飲3次？ 謝謝！
tt:
有附送白色膠匙的是不是?一湯匙5克,你用5克一次温水送服就成,一星期3次.
係5克一匙的，謝謝你！
另外我想問，小兒5歲，由細到大D便便比較硬身，大舊，亦曾經試過便秘。而家佢1-2日一次便便，但都係硬身及一舊舊，請問可以點解決？試過搵到中醫治療，但都無效。謝謝你🙏
tt:
可能你仔仔平時飲水不夠及吃粗纖維食物不足引致便便硬.可以多吃些青綠色蔬菜和火龍果,無花果一類通便食物.乳酪可以每天吃一些,亦有助通便.必要時每天吃一粒[蘋果果膠丸]都有幫助.
請問蘋果果膠丸可以係邊度買？其實
平時小朋友飲水及食青菜情況還可以的，可以有咩食療或湯水改善便便情況？謝謝！
tt:
蘋果果膠丸我女兒買給我的，除了潤腸外，尚有助安眠。你可上網找找。用霸王花甘筍無花果煲排骨湯,有助通便.
芳姐,你好!
仔仔8歲,感冒成個月後繼續食西藥D咳仲係未斷尾,日中咳聲有痰,早上鼻涕有少黃色,請問可以煲啲咩飲 謝謝芳姐！
Pan:
你可用鮮龍脷葉1兩,金羅漢果半個,蘋果2個,去核,南北杏1兩煲瘦肉湯,煲夠1小時,全家可飲,有助清肺熱,袪痰止咳.連服3劑.
謝謝芳姐
芳姐 你好，想請教如果我前2天吹冷氣後受了風寒，有鼻痕，流鼻水，有時鼻塞鼻脹住脹住，喉嚨好乾，有時也好痕，但無痰無咳無發燒，可以煲你圖中的湯嗎？
另外我先生昨天也話喉嚨好乾，佢間中有咳，有少少鼻水，我仔仔今早也開始鼻痕，常常捽鼻，間中少少鼻水，請問可以一起飲你圖中的湯嗎？ 或者有無其它湯水適合可煲俾佢地？ 謝謝你
殷媽:
你可煲點中這款湯,咽喉乾可加3錢玉竹及5錢麥冬同煮.
芳姐 您好，小兒20個月，自今年1月頭開始一路咳同流鼻水 打乞嗤，情況反覆，之前一直食西藥都唔得，而家睇緊中醫同埋我現煲辛夷花 白芷 防風 黨參湯俾小朋友飲 情況有好轉，半夜冇咳，但小兒一起床同樣會一連乾咳好多下，飲啖水就冇事，請教可以飲些什麼嗎？謝謝您
Jessica:
小兒可飲此湯,但份量減半.
你好芳姐：我女8歲，早排因為鼻敏感而家都鼻竇炎⋯⋯食咗一排抗生素⋯⋯現在鼻敏感都係好嚴重⋯⋯請問可以煲啲咩俾佢飲？同埋要飲幾耐？謝謝🙏🏻
Ling:
你可以去裕華或農本方買[玉屏風散]沖劑,每次給囡囡沖服時加8朵剪開的辛夷花同泡,可加少許蜜糖好味些,一星期3~4劑,服一個月,有助增强體質,防傷風感冒及鼻敏感.
謝謝芳姐🙏🏻
芳姐，你好！
小朋友病完後持續只係朝早仲有啲啲鼻涕鼻水，然後日頭就有啲鼻癢，睇過中醫都唔係好清到，我唸係有啲鼻敏感，鼻敏感應該煲啲咩好？同埋煲啲咩可以增強抵抗力？唔該哂
Bi:
你可用虎乳靈芝5錢,雪耳2錢,南北杏1兩,紅棗6粒,生薑2片煲鵪鶉湯供小朋友服,有助强肺氣,改善肺弱各種不適.鼻水多可以用8朵辛夷花泡茶供服,可調入少許蜜糖.
請問用鵪鶉好定鷓鴣好？ 同埋有冇話可以飲幾耐？ 如果鼻敏感時，辛夷花可以每天用嗎？謝謝芳姨
Bi:
鵪鶉和鷓鴣一樣滋補五臟,都可用.鼻敏感發作時可每日飲辛夷花茶的.
請問如沒有鼻敏感的小童也能喝此湯？
Joyce:
此湯到底有藥材,没鼻敏感就不要用了.
如果有好轉可否繼續長期食用？
朱:
如見好轉,可以一星期1~2次作煲健用.
辛夷花可以給五，六歳小朋友長期服用的嗎？如果用來泡水加蜜糖可以嗎？一星期要服用多少次？謝謝芳姐
芳姐：BB 17個月，一直有睇西醫，病完一直有鼻水同咳嗽未清，前二日睇埋中醫，醫生話佢無病，只是鼻敏感同氣管比較敏感，因脾虛肺弱所致。燉完洋蔥水未見好轉，而家只是流鼻水嚴重，日間偶爾有幾聲咳嗽，睡覺就無大問題，請問有冇咩湯水可以止鼻水，流得好嚴重。謝謝。
Daisy:
你可以用6朵辛夷花剪開入茶包袋,粥仔煲好時放入茶包袋,煮7分鐘左右將辛夷花茶包袋拿走,餵BB食粥,連用3天,有助收鼻水.粥仔照常放BB喜歡的粥料就成.
謝謝芳姐👍😁
辛夷花可以給五，六歳小朋友長期服用的嗎？如果用來泡水加蜜糖可以嗎？一星期要服用多少次？謝謝芳姐
朱朱:
小朋友可以隔日服一劑辛夷花蜜茶,服兩星期,如果效果不顯要看醫生.
芳姐：BB 16個月大，病左2星期期，睇左西醫，係咁流鼻水，夜晚咳嗽，請問適合飲這個湯水嗎？
Daisy:
你可以用1個洋葱去衣切片,放碗中,隔水大火蒸半小時,用湯匙壓榨洋葱汁供BB服,大約2~3湯匙左右,連服3劑,有助止咳.
好的，唔該晒芳姐😊
芳姐請問你我小朋友8歲，每朝早同埋夜晚瞓覺都會係咁打乞嗤，流鼻涕索鼻…
鼻敏感，同埋黑眼圈已經好大…
辛夷花可唔可以當茶咁俾佢飲？同埋佢成日面青青
Venus:
你可以去裕華或農本方買[玉屏風散]顆料沖劑,每次沖服時加8朵辛夷花同沖泡,有助改善鼻敏感及增强體質.可加少許蜜糖,好味些.先連服3劑,如見效,一星期2~3劑,至症狀好為止.
麻煩晒芳姐
芳姐，你好
小朋友8歲，有鼻涕及鼻塞，已睇西醫。
請問這個湯可否作為輔助湯水嗎？
May:
可以煲此湯,服西藥後2小時飲.
請問這湯2歲bb可飲嗎？流鼻涕已經一個星期了，食了收鼻水藥都沒有效，非常多鼻涕
訪客:
2歲BB可以一天分服1碗,連服2天,如有改善,停1天再服2劑.
芳姐，補充上，家母昨天仍有快測，都是陰性的。
芳姐你好。家母上星期有鼻塞，乞痴，喉嚨有點不舒服，快測過幾次是陰性的
我煲了羅漢果、萍果、雪梨、陳皮茶，但忘記睇火，煲了三小時。未知是否煲過火不合適，她飲完後，未有好傳，反增加多喉嚨乸乸地、有幾聲咳和手心有熱。快測是陰性。沒有吃任何藥物，焗了陳皮絞股藍茶，飲了三天，因她有脂肪肝和晚上睡不好，每天只睡三小時。
她昨天沒有覺得手心熱，其他症狀仍有，多了非常口乾口苦。芳姐可否建議煲什麼湯水或涼茶適合家母呢？
訪客:
你試用玉竹,麥冬各3錢,百合1兩,雪梨1個,去核,5碗水煮成2碗服,連服2劑,看能否改善?
芳姐，你好，我女兒11歲中新冠已經6個月，到現時依然有時有痰，請問可以煲些什麼給她調理，謝謝
Angela:
可以用金羅漢果半個,雪梨乾~7片,6~7碗水煮半小時成4碗,全家可飲,囡囡可一天分服2碗,有助清肺熱化痰.
芳姐，本人早上均覺鼻有痰塞感覺，聲音沙啞，
可否飲辛夷花茶或煲甚湯水適合呢
AC:
可用辛夷花3錢,剪開泡茶服,一星期3~4劑,服2星期,看能否改善?辛夷花即玉潤花花蕾,能收緊鼻黏膜,滅少鼻塞及流鼻水.
你好，請問5歲小朋友流鼻涕，有黃涕，夜晚瞓覺時會鼻塞，我可以用辛夷花焗乜飲？ 屋企有金羅漢果 ，金銀花，胎菊。
如果加上咳，又可以點焗？謝謝
AC:
可用辛夷花,金羅漢果,胎菊各適量加一塊陳皮同泡茶飲,有助清熱化痰止咳.